蝦佬 (已結業)

工作周圍走，累了被這個店名吸引進去了，心想：唔通淨係食蝦咁威威？！對蝦敏感既人未幫襯唔到？好彩原來都有其他選擇既～加上天氣凍凍，食個泡飯啦～龍蝦泡飯+炸雞套餐+額外加錢熱飲薑檸蜜是普通出外飲到的龍蝦湯，但多了櫻花蝦，算是頗有心思的～呢款炸雞唔係我杯茶，炸粉偏軟身那類，喜愛脆身既朋友可以試下其他。薑檸蜜一讚❤️夠熱夠薑～～坐左好一段時間整理工作上既野，店內不算多人，職員無催人走既感覺，不錯，下次要試下意粉，見到別人食...好似好好味咁...

早前有報導介紹灣仔平價食堂之選其中有介紹"蝦佬" 於是跟同事來試試鋪內座位不多，眼見只有不足20個位但來幫襯都是外賣居多，所以等待時間很快一坐落就明白 點解d人會揀外賣因為堂食會油煙味 同事急急除外套並放進袋子裡我揀左炸雞龍蝦湯泡飯，同事揀左蒜味蝦配龍蝦味炒飯我地兩個加$6 加配丁香檸蜜(冬季限定)用托盤上的，碗、筷子、匙更都是塑膠即棄炸雞唔脆的，是微溫但龍蝦湯泡飯每粒飯都是被滿滿的龍蝦湯包圍住不用怕湯唔夠送飯同事讚龍蝦味炒飯好食，佢有俾我試過但因為我d龍蝦湯太濃味 我食唔到炒飯咩味丁香檸蜜 飲落都幾舒服，天氣凍凍，都幾滋潤而家like facebook 即送龍蝦湯(價值$20)但因為我點了龍蝦湯泡飯 ，我就留待下一次食飯先like吧並且，外賣有9折

今日同朋友行過灣仔，見到有龍蝦味飯食，甘當然要試下。鋪頭吾大，但好多人食。大部分餐係二選一；龍蝦味飯及辣意大利麵。既然係龍蝦專門店，當然要食龍蝦味飯。我地叫左龍蝦汁燴雞同燒牛柳粒配飯。個飯顏色好吸引，食落好香口，有少許龍蝦鮮味，不果就有少少油。牛柳又無煮得太老，雞塊亦都幾滑。我同朋友都叫左標準份量，份量算足夠。而且吾算貴，見到買滿一百蚊可以外賣，兩個餐都已經超過一百蚊。午飯諗吾到食咩又吾想出街買野食可以換下口味去試下。

午間搵食貼士店面細，不適合大伙兒飯局最多係4人枱，目測係4至5張左右。1215去到，9成滿，咁啱有人走，我地先有位。1300如果係1至2個人都仲可以有位。招呼周到好好禮貌，地方乾淨，所以誠意推介俾各位。同事點咗咗蝦意粉同一杯薑蜜。我試食咗小小，意粉份量十足，蝦嘅質量好好，好彈牙，好爽身。意粉亦軟硬適中，唯一略嫌伴碟的翠肉瓜硬咗啲。我呢點咗牛柳蝦汁飯加玫瑰花蜜。同樣係份量十足，我肉好軟身，飯有啲櫻花蝦，好有心思，飯加咗蝦汁亦好鮮味，好好食。我地叫咗個龍蝦湯，老實如果想食creamy 啲嘅話，佢唔合格，但係勝在夠龍蝦味，加上唔喜歡太creamy 的口感，所以我覺得唔錯。美中不足的是，如果夏天，鋪面會好熱，如果要食一定係買外賣。當日亦見到好多人等外賣。同埋佢都好貼心，可以whatsapp落單，轉頭去攞。另外，如果你係超級環保份子，都請你去前再諗清楚，因為店家全都用即棄餐具及盛器。

今日lunch 諗唔到食乜，又唔想dine in ,於是去左新開既蝦佬叫外賣，原來外賣有九折添，幾抵。原本想叫個蟹皇天使面，點知排到就話已經岩岩賣哂。後尾改要個炸雞黑松露意粉。個炸雞食落有啲粉，口感麻麻，反面個意粉唔錯，黑松露味夠重。lunch 泥講算抵食，好大份，實夠飽！

前幾日收到佢哋喺度派傳單，見到個Menu好似都幾吸引，於是今日就同同事過黎試吓啦😃佢哋個Menu上面真係有好多選擇架，而我本身都好鍾意食龍蝦的，於是就叫咗個U5.經典龍蝦湯泡飯配燒汁牛柳原來佢哋堂食都係用膠盒裝住，感覺有啲唔環保😅個龍蝦湯泡飯好大碗，食落好滿足，而牛柳估唔到咁大粒，份量大約有6-7舊，都好夠食👍🏻另外我見佢啲食物都係新鮮製作，上枱時都好熱辣辣，夠晒新鮮。其實食物質素都不錯㗎，而啲店員都好有禮貌同主動，值得一試... 👍🏻

昨天經過見有人排隊，而且專買龍蝦湯，所以今日專登黎試下（黎之前已經同自己講如果不需要排隊才試），今日12到所以唔使排隊所以入去試下，叫左龍蝦湯（細）和黑松露意大利麵配香脆炸雞。食後感如下龍蝦湯冇龍蝦味黑松露意大利麵冇黑松露味連香脆炸雞亦不脆共付了$74我絕對明白$74不可能食到真正的龍蝦和黑松露，但至少也要煮到似果樣嘢先，總結係呢間係一間完全冇心做食物的舖頭。食物咁差亦有人排隊，真不明白香港人是否都瘋了。

由於身邊有人喜歡吃龍蝦，因此上網找那兒有提供。卻原來遠在天邊，近在眼前。可能因為它收八點的緣故，所以第一次專程去時卻摸了門釘。之後查真時間再去，飲過它的龍蝦湯後，便上癮似的一去再去了。先說原味龍蝦，口感香滑，濃郁又不會太咸，而且有新鮮剝彀蝦數隻，可以提供咬口🤣以這樣的價錢，絕對令人滿意另一次在店員的推介下試了花膠龍蝦湯，花膠很大，佔了三分一個湯，對於喜歡吃湯渣的朋友，可以一試。另外它也有併飯或麵的套餐，價錢亦合理，試過焗雞和咖哩牛腩都不錯。小店還有提供輕量裝，是健美或小胃納朋友的恩物。另外跟餐也可以要柚子蜜，適合不喜歡飲湯的朋友。

放lunch見到有人派新menu就拎一張番黎睇其實價錢都偏貴但想試下新野咁我就叫左C餐其實佢成個menu都冇咩野簡一下雞一下牛 一下飯一下意粉 要大份定細份後面個頁就有三款沙律可以簡如果係lunch time叫就完架了不過勝左滿100就可以叫外賣雖然係細份但都有一碗飯既份量佢舊薯仔好大舊不過好彩都係淋既牛腩都煮得好淋 有d會連多舊牛根個咖哩汁都好香 唔算辣反而龍蝦味飯就有d奇怪味道同普通白飯冇咩分別最伏係呢個龍蝦湯 好油同埋唔係我食開既龍蝦味 好奇怪入面有2～3粒蝦肉總結就係個飯係ok但唔好求有咩龍蝦味

友人說最近有間賣外賣龍蝦湯的店，價格實惠，味道也不錯。前幾日襯經過，順道光顧試試。到達時已經是晚上6點幾，人客不多。原來除了外賣之外，也有少量堂食的座位。雖然位置較少，但地方也乾淨。點餐是自己到收銀處點的，本來一心想試花膠龍蝦湯，但店員說一早已賣晒，所以只點了普通龍蝦湯。另外再點了個咖喱牛筋腩意粉。安座後等了一會，店員便送上食物。龍蝦湯頭(細，$20)沒有花膠的龍蝦湯，入口龍蝦味道頗香，但不會濃到有苦味。除了龍蝦味外，還有陣陣蝦味，應該有加蝦頭落去煲的。雖然吃不到龍蝦肉，但蝦肉也不少。當然，與高級餐廳的龍蝦湯有所不同，但如此低廉的價錢來說，性價比絕對不俗。咖喱牛筋腩扁意粉 (細，$36)咖喱汁不算杰身，但勝在味道夠香濃，帶丁點辣味，用來伴飯固然正路，但用來伴扁意粉，又有另一番風味。牛腩不會太瘦，而且不只有腩位，還有牛筋。牛筋炆得腍滑，不錯。 扁意粉也煮得剛剛好，不會太腍。唯一不足是咖喱油份較重，少一點油的話就更好。餐廳另一讚的就是食物有細份量可選，對我等小女子來說剛剛好，又不會浪費食物，價錢又平一點。店員禮貌也不錯，會主動介紹餐牌食物。餐廳食物雖然仍有改善空間，但看得出是有誠意的。

經過灣仔見到有新食店，又見到店外有職員推介，於是乎試下，點知伏伏伏 。。買左肉丸撈面，加配玫瑰花檸蜜。先係肉丸意粉上枱，係茄汁底，啲意粉完全無味，連少少鹽都無，撈面啲汁又完全掛唔到上意粉，好水而且好酸。飲品: 佢無包，全部都要另外加錢，加左9蚊，試呢杯凍玫瑰花檸蜜，更加係嘥錢。難飲到不行，酸到爆炸， 同檸汁無分別，啲蜜唔知去左邊，飲左一啖我就原杯擺喺餐廳走左。成間野都好伏 😑😑

Say goodbye to the red light district as this street is getting more restaurants.Hello Lobster is the second branch from Central serving Chinese style Western dishes with "Lobster Sauce".Tried the lobster soup with fish maw which is obviously those substitutes just like shellfish adductor muscles ie scallop vs the mini ones you get in mussels.Obviously the fish maw here is not that viscous.As for the soup, it tasted like shrimp head broth with tomato.