蝦麵店 (荃新天地) (已結業)

今日出左荃灣做野開會，食Lunch時間到啦！同事提議邊間餐廳最快有位去邊間，蝦麵店最快有位，等幾張就有位，好彩！我地一叫左一碗湯粉，我嘅係「辣味蝦湯底」，即福建麵揀完湯底，仲可以揀配料，海鮮應該係最match！粉底有5款選擇其中一款叫「摻摻」，問店員先知原檢係油麵+米粉，店員解釋馬拉人中意將唔同粉麵一齊食，有唔同質感！所以我二話不說說揀咗「摻摻」試下先！海鮮份量都幾多，青口、魷魚、蝦等等.....湯底濃厚，不過辣辣地，幾正！

好姊妹臨盆在即，趁佢「卸貨」之前一聚，就下佢去咗荃灣嘅呢間蝦麵店，鋪面唔算好大，原來係食馬來西亞菜。可以選擇套餐或散叫，選擇都多。二人餐（ $228 ）有兩碗面、小食幾款、飲品兩杯同埋兩份甜品，相當豐富。我哋三大一小就叫咗一個二人餐及一個單人餐。二人餐嘅小食，除咗指定有馬來香炸雞翼（兩件）加馬來沙嗲雞脾肉肉串（兩串）之外，仲可以揀多兩款，我見有個叫做「秘製囉吔」，完全唔知係乜，咁得意就叫黎試吓，原來係一種馬來西亞水果沙律，裏面有菠蘿、蘋果、魷魚、油炸鬼粒、蝦仔、花生碎等再加埋秘製囉吔醬，味道好難形容，幾特別，係咸嘅沙律，有啲水果咁囉。至於個雞翼同雞髀串，夠晒惹味，雞翼炸得脆口，很想encore! 油菜都大碟，新鮮！話明叫「蝦麵店」我估佢蝦係最出名嘅，所以我揀咗個辣味蝦湯底，送到黎見到湯底隻色咁深色以為好辣、死梗，但食落其實又唔係好辣，我都接受到。我揀咗蝦肉肉片嘅配料，蝦唔算大但新鮮，份量OK。而我揀嘅麵底係「摻摻」，即係油麵同米粉撈埋，真係未食過，幾得意。朋友叫咗個咖喱叻沙海鮮摻摻，見佢都相當多餸，有青口、蝦、蟹柳、魷魚、豆卜，叻沙味重，好香！甜品方面，「榴槤咖央多士」好香榴槤味，多士

成日約朋友去荃灣，我同朋友都係無所謂既人，就咁傾食咩都已經諗左成粒鐘🌝喺openrice 見到呢間野都幾特別就試下啦😋咖哩叻沙蝦肉肉骨摻摻一放上枱就閒濃濃叻沙香料味，即刻流哂口水，令人好有胃口！湯底係冇令我失望，之前食過一啲有色但冇味既叻沙，好似飲水咁，呢個就好唔同，有色有味仲要勁香濃，好足料！蝦肉係已經剝左殼既鮮蝦肉，夠大隻又好鮮甜，吸哂叻沙既精華，好正！肉骨就似係豬肋骨，不過係馬拉version，肉質好軟熟，應該都煲左一段時間，肉汁成功鎖哂喺肉入面，而且同叻沙湯底好夾，食落啖啖肉，好滋味啊🤤🤤而摻摻其實姐係兩款麵mix，我就揀左米粉同油麵，粗幼夾雜，食落好有層次，好有風味！前菜 - 沙嗲醬雜錦魷魚秋葵樂樂原本我見到就覺得麻麻，但因為朋友見到沙嗲醬就覺得應該好好食，所以我就捨命陪君子試一試佢啦！點知原來又真係幾好食個喎，啲秋葵冇我唔鍾意嘅滑潺潺感覺，唔講真係唔知自己係食緊秋葵，好爽口！而沙嗲醬配埋芽菜花生等等，食落好清新，好開胃，最後我仲爭住食左一大半😂😂要讚嘅係佢啲魷魚都幾足料，仲要好彈牙，唔會覺得好韌咬唔開，真心推介！甜品 - 桔子香茅凍可能我份人好鍾意食好清新清甜嘅嘢，所以我覺

Weekend約左屋企人出荃灣行街街👨‍👩‍👧‍👦食個Lunch先慢慢行啦🥢Menu老有幾多粉麵選擇📃小妹鍾情喇沙🥘二話不說揀咗🤪哈哈選擇要咩麵底🤗當中有一款「摻摻」原來係油麵+米粉🤓店員話馬來西亞人中意將兩款唔同粉麵一齊食😙因為有唔同口感、唔同味道😉所以我地全部嘅粉麵都揀咗「摻摻」😂海鮮喇沙上枱啦🍜海鮮份量多🦐有蝦、青口、魷魚等等...啖湯濃厚🌶少少辣豆卜最索味😆

放假約左朋友出荃灣食午餐。無黎一排，荃新天地已經新開左好多唔同既餐廳，最後揀左去L1 既蝦麵店。餐廳環境都算開揚，另外以黃色白色為主，俾人感覺都幾清新。檳城尋味二人套餐 （$248）因為唔想諗既關係，同朋友叫左個二人套餐，入面包兩碗麵食、4個小食、2杯飲品同兩個甜品，好似都幾抵食。辣味蝦湯底魚片四寶檬粉二人餐既好處就係湯底、麵底同配料都係可以自選既。呢度好似出名蝦湯，所以叫左個辣味蝦湯配魚片四寶配檬粉。湯底好香濃蝦味又帶點微辣，配菜魚片四寶加埋呢個湯底都出奇地好味，檬粉就唔會煮到散哂，沾滿辣蝦湯底令人好想大啖大啖咁食。呢個組合配搭確係唔錯！

是日和老公睇戲+dinner，荃灣區都幾多新開麵店，我們選了這家馬拉菜「蝦麵店」，二人套餐都算經濟實惠，幾抵食有小食、甜品、麵及飲品。檳城尋味二人套餐 $248 是日油菜 我們選了馬拉盞通菜，醬汁帶小小咸香幾野味。跟餐有兩柸飲品加10蚊可以order特飲。Order了青檸及亞參疏打，「亞參疏打」個名幾可愛第一次聽呢！味道甜甜酸酸又有點像人參果味，幾特別！🔸馬來香炸雞翼+沙嗲雞脾肉串雞翼皮焗得脆口唔會太咸，個人較喜歡沙嗲雞脾肉！雞肉嫩口而沙嗲唔會好重口味，沒有很辣還帶小小甜味😋🔸秘制囉吔很特別的檳城小食，是油條加蘋果及菠蘿，個人幾欣賞這個秘製醬汁，酸酸地又帶小小咸及花生香味幾開胃呢。🔸福建鹵湯，蝦肉肉片檬粉湯底都有幾多材料有蛋、冬菇絲及菜，賣相似碗仔翅般，質感較結身帶有小小鹵肉味道微辣的，不會太咸，個人幾欣賞佢個蝦，肉幾入味同埋夠爽口。🔸豬骨雞湯魚片四寶本以為這個湯底平平無其，原來豬骨同雞味都幾濃郁，清清地配合埋彈牙既魚片和魚旦，不錯👍🏻🔸甜點 榴槤咖央多士身為榴槤粉當然要試下呢。多士脆脆，榴槤味都幾濃加上有咖央醬，味道豐富天甜甜地😋摩摩喳喳賣相不錯，是本人最愛的紫色系，糖水芋頭味濃郁甜

今日嚟到朋友推介咗好耐嘅蝦麵店。 呢個門口嘅時候 接待 我哋嘅係呢間餐廳嘅經理 佢面露笑容仲好積極為我哋講緊下餐牌上嘅菜式 同埋佢哋餐廳嘅特點 以下落嚟嘅 食評呢 都係跟返佢嘅推介以去選擇嘅。我哋叫咗 兩個麵套餐， 雖然話係細玩但其實 都幾大碗嫁， 同埋嗌咗四個 跟餐小食， 兩杯嘢飲， 詳細菜單可以睇返圖片。我極力推介ss2套餐， 定時食唔到辣嘅我呀， 都可以食曬成碗連湯都飲埋。 成碗亦都好足料。我突別想講嘅係肉骨， 真係非常好食，一口咬落去，肉同骨之間就輕易分離，又夠嫩。 蝦麵店，當然蝦都係非常之出名啦， 冇令我失望到， 碗面上既蝦， 係炒過既， 食喺上嚟非常之香口，同碗面呢非常之夾。另外嘅套餐ss10， 係福建滷麵， 經理專登行埋嚟同我哋講，落啲醋呢係好食好多㗎， 事實又真係好似佢咁講喎， 真係好食啲。去到小食方面， 一人小食拼盤好值得大家去叫 ，我個人認為性價比最高。 有雞肉串炸豆腐同埋雞翼， 令我印象最深刻嘅係炸豆腐 ，非常香口炸得好脆。而摩摩喳喳， 係一個甜品， 入面有芋圓， 芋頭，蕃薯，香蕉 再配上椰汁。 呢一個可以無限encall😋😋😋 食多幾碗都唔會厭。 我朋友無次黎食

同媽媽黎左荃灣行街街，x莎大減價好抵呀，買左好多野，行到累累地就走左去呢間蝦麵店，媽媽鍾意食喇沙呀，呢度個湯底啱佢口味，要左一人一碗麵再加下小食甜品，一於豪一豪佢食多啲先。碗麵我地都要左咖哩喇沙湯底，鍾意佢湯夠濃，少少辣好正，媽媽要左檬粉，自己要左米粉，兩樣都吸晒湯好好味，餸就要左墨魚丸魚片，同魚蛋魚片，爽口彈牙幾正，最正係豆卜，爆吸湯～ 見餐牌有個秘制囉吔，好得意咁樣又叫黎試試，65蚊好似細兜左啲喎，不過幾好味，用新鮮水果切成嘅沙律，有梨，蘋果，菠蘿，醬汁甜甜地，味道有啲似麵豉醬加甜醬，好特別。跟住就係甜品，要左摩摩喳喳同榴槤咖央多士，糖水好香芋頭味，杰身又綿正喎，多士好香榴槤味，值得一試。 仲加左特飲，夠晒凍，啱晒夏天。 好味好味～

今日約左荃灣嘅朋友仔去會所玩，玩之前喺佢屋企附近食飽飩先。荃灣街坊介紹呢間蝦麵店抵食，就聽佢話試下。中午時間黎到都幾旺場，等左一陣位。兩大一B叫一個二人餐試下。二人餐都相當豐富，包括兩括兩碗自選粉麵、兩樣小食、仲有飲品加甜品。小食揀左一份炸魚皮，非常香脆，味道不錯。 另一款小食係類似併盆，有炸雞翼、五香滷肉卷、豆腐、串燒。份量相當多，最特別係肉卷，外皮脆脆中間係內碎加埋其他材料，口感好特別，五香味濃，又夠Juicy，好味。而串燒加沙嗲醬都非常惹味。雞翼就略為乾身少少，但勝在夠入味。 主菜揀左一款咖啡叻沙，自選配料係魚片四寶。湯底好有椰香，帶微辣。魚蛋、墨魚丸都夠彈牙。 福建滷麵湯底好濃味，杰杰的，材料揀左雞蛋雞絲，十足碗仔翅咁，BB都好鍾意。 最後甜品揀左亞參多士，烤得香脆，果醬酸咪咪。另一款香茅凍好清涼感覺，剛才食左d辣野即刻舒服晒。 套餐非常豐富。平常較少食檳城口味，今次一試覺得非常驚喜，味道獨特吸引，朋友仔果然無介紹錯，在連鎖餐廳之外，又發現一個新選擇。

系灣仔大熱主打馬拉菜既蝦麵店開到黎荃灣，小編襯行街經過就順便黎試試佢(=ﾟωﾟ)ﾉ！環境簡約、舒服，服務員安排小編同朋友坐左系窗邊位。有不少優惠套餐，睇落都幾多款式都幾多選擇。以湯粉、麵同不少東南亞小食為主。一開頭就叫左啲小食，分別系 五香脆炸豆腐豆卜(hkd$22) 同埋 馬來香炸雞翼(hkd$25)。兩者都系以香料腌製，火喉剛好，不會太乾身，還帶點脆口。豬骨雞湯海鮮麵(hkd$62) 湯底比較清淡，海鮮材料有大蝦、青口、魷魚等，尚算豐富，不過味道太淡，令整體有點失色。咖哩叻沙蝦肉魷魚麵(hkd$71) 叻沙湯底十分惹味，香濃既叻沙中帶點椰香。材料份量絕不比海鮮麵遜色，再且，配上摻摻(油麵溝米粉)更顯馬拉特色。凍冰糖檸檬薏米水(hkd$18) 甜甜地飲翻杯，清熱解喝(˶‾᷄ ⁻̫ ‾᷅˵)！半份亞參脆多士(hkd$16) 以亞參(熱帶酸羅望子果)作醬，味道比較酸，搽上脆口既多士上，幾開胃(´･_･`) 咦，這應該放在最後吃嗎？

行街經過見到呢間「蝦麵店」係食馬拉菜，菜式幾特別，就試下新野啦☺️🤤🤤呢個辣味蝦湯麵，愛辣之人必食！辣得黎又食到蝦既鮮甜味，唔係一味得個辣字，好食。不過都幾辣，唔食得辣既就要小心🤭🤭呢個類似新加坡肉骨茶，不過無咁重藥材味，反而胡椒味就好香，不俗👍🏻仲叫左小食，雞翼串燒都燒得唔會太乾，而且香料好香👍🏻👍🏻呢個甜品好特別，叫摩摩喳喳，其實係芋頭椰子🥥露，芋頭味好香，椰子味好濃，正🤤🤤

今日約咗同樣喜歡食辣嘅朋友食飯，試試新野，馬來西亞菜。打開餐牌樣樣都好吸引全部都好想食最後點了辣味蝦湯底嘅海鮮湯配油面，咖喱叻沙湯配米粉。辣味蝦湯配海鮮愛食海鮮又愛食辣嘅我啱晒湯底好濃郁蝦味而且辣味岩岩好，吾會太辣蓋過鮮味，味道好夾。咖喱叻沙湯配米粉，平時都試過其他叻沙，但尼個湯底有好濃郁嘅椰香味，啖啖肉片加上蝦肉好豐富，連湯都可以飲哂。另外小食點了馬來沙嗲雞脾肉串、配埋花生沙嗲醬更野味！炸雞翼，吾會炸得太乾，仲好有肉汁。甜品方面：橘子香茅果凍，酸酸甜甜夠特別第一次感受到又清涼又回柑嘅新鮮味道。意想不到既味道，一試難忘。榴槤咖央多士，尼到半份份量，兩個人食夠哂。我覺得係榴槤fans必食嘅，榴槤搽上脆脆多士上，濃濃榴槤味，又熱又脆。

-小妹今日特登嚟荃灣呢一頭， 搵埋我媽👩去食好西。幾乖女🙊。雜錦蔬菜🥦麵 （$64）媽咪話想主力食下蔬菜🥦，呢碗啱哂佢喇。連埋咖哩喇沙湯底 + 米粉，就算蔬菜🥦都食得好豐富😎。五香脆炸豆腐豆卜［細］仲諗住碗麵連埋小食， 小食份量都唔會多。 原來都幾大碟🙈。總之唔洗再叫多個小食喇🙉。熱亞參蜜茶🍵 ［特飲+$10］好特別嘅味道，苦苦、甘甘咁。鐘意食苦瓜嘅人， 應該會幾鐘意呢杯。蝦肉魚蛋麵 （$60）轉咖哩喇沙湯底（+$9）+ 河粉以前去親灣仔間分店， 我必定會叫呢個， 當然今次都唔例外喇🤭。水準都係keep 住好食👍。馬來白咖啡☕ ［熱］（$20）一飲就諗起，亞發白咖啡嘅味道。檳城小食拼盤 （$98）五香滷肉🐖、馬來炸雞翼🐔［兩件］、沙嗲雞髀肉🐓［兩串］、五香豆腐豆卜呢款小食， 好明顯係「妹仔大過主人婆」喇。本身諗住唔夠食，先叫呢個拼盤架。==========蝦麵店地址： 荃灣楊屋道1號荃新天地一期1樓108及110號舖

荃灣係行街之選，幾個大商場，之前經過見到裝潢一個一個簡單色調既百葉窗，同店名個蝦字已吸引左我！（我喜歡食海鮮，特別蝦湯類既都喜歡！）A3 海鮮麵 （大蝦、魷魚、青口、腐角、蟹柳） $72 海鮮份量唔算小，湯底配料有芽菜、通菜、炸蔥會放左匙羹上！湯底可轉小辣，蝦味會較淡🦐🦐唔算辣、屬於惹味果種香辣！選麵底：油麵、米粉、河粉、檬粉、摻摻係咩呢～（油麵+米粉）份量選擇都貼心 有正常份量就200g、加麵底270g +$8 、扣底140g -$2 ，對於小食多餐既我或者想叫多幾款小食，140g就岩！朋友點了檳城路邊攤一人套餐 $96SS3 蝦肉四寶麵 有魚旦、貢丸、墨魚丸、腐角呢個餐幾好，麵量是140g ，再點2款小食，飲品/甜品！酸酸甜甜夠清涼開胃！ 一人小食拼盤 雞翼 雞串 脆豆腐 記得點醬食，沙嗲夾雜左d花生粒，特別香口！最愛秋葵必點，沙嗲醬雜錦魷魚秋葵樂樂，醬料同食物很搭，可以再單點一個🤤 呢d天氣飲杯檸檬薏米，清清熱解渴！

同朋友係荃新天地行行下街肚餓，經過見到間蝦麵店，好似幾正宗馬來西亞野，就入去試試。職員安排咗我地坐窗邊位，隔住個廉，望住商場平台，有種寫意嘅感覺。我地2個人嗌咗個檳城尋味二人套餐。麵食方面，我揀咗咖哩叻沙同雞絲雞蛋，menu雖然寫係細碗麵食，但係比我想像中大碗，好抵食👍 辣味適中，d米粉吸收哂d湯底味，啖啖都係叻沙味😋個套餐仲有幾款小食可以揀，其中炸豆腐豆卜，個豆腐炸得非常香脆可口，而且雞脾肉串都好好食，有2款醬可以選擇。最後我地叫左兩種多士做甜品，兩款都好特別。榴槤咖央多士，榴槤味唔算特別濃，味道適中好易入口。而亞參脆多士就有種酸酸甜甜嘅味道。