蘇杭冰室

營業中

休息中

行過旺角見到冰室竟然有pancake食，鐘意食pancake既我就入去試試🫣🫣叫左個晚餐A蘇杭鐵板雜扒配洋蔥燒汁餐湯係粟米忌廉湯，正正常常個餐包d牛油小到好似冇咁🤢$108黎講質素有d差，牛扒豬扒都好乾👎而且仲有啲韌。另外叫左個咖喱吉列魚柳飯，個咖哩食落有d酸酸既味道，好奇怪🤢點解普通既咖喱都可以煮得咁差👎👎魚柳就同平時茶記早餐d魚柳差唔多，都係普普通通！食完兩個咁差既主食之後已經對呢個pancake冇乜期望，叫左個原味蜂蜜梳乎厘班戟，食落都有蛋香味，都唔錯既，質地有d似海綿蛋糕。冰室黎講味道真係麻麻，店員服務就幾好幾有禮貌既。

見到呢間食評唔錯就試下，下午茶炒野種類唔多，就選左個醬燒鰻魚炒飯+凍奶茶。凍奶茶先來正常發揮，之後過左5分鐘炒飯上枱，一來睇個樣就覺得麻麻地，起初鰻魚炒飯預佢係切粒炒，原來一塊上，但果一塊鰻魚得個掌心咁大仲要勁薄又淋，整個飯得幾粒粟米，個汁又甜，咁樣收58蚊，個飯食淨左一半無食，完全唔掂

［旺角］蘇杭冰室蔥花滑蛋飯三拼食剩指數:0/100三拼係牛肉、蝦仁、叉燒平時食滑蛋飯只可以配一款呢度如果你夠貪心嘅話可以叫晒三款半熟蛋口感幾滑溜叉燒唔會好乾柴牛肉都有調味唔會好韌蝦仁都好彈牙.意大利蕃茄汁海蝦意粉食剩指數:10/100蕃茄汁用咗乾身蕃茄仔去做味道酸酸地幾開胃意粉質感幾唔錯唔會太漲太淋蝦都幾多隻幾有蝦味.原味蜂蜜疏乎厘班戟食剩指數:5/100當然呢度嘅班戟唔會去到日本甜品店嘅質素但係以冰室來講可以食到鬆軟嘅疏乎厘pancake味道亦都唔錯嘅話呢度已經算超值班戟係幾鬆軟有蛋香.鮮果法式焦糖燉蛋食剩指數:5/100焦糖燉蛋幾滑唔算太甜仲有隻焦糖蕉又脆又甜.飲品方面除咗奶茶咖啡呢啲港式基本嘅嘢之外佢仲有一啲特飲.葡萄西柚烏龍茶食剩指數:0/100比起一般嘅台式飲品店絕對唔會比下去果肉好多茶味都出

酸辣八爪魚卷米線 (48hkd)叫咗小辣，唔好睇佢個樣平平無奇，又無紅卜卜/浮哂面嘅辣椒🌶️，其實都真係有啲辣🥵食完都有少少滴汗🥵酸味好突出，仲有好多蓮藕豆卜酸菜做配料，中意酸辣嘅朋友可以一試😍奇味雞煲煲仔麵 (75hkd)網上好多人推薦，果然真係冇介紹錯，煲仔一上台就炸一聲，保溫效果好ok，食到尾都仲熱嘅，雞🐓件份量都幾多，大大嚿，完全唔鞋口，爆炒蔥薑蒜嘅味好香，個芡汁好出色，有濃湯撈麵嘅效果，推👍🏻軟殼蟹忌廉汁天使麵 (78hkd)少有地有膏嘅軟殼蟹，所以唔會淨係得油炸嘅肥膩感，天使麵比較幼身嘅關係更加掛汁，所以啖啖都好creamy🥰黃金咸蛋雞翼(48hkd)有4隻，即叫即炸，上枱熱辣辣，一筷子篤落去有少少雞油冒出黎，咸蛋黃醬好邪惡，完全包裹住雞翼，咸香咸香好正😍宇治抹茶🍵梳乎厘班戟(88hkd)抹茶醬偏甜，旁邊個牛奶cream好好食😍梳乎厘做到少少半生熟嘅質感，又估佢唔到茶餐廳可以做到呢個水準😳蘇杭滿滿水菓茶 (38hkd)有好多唔同嘅水果，唔會過甜，消暑解渴，再大杯啲就好啦😍奇異果烏龍茶 (32hkd)奇異果🥝本人都唔酸，茶🍵味突出，解膩#foodiblum港式

早兩日同囡囡去旺角行街睇戲🥰睇完佢話好肚餓，見附近有冰室就入咗見到個脆豬仔包佢即刻心心眼😍諗都唔諗就決定咗食茶餐個豬仔包真係好脆除咗個脆豬唔錯之外，我見個炒蛋都好靚，佢都食晒🤨👍不過個櫻花蝦意粉，佢就話有少少辣，所以食唔晒（我食落就唔覺得辣，不過佢係小朋友…）因為佢獨霸左一個茶餐，所以我都自己享受酸菜魚米線😋平平哋又可以一個人食都唔錯😚魚塊都唔少，微辣都好正！✅呢度仲有檸樂煲薑🤩真係必飲‼️ #正到癲 佢話好好食，所以要喺門口影相，同埋叫我share🤣#食物種類勁多 #坐得好舒服#環境乾淨冷氣夠涼#香港冰室 #香港美食 #香港好去處 #冰室 #旺角美食 #旺角美食

今日黎到旺角試下呢間冰室忌廉湯配牛油餐包忌廉湯濃郁滑順，搭配上鮮美的貝類，讓人無法停箸。而牛油餐包鬆軟可口，微微的烤香味搭配忌廉湯一同品嚐，口感豐富，令人再三回味叉燒蝦仁滑蛋飯這道菜令人驚艷，叉燒香甜滋味，蝦仁鮮嫩纖維，滑蛋的口感綿密絲滑，與飯粒緊密結合，每一口都散發出濃郁的美味。特別是叉燒，烹煮得恰到好處，外皮微焦，內裡則保持著豐富的肉汁，搭配上蝦仁的鮮美和滑蛋的細膩，每一口都讓人回味無窮紐西蘭肉眼牛扒牛扒的烹調技巧令人讚嘆，保持了肉質的嫩滑和多汁，而且肉眼牛扒的口感豐富，牛肉的香味和獨特的醬汁完美地融合在一起。每一口都能嚐到牛肉的滋味，醬汁帶來的鹹香更是增添了幾分風味瑞士汁雞翼雞翼烹煮得恰到好處，肉質嫩滑，瑞士汁的甜酸適中，為雞翼增添了豐富的風味。每一口都能感受到雞翼和瑞士汁的完美交融，令人回味無窮

去咗旺角嘅冰室食好豐富嘅晚餐，呢間冰室度幾受歡迎，幾乎坐滿客人！嘢飲跟食物嗌咗兩杯特飲，每杯加$20，都算抵，我嗌咗水果茶同埋斑蘭紅豆冰，水果茶好多生果，斑斕紅豆冰嘅椰汁味好香，味道特別！小食嗌咗海蜇青瓜同埋墨魚丸，海蜇有少少麻辣味，青瓜係醃酸咗，好惹味，墨魚丸有啲芥末醬，賣相有啲似章魚小丸子！煮食嗌咗滑蛋三併飯同埋雞煲煲仔麵，嗰三併飯可以試晒叉燒、牛肉同埋蝦仁，個煲仔麵好特別，撈左啲雞煲汁特別好食！估唔到冰室都有咁精緻嘅甜品，達到Cafe女級數，帶咗個疏乎厘班戟同埋窩夫，個疏乎厘班戟好多人嗌，軟棉棉好好食！

好吾掂系open rice旺角搵茶餐廳，哩間真系幾多好評，眯去睇下，點吾掂？- 位置系鼓油街尾，彌敦道行去都幾耐，但價錢一D 吾便宜。- 檯距好窄，瘦人側身都難過2人搭檯- 服務- 夥計數量一定吾夠，吾系執檯無人，叫野食無人，聽到甩單不計其數。- 冷氣吾夠- 最重要系食物味道質量都吾掂。香煎雞趴義大利粉餐（$55）1分- 雞趴系幾厚，但好重雪櫃味，又鞋又實，煎得又太燶。- 義大利粉過曬火，又漲又”淋”-火腿炒蛋- 火腿無乜煎過- 滑蛋一D 都吾滑-蒜蓉多士OK香煎豬扒飯配炒蛋（$58）2分- 豬扒又乾又鞋又實- 雞蛋吾滑，失敗- 飯好硬又吾夠鼓油。

可能係最高質嘅茶餐廳😍｜📍蘇杭冰室♡炭烤紐西蘭肉眼牛扒伴忌廉薯蓉配洋蔥燒♡｜💰$138餐點已經包咗是日餐湯，同埋客人可以選配飯🍚/意粉🍝/薯條🍟）成碟牛扒嘅擺盤都好靚💓牛扒仲有網烤紋路🥹打卡更加靚靚🧏🏻‍♀️牛扒揀咗5成熟切開肉質粉嫩好靚好吸引❤️‍🔥食落一啲都唔柴好嫩唔會有咬唔爛嘅筋位，牛香味濃配埋燒汁味道都好夾❤️‍🔥估唔到呢個價位可以食到呢個水準嘅牛扒🫶🏻配菜方面：薯蓉口感好滑食落忌廉味偏重，個賣相好得意😂我一開頭仲以為係牛油嚟😂蕃茄仔都有4~5粒，每一粒咬落都會爆汁熱辣辣🔥粟米🌽食落香甜✨薯條係薯肉飽滿偏軟身嘅款式，好有薯仔香🫶🏻牛扒上面片菇配埋汁食甜得嚟又爽口💓好食！♡是日餐湯+餐包♡｜💰跟餐奉送今日嘅餐湯係南瓜湯，質感偏濃稠💛飲落南瓜香氣都好濃郁，餐包暖身已經夾咗牛油喺麵包入面口感軟綿，就咁食同浸湯食都唔錯💛♡奇味雞煲煲仔麵♡｜💰$75💓呢個真係超級熱辣辣，店員會攞大碟+防滑墊去盛住煲仔麵同埋會親自幫客人揭蓋，以防客人燙傷🥰相當細心，雞煲入面嘅雞件食落無雪藏味好滑嫩，麵底係公仔麵🤪配埋佢雞煲嘅辣汁又熱又辣食得好過癮😆另外仲有西芹、三色椒、洋蔥同豆卜索埋辣汁一齊食個味道直接昇華咗😆

🥢 今次大大力推介旺角鬧市中一間人情味爆登而且餐單選擇超級多元化而且有新意嘅冰室！裏面所有服務員姐姐都超級好態度，超級好服務！而且好難得喺冰室見到餐牌竟然有甜品好似窩夫同埋梳乎厘班戟，絕對係又平又靚又正！ ⏳ 上菜速度: 🐄🐄🐄🐄🐄 ✨ 蔥花滑蛋三拼飯 $65個滑蛋好出色，三拼配料好足，有蝦仁叉燒滑牛！揾食指數: 🐄🐄🐄🐄 ✨ 奇味雞煲煲仔麵 $75用瓦煲裝上，公仔麵吸曬汁嘅精華，雞件都入味揾食指數: 🐄🐄🐄🐄🐄 ✨ 阿根廷穀飼肉眼牛扒 $248牛扒粉嫩超級多汁，入口慢慢油脂香，幾有水準揾食指數: 🐄🐄🐄🐄 ✨ 蘇杭滿滿水果茶 跟餐+$20茶裏面水果都好鮮甜，調味恰到好處，唔會死甜揾食指數: 🐄🐄🐄🐄🐄 ✨ 班蘭紅豆冰 跟餐+$20班蘭獨特嘅甜味加紅豆，味道好舒服唔會覺得漏揾食指數: 🐄🐄🐄🐄🐄

早前同朋友們一齊去旺角麥花臣睇Show🤓係豉油街揀左呢間種類超多選擇嘅冰室醫肚😜香煎牛柳配蒜蓉汁作為最為食嘅我揀咗呢晚嘅晚餐A😛包咗好軟熟搽咗牛油嘅餐包同忌廉湯😎香煎牛柳成個拳頭咁大😋肉質軟腍，切開仲有好多肉汁！淋上蒜蓉汁一齊食，就係最經典嘅港式茶餐廳味道😍蔥花叉燒滑蛋飯叉燒同蛋嘅份量都超多！叉燒唔乾柴，雞蛋炒得滑溜🤩加上蔥花一齊炒增加獨有嘅香氣😚焗豬扒飯呢個飯好豐富，有芝士、番茄、菠蘿、洋蔥等等炒飯底炒得乾身，蕃茄汁酸酸甜甜夠開胃！主角豬扒肉質細嫩，容易咬開🤓麻辣肉丁出前一丁肉丁唔係罐頭，味道麻麻辣辣幾過癮！好少常餐有得配奶油豬😍唔少得炒蛋同廚師腸啦😌黃金鹹蛋雞翼雞皮炸到脆卜卜，裡面雞肉嫩滑❣️沾滿起哂沙嘅鹹蛋醬汁🤪我同朋友們都覺得邪惡到痹！我仲叫左紅豆冰🤤成大半杯都係紅豆，正呀！蘇杭冰室 (旺角)旺角豉油街60-104B號鴻都大廈地下9-10號舖

一直都比較少食冰室同茶餐廳既我 最近發現左呢間超多元化 性價比極高既 -蘇杭冰室- 🍽️ Menu上嘅菜式種類超多 除咗港式美食小菜 仲有西餐牛扒意粉 米線 煲仔麵 甜品等等😌 所以把心一橫決定試試佢🤪是日晚餐 #香煎西冷牛扒配黑椒汁🥩 $138所有是日晚餐均會配上餐包同餐湯 另外飯 意粉 或薯菜供選擇😌 我地個晚配上既系蕃茄忌廉湯 濃濃的蕃茄味配上忌廉 好creamy但有蕃茄既酸味中和 一啲都吾膩!!😙 西冷牛扒肥瘦適中 表層煎到焦香 而內裡既肉質幾嫰滑 切開仲見到淡淡既粉紅色 冰室可以食到甘嘅牛扒真系好驚喜架🤩 #墨西哥辣肉醬焗飯🥘 $60個焗飯一黎到 哇左一聲!!😯 因為真係好大碟 女仔應該食吾哂😂 飯底既白飯同蛋炒過所以好香 然後淋上有陣陣孜然味既辣肉醬 再加芝士一齊焗 非常濃郁惹味🤤#草蝦蛋凱撒沙律🥗 $80市面上有某啲餐廳未必會選用羅馬生菜 但冰室呢到選用既系新鮮羅馬生菜👍🏻 草蝦肉質結實又夠彈牙 再配上凱撒沙律必備既配料 一啲都吾輸俾西餐廳😆#特濃朱古力梳乎厘班戟🥞 $88班戟口感鬆軟綿密 空氣感十足 而且蛋漿調配得岩岩好😌 班戟點上旁邊既特濃朱古力漿 層次又吾同咗 再配上

是日出去九龍附近做野，咁啱落到旺角，好想食茶記。就去咗呢一間係豉油街附近既蘇杭冰室。為咗減肥，所以變咗個酸辣墨魚卷雞翼米線套餐，連埋凍飲都係港幣$63。米線同煎炸嘅嘢食分開上，呢點小細心好欣賞呢間餐廳嘅用心。 米線配料足，雞翼同墨魚卷，又炸得香脆可口，整體嘢食水準唔錯👍🏻👍🏻另外餐廳為咗提升室內食客光顧觀感，都擺咗好多假嘅綠色植物係餐廳內，對於通常一個人去食野，會睇餐廳內部感覺既我黎講，我係十分欣賞同支持既🙌🏻🙌🏻

呢度係一間可以由晚餐直落到甜品下場既新式茶餐廳🤩每次去完歐洲旅行翻黎最掛住嘅都係香港食物一款茶記港式口味配上一杯港式凍檸茶走甜就係我既all-time favourite 😗翻黎第二日今朝同朋友講我今日想食茶記Deal 唔deal?😂Deal😎一個葵青區約一個母雷公咁遠永遠會選擇自以為中心點嘅旺角🤣=====================位置🏠地鐵站E2出口大概行6分鐘左右位於洗衣街一帶 附近都係美食地帶菜式選擇📜款式種類都算多而且有好多創新嘅元素一間唔甘心做傳統茶記既新式茶記😎除咗有西餐，酸辣米線，常餐，碟頭飯，仲有估你唔到既煲仔麵同疏乎厘pancake窩夫特式小食飲品等等，真係包羅萬有😍😍每次傾開計都忍唔住想搵埋糖水舖直落，呢間茶記真係一次過滿足你幾個願望，食飽飽直落埋第二個胃，出邊天口熱，唔洗轉場又食到好野，fit😎一行二人，我哋叫咗1️⃣怪味雞煲仔麵-呢個醬汁會有少少香辣，不過唔食辣嘅朋友都頂得順，醬汁惹味，公仔麵非常吸汁，食到舔舔脷🙊不過食得辣嘅我，私心覺得如果佢可以再辣啲會更好😎2️⃣蔥花滑蛋三併飯滑蛋做得好出色，而且三併飯你可以一次過要晒蝦仁牛肉同叉燒，飯底用咗珍珠米再加上秘製

熙來攘往嘅鼓油街有一間價錢親民，食物款式多樣嘅冰室。1. All day breakfast $55🔥🔥🔥🔥炸魚柳香脆肉嫩、荷包蛋流心、煙肉片煎得香口之餘，亦唔會乾爭爭，唔會太咸！！2. 黃金咸蛋雞翼$48🔥🔥🔥🔥🔥一份有4件，雞翼size平均，每隻都大大隻，炸到熱辣辣拎上台面，雞翼面上舗滿咸蛋黃醬，毫不吝嗇食材，咸蛋黃香味濃烈，令人食指大動！雞翼皮煎得少脆，如果肉質可以再嫩滑啲就真係perfect 啦！！