蠔燒

營業中

休息中

呢度就$388..結論： 燒蠔$25隻，合理好味。$100四隻算ok...青口成打，食到飽先$96。 虎蝦$48隻，燒過左火，有d唔值。扇貝唔夠大隻，但成$48, 勝價比最低。overall, $388, 寧願買晒燒蠔同六隻青口就夠。至少$350有14隻好味燒蠔食...不過，最後一句，所有食物，雖然都係急凍野，但都算有鮮味，但如果介意價錢，建議唔好黎食。

燒烤需時太長，估計爐頭火力不足。因為有些食物預先煮熟才燒，影響味道。地方不大，相對員工人數足夠。但建議增加爐頭，減少等候出品時間。價錢相對太貴，因為份量奇少，勝價比低。一個成年男人，要預食夠$500以上先有飽感。建議去完酒吧宵夜，發下口痕或溝女先好選擇。如想飽肚，無錢去豪就免了。唯一優勢：可考慮外賣到附近酒吧食。因老板和附近酒吧老板相熟，可以買去酒吧食用。

去到大圍 諗住同朋友食串燒 我地揀左168個間黎試下 佢地可能開左張枱係人地區域度俾我地 而我地搵餐單諗住落單 見到隔離張枱有張餐單 所以就拎左黎落 利申係完全唔知個區域係佢地同啲餐單係佢地既 結果依間入面一個短髮女人行過黎態度唔好甘問我地:啲餐單同枝筆呢！你知唔知啲野係我地嫁！我個朋友即該話:唔好意思呀 俾翻你。之後個女人係鋪入面一直望住我地一邊同同事話我地。168員工知道都有幫我地轉第二個位同我地講唔好意思。其實成件事唔知我地錯係邊 點解要俾你態度甘差甘話 仲要望望望眼超超！未食就已經咀咁巴既態度，之前佢地都好好態度去叫我地入去食，結果簡168，作佢地態度就180度咀咁，抵你無客！

食左個半鐘, 全場燥爆, 冇一張枱冇漏單, 啲客追單, 追到煮野食過大肚婆爆曬粗, 未見過一間串燒連啲牛丸墨魚丸 龍蝦丸 都夠膽死全部一開二 , 每一串得兩粒, 我咁講一句, 佢揀直沙田最差嘅嘅串燒舖！！

見到咁多人坐以為無死點知可以咁難食！其實我未食過咁難食既串燒。。。食完完全無滿足感。。手拍青瓜。無味。涼拌海蜇。無味！串燒？d野係燒架咩？好似煮過再燒一燒個面。好彩有個味架！俾你加味！係咪淨係食蠔？生蠔？所以d串燒係完全無味？攪到要再搵野食！不過個蒜蓉包。冬菇。係唯算正常既野。咁既價錢食呢d我覺得真係對唔住自己。食到嬲！😭😭😭服務環境都好。但味道。。。我覺得自己燒野食好過

中伏！想試好耐，但試完後得個嬲字。嬲到要寫食評。最普通易整嘅食物都可以冇味，例如翠肉瓜冇味，燒茄子冇味，估唔到牛油蒜蓉金菇都可以冇味。全部食物都係煮熟先燒幾下，都唔緊要，個問題係收得貴，但煮得冇誠意，覺得浪費咗d食物😭😭😭😭！隔離枱都係食唔飽走人，傾緊再去邊到食。我諗大家都有被騙ge感覺。唔敢再試...除非聽到佢有改善.....

見有法國生蠔食又唔太貴生蠔新鮮乾淨，嚎味重，好肥美正第一次食燒秋葵，估唔到燒得好好味，又唔會好乾燒雞皮聽老細講係新鮮雞皮，每日小量，售完即止鳝魚，焗什菜，同燒茄子，味道調教得剛剛好，樣樣都新鮮好味，下次可以再黎食！

出開大圍找飯吃, 見到開左間新野燒烤.其實隔離舖位一直都有間燒烤小店, 但坐位太少所以無試過. 呢間新開既可以坐得舒服D, 仲見佢門口有新鮮小龍蝦同生蠔. 就去試一試. 見到menu有燒雞皮, 即時order, 點知老闆娘話買哂, 因是新鮮雞皮, 所以售完即止, 唯有下次早D去..