西樹泡芙 (沙田站)

營業中

休息中

就黎又到新年，梗係要返屋企團年，來到火車站突然傳黎陣陣泡芙香味，見到呢間「西樹泡芙」，就一於買返幾個作為飯後甜品啦。流心奶黃肉鬆 :見到呢款新年特別推出嘅新口味，就梗係要試下啦。泡芙面頭鋪滿肉鬆，一切開即刻流出大量奶黃，食落奶黃唔太甜，配埋肉鬆，味道鹹鹹甜甜，比起平時食到嘅泡芙更有特色。芒果乳酪 :泡芙夾住幾粒大大粒嘅芒果，賣相非常吸引。芒果入口好鮮甜，配埋乳酪忌廉食，酸酸甜甜食落無咁膩。Oreo脆脆 :上次試過呢款Oreo脆脆，已經覺得好鍾意，所以今次要encore，大量Oreo碎夾係泡芙中間，入口濃濃Oreo味，真係食多幾次都唔會厭。

新年產品，吸引！ 🤩試下就知好味！～～～～～～～～～～記得好奈疫情前喇，都唔記得幾奈，大陸親戚中意食泡芙！仲買左盒番去送比人食！有冰袋，番到去岩岩好！～～～～～～～～～～

2024年1月5日 星期五踏入2024年只係返咗幾日工已經覺得好攰咁所以呢日放工之後想食返啲甜點等自己開心下，就黎到沙田站既呢間舖頭買泡芙食見到凍櫃已經放滿晒脹卜卜嘅泡芙，全部都好吸引，有放滿忌廉又有放滿水果既側邊仲可以見到店員即時製作泡芙添，如果佢哋發現個泡芙係唔完整或者焗得唔靚都唔會要，所以保證每個泡芙都係脹卜卜完美既餐牌上面已經寫得好清楚泡芙既款式同價錢，如果一次過買5個任何經典味道既泡芙仲可以有優惠價添，而且依家原來除咗泡芙之後，店舖仲有賣心太軟、牛奶布丁同迷你撻，不過今次目標只係泡芙，所以就淨係買咗幾個唔同款既泡芙黎食返到屋企打開個盒，幾個泡芙仍然完整放喺度，首先有呢個白桃吉士，泡芙上面放左幾片白桃，味道好清新，再咬埋泡芙裏面既吉士一齊食，感覺會冇咁膩，而且味道更加豐富，再加埋白桃上面嘅忌廉又唔太甜，味道平衡得啱啱好之後有呢一個朱古力三重奏，除咗泡芙外皮用咗朱古力之外，泡芙裏面亦有濃郁嘅朱古力醬，而最後既一重朱古力係外皮仲有朱古力脆脆，一咬已經有多重口感，淡淡朱古力味，令人難以抗拒，但係又唔會太過甜或過膩，啱晒鍾意食朱古力嘅人士最後有呢一個強烈推介嘅芒果乳酪，因為酸酸甜甜幾開

今日經過沙田港鐵站，見有人排隊買泡芺，面對人潮同甜品的我決定買三個食 。三個泡芺分別是北海道牛奶味、濃朱古力布丁和朱古力三重奏。首先，泡芺的尺寸都比較大，並不是一口可以吃下的 。對於北海道牛奶味的泡芙，一口咬下去，外脆內鬆軟的泡芙皮和濃郁的牛奶味交織在口中，帶來一種細膩的口感和淡淡的甜味。接下來，是濃朱古力布丁泡芙。濃郁的巧克力香氣，讓人垂涎欲滴。咬上一口，綿密的朱古力布丁和脆口的泡芙外皮完美結合，口感豐富多樣。最後，是朱古力三重奏泡芙。這款泡芙內部有朱古力、忌廉奶油和一些堅果。每一口都能感受到不同層次的巧克力風味甜中帶少少苦，滿足了不同口味的需求 。總的來說，這三款泡芙各自有著獨特的風味和口感，吃完會有飽滿的滿足感 。

港鐵沙田站A3出口一出就看到西樹泡芙， 今日約咗幾個姊妹，就買咗幾個外賣一齊食～ 一向都鍾情朱古力的我揀了濃朱古力布甸泡芙個外表有一大個朱古力布甸係頂已經相當吸睛！拎上黎果時仲好動L, 令人想一啖啜佢入囗！但奈何太大舊，食唔到😂 咬左啖朱古力布甸係好濃郁的朱古力味！而且有趣地係有兩個口感，食到中間有點似奶凍口感，比布甸實少少，仍然濃郁朱古力！因為食到手好污糟冇影到相，可惜食完布甸再食泡芙， 泡芙外皮有別於普通泡芙，佢面頭仲有一層脆朱古力皮，咬落真係脆唔係一陣風咁冇左，好有口感，外脆內鬆， 加上香濃朱古力忌廉， 令人非常滿足！！忌廉好滑，食到係高濃度朱古力味而唔係死甜味，所以對呢個濃朱古力布甸泡芙非常滿意！紅豆抹茶布丁泡芙仲試左幾啖紅豆抹茶布丁泡芙， 相對來說呢個抹茶味道比較重，而且唔太甜，唯一甜嘅部分就係最上面嗰幾粒紅豆，抹茶香濃，忌廉綿密細滑，好食！士多啤梨乳酪泡芙士多啤梨非常新鮮，好清甜，加上乳酪少少酸甜嘅味道，令到士多啤梨味道更加突出，水果同泡芙一向都好夾，既清新唔膩又可以滿足到食甜品嘅心理食左差不多兩個泡芙都唔會飽或滯，輕型同打卡able， 西樹泡芙絕對係無負擔食甜品嘅好選擇

沙田火車站一出嚟就會見到呢間泡芙店🥰耐唔耐都會排長龍今日行完街冇收穫，就決定買啲泡芙嚟食🤭店面放滿琳瑯滿目嘅泡芙😍味道選擇都幾多，而且會有其他限定嘅味道耐唔耐都會有唔同嘅優惠櫥櫃擺滿晒唔同口味嘅泡芙，色彩繽紛、琳琅滿目，令到我心大心細唔知揀咩味好😆隔離會見到店員即刻整泡芙，透明度十足見到一個個泡芙慢慢咁樣整出嚟都幾自癒🥰最後揀左芒果乳酪芭芙、士多啤梨乳酪芭芙 同埋濃朱古力布丁芭芙 😋😋😋整齊擺放嘅三個泡芙😆店家好細心咁加咗個冰包俾我哋士多啤梨🍓乳酪泡芙咬落去係食到泡芙皮嘅薄脆，有淡淡蛋香嘅味道👍🏻乳酪餡食落係酸酸甜甜幾開胃，比起吉士佢嘅質地係比較firm，多咗浸乳酪嘅香味士多啤梨都係酸酸甜甜食落係好濃郁嘅士多啤梨香❤️芒果🥭乳酪泡芙同樣係薄脆嘅外皮賠償乳酸味十足嘅乳酪餡今次配上清甜嘅芒果，個人覺得比較夾芒果仲要係大大嚿，好厚實👍🏻食落去清甜無渣，入口有濃郁嘅芒果香😋朱古力布丁泡芙布丁泡芙係呢間泡芙店嘅主打，可以話係必試😆前面已經揀咗兩隻生果味，所以我就揀咗呢個朱古力味嘅布丁泡芙有別於前面兩隻薄脆嘅泡芙，呢個泡芙食落去比較硬同埋比較脆，有種曲奇皮嘅感覺而且淨係食個皮已經有滿滿嘅朱古力香👍🏻

每次經過都聞到好香😚，嗰種香味係會令人流哂口水🤤，啲puff真係勁吸引，所以一個月點會買返次獎勵自己～(又多個藉口俾自己食甜野😆) ·♡ 榛子Tiramisu HKD$28泡芙外皮係朱古力曲奇皮🍫，焗得酥脆且口感輕盈，中間夾住綿密嘅咖啡忌廉及朱古力碎粒😍，充滿咖啡香氣。·♡ 士多啤梨乳酪 HKD$31Fruity口味幾時都咁吸引人🤩，香脆puff夾雜住乳酪奶油同片片士多啤梨🍓，酸酸甜甜顯得格外清新。·♡ 白桃乳酪 HKD$29賣相精緻，白桃果肉🍑好似一塊塊花瓣好靚🌸，吉士醬忌廉作花蕊般點綴，清甜可口。·📍西樹泡芙沙田港鐵站37號鋪

🧑🏻‍🍳 呢間由小學食到而家，我諗大部份嘅人都有食過，每次經過聞到好香嘅泡芙味都忍唔住去買😆，而每一次去到都排長龍。而家聖誕節仲有聖誕限定泡芙！🎄—————————————————————🍴 北海道牛奶泡芙 ($27) 忌廉再加埋香濃嘅牛奶布甸，用北海道牛奶製成，每一啖都非常滿足同濃郁🍼😋 美味指數: 8/10—————————————————————🍴 朱古力三重奏泡芙 ($28) 朱古力三重奏嘅泡芙外皮係朱古力味，着住朱古力吉士同朱古力醬，濃濃嘅朱古力味，朱古力控一定要試🍫😋 美味指數: 7/10—————————————————————🍴 芒果乳酪泡芙 ($30) 芒果乳酪係其中一個我最鍾意嘅口味，酸酸甜甜嘅乳酪餡，取代咗平時嘅吉士醬，再加上新鮮嘅芒果，口感豐富😋 美味指數: 8/10

呢一間泡芙店，每次經過都會聞到好香嘅牛油香氣，今次終於停下腳步欣賞一下佢五顏六色而且脹卜卜嘅泡芙(⁎⁍̴̛ᴗ⁍̴̛⁎)✨士多啤梨乳酪、朱古力布丁、白桃吉士外酥內滑嘅雙重口感確實令人滿足，士多啤梨乳酪混入咗果香，甜絲絲嘅感覺停留係舌尖之上；朱古力布丁味道較濃郁，食落去相當邪惡，不過布丁嘅滑溜並無影響泡芙嘅口感；白桃吉士相對清香，桃肉香甜，咬落去完全係幸福嘅感覺！#優惠情報多人分享嘅話更加可以用上自取優惠， $93就有五個(⁎⁍̴̛ᴗ⁍̴̛⁎)

今天途經東鐵沙田站外的西樹泡芙店子，看見玻璃櫥窗內色彩繽紛的各款泡芙，不得不停下來選購一些與家人分享。～芒果乳酪泡芙新鮮香滑的芒果🥭肉，吃起來啖啖滿足；再配上滑而不膩的乳酪忌廉，口感極佳。這款水果泡芙，味道不會過甜，外脆內軟，怪不得是人氣之選。～士多啤梨乳酪泡芙蓬鬆的泡芙包裏著肉厚味甜的士多啤梨🍓肉和綿滑乳酪忌廉，顏色和味道亦同樣吸引。～Oreo 脆脆泡芙喜歡吃Oreo 的一定不會錯過。既能吃到外脆內軟的泡芙，又能吃到脆脆的Oreo餅乾，加上略有硬度的忌廉慕絲，軟中帶硬的口感十分討好，小朋友更會喜歡。這店用料新鮮，新鮮出爐的泡芙質感略帶鬆化，有別於一般軟綿的口感，配上不同的材料如芒果、草莓、白桃、吉士、朱古力、抹茶、布丁等做出不同口味的酥脆甜品，賣相美味兩不缺。這連鎖泡芙店在很多的港鐵站也能找到其蹤影，顧客很容易便可以按自已的喜好在這裡挑選到合意的美點。

又到星期五，忙碌的一周過去，weekend 梗係搵啲嘢獎勵下自己，經過沙田港鐵站遇上泡芙專門店。《西樹泡芙》嘅品質一定有保證，揀咗個朱古力，阿女最喜歡，仲有姨甥仔嘅Oreo，生菓類一定唔少得。濃朱古力布丁~每次買嘅總會有一個係朱古力味，今次試濃朱古力，味道冇咁甜，布丁質地好幼滑。白桃吉士~香味濃郁嘅泡芙配上新鮮白桃，味道清新，好受女孩子歡迎。Oreo脆脆~甜品用呢個味道好多小朋友都好鍾意。其實佢個原味都唔錯，吉士夠香夠滑，當然加咗特別材料，令味道更上一層樓。

平日出入的港鐵站都有西樹泡芙的分店, 周不時都見有人排隊, 今日一試果然驚為天人!來到櫃枱, 不同口味的泡芙色彩繽紛, 好不容易才決定下來, 買了三款口味回家與家人分享。吃過晚飯, 急不及待拆開精美的包裝盒, 盒內放有一小包乾冰, 有小朋友的要小心不要取食。三顆泡芙大大粒的, 餅皮非常鬆化, 為求人人都可試勻三款口味, 我們用刀切開變成六件來食 ^^ 先品嚐芒果乳酪泡芙, 乳酪忌廉質感輕盈, 新鮮芒果酸甜適中;再試榛子tiramisu泡芙, 手指餅對我來說太甜, 不過好喜歡它的忌廉有兩層次, 其中一層加了咖啡酒, 極有tiramisu的風味;最後試的是紅豆抹茶有丁泡芙, 餡料先以抺茶有丁作底, 配以三小球忌廉, 最後是紅豆餡, 口感非常豐富。下次可再試試其他泡芙口味, 據聞它會按時令更新不同花款, 推陳出新, 如此用心經營, 難柽經常要排隊購買!

每次去搭地鐵行過【西樹泡芙】都見有條小人龍，我哋耐唔耐都會排埋一份，每次食完都幸福感滿瀉！😋脆皮泡芙外層金黃酥脆，配上各種口味嘅乳酪和水果，水果香甜，乳酪cream香滑，而且款式很多，各有特式，真係帶來無比嘅享受。 😍我最鍾意士多啤梨乳酪puff&意芒果乳酪puff, 再加個Oreo脆脆puff, 三個puff就會有盒，方便帶走。🥰芒果乳酪泡芙 $32, 士多啤梨乳酪泡芙 $31, Oreo脆脆泡芙 $29

西樹泡芙買返屋企就可以慢慢享受嘅泡芙 😍泡芙大大個，有多款口味！如果你鍾意濃郁嘅朱古力味道，濃朱古力布甸絕對係你嘅首選。佢嘅質地好滑順，入口即溶，每一口都係濃郁嘅朱古力滋味。酥脆嘅口感Oreo味都好味。將Oreo餅乾放喺泡芙入面，配搭忌廉，等佢融化嘅同時，餅乾嘅酥脆感會帶出更多嘅層次同口感。另外，榛子tiramisu泡芙口味加入榛子碎粒喺泡夫入面，令到每一口都能夠品嚐到榛子嘅香濃味道，同時配合迷人嘅tiramisu風味，絕對令你愛不釋手。

前往朋友工作室途中，路經港鐵沙田站外一間泡芙專門店，款式琳瑯滿目，造形吸引，份量也大，時值下午茶時間，便買了幾件，打算和友人分亨。一盒可以放3件，內有一包小乾冰，保持產品新鮮度，包裝細心又體面。🍑白桃吉士芭芙 White Peach Custard $29造型好靚，白桃肉挺厚身，口感脆，味道清甜自然，泡芙內是微甜的吉士忌廉醬，質地幼滑，甜甜地，兩者味道匹配。🥭芒果乳酪芭芙 Mango Yoghurt $32酸酸甜甜的芒果吉士醬，與新鮮芒果肉的香、甜味相互融合，味道令人著迷🥛北海道牛奶芭芙 Hokkaido Milk $28牛奶餡料分成兩層，上面是幼滑，奶味濃郁的牛奶忌廉，下面是嫩滑的牛奶布甸。 層次分明，甜度適中，簡單的奶香味，反而更得我心芭芙的外層酥皮和內部蓬鬆質地形成一種脆軟對比，內餡則柔軟滑嫩，吉士醬和鮮果的融合增添了額外的口感，入口輕型而不膩， 綿密爆漿感，令人吃得非常滿足。