行政會所 - 金域假日酒店

營業中

休息中

🏨 Holiday Inn Golden Mile Hong Kong又係Holiday Inn?! 話說上年試左一次 #史無前例 性價比超高的Staycation就一直念念不忘☺️所以今次一見kkday出左 $6xx 4人入住包3大人Lounge🥂& 3大人自助早餐限量搶優惠😍就即刻搶來孝敬爸媽👩🏻‍🦱👨🏻‍🦱今次Package同上次相似🙌🏻有得入Lounge🥂可能暑假，好多爸爸媽媽帶住2個小朋友來Staycation😂Lounge突然變左兒童樂園👧🏻👶🏻人太多Cocktail & 自助早餐都分左時段！🍽貴賓室🍽因有Lounge access所以在Lounge食少少茶點等Check in☕️Cocktail時間有4-5:45 / 6:15-8揀🥂剛剛食完Tea當然揀6-8啦！啲野食&酒都夠食夠飲😋食完不用出去食晚餐！有6-8款熱食、甜品🍮、前菜同大量酒類任飲任食😋最欣賞Lounge d服務同Refill食物速度👍🏻影番多啲相俾大家參考🥂總括然而，搶到呢個 $6xx包3個大人住宿+自助早 & 晚餐🥣仲有大量酒供應係十分抵玩的🙌🏻下次有同樣Package都會考慮😋

嗯…整體來說是便宜的但如果walk-in就好唔抵我地係食早餐buffet因為同行有小朋友小朋友表演好興奮，可以隨便拎自己想食既野但係有啲野食連小朋友都唔想食😅佢覺得難嚥下…但不影響還有其他能吃的東西！整體來說還可以

staycation包行政會所餐飲券，checkin時提供。記得係分4點幾同6點幾兩個時段，每段1.5小時。我地揀咗6點幾時段。4款熟食（炸洋蔥圈，雞扒件，吞拿魚酥盒，豬頸肉件）1款飯卷，2款芝士，2款麵包，3款糖果，2款莎樂美腸，2款甜品，沙律菜，薯片。3款室溫紅酒，4款冰鎮白酒，2～3款啤酒，另有可樂、雪碧，咖啡機。雖然種類少，但食物不錯😋 補菜速度幾快下，見到幾次只係差唔多無就會好快地換一盤出嚟。環境好舒適，坐低慢慢飲飲食食傾下偈，唔覺唔覺就夠鐘喇 😁

係啲staycation app上面見到金域假日酒店有package 今日同高太過黎試一試距個package 九百幾蚊包住行政房黃昏雞尾酒同早餐仲可以三點check outclub lounge 無想象中甘多人，環境直頭可以用優靜黎形容沙發坐得好舒服枱同枱之間隔得好闊落舒服到我地坐足两個鐘先捨得反上房睇電視酒既種類有好多，仲有啲啤酒氣水食物選擇肯定唔算好多，熱葷有四種，仲有一啲cold cut ，好似芝士，ham 甘仲有一個沙律吧同两款甜品食物質素都幾唔錯添我同高太都飲飽食醉甘反上房疫情下，有啲甘抵既package 都算係苦中一點甜

經常有人問：lounge多數要食唔飽喎⋯⋯送嘅點會好⋯⋯呢間，打破上述宿命。Cocktail時段，紅白酒、餐酒、勁多酒，任飲。汽水更加不在話下！熱葷有四，味道全部都OK，有意式肉丸、雞翼、蝦春卷等⋯⋯沙律菜超新鮮，朋友評價很高。甜品雖然得兩款，輪流補充，好好食！一口朱古力瑞士卷，朱古力味好香，蛋糕身好軟熟⋯⋯今次staycation都是媽媽們和小朋友，夠飽啊，可以權充一次晚餐！呢間，真係值得再住幾晚！

酒水充足，基本上有10幾種酒選擇，當然如果帶小朋友嚟都唔使擔心。都有其他無酒精飲品選擇小食方面種類都算可以沙律菜都算新鮮、Guacamole with Tortilla Chips（必食）配埋酒飲真係一流。Cheese都有幾種選擇：Mozzarella/Brie、Emmental等但無Blue Stilton有d失望😢不過配埋餅乾都算唔錯。最重點係裝修都算闊落，雖然當日人數比較多（暑假）但都有充足嘅座位選擇

又到生日月份喇~，我個老友識咗好多年呀~今年非常之好呀，今年專登訂咗酒店嘅自助餐同我慶祝呢間酒店其實個位置都ok比較易搵，我覺得佢啲冷盤係最好食嘅~佢嘅龍蝦同埋生蠔呀都幾新鮮不錯不錯

除咗黃昏雞尾酒，行政酒廊早上亦都供應免費早餐。早餐選擇都相當豐富，有水果、沙律；穀物類早餐、牛奶、乳酪；冷盤有幾款火腿、煙三文魚同芝士，煙三文魚唔太鹹，但煙熏味好香麵包有港式麵包同歐式麵包，當然仲有多士，選擇豐富適合唔同口味嘅人熱盤有煙肉腸仔、火腿、蕃茄、薯餅等等中式有幾款點心同埋兩款粥仲有麵檔同埋egg station，我見佢嘅牛腩大大嚿好似好好食Pancake用上即製嘅pancake機，睇住塊pancake慢慢喺部機度整出嚟，都幾得意成品出到嚟細細塊，但加上忌廉、醬汁同埋水果就覺得好開心飲品方面有果汁同即磨咖啡，總括來講呢度早餐嘅食物選擇多，又唔會太多人，座位亦都幾舒適。

今次Staycation其中一個最抵嘅環節，就係放假包括左行政會所嘅免費使用。會所設計似係一個商務環境，如果係嚟香港公幹，呢度都係比商務旅客開會嘅一個好地方。早上七時半至10時半供應早餐，黃昏六至八時供應雞尾酒及小食，而其他時間直至晚上11時會供應飲品。黃昏雞尾酒嘅環節包括左紅白汽酒一共六款，其中有法國及智利紅酒，法國、智利及意大利白酒及意大利Prosecco汽酒茶係採用意大利人創立嘅斯里蘭卡品牌Dilmah茶包，款式選擇都好多。啤酒汽水都係任飲，仲有即磨咖啡機。每日供應四款唔同嘅熱盤，今日我哋食到嘅有單骨炸雞翼、春卷、腸仔同煎餃子，雖然唔係名貴嘅食品，但味道都唔錯。冷盤方面有沙律、熟火腿、芝士、粟米片及醬汁、壽司卷、麵包及少量甜品與糖果。星期日人數都唔少，但亦都唔算擠迫，而且其實都食得飽。唔使錢，冇缺點，食得特別開心。