西記粥店

營業中

休息中

熱到死，又好餓，入粥店唔食粥。凍豆漿，油炸鬼，糉，炒麵，碎豬膶腸粉，粉腸豬红湯。豆漿，油炸鬼，糉，正常。炒麵，唔夠油，冇葱。碎豬膶腸粉，好味。粉腸豬红，粉腸好食，豬红一般。價錢合理。環境和衛生,一般啦。

唔休做，店員態度極差，講緊唔至一個，兩三個都係咁。叫份炸兩腸粉，店員淨講炸兩，以為佢聽錯，同佢講多次要炸兩腸粉，佢就西口西面話「我知啦」。之後問你落唔落醬，問佢咩醬，就一句「咁你自己落」，但又包晒袋，係包到好實，唔俾你落返，咁咩叫之後自己落？到拎外賣，見到你係出面都唔會叫你，就咁擺門口張枱，等你自己入去搵人拎。簡單嚟講，貼錢買難受，味道麻麻，又要態度差。旺角唔係得佢一間粥店，唔一定要食佢，大把其他好啲嘅選擇。

第一次外賣收錢個啊姐一句聲都唔出，連幾錢都要自己睇，之後落完單就叫佢幫碗粥加胡椒粉，之後佢就講你下次落單講埋喇，冇人會幫你傳話架，鋪頭當時唔忙，野佢又企係到冇野做點解要咁講

今日小妹病了有啲感冒冇乜胃口所以就諗住叫啲粥食下飽下肚就算見到呢間鋪啲野食已經係勁抵同埋個平台要買滿120蚊先免運費所以小妹就諗住一次過叫埋晚餐最後叫咗皮蛋瘦肉粥 魚腩豬潤豬紅粥 炸兩 煎堆 炒麵 兩枝豆漿我係冇辦法相信叫咁多都只係130兩碗粥既粥底好明顯係唔同既魚腩果碗係比較甜同埋有陣鮮味好味好多不過皮蛋果碗就比較清啖啱哂啲病病地既人食炸兩可惜係冇甜醬只有豉油炒麵好抵 十幾蚊已經裝到一整盒仲瀉瀉地出黎真係淨食炒麵都飽哂 煎堆就比較硬 要又咬又扯先食到豆漿既甜度好適中 平時茶記飲開正常 少甜既都會啱飲

今日同大家分享一間旺角嘅粥店：西記粥店！今日無乜胃口所以就同同事一齊嗌左粥食！我地今次就嗌左仿鮑片粥加皮蛋加鹹蛋、肉碎腸粉、鴛鴦麵米！❀ 仿鮑片粥加鹹蛋加皮蛋一開蓋就有仿鮑片嘅鮮味散出，鮑片嘅口感煙韌有咬口！皮蛋同鹹蛋我次次都必嗌，同粥絕對係絕配，粥都好滑！整體唔錯❀肉碎腸粉腸粉皮略為厚，但皮都算幾滑，分量亦好多❀鴛鴦麵米一半麵一半米粉，分量超多！性價比超高！

前幾日晏晝懶得食碗粥，就揀咗間西記粥店食啲嘢食又唔係話非常之西嘅可以接受好似大概$40左右，就有艇仔粥，炒麵凍豆漿炒麵真係麻麻哋，硬骨骨，艇仔粥都正正常常嘅係豬皮有啲多油不過真係幾抵食嘅

星期日食完午餐後行百貨公司完畢，有點腳倦，於是找地方休息一下。在上海街尾發現西記粥店，被門外擺放的白糖糕，油炸鬼和炸煎堆所吸引，於是入內叫了一碗熱紅豆糖水配一條油炸鬼，紅豆糖水內加了花生很好味，再將油炸鬼浸濕糖水食用，又香又甜。很少客人懂得這種食法，值得介紹！太太要了一碗綠豆沙，內有海帶並不太甜，同樣配油炸鬼，又甜又脆的感覺，好吃到不得了！價錢非常公道，只賣十六元一碗糖水，十元一條油炸鬼，食完令人胃部滿足，又有腳力再行一會才回家。

介這間粥店，因為地點方便，就在旺角道鄰近去將軍澳的巴士站旁。禁晚市期間我第一次光顧，那天去將軍澳，出發前在這店內食下午茶。餐廳裡不多人，叫了炒麵及炸兩，還有奶茶。感覺不錯。這天要在家餵歲多的嬰兒，沒有煮粥，於是在food panda上面用粥做搜尋，找到這間西記粥店，驚訝的是，它的價錢沒有比在餐廳貴太多，兩個粥、加炒麵及炸兩與運費也不用100塊。不過稍為遜色的是，炸兩竟然沒甜醬，炒麵也沒有辣醬。不知道是否在應用程式上我沒有選擇要有醬，不過一般餐廳多是會給多你，很少會給少你，例如買雲吞麵，多會送辣醬，雖然我根本不需要，但這次食炸兩竟然沒甜醬，真令人感到意外，希望粥店改善。

經過几次見到，今日第一次試吓，不過冇堂食，只可以外賣，真係失望而回⋯叫咗艇仔粥，再配油炸鬼，個粥傑到一個點，原全唔知點解，而且粥身好淡，近乎冇味，料係可以，但都係淡而冇味，失敗⋯油炸鬼又硬又唔脆，同食一頓麵粉冇分別，味道又係淡而無味，失敗中嘅失敗⋯返食指數係零⋯

可能是香港最好吃的腸粉。來這家西記粥店已經有好幾次， 今天才有時間寫食評。唯一有一點可以改善是麻醬，西記粥店的麻醬應該是加了水。如果老班可以在這方面作出改善就 perfect 了

今日想食粥去咗呢間度買，入到黎只見高高瘦瘦既職員，完全冇事入嚟嘅我，淨係揸住部電話傾計，我入到企左3分鐘先至望到我但係都係一路揸住部電話傾偈一路行過嚟仲係傾緊電話，之後我問返佢我可以落班未仲係一路揸住部電話傾偈一路同我講好熱呢個動作真係荒謬，最後廚房大聲講啲嘢食凍啊先至有職員幫佢包外賣，串返你嘅秒速反應。要求落單就拖延慢慢黎，砵蘭街分店又係咁旺角就分店又係咁，我唔會再幫襯呢個集團了，呢個集團請到啲咁嘅職員都唔知佢嘅眼光喺邊度。

是日天氣涼涼，運動之后，隨便逛逛，突然想食粥，旺角道 「西記粥店」環境都ok 啦，卡位座座邊吃邊看電視 😀看看餐牌 ：- 選擇算多生滾湯飯 / 麵、全日粥餐、下午茶餐生滾粥、即熟粥、腸粉、炒麵、、豆漿 等等晚上6:30，仍未肚餓所以點了較為簡單平宜 $29（走蔥）皮蛋瘦肉粥配油條夠大碗 飽肚 😊粥底好綿 滑滑， 瘦肉多多，皮蛋切粒…好香整條油炸鬼，切開小塊，方便進食新鮮 香脆可口，不油膩，好吃😋吃飽了，感覺溫暖😀 👌 坐巴士回家啦

🤓今晚有事去太子，順便係附近揾食🥢，發現到呢間粥粉飯麵店，點咗呢個$43套餐......🥛豆漿清甜，🐟魚片粥煮到好綿，🐮牛肉腸粉幾滑，但粉漿有啲厚～下次想試下佢哋雲吞麵！🍜

2020/12/30凌晨去幫襯買咗個$32套餐，只不過問個炸兩得未啫，果服務員就同我講話前面嗰個客都未有，你更加未有啦，咁嘅服務態度以後點幫襯呀，問佢嘢仲咁多嘢講，仲要頂撞返你轉頭，啲嘢又唔係真係好食

中午時間剛剛開完會經過旺角， 就到西記粥店吃午飯。 店內座位狹窄， 不過唔緊要的食個午餐好快就走。開頭是叫雲吞牛腩河， 後來上了一碗牛腩河$29＋ 凍豆漿$8。 牛腩河的湯非常多， 差不多滿瀉了， 賣相當然不太好看， 牛腩有三件， 口感都算軟腍， 整體味道正常。 凍豆漿味道幾好， 飲得出沒有溝水。原先點雙拼河， 可惜只來了一碗牛腩河， 食完好似仲差點先飽， 唯有晏少少再去食個下午茶吧！🔺🔺🔺 西記粥店地址: 旺角旺角道22號地下