影片
以上資料只供參考, 請與餐廳確認詳情
去過呢間鋪頭兩次，兩次我個朋友都唔好彩，第一次去我朋友叫咗有雞嘅套餐，我問佢好唔好食？佢話好一般好一般我問佢點解好一般佢話啲味道麻麻地，我問佢係唔係啲肉好(鞋)？佢又冇答我總之話唔會再幫襯呢間鋪頭食雞，我食兩次都冇問題，最近一次我朋友叫咗個牛筋河，我差唔多食完個套餐，我見佢成碗河粉啲牛筋冇郁過，跟住我問佢點解唔食，佢話好韌根本食唔到，我同個阿姐講: 阿姐話換咗佢啦！我朋友話都差唔多食完喇！唔好換呀！咁我同阿姐講埋單畀錢點計？佢話要收全數，我就同我朋友講: 呢間舖頭你下次唔好再幫襯佢喇！
繼續閱讀
船河前急急整個出前一丁醒醒神先！Continue 出前一丁馬拉松，宵夜五香肉丁日版出前一丁，依家再黎早餐出前一丁！基本上每年只有夏天先見到我係西貢出沒，船河季節麻，最愛出海 relax，今次難得相約幾位老友齊齊食早餐，因為我多數獨行，機動力會高好多。今年市道好差又咩都加價，人工就無加，搞左幾次船河最好嗰次都要蝕 $2000 囉，陰功！太陽蛋腸仔雲南肉醬撈出前一丁，居然係麵底先到，其他咩都未到，連湯都未到呢！跟撈麵既清湯係用返原裝湯粉開既，好事黎既。但有無諗過用隻細過飯碗既碗子開一包湯粉會咸死架呢？深啡色既湯底，碗底都睇唔到，咸到飲唔到！落少少撈撈個肉醬麵算喇。劈雲南肉醬都超咸喎呀，應該係甜架麻？咸到頭痛呢！飲啖水漱漱口，三扒兩撥格硬倒晒落肚算喇，咸到拿住塊面呢！食完個超咸麵個腸仔蛋剛到，回一回氣先。炸腸熱辣辣送到，急不及待塞入口，又乾又硬，咩牌子呀？仲要激咸，想咸死我咩！咸咸咸，咸肉醬、咸清湯、咸腸！最正常最好食係隻太陽蛋喇，暖暖地，只係油淋淋囉！我都話走包咯，浪費食物。太陽蛋腸仔五香肉丁出前一丁，至尊咸腸硬腸既混合體，其實炸得香口又滾熱辣，但味道咁咸頂唔緊呢。太陽蛋好油啊，不過蛋白滑滑微燶香口又夠暖，蛋黃味都有淡淡甘甜，合格。我都話走包咯，朋友們已各有多士食唔落多一件，浪費食物呢。order 撈出前一丁就黎個超濃縮碗仔清湯咸到苦，依家叫湯麵就大大碗湯淡如水！麵條略腍不過份，可以接受，淡口湯底有五香肉丁辣汁扶一扶還好，都有點微辣，掛上大量湯啜入口，還滿意的。肉丁份量少，肥膏多而瘦肉少，油淋淋呢。依位新黎阿姐態度麻麻，直頭差！無表情兼唔出聲，仲要大力飛張單落枱，傻那左，唔想做就返屋企啦！連單都落錯埋，我要雙太陽囉，離晒譜。新黎阿姐態度惡劣，張枱又細又頂手頂腳，野食又等得耐！早知去日本餐廳啦，如果唔係怕無位都唔會走黎德興囉！太陽蛋沙嗲牛出前一丁，人家要雙春依家變單春邊夠飽呢！幫襯左好幾次即食麵，首次試沙嗲牛肉。仲咩落生蔥架？玩咩！又要我續粒挑走去，好明顯係潮州麵檔出品，唔係水吧。自家沙嗲牛肉黎喎，唔係罐頭貨，有 heart。沙嗲牛肉好重香茅味而帶微弱沙嗲甜味，真係好有創意。鮮牛無乸過，純天然質感軟棉但略為乾鞋 over cook。太陽蛋非常正常，夠熱、滑溜，蛋黃甘香。麵條稍為腍左少少，爽一點更開心。湯底淡而無味、太多水喇，唯有隊辣椒油比返少少味道。辣椒油香但唔辣囉，麻麻地。埋單閃，一肚氣離開，可能無下次喇！
繼續閱讀
西貢行完山～行到肚空虛😆回程唔知食咩好～ 的士司機推薦我地佢地平日既「飯堂」話選擇多～又經濟抵食～我地聽佢話～哈《 坐低我見有套餐～5:30pm食早飯先😁👇🏿蕃茄牛腩飯賣相都唔錯～個汁略浠～ 酸酸甜甜好開胃～ 牛腩炆得好淋👍入味👇🏿有一大舊紅蘿白墊底（1/4 )可能開胃～食完一碗飯都唔覺飽🙈😆而亞k就點左佢至愛既👇🏿牛肚河牛肚都炆得入味～爽口又彈牙👍總結：西貢茶餐廳推介😋
繼續閱讀
位於西貢的早餐熱點，我已經試得七七八八，不過位於大街大巷，位置當眼的，永遠是排在我 wish list 中的後端。這一天的早上，在沒有別的選擇之下來到了這《德興麵家》食早餐。可是大家不要混淆，西貢有兩家《德興麵家》，但是兩個不同的老闆經營，出品就各有各好。早上來到，牛腩未 ready，好多麵店為了多賺一點頂租金，店子用作炆牛腩的時間，就照樣經營，做茶餐廳早餐，能賺多點就賺多一點。是日的公仔麵早餐，是久違了的五香肉丁麵，不過，就小小的這一點肉丁，有少少貨不對版啊，說真就算是雙併麵，這肉丁亦的確少了一點，喜歡肉丁的我覺得不夠。我點的可以說是雙併麵，不過鴨胸是陪著牛油厚方包另上的，組合起來，五香肉丁份量少也是有他的原因的。鴨胸，油香味道好，雖是行貨但總算令我稱心滿意。方包牛油夠多，也是令人開心的。奶茶，不是很出色，香香地滑滑地已經是ok的。說出色不是出色，簡單的一個熱熱早餐總算是滿意的，始終早上的一餐，大都是吃飽就跑，夠溫飽就算。
繼續閱讀
為何晨早六時多便起床？事關全年最佳的行山季節又來臨了！繼今年五月份在西貢結束季尾的行山後，這次絕對是承接上季，開啟秋季行山之旅的第一站。行山前，總會吃一頓豐富的早餐，先為身體注滿能量，以備行山體能上的消耗。由於當天所預留的時間充足，就在西貢碼頭附近的食肆繞了一圈。看到德興的名字，心水清的老公即時想起同一條街的德興麵店，許多年前我倆曾在那店嚐過牛雜麵。看見人家坐在門口的露天座位享用早餐，這個天氣其實最適合不過。留意到在大門口的飲品牌子，列有珍珠奶茶、紅茶、綠茶、乳酸及玉露等，全是具有台灣風味的飲料，究竟此德興除了提供港式粉麵外，是否還有提供其他的菜式呢？早餐時段，只知道除港式粉麵外，亦包含了茶餐廳的早餐。沒有嘗試台式風味的飲品，還是要了較經典的港式餐飲。老公至愛凍檸茶，而我的心水卻是凍檸水。糖水是由小杯子另放，甜度可自行調節，做法較為方便。老公要了螺片出前一丁麵。麵條保留了爽勁，螺片也極為爽彈。再配上牛油多士、餐肉及太陽蛋，相當豐富。我最欣賞是熱燙和近乎溶掉的牛油，多士入口外脆內軟，牛油香氣鼎盛，是即叫即做才能嚐得到的新鮮度。老公稱雞蛋雖然細小，但蛋香不俗，而餐肉更比一般茶餐廳的較為厚身，口感亦較佳。我則要了炸醬和雜菜撈米線。炸醬帶甜，不太香，雖然肯定不是我杯茶，但雜菜的用料卻是非常的認真，備有西芹、洋蔥、西蘭花、翠玉瓜、生菜及紅黃的燈籠辣等，味道保留了單純蔬菜的清甜味，能滿足我不時對蔬菜的渴求，唯米麵稍稍過腍。蔥花上湯是隨炸醬和雜菜撈米線而來，味道充斥著胡椒的香氣，化學調味不算厚重，感覺還不錯！當天在沒有準備之下，竟然嚐到一份意外地滿意的早餐，為當天的行程帶來一個好開始。心情輕鬆，可以啍著歌出發了："晨早空氣清新開朗，陽光溫暖帶來無限美...........................。"
繼續閱讀