影片
以上資料只供參考, 請與餐廳確認詳情
相關文章
早咗到機場搵間嘢坐低食吓嘢啦，叫咗幾日嘢食其中有小籠包菜肉餃還有嫩雞煨麵嘢飲呀咁樣，嫩雞煨麵簡直係垃圾之中嘅垃圾，啲湯淡茂茂，，啲雞肉嚡熠熠，啲菜切到一嚿嚿勁核突咁賣相勁肉酸，喺屋企煮碗麵都靚仔過佢真係超級難食，唔係講笑隔離張枱個鬼佬叫咗個上海粗炒個上海粗炒竟然係冇色水。間嘢價錢唔係平，咁喺機場都接受到啦，但係個問題係真係好難食，佢當香港人係白痴嘅定係當啲遊客係白癡？！咁嘅水平都可以拎俾客人食，簡直係香港之恥小籠包啲皮又核突，好彩味道算正常！服務就梗係垃圾啦，啲嘢放落枱面嘅時候又粗魯又大力唔鍾意就返屋企啦垃圾服務垃圾食物，劣
繼續閱讀
食物質素，實在款式有限，只點了三款食物。1。 湯包，有湯有肉，皮算薄又未去到一夾就難。但味道一般，未到好食嘅地步，顏值亦配不上$88/6件哩個價位，就當係機場，樣樣都貴。2. 乾燒四季豆，只能說點餐時相片跟其他店的乾煸四季豆差不多，但上台時就是一碟清清的清炒四季豆。味道不差，但只不惹味，$148比起其他$88，只能說機場係貴啲㗎啦！不過係咪準備食材時，可以將四季豆頭尾去掉呢？清炒都算啦，但點解上枱時會有舊飯係四季豆旁邊呢？雖然飯都似係新鮮嘅，但餐廳咁樣上枱，係咪好影響客人胃口呢？餐廳嘅衛生情況值得懷疑。3. 凍檸茶，佢提供果杯糖水，我倒哂落去都唔覺有甜味。檸檬味更加算了吧，唔知係佢入貨嘅檸檬質素比茶記差，定係佢俾果枝篤篤捧差，我只飲咗一茶$38的凍茶。米芝蓮係試咗咩先估佢為一星？餐廳可以考慮公佈，等客人可以試到值得嘅美食。服務：哩個係最差嘅一環，係機場咁嘅服務水平真係趕客。首先佢可能留意外國客人，所以睇唔到我一名香港女性在排隊等位，佢招呼完一名機組人員入座，就自動忘記咗我，去招呼另一名排係度睇餐牌嘅外國男士，確實佢對我先到，但係外國人只係企係旁邊睇餐牌，並無企係等位位置排隊。OK，外國訪客，我作為香港人一份子，禮讓一下無妨。但係佢招呼完果位外國男士，又想跳過我去招呼排係我後面剛到的外國人，咁又啲過份吧？我瞪住果個侍應，佢先勉強轉返嚟問我幾位。跟住中途收碟，啲侍應係一聲不响，突然係你身後哄埋，伸手在你肩上而過收碟。如果細膽真係俾佢嚇死，問一句唔會太難吧？（如果該位侍應是聽障或有語言困難的人士，我收回這個投訴。但見佢衣著唔係一般傳菜侍應，似係較高級，我估應該唔似係有困難）。之前有食評，客人要求加茶，侍應愛理不理，所以餐廳依家全部取消了茶。如此決絕的避免再被投訴，管理層實屬「智」者。改善免了，直接「解決」掉問題吧！最後值得讚是收銀侍應，笑容滿面，非常有禮，也算是餐廳最後一點溫暖吧！
繼續閱讀
314 瀏覽
因機場跑道封閉引至多班航機延誤，不少航空公司都派發餐飲券安撫搭客，唯一券券只適用於指定嘅餐廳。純粹經過名單上嘅「蘇浙滙」見到有位，XO仔即決定入去試。餐店個舖位好似啲快閃店咁上吓大細，一眼望哂，一邊係水吧兼收銀，另一邊則為散座區。點好菜，服務生先會攞出碗筷及紙巾，茶水都冇杯。蘇浙湯包（$88/半打）：熱辣辣嘅湯包皮層雖未為最薄身，但起碼Q彈唔易穿，入面嘅湯汁量足甜美，豬肉餡心亦相當軟嫩，食落唔覺溜，一人食半打絕對冇難度。機場餐廳「蘇浙滙」簡約企理，服務生都算效率高，湯包屬穩陣點心，有航空公司找大數就梗係食得過啦！
繼續閱讀
回頭指數：⭐️⭐️1. 味道：❤️❤️❤️❤️🤍2. 價錢：❤️❤️🤍🤍🤍3. 打卡：❤️❤️❤️❤️🤍4. 等候：❤️❤️❤️❤️❤️5. 位置：❤️❤️❤️❤️❤️食物：蘇浙湯包（一籠6件）評價：♡平日下午去的，直接進去，不用排隊♧雖然叫蘇浙湯包，但其實就是小籠包◇以這個價位的餐廳來說，服務一般♡湯包皮薄多汁，不容易夾破，有一定水平♡一人1-2件不會太膩◇以這個價錢來說，性價比一般蘇浙滙赤鱲角暢達路1號香港國際機場1號客運大樓7樓離港層(禁區)北後區域7E111號舖
繼續閱讀
除左個擔擔麵仲算係唔錯，其他都唔好食。最差既係服務，叫左加茶15分鐘，頭頭尾尾叫左4個人，個個係一就行過當聽唔到，但係一有人叫埋單就聽到，一係就話好，跟住唔見左影，再唔係最後真係黎加水，跟住態度好差，掉低壺茶。得一個好似manager既人態度唔錯。
繼續閱讀
您可能會有興趣的...