蘇記咖啡

營業中

休息中

星期日book咗係鴨脷洲打波，提早少少入咗去搵食。行吓行吓，就去咗蘇記，當時都2點左右，好彩佢有2間鋪，等咗陣就有位。佢地嘅價錢都合理，每樣嘢都係廿幾三十蚊，而且重有d自家製嘅飲品，可以多d健康嘅選擇👍B仔就叫咗佢嘅豬扒飯配豉油汁，豬扒都淋👍不過豬扒份量就好似少咗d，大人食就唔多夠咁😔B仔爸爸就叫咗個雜扒飯配茄汁，再加咗個羅漢果菊花茶👍佢地個汁另上，自己鍾意幾多加幾多，餸嘅份量都好夠。個羅漢果菊花茶，B仔爸爸話好住家feel👍 而我就叫咗個白汁芝士焗伊麵(裡面有火腿，蟹柳和粟米)唔太膩，不過芝士味不太足。另外我叫咗杯奶茶，我呢d奶茶精就覺得不是太有茶味。其實佢地嘅款式比一般嘅茶餐廳多，而且價錢真的算便宜，值得再食👍😋

回頭率80% - 蘇記 : 湯堅正 (多謝KC推介)味道 ★★★★☆好食：無味精例湯 （白菜菜乾） - 夠味又清甜，超熱，正正正蛋白炒吞拿魚燕麥三文治 - 炒得唔油，有牛油香，感覺健康服務 ★★★★☆開頭有少少cool， 原來外冷內熱， 會傾兩句。熟知客人口味， 熟客婆婆買外賣俾公公食， 唔知買咩好， 阿姐會話：佢黎親都係豬扒公仔麵㗎 ：） 好親切環境 ★★★☆☆乾淨企理

認識蘇記因在附近工作，這種家庭式經營的茶餐廳，已漸買少見少，若不想曰後只能光顧連鎖食店，便應多多支持。平曰午飯時間及星期六日也十分旺場，今天，要坐在街頭吃飯，幸運地，天朗氣清，竟有在外國小鎮小城sidewalk cafe feel! 吃的卻是蘿蔔牛筋腩飯配羅漢果菊花蜜。此店的餸及汁大多是用小鐵碗分開上，白飯也算乾爽分明，牛腩牛筋軟腍入味，伴以爽口白蘿蔔，味道平衡。羅漢果菊花蜜也是自家製，天然甜味慢慢在口腔滲出，也有菊花的回甘。平曰吃午餐，通常也不叫啡或茶，因這兒的老火湯, 足料清甜，不可錯過。超喜愛其叉燒或餐肉煎蛋飯，每樣煎得香脆熱騰，淋上秘製豉油汁，弄穿荷包蛋，把蛋黄汁拌勻，不消十分鐘便能幹掉整碟！五香肉丁法包也挺不錯，做下午茶至佳。這些配搭，不是地道香港人決不會懂得欣賞。很多食客叫常餐E, 有南乳雞中翼，煎蛋另碟上，加一碗酸辣菜肉丁米線，包咖啡/茶，惹味飽足！在這店你會聽到老板和食客親切的談天，食客亦會互打招呼，你有多久没感受到這些人情味？

聞說這裡有鴨脷洲區最好的奶茶，於是這天出外前先到這裡吃個早餐。約早上十時左右到達，店內基本上已經接近全滿，幸好今天我只是一個人前來，要找個位來搭檯也不是大難。坐下再看看餐牌，最後選了個有煎蛋腸仔及餐肉米粉的早餐，餐飲方面當然是要熱奶茶啦。餐肉米粉有一片薄薄的餐肉，煎得香口的配上米粉及清淡的湯底，再加上一點蔥花，清清地適合早餐來吃。煎蛋的其中一隻蛋上檯時已經穿了，而且也煎得熟了一點，很一般。腸是一般雞肉腸，煎過後也尚可。牛油方包的牛油塗得夠，配合軟熟的方包，也不錯。最後的熱奶茶夠熱，來得茶味足夠，醇厚順喉，果然是杯不錯的奶茶。吃過早餐後，便前往街渡碼頭坐$1.8的街渡橫過避風塘前往香港仔，難得鴨脷洲大街這個那麼近市區的地方還保留著那麼多漁村的風味。單單是這個街渡，便值得保留，方便居民及遊客來參觀。

八月下旬‧晴又在這邊接受記者的訪問，先吃早餐。早在七時來到，選擇不多，來了這裡。早餐都幾多選擇，真的有成頁紙咁多，就要了個煎蛋腸仔多士及餐肉米的套餐。煎蛋雖然溏心，但就幾油膩。餐肉米粉沒有什麼味道，還好，總好過勁味精湯底。反而多士烘得薄且脆，加杯熱咖啡，真不錯。二十六小時沒得睡，又開工了。

其實係去左2次~ 既然開左acc，都真心想推介埋蘇記~又是因為工作緣故，因為未去過鴨脷洲，break果時行下行下就到左e度因為店鋪很新淨寬敞，而且我都姓蘇 (XD咩料)，所以入左去試~隔離仲有一個鋪位，所以受歡迎但不用怕冇位 又係因為冇諗住寫食評所以食左2啖先話不如影低留住record先比其它的茶餐廳足料好多! (黑椒豬另叫的，d味好適中)老闆態度好nice同客人好多interaction 同埋好似好多熟客~ 氣氛好開心出送快~ 而且新鮮滾熱辣其實好多客人都hea好耐~ 又有電視睇不過我地慣左趕同埋有人等位所以食完就走~~第2次去食冇留影~叫左煎雙蛋+多士+叉燒通+coffee，果個係最highly recommend雖然隔左幾日，但老闆都認得我仲同我傾計 ^^好想得閒再試下d包ar~ 除左脆脆豬仔包之外都有其它有特式的包

正月中旬‧陰天跟老同學吃飯，他家住鴨脷州，來這間茶記就正好，我記掛著的還是這裡的例湯。是日的西洋菜煲蜜棗豬踭，喝起來清甜潤喉，很對口味。如果我再來，為的也是這碗例湯。要補充，就要了碟叉蛋飯。叉燒軟熟好吃，略嫌甜了一點點。蛋是荷包蛋，溏心的，美味。熱咖啡很香濃，有水準。希望煩惱快點遠離你啦。

八月中旬．晴上次來喝湯的時候，瞄到這裡有個奶油脆豬。是日早上來這邊視察，就吃個脆豬的早餐。落單的時候，叫阿姐：「脆豬脆不脆？」，佢答：「包脆！」係米真先？來到的時候，又真的是幾脆。烘得兩邊香，吃起來香口。奶油及牛油塗得均勻，好吃的。咖啡不錯，幾香濃。雖然脆豬不能跟餐，但也值得一試。

八月上旬．晴好難想像，來快餐店是為了喝一碗例湯，這裡就是了。不大想吃東西，但卻想喝湯。這裡的例湯是寫明用上了「大山地、土伏岺、陳皮及蜜棗」去煲的，聽落都好似幾勁。湯呈深色，喝起來醇和甜美，是紅蘿蔔及蜜棗的功效吧。湯渣也煲得軟腍好吃的，吃了一點，喝完碗湯，滿足。見有個豬扒包，貪心的，又要了。豬扒薄薄的，夾著很脆的法包，有誠意。埋單28元，午飯時候來吃，沒有跟餐，已經是一碟飯加杯飲品的價錢了。不過是很不錯的，這碗湯，也值得一試。

蘇記係鴨利洲算係價錢高既茶餐廳,但凍奶茶好飲,夠香夠滑...今日叫左我中意既特餐E,南乳雞翼2隻+酸菜五香肉丁+凍奶茶南乳雞翼無咁入味,米線個味道夾得好好!凍奶茶好正佢有好多選擇既三文治同set餐,係不錯既選擇

今日去叫車仔麵，其中一樣餸叫炸魚皮，但佢就浸o係d湯到浸淋晒俾我，唔係分開上，gum我真係覺得成pat淋晒唔多ok，咪叫佢換過俾我lor~點知d伙記態度差，話叫左冇得換wor！！！ 跟住我就同老細講，佢二話不說肯換wor，gum我以為ok啦~點知最後換返黎既係一堆"炸魚皮碎"lor！！！ 我試左一塊，仲要唔係"脆"既！！！d紅腸...春卷...咬落去質地又係一pat gum！！！唉...真係唔駛再有下一次，激死我！！！價錢又唔係平！！！

星期六入黎南區辦點事, 難得同司機一齊入, 就不如去D平日唔會去既地方找野食. 結果, 我們來到鴨利洲大街. 睇睇有乜野特別發現. 而且, 最重要是, 方便泊車. 駛了一圈之後, 沒有什麼idea 就近, 有個泊到車既地方旁邊, 可以邊食邊睇住部車. 兩個人, 一個叫了一個咖喱牛腩飯, 一個叫粟米汁豬扒飯. 來到此等地方. 結果食茶餐廳, 咁當然叫些茶記常見物啦. 然而, 只有那個咖喱牛腩稱得上正. 而我的豬扒, 只是普普通通而已.先說普通的, 本以為會是一塊大豬扒. 原來只是常餐份量的小玩意.冇乜咬口. 若只評呢個扒飯, 相信會是一個極失望既眼神.牛腩了, 咖喱是金黃色的港式咖喱. 味道不太辣, 香味都是普普通通. 但明顯地, 牛腩是柱候牛腩. 咖喱腩, 完全沾不到咖喱汁, 因為腩汁太過香濃了, 食得出啖啖的牛腩香味. 我們笑說, 若是叫蘿蔔牛腩飯, 應該好正.食完, 開車回市區, 散水.

我最鐘意食蛋白吞拿魚麥白三文治同魚柳包，特別係飲品方面都幾特色，而且好大杯，推介咸檸七、凍袖子蜜同奶茶，順帶一提，雖然冇試過佢地d飯，但係我見到真係好大碟，應該可以一試..餐廳周圍仲貼左好多風景相，幾特色，不過如果o個d阿姐笑容可以多d就好勒！

我覺得最好食係飽類蛋白吞拿魚麥包三文治奶油豬仔飽仲有奶茶都係必試2個人$40食得好滿足

比其他茶歺廳貴咗少少，例如午歺一碟飯無drink 都要$20，叫杯凍飲加$10！但食物味道真係唔錯，我最鍾意食車仔麵歺$20 有兩款餸麵連一杯熱飲，全日供應！值得一食係厚多士和蛋白麥治, very Good! 位置有點難找但去到問街坊一定知，門口多數車亂泊。