西川風味海鮮館 (已結業)

黎開長沙灣探朋友, 梗係去附近搵食先走人,朋友就介紹呢間西川風味海鮮館, 佢話有好多明星幫襯架7點鐘去到, 可能仲早啦, 人唔多, 之後陸陸續續都多人待應哥哥好熱情, 首先問我地飲唔飲野, 佢就介紹我地飲凍檸茶, 再望下周圍, 真係枱枱都有人Order呢款飲品重量級檸檬茶, $27真係好大杯, 飲極都有, 好好飲, 好有茶味, 好似飲緊紙包檸茶咁好味之後我地決定唔食火鍋, 試下其他野泰式生蝦, $108一碟有8隻, 隻隻都大大隻, 蝦肉好爽甜, 好鐘意酸酸辣辣既汁, 我點完又點, 好惹味, 唔講真係以為自己去左泰國餐廳活魚刺身, $238外型好靚, 擺得好有心思, 而魚好新鮮, 可加酸汁提升味道, 唔鐘意酸汁可以用Wasabi配豉油活魚可另加$30將魚骨拎去椒鹽或用果皮蒸, 條魚就唔會晒,成條魚都食得, 我地揀左椒鹽, 貪佢夠香口, 果然真係好香口, d骨仲炸到好脆三文魚刺身一磅, $118厚切三文魚, 香口肥美, 用冰墊底保證新鮮砂鍋雲吞雞半隻, $128份量夠晒多, 有雞之餘,當然仲有雲吞,湯即場煲熱後, 待應仲好細心幫我地斟湯, 仲將隻雞切件,仲提醒我地唔好再放返落湯度, 如果唔

今晚爸爸要去長沙灣搵個uncle 我都無野做，當然死跟啦！Uncle話之前同同事試左間餐廳唔錯帶我地去試下。三文魚一磅$118，同食日本野既地方價位差不多，仲要係厚切，賣相都唔差，食落仲好肥美！紅燒乳鴿$78一隻，我地五個人叫左一隻，乳鴿炸得比較黑，我地仲講笑話隻乳鴿係非洲黎，哈哈，但食落皮好脆，又唔油反而皮好嫩！風味小炒皇$78除左有常見既韮菜，仲有菜莆，魷魚，腰果，蝦乾等，菜莆令到成個餸好惹味魷魚用左鮮魷，仲要勁大條，咬落好有口感覺。招牌脆皮風沙雞 半隻$130，同一般既炸子雞唔同，仲帶左蒜香，塊皮好香口，皮紅肉白，而且雞味好濃，肉又夠滑。酸菜魚鍋$288(大) 呢個係uncle推介話我一定未食過咁有風味既野，大鄉里第一口食落酸酸地，又有少少辣，魚肉出奇地滑，酸菜食落好開胃，大家搶住黎食，好快就清晒。蒜蓉粉絲蒸貴妃蚌$28/隻，一人一隻，賣相睇落有d似一隻大蜆，不過個粉絲吸收晒蒜蓉既香味，真係堅正，個貴妃蚌就蒸得剛剛好，一d都唔硬。西芹炒田雞$98，西芹好多，因為我唔中意食田雞，所以no comment金銀蛋莧菜$63，勁大碟，賣相又正，d菜食落又夠嫩，唔會有草青味。Uncle 咁

中學同學聚會，想食鑊小炒，去大排都又迫又嘈，去酒樓又唔夠風味，記得上次去長沙灣探舅父，條街有好多野食，上網一搵，原來個條叫順寧道，去openrice 搵搵見到有間新店叫西川風味海鮮館，就去試試佢。我地一行四人，為左可以食唔同款式既野，我地就盡量叫細分量既野。避風塘炒蟹，約斤半（$398）：睇落比較深色，好實肉，而且肉好鮮甜，蒜味好香，有小小辣，好香口又夠惹味。泰式生蝦$108 ：一碟有八隻，而且仲大大隻，同平時係泰式餐廳比簡直大成倍，蝦肉好爽口，配上秘制醬，好正呀！活魚刺身$238：聽職員講條魚係時價，通常做$228-238，除左wasabi 仲跟左個酸汁，原來跟酸汁會令到條魚鮮味更出。椒鹽頭腩$30，係用活魚刺身既頭同骨黎整，可選果皮蒸，我揀左椒鹽因為我中意食香口野，d骨痴住左少少魚肉，就算炸完，魚肉都好滑，真係估佢唔到。砂鍋雲吞雞 半隻$128，個湯勁creamy又一d都唔油，飯落甜甜地，又香。雲呑大大粒，入面仲好多蝦，我食個隻有三隻蝦，豬肉又唔肥，好好味呀！隻雞好嫩，讚。重量級檸檬茶$27，好大既一杯，我估可以做到兩至三杯正常既檸檬茶，咁既天氣飲，真係好爽呀！呢間餐廳愈夜愈旺，而

好兄弟森哥個老婆岩岩幫佢生左個慈菇錠，我地成班好兄弟一齊去醫院探佢個精靈B，之後梗要搵個地方啤啤佢兼賀一賀佢，沿住順寧道行，搵到一間雞煲食店。一坐低就叫咗支大啤，侍應哥哥好好招呼，馬上為我地送上一碟青瓜，青瓜嘅汁有少少似口水雞個汁，少少辣，少少麻，都係可以接受，加上啤酒，當然冇得彈啦。配啤酒，點可以冇炸嘢食，先黎個椒鹽炸豆腐，外面炸到金黄色，皮薄而香脆，𥚃面就如豆腐花一樣咁滑，而且好有豆香味，口感絕對唔油腻，真係另我食慾大增。 再要多個椒鹽大尾魷，大尾魷水份比魷魚重，所以食落唔會覺得乾身，仲有一種好滑嫩嘅感覺。 勁蒜開邊蒸海蝦，蒜蓉勁多，好重手，所以非常香，蝦好鮮甜，我個人認為粉絲才是精華，因為蒸嘅過程已經吸收哂海蝦所有味道。之後梗係我哋嘅主角西川重慶雞煲出場啦，由於上枱時只有8成熟，所以要再焗煮一陣，入面有好多香料同配菜，入口的第一啖，覺得好辣，但之後嘅麻辣味停留在口腔，慢慢滲出一種甜味，而且雞件非常嫩滑，越食越停唔到口。 簡直係味蕾的極級享受 !

由於爸爸媽媽搬離舊居已有一段時間，佢哋好掛住班舊街坊，所以搵埋我哋兩姐妹返去同班舊街坊聚一聚舊，我哋已經搬走都好幾年，睇到以前住果度嘅唐樓變成而家嘅蚊型豪宅實在有尐心酸，探完街坊之後，我地就去咗以前成日食飯嘅順寧道搵野食，順寧道而家都差唔多變成一條火鍋街，兩邊都開咗好多打邊爐既食店，我就係俾呢間火鍋店門口嘅魚缸吸引住，所以決定入去幫襯下。坐低之後，當然要問吓侍應哥哥有咩好介紹啦，其實呢間食店集合左火鍋、雞煲同埋小炒，真係一次過滿足曬三個願望。由於媽咪好鍾意食刺生，侍應哥哥就介紹左我地食一個特選刺生拼盤，一上枱，我妹妹已經哇哇叫，因為超巨型拼盤上面有好多款刺身，我特別鍾意食既係鮑魚刺生，非常鮮甜而且肉質彈牙，係薄切，肉質鮮甜味美，甜蝦刺生鮮嫩彈牙，帶子刺身又大隻又鮮甜，仲有希靈魚刺生，非常新鮮爽口。食完冷盤就叫咗一條酸菜魚啦，一上枱，陣陣花椒加酸菜嘅香味已經撲鼻而上，魚片係薄切，好嫩滑兼冇泥味，將湯同酸菜一併放入口時，味道係酸中帶少少辣而且有魚嘅鮮甜味，連平時唔食魚嘅妹妹都連食三碗。當我哋食咗一半嘅時候，侍應哥哥提議我哋加埋響鈴一齊食，我以為佢會即刻比一盒響鈴我哋，點知原來係即炸，我都係

本是因慈雲山總店之名氣而來，但實在太令人失望。火鍋放題只有2小時，食物不新鮮，菜太老。我們只點了一次牛肉，但牛肉呈暗啞色，顯然雪了良久。員工對於常客倒是友善，任憑他們浪費食物。對新客態度差，經常檢查枱上帳單的入座時間。價錢158加一，因已收服務費，沒有再給小費，員工黑面。完....