西貢海灣會燒烤大王

西貢海灣會燒烤大王上網見到呢間裝修完，都幾大，任飲任食無限時燒烤場，由晏晝一點食到夜晚十點都得，都值得一去首先每人會有膠碟，膠杯，俾你出去拎嘢食同埋嘢飲，外邊都會有啲手套，膠叉，膠刀，牙籤等等可以拎，醬料方面有蜜糖同牛油，豉油等等，汽水方面選擇比較少，得白事，七喜，橙汁，蘋果汁同埋水，嘢食嘅種類都多，大部份都有，豬牛雞扒，雞翼，腸仔，丸類，豬頸肉，金沙骨，雞腎，魷魚，紅腸都有，方包同埋蒜蓉包都有，性價比都幾高，值得一試入邊最值得食嘅係豬頸肉同埋雞腎，豬頸肉醃得幾好食，又唔會好韌，雞腎都好食😋，總括嚟講，閒日任燒9個鐘$218真係好超值西貢海灣會燒烤大王🏠：西貢大網仔路沙下村9號地下☎️：27920683

1:00準時入塲 係剛剛入塲有少少混亂 食物冇孤寒 不停添加 不會太咸 雞全翼最好味蒜蓉牛油不停添加蔬菜種類少 只有青椒小蕃茄茄子🍆😌不過當日下午己經冇哂🍠汽水、橙汁好鬼甜洗手間🚻好清潔 外邊洗手盤同清潔濟都有添加當日停車場🅿️職員態度好好 👍🏻下次會再去☺️

好多改善空間既任食燒烤未幫襯前睇到好多負評，但由於天氣涼涼地，又玩完獨木舟，地點好就腳，就試下佢，睇下有冇啲評論講得咁差入場：買票只可以用現金，以週末每位238價錢來講，只收現金真係唔係太flexible, 而家唔係咁多人有好多現金在身，地點又唔係近市中心提款機🏧，除非真係非燒不可，否則出左市中心都未必再行返過來啦，入場門口專登整到好細，避免有無比錢既人可以閃左入去時間：基本上係無限時間，下午一點燒到晚上十點，比左錢佢會吸個印在食客手上，即日可無限次出入，食得落既話真係可以食足10粒鐘燒烤爐位置：留意返！成人每位價錢只係最「低級」燒烤爐位置，即係有蓋場內的燒烤爐，如果要坐「露天」/海景位/上層位，係要以每枱計額外加$100至$200蚊，而每枱係只坐4人.......所以呢個額外費用要計清楚。我同朋友都無所謂坐邊，所以就坐最基本個啲枱，即係有蓋的燒烤爐，有蓋既壞處就係無咁通風，左右隔離都係爐，比較易焗住啲煙，蓋頂有會轉既大風扇，所以啲煙會不規則地吹來吹去，所有碳會放在場內一角，唔夠碳就自己拎個膠桶仔去拎，一開始透爐真係唔好咁大火，否則好大煙，好易焗親自己燒烤用具配套：每位價錢包既用具有每

26/9/21 13:00左右食，無咩人。服務態度ok種類都好多，單係雞翼已經有四種。飲品係任斟，不過最後尾都會揀飲水或者pepsi。七喜根本係有氣水，蘋果汁又有怪味，橙汁太甜，得返水係正常d...炭露天放，自己攞，無咩好講，係裝炭個桶太細，攞唔得多。環境好正，我地食到4,5點開始日落，個位比太陽西斜，不過都好靚。豬扒，芝士腸好好味青椒，牛扒都好食cop左印仔，可以自由出入，食飽可以睇時間去沙灘行下，返黎再食過。

甚少寫留言，忍唔住要黎劣評，以免有下一個受害者！.1.服務態度非常差！唔單止係一個職員服務態度差，係所有人都好差！.事例1: 8:30就宣布9:00停止供應食物聽到宣佈後8:30即去汽水機禁蘋果汁但係已經冇晒蘋果汁，問職員可否refill蘋果汁職員答：你依家係咪一定要飲蘋果汁🤷🏻‍♀️.事例2: 未到10點就熄燈趕人走（由8:30開始，你會不斷聽到廣播宣佈叫人走）.2.熱到不得了成個蒸籠咁，三張枱先有一部超細嘅風扇風扇吊到超高、冇乜風！封頂設計，令到熱氣冇辦法散走所以坐入面真係瘋狂爆汗.3.嘢食種類少+吾新鮮未試過燒烤係食唔飽，最後要去便利店買麵包食.我唔明點解會有49個笑當初見到有幾個劣評，都諗緊去唔去食好但又見49個好評，就比一次機會佢。點知好後悔！如果你睇完我呢篇評論都諗住去食只能夠說祝你好運😅

真係好小會特別寫評論，真係忍無可忍，服務態度差到極點，好似得罪d店員咁，正常食個BBQ好地地，店員質素真是好差，問咩都唔答，加錢要風扇要野飲野食都西口西面，特別有個呀叔，唔想做就唔好做啦，行去拎野食又遠都算，食物質素差都算，服務差真係忍唔到，一次就算，嘥錢買難受，希望班店員會改下啦，唔好再對客人咁差了，唉，一日好心情就咁無左！另外，野食種類很小，放出黎俾客人既數量都很小，一陣就無曬，叫佢加返，十問九唔應，燒一轉都唔知要等幾耐先有野食，俾錢加風扇，個風扇開左好似無開咁，好過份，叫佢換又唔理，如果你見到都仲要入去食野就要留意下啦，真心！

停車場肥姐冇禮貌，態度不可一世，又唔係唔俾錢，唔知咩事泊隔離鴻運重好，有禮貌又平燒烤場門口個幾個人好心唔想做就唔好做都未入黎食已經黑口黑面好似我突登俾錢黎收你氣錦最好禮貌既員工就係負責開爐既叔叔食物一般，選擇少食野個陣同隔離枱好近，幾乎可以食到隔離枱啲嘢

門口收費員態度嚴重惡劣，收費分级別海景加200風扇位又加100.，究竟係咩玩法，燒烤食品沒有太多選擇，普普通通。地方總算乾淨總結:服務員態度極差，食物方面普通，價錢貴，绝對沒有下次

朋友求婚，選擇了呢間野果度果個沙攤，但沙灘不是屬於呢間bbq, 初時我地唔知，諗住求完婚，朋友係到攪個bbq, 成班朋友開心下，點知門口果個阿姐，態度惡劣兼沒有禮貌，我地已購買30張門票，要風扇位，人頭每位加$100，海景位再加人頭每位$200，好過去搶，所謂風扇位，只不過是天花的吊扇，離晒譜，俾完錢，叫人開爐好似去問人借錢咁，個個口黑面黑，十問九唔應，差到極點！野食普通，無乜選擇，無炭自己去拎炭，0 service! 完全中伏，不會再去！

今日係公司活動所以先黎BBQ, 好彩吾洗比錢，比錢一定吾黎。每人入場費已經200幾300，之後坐望海景位要加200一個爐，自帶海鮮仲要加300一個爐。。。計埋成400蚊個人真係去食自助餐好過。仲要自己去夾炭，基本上開爐後就冇咩服務。佢d食物就普通，都係雞翼腸仔丸果d, 我冇咩點食就吾評論，每人就得紙碟一隻食野，發泡膠碟一隻比你夾野食，同一隻膠杯斟野飲。。。最好自己帶定多d去, 一係比錢現場買啦門口個姐姐態度十分惡劣，睇下場話吾比 都係想睇下加100蚊，加200蚊同吾洗加錢有咩分別姐。。。老細比緊錢想同事入場先又吾比，我地就一堆人塞晒係門口等。不過場內個哥哥ok好人ge,肯幫我地影大合照廁所ok，算乾淨。

agent請全公司同事去西貢燒烤, 一行十個人下午一點左右出發分開兩架的士直達西貢入去之前要買一張飛 星期六每人$238憑住張飛入埸吸一個手印, 之後可以自由進出或者去沙灘行吓大家都未食午餐所以好肚餓, 嗱嗱臨燒d快熟腸仔魚蛋食食物選擇唔算多, 但基本腸仔丸類雞翼雞扒牛扒豬扒多春魚 豬頸肉都有。想飽肚啲嘅 都有方包同法包。肉質還可以, 唔會醃到好鹹,起碼唔會成日口渴燒烤爐 唔可以自己揀, 佢哋會分配。今次我哋嘅燒烤爐喺會場中間, 所以不太透風, 熱到冇乜心機燒

問收費已經好似差佢錢咁，第一次去真心唔識點分佢d區域，4家人帶住一班小朋友，問下職員點分區域，叫我哋自己行返岀外圍睇。個個黑口黑面，好似唔幫襯佢會死咁。咁嘅收費咁嘅態度，祝你早日關門大吉。去嘅話大家做定心理準備。

這裡燒烤是按人頭收費、任飲任食，由下午1 點到晚上10時任燒無限時，訂位只留人數，不用預先付款，去到時才付款，只收現金。因為假期關係，收費由平時$198 加到$298 一位，小童半價，要坐近門口比較空曠位置加收$100一枱，海景位則加收$200一枱，注意的是附加收費是按4人一枱計算，8個人的話當2枱計算。普通位置就不用加收費用，但沒有任何景色而且通風很差，燒烤的煙霧持久不散，而且非常熱。入場會派發燒烤叉，如要燒烤網和食物夾就要另加$70。食物方面都是一般的腸類、丸類、雞翼、扒類，還有些蔬菜瓜類，入場時會派發發泡膠碟，用來盛載食物，擺放食物的雪櫃尚算整潔，但食物質素就非常一般，味道麻麻；原本以為飲品是罐裝或膠樽裝的，但原來要用派發的即棄膠杯到氣水機那裡斟飲品，燒烤特別口渴，膠杯太細所以要出入很多次，還見到有人用自備的水樽裝飲品，其實疫情下要這樣用用過的器皿到氣水機斟飲品，不論是即棄膠杯或自備的水樽，都不是太衛生。除唯一優點是在海灘旁外，燒烤場其他所有配套都欠缺質素，總括這裡的燒烤並不算太理想，下次亦不打算再來這裡。

假日人頭收費差不多要300，食材普通，都係雞翼腸仔完全唔值先個價錢！去到又無得選位無得選露天，又睇唔到海景！又景依個價錢就話姐，無景都唔點解要收咁貴！最差最差就係安排入座，我等入既時間講左超過100句粗口，排完1條隊買飛等左20分鐘，我仲要係頭個5個，之後我要排1隊拎餐具又等10分 ，之後又排1條條入場再收飛，我真係諗整都諗唔明點解佢唔完飛直接入，我叫排龍尾個幾個我燒左1個幾鐘頭野仲見佢排緊隊，真心覺得硬膠，浪費我時間

其實都係上網睇到個景幾靚所以黎下，今日公眾假期已經預咗人山人海，但係冇諗過多人到爆，如果唔係約哂朋友都唔係幾想入去，門口買飛入場都唔平$298一位，每人幾隻紙杯紙碟你千祈唔好唔見左要再俾錢買過，唔好諗住$298有咩好野食都係牛扒豬扒雞扒腸仔丸嗰啲唔會有海鮮俾你食，海鮮會另外加錢仲要都唔平，千祈唔好加錢去到出邊嗰啲帳篷位，（帳篷位要加$100）因為嗰度離你攞嘢食嗰度仲遠，攞野食嗰度就係入場門口嗰度，我之前去過咁多個燒烤場起碼都比隻膠碟你裝嘢食，呢度都係比幾隻紙碟你出去自己裝，出邊多人到爆，嘢飲最差，罐裝飲品支裝飲品全部要俾錢買，就係入場買飛嗰時俾你嗰隻膠杯去嗰啲嘢飲機裝汽水橙汁，嗰隻杯細到你行多幾轉都唔想行，佢攞嘢食個雪櫃先搞笑，好似你出邊食buffet筆雪糕嗰啲雪櫃，左邊嘅人攞緊嘢食推左去右邊右邊嗰啲人就唔會攞到，右邊嗰啲人攞嘢食左邊嗰啲就唔會攞到，個設計好似係唔想你哋咁多人攞嘢食咁，除咗個地點西貢好似好吸引，佢係我燒嘢食以來去過最差嘅一間，絕不會有下次，服務唔使講除咗門口收費嗰個有服務收你錢之外，入邊完全冇人會招呼你，加炭都係自己加，$298一位完全唔值，好似比錢入場食乞兒飯咁。