影片
港鐵旺角站 D2 出口, 步行約4分鐘
繼續閱讀
電話號碼
35650336
營業時間
今日營業
07:00 - 00:00
星期一至日
07:00 - 00:00
以上資料只供參考, 請與餐廳確認詳情
餐廳：裕記牛腩粉麵地點：旺角亞皆老街菜式：潮式粉麵餐牌：各式粉麵，凍熱飲品，净食精選，火鍋配料，飯類套餐招牌牛全寶米線 $58招牌牛全寶包括牛肚兩件，肥牛四片，牛筋兩件，牛腩兩件同牛栢葉兩件，好豐富。牛筋彈牙，牛腩又淋又多汁，好有牛味，肥牛都好嫩。蔥花分開放池羮上。米線幼身滑溜。個腩汁夠味，味道剛好。招牌崩沙牛腩 $128招牌崩沙牛腩有好多件，份量足，而牛腩帶少少筋之餘又夠淋，味道好入味，果然係招牌，可以大快朵頤。有好幾片生菜墊底。生菜 $12生菜可選腩汁或者蠔油，新鮮脆綠啖啖爽口，腩汁夠味。炸魚皮 $15炸魚皮獨立包裝上，乾淨衛生，非常薄脆，好香口又唔會過鹹。凍檸檬利賓納 $10凍檸檬利賓納有好幾塊檸檬，夠解渴。Coke Zero Coke Zero 連飲管上，夠凍。總括而言，呢度牛腩同牛什質素果然係好好，地方光猛衛生，冷氣夠。
繼續閱讀
【油尖旺區】【裕記牛腩粉麵】同遇星哥去旺角皆旺睇模型，不過感覺都已經大不如前。以前睇模型首選真係去皆旺，而家就反而好似油麻地現時點商場仲熱鬧。唔理啦，我嘅重點在於行完皆旺嘅活動，我哋去咗對面嘅一間粉麵店食嘢，估唔到都幾好，我哋都好滿意，等我講吓啲食物。入到去發現都幾乾淨企理，亦都冇粉麵檔有機會出現嘅嗰陣罨味。遇星哥試 $52 嘅「招牌崩沙牛腩麵」，佢揀幼麵，佢話非常之正。我就試 $58 嘅「招牌牛全寶麵」配粗麵，牛全寶即係牛腩、牛筋、牛雜、肥牛、牛百葉，乜都有得食，非常盡興，味道又好。另外我哋試埋 $68 嘅「爽滑墨魚鬚」同埋 $12 嘅「蠔油生菜」，前者好爽口好正，後者新鮮又大碟。我哋都各自加咗 $8 要埋嘢飲，我飲「凍檸茶」走甜，佢飲「凍檸賓」，都係正常茶記水準以上，解吓膩，唔錯。食到咁豪，夾埋先 $206，質素好就得啦。。。（地址：旺角亞皆老街74號地舖）#1amfoodie #foodie #hkfoodie #thatfoodiething #hkfood #food #instafood #yummy #foodlover #delicious #foodies #tasty #globaleats #tastyfood #dessert #foodpics #followforfollowback #love #eat #1am油尖旺區 #旺角 #太子 #旺角東 #裕記牛腩粉麵 #粉麵店 #招牌崩沙牛腩 #招牌牛全寶 #爽滑墨魚鬚 #蠔油生菜 #凍檸茶走甜 #凍檸賓 #1am1401 #1ambackup
繼續閱讀
經過見到好多人食裕記牛什粉麵，價錢合理，種類算多，旅是就入去試下。一人一碗麵加油菜和淨餸👍🏻招牌牛全寶河粉 $62有牛肚，肥牛、牛筋、牛腩和牛柏葉。一碗可以食五款不同牛的部位，很滿足。牛筋口感彈牙又滑，牛腩煮得淋，肥牛普普通通。蔥花是分開放在湯匙上。河粉煮得軟硬適中，不會煮得過淋。腩汁夠味。招牌崩沙牛腩粉麵$52天氣熱唔想食湯麵可以另加$8轉撈麵，蠔油放在一旁可選擇拌與否。小編將蠔油和辣油一起拌麵，味道不會很咸，剛好！崩沙牛腩份量算多，帶少少筋之餘又夠淋，又入味。爽滑墨魚鬚 $68配咖喱汁，但小編略嫌味道有點淡，如果濃味少少會更皆。油茶 $12跟餐凍熱飲品加 $8凍檸檬利賓納和凍檸茶
繼續閱讀
😌間中想食得輕便啲, 會揀港式粉麵店🥢裕記牛什粉麵 📍鄰近旺角東站🚇環境整潔, 門口櫥窗位掛滿牛雜🐮🔸招牌牛全寶河粉🐮 $58 7/10牛腩｜牛筋｜牛肚｜牛柏葉｜肥牛每款餸各約2-3件🐮全部都係牛, 大件足料🙌🏻牛筋嫩滑Q彈, 充滿膠質😚牛肚冇腥味, 煮得入味👍🏻🔸崩沙牛腩米粉🐮 $52 7/10+$8 雙併 - 魚片🐄崩沙腩 = 牛的橫膈膜🤏🏻筋膜位連住腩肉, 肥瘦剛好🙂↕️肉味香濃, 質地軟腍😋🔸腐乳通菜🥬 $12🔸凍檸茶 $8🔸熱檸水 $8
繼續閱讀
外國朋友嚟左香港，話要食下啲街坊港式既食物。食完雞蛋仔之後，眼見哩個餐廳人流都幾多，部份客人似係街坊，睇嚟應該都係一間不錯嘅餐廳，再望吓佢門口個大鐵鍋炆住唔同牛嘅部位，朋友就話想試下啦。入到店大家不約而同都揀左招牌牛全寶，貪佢咩都有。入面有牛腩，牛肚，牛筋，牛柏葉，肥牛。而我就揀咗配麵，佢嘅面質彈牙，湯頭都清唔油膩，另外似加入咗腩汁嘅味道，所以湯味都濃。五寶入邊個人比較推介牛腩，入口軟嫩，又帶點脂肪嘅口感。牛筋都正，炆得好淋，感覺有滿滿嘅膠原🤣再加碟清菜，跟餐價叫杯凍飲都係加$8。最後試埋港式凍檸茶，同埋利賓納。
繼續閱讀