虹橋酒樓 (已結業)

是日再到此處吃午飯三人行要了一個lunch set海皇福建炒飯，不見海皇，只見少許蝦碎，但有大量雪藏雞柳，另有翠肉瓜碎。飯炒得不夠乾爽，汁太稠且味道太濃。椒鹽九肚魚，食到反肚的一碟送。十分極度多油，吃後一口也是油，椒鹽的味道不夠。由於多油的關係，不夠脆。咕嚕豆腐，最好的一碟。豆腐表層炸得脆，內裡卻是滑滑的。加上酸甜的咕嚕汁，味道的確一流。一個套餐足夠三人份量，＄６８算是抵吃。

呢間酒樓真係冇乜屯門友黎食?點解冇人講下呢個lunch套餐呢?!估下呢個套餐幾多錢~~半隻雞，一碗檬粉同一碟油菜先講隻雞，雞肉唔算好，但夠大隻，雞肉應該落左鬆肉粉，唔係新鮮雞，雪藏雞。雞肉偏林，沒有雞鮮味。檬粉，只可以講份量多到三個人都食唔哂，檬粉出奇地吸水，好快啲湯就俾檬粉吸走哂。油菜，唔夠大碟，而且有老問題：洗唔乾淨，有菜蟲！三個人食完後叫左一碟飯後甜品「香甜三豆糕」，抄襲美心的。豆尚算多，一啖咬哂三層有三種感覺。面頭的一層較硬，之後啲豆一層比一層軟。不過味道太甜，隨碟附上一支美國國旗。好！開估：套餐售價＄４８！係咪好抵呢？最好嘅係食唔哂可以打包走如果兩個人食可以食足兩餐！

看見openrice父親節的廣告, 又將我的回憶帶到您身邊......記得您身體好的日子, 每個週末, 您喜歡我陪您外出吃飯, *虹橋*係首選飲茶的地方! 您喜歡他們的"薄餐", 傳統的香蔥煎蛋餅, 只有這裡的最好吃! 我依然記得那味道....還有您口中的"牛肉丸"(山竹牛肉), 蝦餃, 奶黃包, 我們每次都必會叫的! 至你離開後, 我已經再沒有踏足這個社區了......但偶然......我會閉起雙眼重遊以往和您去過的地方和回味那些味道! ......父親節, 我再不能為您興祝了, 但我的心依然時刻懷念著您! 我永遠都愛您!!!

很久沒有來這飲茶一來因為行過來很遠二來因為水準不降今天有時間陪mama到這飲茶消磨時間到步時間1:30距離下午茶時間尚有半小時先叫數碟點心醫醫肚看到有$4.8的蝦餃原本沒有什麼期望可是上檯後卻另眼相看!一籠有四隻蝦餃餃裡充滿鮮蝦隻隻都很飽滿蝦肉彈牙~餃有汁~可是餃皮不是很軟...~但想到$4.8有四隻蝦餃不能有很高要求吧!$4.8有四隻蝦餃是否全港最平?

之前下午茶時段呢到好多人而且轉左制度後人數明顯係少左好多!因為冇以前咁抵食....而且食物質素持續降低!一心諗住黎食下午茶o既我再次捧住「失望」2隻字返屋企最令人失望o既係「金勾蘿蔔糕」不見金勾不見蘿蔔的蘿蔔糕成舊麵粉...上到檯就算係出哂煙一夾落去...嘩!硬淨o既程度真係嚇親人...果然係命硬蘿蔔糕...雖然只係$4.8..都唔駛俾d咁o既麵粉糕俾人食掛....一係就收貴d俾好少少俾客人食...食左2啖就冇食...因為真係好難食!有史以來最難食o既蘿蔔糕!!!之後都係同mama吹吹水...冇食其他野囉..!

今日下午，一行三人去食日本素食，叫左什錦壽司；有三文魚壽司，個樣幾似，幾好食，有肉鬆壽司，面頭Ｄ肉鬆好脆，有鰻魚壽司，樣都幾似和好食，中華沙律壽司，無乜特別，但也好食．叫左雜菜天婦羅，都ｏｋ啦．叫左海鮮燒餅，成ｐａｔ粉咁，比想像中差．叫左蕎麥冷麵，有碗芝麻醬撈下，都幾好食．最衰食吾到章魚小丸子，可能太早去到，反而食吾到，整體都算好食，埋單＄１４７，大家都好飽．

喜歡中式點心!特別是煙煙靭靭的東西~不需要腦震盪本能反應即時彈出「湯丸」兩隻大字mid-term已過臨近考試是大學生最悠閒的日子(補充:正確來說...是懶大學生)下午無事可做呆在家中又覺太無聊於是又再到酒樓消磨時間~邊執筆做design坐在悠閒中帶點嘈吵的環境....mama拿來了一碟啡啡的東西~擂沙湯丸!!一直都好喜歡擂沙湯丸..雖然卡路里不少~但無法抗拒那種煙煙靭靭的口感!!!一口咬下去~黑色熔岩已經流到口中~香香甜甜的芝麻加上有咬口的湯丸皮~「好好味!!!!!」把graph paper置之不理專心吃下兩大粒擂沙湯丸!

是日是一星期一度的family day全城一家大細紛紛出動大多數家庭都會選擇到酒樓飲茶聚一聚部分細路視酒樓的魚缸為「水族館」將「我的志願」投射在筷子碗碟上(做鼓擊樂手)率先享受退休的悠閒生活(睡覺)似乎對酒樓的傳統點心缺乏興趣什至大吵大鬧嚷著要去m叔叔之家感受西洋飲食文化此舉令大人十分煩惱...於是虹橋酒樓推出「創意點心」但求耳目一新挑起小食客的食慾以令大人身心及精神不致「疲憊」!如圖相信眼利的朋友一眼就看出虹橋酒樓的「用心良苦」特別利用此點心紙務求推行「親子活動」於充斥住家庭暴力的香港增添溫情創意點心= "dreative" dimsum?!?!!!?!?"dreative"??????算在下才疏學淺...本人認為dreative應該是指creative吧....大家同意嗎???家長可以藉此教導孩子英文~拉近親子間的距離!!抑或是酒樓想表現他們真的很"creative"所以"dreative"???言歸正傳....想說說今天的"蠔皇菜心"見圖...份量夠多~用上湯灼...味道不錯..而且...「買菜搭條蟲」!!!!!!!!不是搭棵蔥...隨菜送蟲...為你補充蛋白質...均衡飲食..

為何笑中有淚?只因為發現得太遲!成日都有黎呢到食今日lunch又黎呢到食眼尾見到推介點心紙有「芋蓉菠菜餃」見自己好耐冇食芋頭~於是叫黎試下!係三隻紫色o既餃皮包住滿滿o既菠菜~!!賣相好~(因為本人鐘意紫色)加上飽滿o既菠菜~!!o岩哂我口味...!可惜o既係...今日係最後一日promote呢個點心下個月可能已經冇左....真係浪費呀!點解發現得咁遲呢!?!?!!?!?

下晝放學去呢到食lunch唔想再食燒味飯於是叫左碗粥~柴魚花生粥~料..可以用「少」黎形容!另外仲叫多籠叉燒包~2碟野=飽埋單$30有找~~~抵食咩?唔算...~不過可以o係到嘆嘆世界~飲下普洱~都算ok o既~

放學後黎呢到join mama食lunch~黎到只見張檯放住一碗野一望之下...係咸菜豬肚~好少見mama食淨野一問之下...mama話碗野好咸....初時我都唔係好信食左一件豬肚...嘩...咸到食左...雖然唔及明星o既咸...但係咸o既程度已經到達我不能忍受的地步$18...貴得黎又唔好食!真係浪費$$..都係食呢到o既煎蘿蔔糕最安全.....唔係太好食...但勝在夠平...於蘿蔔糕黎講夠平咁o既水準我都仲接受到o既....

下晝無所事事又係去飲茶o既時候呢排鐘意食叉雞飯~千叮萬囑叫佢俾瘦叉切雞飯無奈黎到都係肥叉....要一邊食一邊挑走肥肉...食得好唔順暢....享受唔到食叉燒o既樂趣....切雞算叫ok~其實都唔算太好..d肉有少少霉....$24一碗叉燒飯唔算平...當然都唔係貴啦~俾個ok你啦~

大家記住呢個名:「馬蹄香茜餃」餃...去過飲茶o既朋友都知道係咩樣架啦~我都同大家諗o既一樣..但係上到檯o既時候!發覺佢應該改名做「馬蹄肥肉吞」馬蹄得幾粒...香茜唔見埋!肥肉一大舊...最衰o既係!佢根本唔係餃皮!係雲吞皮!!!!!!!!!!!!雲吞呀係!!!!!!!!上檯o個時我同mama都「嘩」左一聲...食落口啖啖肥豬肉...雖然中點價錢有四件...但係下次送俾我都唔會食囉...完全唔好食....真係唔掂呀!

返完學又開始肚餓返黎同mama去食下午茶差唔多三點鐘黎到小食亭已經冇哂野食只有幾碟賣淨o既野食於是拎左2碟$5.8o既野食>煎三色糕凍哂...除左馬蹄糕外其餘兩件都係粉....食粉!>沙薑雞腳都係凍哂不過味道仲算可以....>白灼時菜冇得平~依然係$11.8一碟比今朝o既好起碼冇虫冇沙食得幾開心放心!!~同mama兩個食...埋單$34~抵啦~不過有感覺似俾埋錢同佢執手尾~~哈!

上年與家人來此飲早茶...d食物令人眼前一亮...但一年後的今日...食物質素比前差了少少...幸好..包的皮都仲keep到....好軟好好味..