裕鵝莊 (已結業)

與老友相聚，當然要搵美食。在開飯上搜尋，找到了這家裕•鵝莊，說是深井裕記家族第三代主理，由總店請得老師傅，保証與深井裕記同一水準。在尖沙咀食到，當然要試下。點知•••這次晚飯在4月5日，是疫情影響，還是師傅去了拜山未回？食味完全不似預期。晚上6:30準時到達，點了燒鵝下庄，只是微暖，已經心知不妙。燒鵝肉淡無味，而且有點硬。失望。點了鵝腸，當時只有大約三成客人，已經沒有。失望。鵝肝配意大利陳醋，鵝肝唔夠香，陳醋似糖漿。唔合格。小炒皇，蝦醬通菜，中規中矩，只是徧鹹。下飯應該好啲。全晚最差的是招呼。侍應全晚黑面，好似同老細有仇，要趕客。當晚，客人已不算多，這樣服務水準，相信唔會有回頭客。裕記是由細食到大嘅老牌餐廳，第三代主理人請加把勁，這邊的水準差好遠哦！

今日買半邊燒鵝， 坐喺收銀嗰條阿叔啲態度極度差劣， 好似全世界欠咗佢咁， 極度燶口燶面 ，問一句答一句， 望也不望個客， 問佢嘢佢係以極不耐煩的樣回答， 好似乞佢咁 。其實嗰條阿叔而家仲有一份工，仲可以咁樣嘅態度對客人， 簡直係逆市奇葩 ，佢真係好好珍惜同埋要切實反省。唔該貴公司加強前線員工培訓， 連最基本的禮貌有沒有， 態度仲衰過大排檔。 如果有機會的話 ，我也希望貴公司在這裏可以回應一下。經歷過今次之後， 應該不會再幫襯。p.s. 我會畀服務"負星"，而不是2粒星。 唔知點解我揀唔到俾幾多星星。

放假就緊係想搵下好野食啦！上網搵到附近有呢間馳名深井燒鵝，都想試下佢嘅招牌菜！·🦤深井燒鵝例牌 1/4隻(HKD 160)兩個人食例牌岩岩好，賣相都唔錯，而且鵝皮香脆，食到成咀都係油🤣肉質厚身但就有點粗嚡·🦐黃金蝦多士 (HKD 78)多士用左鹹蛋黃炸，食落夠鹹香，最正係依然食到蝦肉嘅彈牙質感，確實不錯！·花旗參燉竹絲雞湯 (HKD 88)食到半路心思思又想飲下湯，就叫左黎試。花旗參味超濃郁但又唔會蓋過雞味，岩哂我呢d成日捱夜又燥熱嘅人飲👍🏼整體覺得試過就夠，燒鵝嘅性價比冇想像中高，不過值得一讚係服務態度唔錯，店員都會主動加茶😀-

唔係好明個標題？正常！睇晒成段食評，自然真相大白！做咗咁多年人，食咗咁多年嘢，得出一個真理，就係永遠預咗唔好太高預期，咁又有另一番滋味！燒鵝，皮唔特別脆肉唔特別嫩…哦…OK啦！蝦多士，預咗D蝦唔大隻…哦…可以囉！小炒皇，預咗冇乜特別…哦！真係冇乜特別！其他D炒菜呀！海蜇呀！勝瓜呀！糯米飯呀！哦！通通不過不失！其實都係預期之內！環境都算OK，似高級茶餐廳！服務亦唔錯！價錢又算幾抵！四個人，食咗六七個菜，都只係七百幾！又真係有少少超出預期，仲想點！如果你居然有耐性睇到呢句，你應該明白個標題…至於34545？咪就係要俾嘅星星！

🌟燒鵝瀨粉🌟既然是主打燒鵝的餐廳，當然要來試試燒鵝啦！給的部位是鵝腿跟鵝背，背的部分脂肪比較多所以肉變得比較少，口感也會偏油膩，瀨粉就剛好可以中和。因為是午市套餐，會配一個中湯(這天是粉葛湯，蠻清甜的)、一份花生、一份酸豆當配菜。🍵餐廳有提供一個麥子茶，味道濃郁，隱隱散發焦香，廷特別的。除了燒味，餐廳還有其他小菜的午市套餐，相比單點會便宜，所以個人覺得午餐會比較划算。整體餐廳的環境都很舒服，不會太擁擠，裝潢也很現代風。

訂咗八點，但係去到都仲要等位，但係勝在侍應服務態度真係好好，就算等，感覺都OK，OpenRice訂座，仲有八五折優惠入到去，叫咗半邊燒鵝，皮脆肉滑，中間冇乜肥油，加埋個酸梅醬，佢仲要一人一碟，非常衛生，必點豉油王鵝腸，爽滑，可惜有啲肥膏，如果去清啲，就更加好滷水雙拼，腎加鵝掌翼，掌翼正常，腎如果有啲咬咁就比較好蝦多士，正常，蝦夠彈牙椒鹽白飯魚，粉太厚，送啤酒就會比較好啲反而個干扁四季豆，有驚喜，雖然有少少鹹，加埋肉粒，夾住啲豆嚟食，送飯，一流包汁會雜菇，比較甜，都好味嘅糯米飯正常啦，冇乜驚喜雖然佢介紹我食炸鮮奶，好可惜，好肥膩，一咬個底，啲油滲出來，要帶幾張朔油紙去食

平時食開深井嗰間今次試下尖沙嘴店嘅水準同老店一唔一樣四個人叫左半隻燒鵝一個小炒王 一個椒鹽鮮魷兩碗河粉好可惜 七點半黎食已經冇曬最愛嘅瀨粉唯有叫河粉始終覺得燒鵝同瀨粉先係絕配半隻燒鵝份量啱啱好食得曬味道拍得住深井老店一層薄脆嘅鵝皮 一層飽滿嘅脂肪 一大舊鵝肉一啖咬落去可以一次過感受到鵝皮烤得非常香脆 肉唔韌 滿口鵝油甘香 十分滋味不過有d位真係幾肥 建議唔好食啲脂肪亦可以點冰梅醬解油膩連啲墊底花生粒粒都幾好食唯一唔同係我地一致認為平時喺深井食到嘅鵝係大隻啲至於小炒王亦一致好評夠鑊氣 多料 鹹香味足 係份量少左啲有韭菜 魷魚 銀魚仔 菜脯 蝦乾 腰果 同埋貌似海蜇/蒟蒻 但唔係爽口嘅東東😅 但係夾埋一齊食係好食嘅 推介椒鹽魷魚都唔錯 夠乾身香脆 不過魷魚口感實左啲同埋可以多啲椒鹽味如果可以帶少少辣就更好整體唔錯 員工亦非常有禮貌 比起深井亦坐得更舒服

燒鵝瀨粉外賣自取燒鵝瀨，好有質數。燒鵝同瀨粉份量好多，一個女仔其實好難食得哂。外賣湯，燒鵝同瀨粉都有分開。湯就偏細碗，可能瀨粉真係太多了。味道燒鵝好入味，可能外賣，雖然冇脆皮，但都好好食，唔會太肥，加上悔子醬，一流。菜都恰當，爽甜。瀨粉正常，好食。鵝腸鵝腸好干淨，夠爽，份量又係好多，但加咗好多芽菜，沒有好膩。總括而言，味道真心好食，份量好大，兩個人食，叫咗一個燒鵝瀨，一個燒鵝飯，一份鵝腸，慢慢食，食咗一日先食得完。

疫情關係，香港人已經好少出去堂食了，今日同朋友諗住行下尖沙咀，買下嘢，影下相，行過呢頭，本應打算食隔離間茶記算了，兩間都大把位，我多手過咗隔離揭下個餐牌，睇下有乜食啦，佢門口個姐姐就行過嚟介紹一下菜單有乜食，咁我見佢都幾nice，反正又無乜特別想食啲乜，就入去食下燒鵝啦，見你呢間招牌打正牌頭食燒鵝……點知(好失望囉)😥😥😥😣😣😣我今次叫個雙拼餐(燒鵝拼叉燒)，我朋友就叫咗(燒鵝拼燒腩仔)，兩個餐上到嚟簡直有天淵之別，首先上菜嚟到賣相好靚仔，呢個要值得一讚👍(下面有相睇)，但係一夾開，我碟燒鵝全部皮包骨咁滯😤😨，點食呀…😑我以為我叫錯咗食燒鵝兩食添，呢碟係將啲起咗肉嘅骨炒多碟比我😟,又或者叫錯碟片皮鴨添，淨係比我食層皮，好彩我重有叉燒嚟餸飯，大哥雙拼都唔係咁上上比客人呱! 呢舖真係千年道行一朝喪，就算你做得幾咁出色，門口姐姐幾咁有禮落力幫你sale客入嚟，但對客人嚟講第一個印象入嚟食完已經無打算再嚟食了🤦‍♂️，我諗做老細嘅都唔想無返頭客呱，希望公司高層睇到我嘅食評會叫斬燒味嘅員工留意一下吧…!

今日一行三人去食燒鵝見到係深井燒鵝嘅分店所以好有期望🔸🔸🔸🔸🔸我哋叫咗個燒鵝例牌$160燒鵝份量表面睇幾多但係其實冇咩肉食燒鵝皮都幾脆 但肉質比較鞋相比之下我覺得棋哥好食d真係有少少失望🔸🔸🔸🔸🔸跟住叫咗個椒鹽鮮魷$118呢個好好食，個皮炸得好脆 炸醬唔會厚配埋喼汁好正 推介🙌🏻🔸🔸🔸🔸🔸仲有叫咗個青檸骨$98呢個都幾好味不過食咗一舊就有d滯叫咗白飯配食就好d🔸🔸🔸🔸🔸仲有個小食滷水鵝肝$68味道一般鵝肝唔滑亦都唔香🔸🔸🔸🔸🔸職員態度就真係好一般有個阿叔手腳係好快但係都幾粗魯 又黑口黑面叫佢加茶又唔記得我地臨走5:30pm可能趕住6:00pm拉閘我哋喺OpenRice訂座有八五折連加一 三個人食咗$485應該都唔會再去了

早前睇Youtuber介紹E間食店已經好想黎試試但因為之前晚市一直未放寬 所以一直無機會最後就係第四波疲情 收緊晚市前去左食晚市太較冷清 人數吾多 本來想order下庄 但店員話無唒😫相信因為人數少 所以佢地都無準備甘多甘唯有要上庄啦 食得燒鵝 一定配番瀨粉加埋碟豉椒鵝腸 就夠唒數啦燒鵝皮香肉嫩 而且皮下吾會太肥膏 但咬落充滿鵝既油香 瀨粉爽滑 加少少鵝汁 即刻味道升華到另一個層次鵝腸份量足夠 咬落爽口 豉椒調味適中 食完E餐後 要再等第四波完結完先有機會再黎食過啦😭

最緊要一家人開開心心團聚食餐飯，無論團年飯抑或生日飯一樣都咁重要，如果太多親戚好難在家中煮飯，出街食就要預早訂位喇。今次請媽媽食定個提早生日飯，精選左間之前都食過嘅高質燒味店比佢試試。.事隔咁耐都冇去過門面都係一樣咁光鮮，闊落，雖然因為疫情嘅關係人流明顯唔係太多，但係就會有安心嘅距離空間感俾你去放鬆放心食用。餐廳都跟足政府規例做好安全措施每張枱有1.5米距離。而且入餐廳之前都要量度體溫，消毒設施都做得好足。自行用熱水洗乾淨碗碗碟碟就開始點野食啦。餐牌依舊多圖睇，又有說明，挺欣賞的。可以放下餐牌然後慢慢享受晚餐，茶界每位$8👍🏻基本上咩茶款都有齊晒。深井燒鵝為名▫️叫咗深井燒鵝例牌四份一隻$160佢標明色澤紅潤，皮香肉嫩，鵝味濃濃郁，嚟到果然真係圖文相符，仲解說選用清遠黑鬃鵝，入面每一隻鵝都好悉心飼養，前前後後都有90日飼養期，游水、放養、食天然野菜、穀米等。一手包辦，所以相信控制品質呢一關對佢哋嚟講一啲都唔困難。運嚟到店舖用祖傳秘方，明火燒烤。出爐紅噹噹，去到我面前，更是散發油光極為吸引！深井燒鵝仲會配上一隻醬俾食客慢慢沾起來食用。味道如何，話你知啦😇 趁熱食，肥厚又嫩滑的燒鵝，當中皮脆

網上有人讚呢間燒鵝瀨好正。平時小食燒鵝瀨嘅我都忍唔住去試一試🥰都要$90一份㗎😅淨係食燒鵝賣好似有啲好好似唔係好抵，所以我哋試埋叉燒&貴妃雞。絕對有驚喜嘅燒鵝瀨。賣相吸引。美濃多肉汁。分量十足。有相為證。但係好似真係燒鵝係最出色。因為啲叉燒有啲乾。同埋個貴妃雞一般啦😅⋯⋯我哋食完個瀨粉都仲有好多燒鵝/叉燒淨。所以如果瀬粉可以大碗啲就Perfect啦👍🏻。環境方面都坐得好舒適。整體感覺都唔會覺得好cheap....

男朋友好鐘意食燒鵝，之前一直都話想去深井食，但係礙於疫情關係，而深井又有啲遠，所以一直都沒有去。早前行街時，看到這一間燒鵝是由深井裕記燒鵝後人開的！告訴男朋友後，他二話不說就要去試！兩個人吃的份量都幾多，仲有甜品添！海蜇$68食燒鵝之前，先吃開胃小食！俾我發現這裏有海蜇！！海蜇不是太多地方有，而且也不是間間都好吃。這個海蜇夠飽滿和濕潤，不會乾柴柴，而且十分足料，整個碟都是海蜇，沒有用青瓜舖底。味道似好吃的，但是調味方面，個人喜歡酸一點，感覺會更開胃。燒鵝例牌$160瀨粉$18主角終於出場，我們只有兩個人，所以叫了燒鵝例牌，例牌份量都算多，眼見的其實鋪了兩層燒鵝啖啖肉，上菜時已經聞到陣陣的香味，最重要的是！！燒鵝皮還是脆的！！！好有油香，入口即溶既脆！好快地影幾張照片就即刻食，怕錯過皮還是脆的一刻！可能以前吃的不是太正宗，所以沒有想過原來燒鵝皮雖然充滿油脂，但還是可以燒成脆而不乾！滷水鵝肝$68鵝肝外表睇落去非常漂亮，滷水味非常入味而且口感一流，配埋醬汁食嘅話另有一番風味。但個人覺得配唔配醬汁食都一樣好味！讚👍🏻松露鯪魚球$108傳統的酥炸鯪魚球配上松露，呢個組合非常新鮮，以前從來未食過

今日行過亞士厘道，見到燒味飯，好似幾正，就入去試下。坐得舒服嘅，唔迫，比起一般茶餐廳黎講算有裝修，應該可以叫餐廳，唔係茶餐廳。讚一讚杯茶，小麥茶？大麥茶？ 係好飲嘅，比起一般餐廳杯茶有誠意，唔係一般紅茶。粉葛湯好濃、好甜，飲得出夠曬火喉，飲完之後又無口渴。重有好多燉湯，下次可以試吓。叉燒太瘦啦，有點乾，可能因為我無叫肥叉啦。燒鵝keep到深井水準，油脂豐富甘香，皮脆肉嫰，燒鵝髀啖啖肉。梅菜扣肉好入味，豬肉肥瘦適中，唔會話咬落成口油，就禁食可能有少少咸，送飯一流。尖沙咀黎講價錢唔算貴啦，下次行開呢頭都會再食。