蘭香閣餐廳

營業中

休息中

獨自一人在沙田，最好就係食茶記，快快趣趣，乾手淨腳。午餐選擇也不少，有成十款左右，來客咖喱雞扒飯，咖喱汁並不刺激，亦算不上香，但都幾好撈飯。雞扒已切成小塊，沒有太韌，薯仔也夠粉，更喜歡清甜爽脆的青椒，整體都可以接受。餐飲跟凍奶茶，奶偏多，我是沒有問題。邊喝邊對著電視，不一會已過一句鐘的午飯時間。這裡十二點幾人山人海，但一點左右卻開始靜，大家都咁早放飯的嗎?

*叫左一個迷你茄汁焗雞扒飯,跟餐飲凍奶茶(冷熱同價)*果然是迷你 我隻手掌都蓋過焗碟 當下午茶很好雞扒 食落啖啖肉 無雪味 不差飯底 偏淋 算可以茄汁 帶橙色 味偏淡無茄味 不太正常凍奶茶 用西式沖法 欠茶香同奶滑 味道尚可以

$48買了一個團購雜扒鐵板餐，大大份，包含了牛扒、雞扒、豬扒、煙肉、香腸、還有一塊糖心太陽蛋，配薯條洋蔥。雜扒都肉質嫩滑，而且份量十足。唯一美中不足的是，牛扒似有些鬆肉粉的味道，就破壞了鮮味。扒餐跟餐包和羅宋湯，湯好多菜呀！酸甜適中，我喜歡。此外，還額外叫了一個套飯：西蘭花炒斑片，這個真是意外驚喜！班片嫩滑細緻，份量也足。跟粉葛中湯，太鹹，可以輕手一點啊！結論是，主菜不俗，例湯可改進。就算不團購，下次有機會也會再試其他鐵板和菜式。還有要讚一讚，上菜超快啊！

常經過蘭香閣，但每次見這裡的價格與環境不相稱時便為之卻步，現在有團購優惠便不同了，借機試一試。原來裡面的空閰並非像外面看到那麽狹窄，坐得也很自在。二人餐有多款選擇，Shirley要了黑椒肉眼扒，Agnes要了洋蔥西冷扒，還奉送焗田螺及煙鴨胸沙律，兼有兩杯特飲，團購價$128, 甚超值； 我的單人餐只得雜扒一味連飲品，仍需$48,價錢相對較高.... 忘記了！ 還有例牌的餐湯和餐包，只是普通貨，不贅述了!焗田螺： 田螺與薯蓉一向配合，做得不錯。煙鴨胸沙律： 是現成貨沒有所謂好不好，只是新不新鮮，當日所試，算合格了吧!三份鐵板扒的比較： 以肉眼扒的肉質最出色，醃得不太軟又不太靭，低價扒的醃製程序似乎不可避免，“本身肉質唔靚嘛！”； 西冷扒比較肥，洋蔥汁又帶不出那份惹味，略遜一籌； 雜扒選擇多樣化，以款多取勝，那隻蛋起了化腐朽為神奇的作用，“升呢了”， 不過所謂的煙肉，似百佳火腿多一點，當中的牛扒又比西冷、肉眼再低一點，果然有層次，最少不會全部醃得“腍劈劈”！特飲: 梳打很夠氣，但味道似藥水，天然一點好嗎？晚餐後見大家樂的纽西蘭爵士牛鐵板要$52,加酥皮湯要$6,加凍飲要$6,共$64, 明

沙田區各式各樣o既餐廳都有 , 多到試唔晒位於瀝源o既三十年老字號「蘭香閣」, 如果無團購餐我諗我地周圍食幾年都未必輪得到佢 , $48享用1人招牌鐵板雜扒晚餐 , 己包加 $ 1 服務費飲品冷熱同價之餘, 仲免費升級特色飲品 , 當然要買黎試下啦我地今日 6pm 左右黎到 , 晚市都未開始 ,鐵板餐由 3pm 開始供應, 我地坐抵時店員遞上下午茶 menu 見我地拎張團購出黎 , 佢即刻執好鋸扒用o既餐具比我地另一女店長仲提議我地換張四人枱 , 唔使咁迫 =)呢間餐廳環境闊敞舒適 , 一大個長方形咁 ... 無一 d 揮極手都無人睇到你o既死角位 , 唔錯 ^^團購鐵板係指定o既雜扒餐 , 佢地整左個團購餐牌可以比我地睇返個餐有咩食 , 幾好喎 , 因為好多時團購o個張紙會一開始就比佢地收左一如以往 , 我地兩個都點左紅湯 , 上枱最大問題亦都係對我黎講最難以接受o既問題 , 就係唔夠熱叫男待應整返熱佢 , 聽到佢同另一員工o既對話佢係去不過兩碗我地 , 不底o個 d ... 而唔係叮返熱比我都好o既 , 叮過始終無咁好 , 不過 , 係熱左但唔算夠熱囉呢個應該係雜菜湯 , 因為無牛

上次經過見到呢間靚少少的茶餐廳, 見個menu好似幾抵食, 所以lunch去試一試....................中午大約十二點半, 細枱已經差不多坐滿, 只淨餘大枱, 但部份大部已經reserve咗, 原來茶餐廳都可以訂枱架!!! 見佢個是日午餐廿幾蚊仲要包嘢飲, 而且+$1可以轉凍檸樂, 當然即刻叫啦~~~等咗冇耐就嚟, 相信所有餐都係整定, 即叫即 "畢" 上碟............. 鮮茄豬扒飯一見到碟飯即係 "嘩" 咗出嚟..............成碟飯竟然得半塊豬扒, 我冇打錯, 係半塊有骨豬扒........... 有冇搞錯, 雖然個餐係廿幾蚊啫, 但你又唔係日本黑豚肉, 又唔係d咩特別貴的豬扒, 咪又係凍肉舖賣果d冰到實的巴西豬扒...............駛唔駛咁呀!!! 我都唔明有骨豬都仲可以得半塊, 咁另外一半係咪其他人塊飯呢??? 後來我見到reserve咗果張枱又係有人叫呢個飯, 但佢塊豬扒係好大塊, 完整一塊有骨豬扒lor~~~ 係咪熟客同生客會有唔同待遇呢?? 豬扒細塊已經不在話, 又乸到冇哂味, 又冇咬口, 完全食唔出係豬扒lor~~~

好肚餓之際..沙田區..試下呢間..之前試過幾次..都覺一般..但想再比機會..今次係最衰一次!話輸打嬴要都係咁話!27$ 午餐 大碗吉列豬飯wo..點知..飯係多..但林左d...整碗唔多覺有汁..d伴菜 薯仔..紅羅白好似同碗野分開咁..另捨似用滾水碌熟擺上去味咁...豬扒最主要la...炸到好似皮分皮 肉分肉...但前者無脆味..好似包裝買返去叮熱既次貨吉列..肉就唔太有口感..豬味相隔10小時都唔記得有無存在過曾經..算la..都係老襯..下次應該好難..

一直都是這裡的長期fans...唔, 其實有過不好的經歷, 不過真係因為味道合我口味.所以都冇計較過.最差的一次是有鐵絲在吞拿魚意粉裡面比我食到,其次是等了接近三十分鐘才有食物到枱.其實可能對其他人來講, 換轉遇上以上經歷,都避而遠之, 但我還是會到這間, 可能因為味道不錯. 都食了三十年, 由細到大的關係吧.其實這裡的種類很多, 食中又得, 西式也可,啲味道好濃, 好滋味. 份量也"夠秤"所以次次都滿載而歸. 總結: 味道我會比四分, 因為我試過中和西式都合我口味環境很大, 地方不算迫, 我都會比四分, 至少二人食飯時會給四人座, 就算客滿都唔會要另外兩人搭枱. 服務: 噚晚我會比四分, 因為好有禮貌, 要既野都即是到. 扣了一分是因為以前有過的經歷.衞生: 四分. 整潔抵食: 我承認好既食物貴啲都是值得, 一碟意粉加杯凍飲都是$38. 又大碟. (四分)

新城市廣場食乜都貴，今次行過條大馬路天橋，去到瀝源邨商場發現個抵食好地方。蘭香閣餐廳印象中都開咗起碼2年，只係我第一次去呢度食。由於商場係翻新，呢間店裝修設計得唔錯，起碼燈光唔會有港式扒店通病黑麻麻的感覺，座位坐得幾舒服空間寬敞。我地3個人叫3個餐。2個下午茶，包括燒汁吉列魚柳飯$26、金蒜雞粒炒飯$26，我自己要個鐵板西冷牛扒餐$66；茶餐+$5可以配紅豆冰、什果冰，我個鐵板餐除了羅宋湯還有1杯凍鴛鴦。羅宋湯--湯底較清，唔夠濃郁，味道還好。燒汁吉列魚柳飯--魚柳金黃炸得皮脆肉香。金蒜雞粒炒飯--顧名思義，個飯炒得幾香口，份量其實同正餐一樣多。鐵板西冷牛扒餐--有肉質，配菜有薯條、bb甘筍、車厘茄同小棠菜，連隨上的黑椒汁也不弱。紅豆冰--原粒豆豆，比大家樂的好。什果冰--小朋友啱飲。凍鴛鴦--連鎖快餐質素。呢度個樓面都有千幾2千呎，除當值經理餐樓服務員好似得2個...不過，整體還不算差呢!..

因工作關係~成日黎(LUNCH)~*LUNCH餐牌每星期轉一次~$24-38左右,免+1*係沙田黎講~算係平夾幾好食~新城市D食店太貴又唔好食~最後決定黎返呢度食~今晚叫左個貴既~蘭香閣牛柳 (8安士)~ $78 已經第2次黎食DINNER~唔知點解2次都唔記得黎湯先=.="....好慢~~成9個字先黎個扒~~=.=".....好厚~~! 份量足~ 味道都OK~ 叫Well done都唔"鞋"男朋友叫左個西冷餐 $5X都係大大份~ 底食過扒王~會再黎~~雖然比較慢~服務有點不積極~~但就價錢,味道,環境黎講~已經PASS哂~

蘭香閣係我久唔久都會幫襯的餐廳主要係我同fd去親沙田食飯, 又唔知想食乜好, 想食得好好地, 但又要平的話. 蘭香閣絕對係一個好選擇.蘭香閣d野唔係好top, 不過勝在冇一次令我失望, 最拿手的扒餐, 焗飯都覺得係幾good下~~ 平平地$40~$50食一個dinner係冇問題的. 所以我多次介紹沙田的朋友去食.特別依家沙田好多野都好貴, 仲要係又貴又唔好食, 去蘭香閣係我覺得平靚正的地方, 同埋又可以坐0係度慢慢傾偈, 又舒服, 少少elegant的感覺. 正! 至少比禾輋果間X園餐廳好好多先

路經此地又係午飯時間，見仲有幾個位就入來食﹗估不到商場小店lunch生意都咁好，又有白領又有學生，全場爆滿老闆笑了﹗點左個叉燒炒蛋客飯，包餐湯及飲品，盛惠$36﹗先來個白湯，無磨菇又無粟米，飲落似結遢遢的鹹生粉水，唔掂﹗叉燒炒蛋都幾大碟，可惜食左兩啖已經發現蛋裡面有蛋殼，個感覺就似你食炒蜆發現有沙，完全無哂心機﹗雖然多人幫趁，不過0的野食唔多掂，35蚊呢個套餐﹗把鬼﹗

芝士焗吞拿魚肉醬雙拼螺絲粉 + 餐飲 ~ 自從年廿九個晚同屋企人落黎食過之後 , 一路都心思思想翻兜 , 所以難得唔駛出去拜年既一日就黎買返個當午餐食下 , 不過今次就轉左要螺絲粉 , 我比定心理準備自己外賣實會比堂食較為遜色 , 點知估錯左 , 份量一樣係好大 , 而且絕無偷工減料 , 螺絲粉口感整得岩岩好, 就算要汽水或者凍飲都唔駛+$2 , 令我可以係呢一日食左一個心滿意足既午餐 , 情緒都特別好呀!!!

燒汁雞肉串拼日式煎餃子 + 餐飲 ~ 呢個下午茶餐比較貴 , 廿幾蚊都係得3隻餃子加3寸雞肉串 , 味道都係一般。 日式醬燒汁牛扒飯(現麵豉湯) + 餐飲 ~ 相反呢個廿幾蚊就有個飯既下午茶餐抵食好多 , 而且大大碗又有一大塊整得夠腍既牛扒 , Dad好快就已經食哂成碗飯 , 只不過略為嫌d牛扒係有少少筋。 芝士焗吞拿魚肉醬雙拼天使麵 + 餐飲~ 我對下午茶餐既選擇不太感興趣 , 所以就揀左一個貴d既黎食 , 嘩...份量都幾大 , 吞拿魚同肉醬多到撈唔哂 , 芝士淡淡地冇咁漏 , 天使麵又煮得岩岩好 , 分左d比媽咪試下 , 我地都覺得味道唔錯 , 唯一唔好係油多左少許 , 結果clear哂成碟。