影片
港鐵銅鑼灣站 C 出口, 步行約4分鐘
繼續閱讀
電話號碼
28339184
付款方式
以上資料只供參考, 請與餐廳確認詳情
在這家懷舊的小店裡，點了一碗沙嗲牛肉麵和一杯熱檸茶。沙嗲牛肉麵的湯底雖然沙嗲味道並不特別濃郁，但湯底卻意外地清爽，沒有過於油膩的感覺，讓人感到舒適。牛肉片嫩滑，與公仔麵的搭配也相當和諧，公仔麵方便，我特登叫老闆爽一點，整體口感令人滿意。雖然整體來說不算特別驚艷，但這家小店的氛圍讓人感到放鬆，靜靜地食個早餐感覺都幾好。
繼續閱讀
呢兩年都無咩行過呢頭，今日行過見佢仲頂得住疫情，銅鑼灣區食個常餐都仲係$40唔駛，門口仲見佢貼住有做派飯活動，本身諗住睇多幾間都即刻唔諗，支持下善心小店其實十年前已經發現呢到既沙爹牛肉係我細個食過既味道，但周圍都已經做唔返呢隻味道，佢隻沙爹味唔係得個濃字，放埋落個湯麵到真係夾到暈，唔識點形容，太陽蛋又煎得靚，多士烘到啱啱好，卜卜脆，見個餐咁平就順手再叫多個鮮油多，雖然牛油唔係鋪滿成塊多士，不過咁啱呢排有d肥😂 對我黎講啱啱好！
繼續閱讀
哩間蘇記茶檔，座落係一個唔多起眼唔係D大街嘅謝斐道，吸引我嘅原因係價錢平!同樣一個沙爹牛麵特餐，隔離和記賣成50幾，蘇記連凍飲都只係38蚊，仲要質素好D㖭!正常都轉場啦!而38蚊有咩呢? 沙爺牛肉麵係主角啦，可以選擇煎蛋定炒蛋，火腿一片，烘過同占上牛油嘅方包一片，凍0茶少冰.位處銅鑼灣哩D高消費區，38蚊絕對係抵啦!唉...... 依家銅鑼灣出差返工，有排都未轉返工地點，懷念之前開工紅磡區....主角沙爹牛肉麵，牛肉份量不少無偷工減料，另外沙爹汁香濃，已經唔係第一次幫襯，知道蘇記沙爹汁唔差，所以要求多汁，令到成個湯底都好香濃，好味到湯底都飲咗一半，而隔離和記嘅沙爹汁係好奇怪嘅糊狀，一比就比下去!係門口等外賣期間，見到佢門口有個派飯通知!蘇記價錢又平食物唔差仲做埋善事㖭!有咩辦法唔多多支持吓啫!
繼續閱讀
真心覺得呢度平靚正，呢個下午茶餐$38，塊雞扒又煎得靚，脆得來又不油膩，令我忍不住吃埋雞皮（肥膏當然不吃）。佢嘅麵餐仲平過我呢個餐，所以絕對抵食。P.s. 又話廚師牌腸仔執笠，但都仲有腸仔食。。。咁我唔明大家做乜咁緊張會高價買廚師牌來食?
繼續閱讀
公司叫外賣經常食呢度嘅炸脾。呢幾日食滯咗，加上今日嘅晏晝食咗好大碗油麵，今次pass，要個魚柳包，唔想飲嘢。魚柳包嚟到都仲微暖，而且好大個，麵包就一貫嘅軟熟，魚就明顯係雪藏貨冇乜質感嗰啲，但啲醬都夠，加埋啲生菜絲，食落幾好，不過我覺得鹹咗少少。下次都係食番炸脾。
繼續閱讀