蘇媽.蘇媽馬來西亞美食店 (已結業)

在豐盛的下午茶後晚餐想吃輕食這裡有細碗啱曬✨湯咖哩 滲滲麵 ($25)✨湯咖哩就是喇沙 濃厚的椰奶配上鮮味湯底 濃郁呷香辣油浮面卻沒有辣感 香口不嗆比外頭許多地方更出色滲滲麵是油麵混米粉馬來西亞地道配搭油麵帶韌勁不過腍 米粉彈牙不粉 配料有雞肉 豆卜 薯仔等 每樣一件但款式很多！雞肉大粒但乾身 豆卜皮乾但吸汁一流 薯仔粉腍整體味道惹味 大碗抵食 環境簡陋但餐具 紙巾一應俱全性價比高 外賣仲好 下次絕對要食椰漿飯！

後巷掛著的大橫額吸引了注意，找到這家馬來西亞小食店。夏天來臨，下午陽光尤其猛烈。為了一試新開的平價馬來西亞街頭小食，不顧汗流浹背的後果，在後巷裡找個位子坐了下來。太陽曬不到，加上噴水的大風扇不斷吹，未算太熱。有五款店長推介的主食，有麵有飯。咖喱有馬拉咖喱、香咖喱和湯咖喱，有小食，也可配飯，湯咖喱則配麵／米粉／老鼠粉。飲品除了汽水和烏龍茶，較特別的有冬瓜龍眼水、桔仔話梅水等。點好菜後，可以透過座位前的玻璃窗，看著整個出菜的過程。小店面積有限，好處是餐牌的選擇不多，食物全都預先準備好，放在保溫容器裡。只見店員拿起紙碗，逐一放入材料，三兩下手腳便併出一碗碗的食物，看似簡單，像小時候玩線上遊戲。不消數分鐘，店員從窗口把食物送到面前。香咖喱魚旦有炸魚片、炸魚蛋和白魚蛋。個人喜歡煙韌的魚蛋，口感較實在。這三款雖軟但夠彈。青色的香咖喱，跟泰式青咖喱不同，沒有濃重的椰漿味，稀稀的，辣得過癮，又辣得清新。夠辣的同時，不會搶去魚蛋的鮮味。每款有三粒，底部更有兩細條茄子。茄子都要浸油才惹味，可是這個有點過火，油得完全蓋過茄子本來的味。特色馬拉椰漿飯椰漿飯，參巴醬，咖喱雞，青瓜，花生，乾魚仔，薯仔，蛋別看紙碗

今日趕時間，自己一個人打算簡簡單單吃個撈麵作罷，誰知附近的店都滿座了。見到這店外面竟然有位，一於試試吧！一心想食撈麵，就點了巴剎雲吞撈麵 (大，$35)。本來想加$10試試特飲，可是餐牌上寫的四款只剩下一款，所以沒有要了。坐了一會姐姐便把我點的撈麵從小窗口遞出來。看樣子份量也不錯，有5-6粒雲吞，是豬肉饀的，味道不錯。撈麵的黑豉油，蔥及芽菜等配料都在表面，要拌勻的確有點難度。麵質的話算是彈牙，而且醬汁不會太多，味道亦適中。只是少了一點馬來西亞特色，個人認為多加一點配料會更好！不過，我倒是挺喜歡他們辣醬，我加了兩小匙味道已經夠嗆！很好！總括來說撈麵的味道是不錯，大碗的麵吃完了還是挺飽的！小店的店員有禮，服務不錯，應該多多支持。有機會真要試試特色一點的椰漿飯~ 

四月頭去完沙巴後，對當地特式食物念念不忘。恰巧見到巷仔有間開左無幾耐特式小店。叫左青咖哩魚旦$12，魚旦味道特別，但魚旦本身質太稔身，底部附送茄子！但茄子唔稔，咬落有泡水甘，相信係用熱水恰左先，識煮飯ge 人都應該知茄子唔恰得ga ma 青咖哩椰漿飯 就幾好味，雞肉都夠入味 話梅桔仔冰味道係同沙巴飲到係一樣ga! 總括而言呢個價錢算係不錯了

在深水埗上班，吃到不知吃什麼才好，其實看到這家新開的蘇媽一直都想要一試，可是就是最後都買了另一些東西吃，同事剛好問我試了這家沒？好吧反正我也是買回公司吃，便點了招牌老鼠粉.大的價錢$27，外賣加$1.因為本人愛吃辣要求了店員給我一試辣粉，這樣吃上去感覺更開胃吧！有一些肉碎和好像一片片的臘腸在內，不同的是這些好像臘腸的東西多一份油香，令向來不愛好吃臘肉類的我也可以咬下去.而老鼠粉其實是銀針粉，混上了一些甜醬油別看好像份量很少，吃著吃著原來也吃不完，吃剩了3份1當下午茶吃光.下次來試試他們的椰漿飯和咖哩麵吧！

實在很久沒吃過「馬來椰漿飯」了，風聞深水埗桂林街最近開了一間味道正宗地道的馬來西亞小吃美食店，價錢經濟，又好味道，便找了一天特地去試試。這小店位於桂林街人流較少，靠近嘉頓麵包的一段，店子小小，不少客人都是來買外賣拿走的，不過店子的一邊有一個可供客人擺放食物坐在高櫈上吃的地方，而且在店子旁邊的小巷子裡也開有三數張桌子，讓客人可以坐在那兒吃東西。坐在巷子裡面吃東西，久不久便會有人推著木頭車經過，小巷雖不算骯髒，也有些雜物擺放在巷子兩邊，環境算不得好，不過一抬頭便可見到大大塊高高掛在巷子中的店子食品介紹的橫幅，這店子有甚麼吃，一看便知，都算方便。店子的店長推介，有名字有趣，音譯得十分抵食的「辣死你媽」Nasi Lemak，名字直截了當的「特色馬拉椰漿飯」和名字特別的「招牌老鼠粉」三樣，三款推介食品都有標準和大兩種份量。此外，還有數款咖喱小食、三款不同的咖喱和多款飲品。第一次到來，不想「辣死你媽」，又不想食「老鼠粉」，就叫來標準裝的「特色馬拉椰漿飯」（$25）試試。這以發泡膠兜裝著的椰漿飯，當然不會怎麼大兜，不過也不算太細兜，而且裡面藏著的材料可真不少，既有椰漿飯，也有咖喱雞，又有參巴醬。此外

好多人講e間好食就試下味道一般試了香咖哩,即青咖哩我叫的是香咖哩雞油麵 25抵食,但肉得兩舊雞不過雞肉味道一般味道又甜又咸咁,正常麵好食過雞間野都算衛生下次或者試埋其他不過咖哩雞真係一般,連鎖快餐店的咖哩較好食

香港地，要找好食物，新食物完全無難度，但要維持一間獨立小店，難過登天。作為深水埗的居民，見證好多店鋪不夠三個月就倒閉，內心有點難受。是夜再次幫趁新開了一個月的蘇媽，就有感一定要寫下支持小店的食評！小店非常focused, 只幫幾款key items，我試過魚旦，咖哩麵，其中最喜歡是老鼠粉，面頭的腸仔好特別，應該是外地進口的，香港的小吃很難找到這個味道！細碗廿十元，份量非常足夠，當吃晚飯都夠飽！另也，試了馬拉咖哩雞，$15有三大塊雞，黃咖哩一有小小辣，整體味道很好，可以在家煮個飯就可以當餸了！店員很友善，應該是家庭經營的！這小店很用心，如果在宣傳上再下一成，如在地鐵站門放banner, 應該可以吸引更多去黃金買野的人吧！希望小店能繼續經營，加油！

深水埗是個小吃天堂。坐落在黃金商場街角的馬來小吃店給我驚喜吃得太快，沒有把小吃拍下來，但實在想用文字把美味記下來，希望小店可以做得更好。我點的是特色辣死你媽。飯充滿斑蘭香。小魚是自己炸的，咸鮮香脆，沒有被參巴醬蓋過。加上薯仔和咖哩雞，25元，一般女生分量剛剛好，實在回味無窮老公點了湯咖哩麵～滲滲。店員從窗口端來熱呼的湯面，湯頭香濃無味精，但不失馬來香料味。超值我們倆看了看，還點了魚蛋，12蚊，青咖哩味，有白色魚蛋也有炸魚蛋，配上魚片。香噴噴意猶未盡，老公再多點了一份辣死你媽。老闆還貼心地加了魚仔。好開心。最後還有薄荷糖劈除辣味口氣，真細心。下次來深水埗一定再來

上次豬小姐好匆忙咁係蘇媽食左碗老鼠粉醫肚 發現幾得喎 今日就拉埋豬先生尼番尋味！我地叫左招牌老鼠粉同湯咖哩(有大同標準兩個size) 我地兩碗都係叫大size 食滿$30仲會送$12小食一碟 只要蘇媽Facebook就ok啦 我地食左$62 所以有咖哩魚蛋同咖哩雞翼尖食香咖哩魚蛋用嘅係偏甜嘅青咖哩 有炸魚蛋 白魚蛋同魚片各兩件 質感軟腍腍 幾索咖哩味 不過魚蛋應該係要彈牙先好食馬拉咖哩翼尖用嘅咖哩比較濃味 辣油好多 但只係少少辣 雞翼尖已經煮到好腍身 好易咬 有成十幾隻 慢慢食 幾過癮湯咖哩裏面有雞肉 豆角 豆卜 芽菜同酸柑(即青檸) 我發現仲有薯仔粒 麵底我揀左油麵 幾滑身 不過索湯程度好誇張 食到尾啲湯無哂咁制 咖哩湯底濃稠 有微微椰香同辣香但唔夠咸 浪費左個湯底 配料份量正常 每款一兩舊 水準一般嘅麵食老鼠粉唔好睇佢黑媽媽樣衰衰咁 唔好睇但好食！ 老鼠粉其實姐係銀針粉 材料有豬肉碎 豬肉腸 蔥粒 重點尼啦「黑醬油」！佢絕對係成個粉嘅精髓 我覺得似係甜甜地惹味版生抽哈哈 店員細心提示我地要撈勻左先食 因為醬汁係哂底 老鼠粉加埋炒香左嘅豬肉碎 一啖入口 口感豐富又香口 對比起傳統嘅

星期日, 我諗著去行下深水埗, 個度有好多小食店 , 系深水埗原來開左間馬拉小食店, 行到過去已經聞到好香的咖喱味, 我問老細有咩好介紹, 佢就介紹左辣死你嗎同老鼠粉比我, 老鼠粉食落好香豉油味，D咪仲特別加左小許糊椒粉,好野味 , 每樣食物都只系20-35元好底食 , 買辣死你嗎, 老鼠粉同咖喱麵，再送左個魚旦小食比我 , 都只系用左65元, 要再黎食過 .

It was a surprise to find the place. My friend and I were planning to eat the 大排檔 restaurant next to this place, but I've heard of this place and always wanted to give it a try. It's a small store by an alley, with just 3-4 tables. It was the large poster that caught out attention, so it's not hard to miss this place. Food arrived after 5 minutes, and the aroma is captivating. Food presentation is not too bad too. Most food item come in 2 sizes, usually $30 for big and $25 for small, very very a

男朋友鍾意食馬拉野 所以聽朋友介紹去試下食新開既蘇媽 青咖哩魚蛋我超鍾意個咖哩汁！個咖哩汁辣得黎又好香耶奶味加上香料既味道 混埋一切好正食完魚蛋之後都飲哂d咖哩汁魚蛋係白魚蛋 爽口好食 同咖哩汁好夾 辣死你媽 上層係森巴醬 中層係咖哩雞 最下係椰漿飯椰漿飯好香口 少少甜 不過飯身太軟森巴醬好野味又辣又香口 所以野撈埋一齊食好正 食唔停口好辣又野味 食到我出哂汗 老鼠粉 我超鍾意食依個 因為個黑醬油汁好正成個老鼠粉係甜甜的 配料有豬肉碎 炸魚仔 同腸仔個炸魚仔好脆好好食 見到老板好新鮮咁炸緊豬肉碎好香口 咸咸地 好入咪成個粉由黑醬油combine 埋一齊真係好正小店座位唔多 環境都唔算好不過勝在食物好食又抵食 服務都好親切

昨晚去深水埗買嘢，行行下，意外見到有間新開賣*馬拉野*，行過去試食咗粒魚蛋，好味，望下餐牌，價錢好大眾化，就係尼粒魚蛋吸引咗我!!魚蛋夠彈，啲咖哩汁唔係一味辣，仲有好香嘅椰味，仲有我唔識形容嘅香料味初嘗馬來真味，推介招牌老鼠粉！價錢合理，味道合港人口味！行經黃金必試

試咗個老鼠粉，即係銀針粉，本來唔抱期望，因為向來對銀針粉無乜特別喜好，㸃知食落有驚喜，豬肉碎炒得香，D油滲咗入去D粉到，再加埋D黑醬油，味道同豬油捞飯有得揮 最特別係，老闆起D粉上面落咗D胡椒粉，成碗粉即刻有甜有咸又有少少辣，味道好突出，真係好食，會再去幫襯