影片
更多
2023-05-12
545 瀏覽
搭車經過好多次，見佢一枝獨秀，心癮難奈，今日下午就入去飲返兩杯。門口一排風琴摺窗閂咗，以為佢未開，入到去原來開左，坐低嗌杯Guinness飲（心屬Stella，但因疫情減少左生啤供應款式，當晚未有提供實屬可惜）。另外見佢都有唔少紅白酒提供，今晚得我一個就唔開，但價錢相宜。同老闆傾左幾句，佢係一個健談嘅人（一坐低佢就同我講我係第二個問Stella嘅客），問佢點解唔開窗，佢都老實道因為天氣轉熱，加上早兩日落過雨，所以蚊患嚴重，所以閂窗阻擋（的確，我係惹蚊體質，但坐咁耐都冇俾蚊咬，可見非常見效）。店內裝潢係英式風格，係我個人喜愛嘅酒吧風格（吧檯細節位都處理得好好，我個人已認為已經唔係偽英式）。播放嘅音樂亦係90-00年代嘅英美pop，首首都係啷啷上口嘅流行英文歌，好有回憶。廁所衞生十分理想，呢一點尤其重要（特別係女生）。好鍾意佢每一張檯都有一盞土耳奇蠟燭燈，唔係電子燈，氣氛加分。店內後方有兩部鏢機，鳳凰同i-dart，我呢啲廢柴就無謂獻醜，但見老闆都有掟幾手，大家可以得閒落去搵佢操下柴（加油喇老闆）。土瓜灣嚟講，已經好少見到有咁嘅酒吧，仲要地舖，仲要係清吧，唔講唔知，原來佢已經開咗9年，我係
門口一排風琴摺窗閂咗，以為佢未開，入到去原來開左，坐低嗌杯Guinness飲（心屬Stella，但因疫情減少左生啤供應款式，當晚未有提供實屬可惜）。另外見佢都有唔少紅白酒提供，今晚得我一個就唔開，但價錢相宜。
同老闆傾左幾句，佢係一個健談嘅人（一坐低佢就同我講我係第二個問Stella嘅客），問佢點解唔開窗，佢都老實道因為天氣轉熱，加上早兩日落過雨，所以蚊患嚴重，所以閂窗阻擋（的確，我係惹蚊體質，但坐咁耐都冇俾蚊咬，可見非常見效）。
店內裝潢係英式風格，係我個人喜愛嘅酒吧風格（吧檯細節位都處理得好好，我個人已認為已經唔係偽英式）。播放嘅音樂亦係90-00年代嘅英美pop，首首都係啷啷上口嘅流行英文歌，好有回憶。廁所衞生十分理想，呢一點尤其重要（特別係女生）。好鍾意佢每一張檯都有一盞土耳奇蠟燭燈，唔係電子燈，氣氛加分。店內後方有兩部鏢機，鳳凰同i-dart，我呢啲廢柴就無謂獻醜，但見老闆都有掟幾手，大家可以得閒落去搵佢操下柴（加油喇老闆）。
土瓜灣嚟講，已經好少見到有咁嘅酒吧，仲要地舖，仲要係清吧，唔講唔知，原來佢已經開咗9年，我係搬左入嚟呢區先留意到呢間吧。大家不防落去住下，環境舒適，支持一下小店；佢開4點，3點幾就可以入去坐下（如果唔介意佢地仲做緊清潔嘅話）好適合三五知已、收工同成班同事傾計、情侶小酌……
張貼
