裕一品四川雲南米線 (已結業)

以前係荔枝角讀書經常食，所以總有D情意結。見到係灣仔開咗就特登同舊同學去食，味道同當年讀書好唔同，試完一次就算。以前專心做米線，湯底辣得好過癮。而家好多小食，連飯都有。明白嘅，香港嘅租金成本真係好高。

星期六下午，路經灣仔，順便搵搵有咩平野食。見到呢間下午茶幾平，評語也不錯，就抱著一試的心態吃吃看。叫了個鹵水雞翼麻辣紅薯粉。（$27）麻辣湯底（小辣）好香濃好好飲，是令人流口水的辣，食完都唔口渴，應該冇加味精。個人覺得湯底比譚仔還要出色。平日好怕吃到唔夠稔的薯粉，呢間紅薯粉煮的夠稔，唔會韌到咬唔斷。鹵水雞翼中規中矩，鹵水汁帶甜，唔會太鹹。$27一個下午茶，算係咁。非常欣賞餐廳的麻辣湯底，吃過會令人念念不忘的。

啱啱係VTC考完試，行過馬路見到間米線店岀面貼住啲圖睇落好似好正咁，就即入。入到去間舖環境不俗，叫左個豬頸肉，韭菜餃，芝心丸酸辣米線加菜蜜。其實佢都唔平。得一個人煮所以上菜速度慢到你會燥底(如果你好餓)。啲餸都ok，韭菜餃都推，但係個湯底酸到呢，好似醋浸麵咁，因為都好餓勉強食哂啲餸，淨左好多米線。只知道no next time lol。。。下午菜埋單HKD45"""

剛剛在灣仔看完醫生又到了食晏時間，又唔想周圍逛就在附近醫肚。  天氣炎熱只想吃一點粉麵，剛巧看到這家叫裕一品的米線店係以魚湯作湯底，又有位唔使等...啱晒我。魚湯什菌湯紅薯粉(HK$39)什菌豐富，魚湯香濃我轉咗紅薯粉淨係什菌好似寡咗D, 所以加咗一碟例牌既口水雞口水雞(例牌) HK$55汁料夠香辣，雞件也不錯跟粉麵飯可以優惠價HK$2要杯熱飲

星期日都要過灣仔去上堂，實在不情願去，但又要考試，當返左一日工，個course值2000大元，本身已經好攰，都硬住頭皮去上。12:00放lunch，完全唔熟地理環境既我，傻下傻下走落斜路，同行有一個同班既女仔，各自都冇伴食飯，所以就一齊食冇咁尷尬。就近見到一間米線舖，個名都幾熟，記得我北角娘家都有一間，唔洗等位就有得坐，唔考慮就入左去。主要都係食麻辣/酸辣米線，$31起一碗有一個餸，另外再加餸就加$6，隨便食個lunch就冇特別加餸了。等左成10分鐘先有得食，上菜時間過慢。白菜水餃小窩米線 (酸辣7小辣) $31呢度既辣分左好多種級別，見隔離枱話3小辣好辣，唔太食得辣既我隨便揀左7小辣，黎到湯底望落冇紅色，但其實係有辣味的，呢個辣度啱哂我，少少辣又唔會太嗆喉，可惜個酸味就唔太惹味。白菜水餃有2隻，個皮好薄，食到有白菜同肉粒，味道不太濃。米線質地還可以，都夠滑。凍飲加$4同我一齊食既女仔都覺得，平平無奇的一碗麵，醫左肚就算。

店子小小, 人流也不錯由於食完high tea, 只想食小食.....陪陪友人食飯而已!不吃辣的我見到店名真的有點擔心.....好彩.......小食除了麻辣及口水, 也有鹵水的 !店子小小, 人流也不錯朋友的4小辣大鍋米線, 內有8款配料, 試了一片豬腩片, 不鞋口, 仲有少少軟骨, 超正大鍋米線的靈魂 --- 炸醬, 加入湯中增香之餘, 也增加湯底的濃郁味道鹵水豬耳, 熱辣辣上枱, 不但夾脆, 仲處理得乾淨沒毛鹵水豬大腸, 也是熱辣辣上枱, 樣子吸引, 口感軟綿綿, 推介海蜇, 對我來說點辣, 算粗身夾脆彈牙, 但有點沙2個人只叫了一杯咸檸七, 食物應該冇乜味精

男朋友接放學問我餓唔餓, 我餓我餓唔食都要陪佢食, 男朋友話食呢間嘅下午茶好平真係好平白菜餃豬大腸紅薯粉燒椒皮蛋唔辣, 皮蛋淋上砂糖,仲有豉油鹹鹹地,皮蛋好味到口水流 + 豎拇指  紅薯粉好透明,爽滑,啜啜入口會吸埋d湯白菜餃有好多餡, 皮薄唔怕滯感覺好健康豬大腸唔韌又醃得夠味,討厭嘅脂肪已經無哂, 男朋友鍾意食都無辦法

今年嘅冬天遲遲不肯露面😞搞到冇曬食辣嘢嘅衝動😒其實，我真係好喜歡食辣嘢㗎😂也就在我猶豫不決嘅時候，兄長帶領我來到呢間新嘅冇耐嘅餐廳食米線，有少少激動，於是我毫不客氣咁點多三個小菜，皆因間店牆上嘅一張張食物寫真，已經令我垂漣三尺！😍😍😍😍😍😍首當其衝，當然要屬紅油海蜇，好爽脆，辣味適中，相信好多人都會鍾意，份量亦一點也不欺人。再來又係紅油^_^呢個係豬耳肚絲，可以一次過試曬兩個口味，正啊！不過，內臟嘅嘢，都係咪食太多，呢d份量，剛好，店家確實諗得週到，👍‼️係我興高采烈咁食緊d美味紅油小食時，兄長係咁叫我食個川味尖椒皮蛋，講真，我一向對d蛋類食物都係麻麻d，甚至係對陣蛋味都有抗拒嘅感覺，不太喜歡呀~但兄長話呢個菜式唔同，試下妳就知咁話，好啦，唯有遵從聖旨！不食不知道，一食嚇一跳！印象中食嘅呢款菜式，都係好重皮蛋味，係又腥又傑咁，好不喜歡！但呢個，真係令人喜出望外！😋😋😋😋😋😋上面的川味尖椒原來不是辣的，而是帶有少少甜嘅，而d蛋不但不會腥及傑，更感覺滑滑d，不禁令小妹哇一聲咁響應兄長嘅推介，食咗兩件，仲意猶未盡！係我一路品味咁美味小食嘅同時，碗米線已經唔記得咗拍寫真，經食剩一半，更驚覺碗米線

行行下有D餓，宴晝見距爆棚，呢個時間去到唔洗等位，可能D人去嗮sogo濕平，比起其他分店，呢間D decoration 都幾有心機 D小食貼滿牆，大大幅比你睇。今日開始，轉左新餐牌，劃一餸$6，湯底同面底任你揀，order左一個小窩麻10小配白菜餃，豬頸肉，炸醬$43。麻辣湯好香，唔似X仔甘唔香又咸，白菜餃好，唔知系咪自己包ge呢，距地呢個炸醬系本人最中意食果隻...豬頸肉明顯有鹵過，依然爽口食到一半，飛到黎啦…^^蜜糖黑椒雞翼-$22(3隻)。yummy~~蜜糖包住面而且仲脆皮~小店黎講“難得”。有水準，又唔貴，難怪甘多人食...

舊公司主管不時都會專登過黎灣仔探望小肥，每次更例必請食晏 。由於深知XO仔鍾意試新野，食完又會寫食評，所以地點都係任由細佬去揀，今次選擇「裕一品四川雲南米線」亦是如此。可能「裕一品」新店位於橫行交加里，經常都有車輛阻擋，唔太起眼，舖位又唔算大，所以一點鐘去都唔洗等位 。食完就會知道其實小店唔係冇生意，而係因為廚房同樓面效率實在太高，食客基本上可以十五分鐘內搞掂 ，翻枱翻得好快。小肥一早喺OpenRice度睇咗餐牌，亦揀好食物，阿頭入座後即預先叫好食物，等細佬一到就有得食。食店以$29單售自選米線單拼$5餸配清湯，改轉烏冬只需加$2，以區內食肆黎講真係算好抵食 。 魚皮餃烏冬（$31）：「裕一品」個清湯底呈奶白色，味道清得黎好夠味，而且意外地一啲都唔油膩，食完一啲都唔會口乾，估計不含味精。碗內有三隻魚皮餃，清甜美味，形容為一品級 可話係合情合理，烏冬則屬普通貨式。

 放LUNCH, 原本想食隔離間車仔麵, 點知冇開, 好似封左鋪咁, 一心想食辣湯粉既我就建議不如見呢間, 又可以自己揀餸. 我地一行4人, 等左大約5分鐘先有位, 因為Lunch時間都好多人下入座後 一直掙扎緊嗌佢既大窩料定自選料好, 因為大窩雖然有好多配料, 但單中我唔o岩食既都有不少.最後有同事一粕大窩,亦有選擇自選配料本人所點既自選四餸麻辣大辣烏冬湯味唔算太過辣同麻, 入口叫做香口, 而原本想轉紅薯粉, 不過賣哂, 而我本人又唔食米線, 所以轉烏冬, 烏冬為密封包裝廉價質式, 不過呢個價錢, 預左唔會係咩質素, 冇問題的. 只係鳥冬一散開就撈起, 好似仲未淋透.大窩過橋米線麻辣湯大辣 (麻辣湯會跟埋炸醬)清湯自選米線最意外驚喜應該係個墨魚丸意外地爽口彈牙, 一d都唔粉口. 另外牛丸麻麻地, 咬落有渣既感覺

前幾天又再來到裕一品，這幾天工作都很忙！現在才有時間寫下野 鐘意食辣野，冇咩理由唔試下：lunch時間$29蚊起就已經有交易，灣仔黎講 經濟～ 打卡仲有小食8折，即係十零蚊就食到如：麻辣雞翼尖，拍青瓜之類既小食。(仲有好多其他小食，冇影到)黎既時候已經係下午茶，冇咩人！但位置唔多，廿零個位。我食到一半已經坐左唔小人，應該大部份都係熟客仔，見店員同D客都幾好傾。下午茶抵食，两個餸送埋汽水都係$26。我就貪心D,叫左五個餸加特飲都係$48！但相當滿足 至於野食，水準保持得好，辣得黎又唔太咸～D料比起嘜哥米線做得有心機，連粒魚旦都唔求其，並非街邊炸魚蛋普通貨；值得一讚