西米Go

營業中

休息中

西米go!紫菜肉鬆雞蛋仔即叫即整，雞蛋仔外脆內軟，每粒都包住紫菜肉鬆，咸咸香香，食到停唔到口楊枝甘露夏天必備的透心涼甜點，用上新鮮芒果及柚子果肉，酸甜口味完美平衡芒果滿載河粉撈 一打開已經睇到滿滿嘅芒果，同埋椰汁河粉，食落非常嫩滑腸粉套餐一份會有齊魚蛋燒賣，最正就係港式混醬，熱辣辣嘅腸粉再加埋魚蛋燒賣，絕對係絕配啊西米go仲有好多其他飲品，不過今次就叫咗個四季春試吓探探茶味喺食完甜品熱食之後消滯非常一流

呢間西米GO 我喺foodpanda嗰度睇咗好多次但運費價錢對比去舖頭買差太遠今日終於經過放學時間五點幾六點，但係一個人都無附近舖頭都係得零零碎碎幾個人呢個場開咁耐都係唔旺今日食個late tea 叫咗一個楊枝甘露，同埋一個朱古力雞蛋仔楊枝甘露好好食西米仲可以做到好彈牙芒果好甜，柚子都好好食。但係個朱古力雞蛋仔好似未夠時間明明見到佢做完之後搵風扇吹凍但係入口都係軟林林，成個唔企身嘅之前都有食過其他芒果系列嘅甜品都好好食，但係今次就敗咗喺個朱古力雞蛋仔度

男朋友屋企樓下就係呢一間甜品店，所以間唔中會買上去食。但係買咗三次食，甜品嘅質素都係一般。芒果唔係次次都係甜嘅，西米露嘅椰汁味都係偏淡，唯一係份量比較多。但係黑糖珍珠奶茶真係不行。

大家幾耐無飛過？以前呢，每年起碼去一次台灣，瘋狂掃街食食食，最高峰可以一年去5次﹗無得飛時唯有買台灣食物解下鄉愁，手信類真係好貴，無計啦依家貨運加左咁多，好在仲有唔少甜品，最愛就是芋圓﹗難得有區外台式糖水團購，JOIN﹗黑糖芋圓珍珠豆腐花-$43芋圓同小丸子，q到不得了，煙韌得嚟又唔會痴牙，又唔會死甜，好香又滑，夏天食真係好舒服！不過呢，個豆腐花真係出出地事，口感好鞋似豆腐多D芒果滿載河粉撈-$43滿滿芒果好滿足，有少少係芒果粒，保持到有口感，唔會太酸亦唔會過甜，略嫌河粉太厚好似食椰汁糕，切返幼D會更似河粉~

朱古力格仔餅$23 朱古力格仔餅即叫即整，可以揀加砂糖、牛油、花生醬同煉奶。今次只係加左煉奶同花生醬。不過等格仔餅就要等得多過5分鐘。仲有樣可惜嘅就係格仔餅整完出嚟用個夾夾佢出嚟嘅時候夾爛咗。個格仔餅食落去唔係好脆，可能係嗰漿整得唔好(?)所以整出嚟係淋。不過個朱古力味都幾好味，份量都算大。仲好細心嘅加多一張紙去包住格仔餅，另到啲煉奶同花生醬唔會透到出黎，然後整污糟隻手。

芋圓珍珠甜品 選擇都幾多碗糖水真係好足料 份量好多-芒果椰果水晶條($34)一致讚好芒果系列芒果汁底鮮甜 好濃厚 加埋椰汁撈混 可以完美取代許留山椰果份量都唔少 但水晶條係勁多 水晶條姐係愛玉好好咬 正但因為個芒果汁底都幾漏下 都幾飽肚 滿足-檸檬芋圓珍珠愛玉 ($34)有8成係愛玉 清過頭偏酸 唔太識欣賞哈哈芋圓夠入咪 但口感唔夠煙UN 份量少珍珠就幾好食呢碗唔建議大家啦~--西米Go天水圍屏廈路65號屏欣苑屏欣商場鮮匯站·屏欣地下MK12號舖

屋企附近有寶藏！哈哈 竟然有雞蛋仔買一直以為無 而家終於可以試下 有時想食起上黎都有諗過不如買部機自己整 但咁近屋企就試試佢 好食會返轉頭呢間西米GO係食糖水 但我未試過糖水一試竟然係試雞蛋仔果然都無令人失望 係不錯的以$15呢個價錢食到呢個質素 其實好過好多連鎖店外皮唔算脆但係唔係淋但個心係好軟熟 呢個質感好正味道方面就偏甜左少少我覺得係有蛋味既 但可以再多少少希望下次再食會有進步啦我真係會成日買架！佢仲有其他糖水 下次都可以試！

#pb食在天水圍 #pb支持黃店💛 足料台式飲品✨話說有日放工search下#天水圍黃店 發現舊時屏欣仔傾下計個位變左另一間甜品黃店 於是就決定買杯野飲支持下🤪 見佢FB成日搞跨區團購 努力拓展版圖 等多d人可以支持👍🏻.佢主要係買糖水、甜品😋 有傳統嘅中式熱糖水 又有台式芋圓珍珠甜品 選擇都幾多🥰 🔹台式珍珠芋圓仙草飲🍡貪心嘅我揀咗呢杯 貪佢咩都有😌 有別於平時飲開嘅肥仔水 佢用左椰汁底 所以比較似一碗碗糖水🤪 飲品入面超級足料 有紅豆、珍珠、大小芋圓、仙草 多料到用飲管飲唔到🤣 不過珍珠同大小芋圓口感比較硬身 唔太煙韌🥺 而且用椰汁底飲落都幾漏幾飽🙈.整體飲完除左好飽 都係好飽🤣 質素一般 可能食甜品會好d🤨 不過天水圍唔算多黃店 都希望大家可以分散投資下 支持下呢類地區小店啦💛西米Go天水圍屏廈路65號屏欣苑屏欣商場鮮匯站·屏欣地下MK12號舖

未搬舖前因為係良心小店食咗3次，每次食都唔同感受，第一次食嘅時候係會全屋都嘩一聲，碗糖水好足料，份量都好多，第二次送錯野，但都足料嘅，第三次再食，份量係上次嘅一半，又冇味又送留野，打返去問佢，佢問返我咁想點，第三次嘅芝麻糊同第一次好唔同，第一次食係自家製嘅味道，但今次係水溝出嚟，仲要係水到完全冇芝麻糊味，今次新開舖，冇咩衝動再試

平時好少寫食評～但今次忍唔住寫一下感受等外賣時見到有糖水舖開張，就買一碗渣喳試一試。都知新舖開張所有野未上手要等嘅，但冇諗過要等15mins😩再講番碗渣喳，打開一望就好失望☹️真真正正係一碗「糖水」渣喳嘅料少得可憐～味道係還可以嘅，但完全沒有滿足嘅感覺。只能講似飲咗一杯飲品吧🥲

過節日成家人齊齊整整，一次柯打8碗，都唔係好誇張啫。明明一人揀一碗，當食糖水時一齊打開蓋，一致念頭， 不如些牙食啦！因為實在碗碗都太吸引。首先顏色搶眼，黃色紫色白色，味道新鮮唔酸亦唔會係拼命加甜嘅死甜，果味突出。 一致讚好芒果口味，無得輸。 嗌咗咁多碗都唔記邊碗叫乜名， 總括一下我自己食到嘅材料， 最最最記得嘅一粒可愛小星星，我最鍾意小星星有咬口。 咁大個人因為啲星星又再出現爭食喇... 芒果汁底鮮甜， 小丸子煙韌， 芋圓更煙韌 糖水入面配料份量充足， 河粉、水晶粉、仙草、椰果嘅份量誇張到絕對令我滿足，紅豆軟綿，愛玉味道清清地， 其實幾啱食飽飯又想食個糖水嘅人(例如我)楊支甘露入面柚子不酸不澀，啖啖充滿果香。最過份呢堆糖水300蚊有找，好想晚晚都嗌糖水食最後提你一句 記得留肚食呢碗糖水喔！