西貢金雞海南雞

營業中

休息中

中秋節晚飯加餸，所以專程在九龍城外賣了一隻海南雞，聽聞此店頗有名氣的，七時多到店舖，果然已經有不少食客。店員很親切，很快手便替我斬了一隻雞，離開時還跟我說中秋節快樂呢，所以感覺不錯。一隻海南雞的份量比我想像中小，大約是半張A4字的膠盒大小，配有6小杯醬，總共三個味道，包括薑蔥、甜豉油和辣醬。雞皮看上去不油膩，不過為了健康還是小吃為妙。雞肉薄薄的，沒有啖啖肉的感覺，老實說又不覺得很滑，最健康的雞胸肉放在底部，整體來說間中吃一次還可以，但未至於吸引到要專程再吃。

食海南雞飯我都會搵啲專賣海南雞飯嘅餐廳食。今日去左呢間買左個外賣。油飯喺海南雞飯好重要嘅部分~ 啲飯唔錯，飯夠粒粒分明，充滿住油香，未食雞先食幾左啖飯~ 撈埋上面啲蔥油都幾正~雞就都幾滑嘅，但有雞翼尖，我都係覺得海雞要啖啖肉連皮一食先正，唔駛去骨~ 呢度雞嘅份量少左啲。。唔夠喉。

行九龍城，又唔想食泰國野，行下行下見到呢間金雞，成日聽屋企人話西貢果間有幾好味有幾正，原來九龍城都有分店，試下先叫左去骨海南雞飯，轉雞胸 ($52)同豬頸肉飯（$52),懷住滿心期待既心情等碟飯，因為我見舖入面牆上貼晒有好多名人黎幫襯，心諗質素一定唔差等既時間見到店員都好忙，不停有人外賣，而且廚房斬雞聲一路冇停過5 分鐘左右，碟雞飯就黎左，有效率見到碟飯係失望左，雞胸份量勁小，碗飯同我手掌咁大，碟雞同碗飯大細差唔多，都算啦，每舊雞同我手指尾差唔多幼同埋係好薄身。。😪迷你雞講埋味道先，雞肉質好焾，似係冇做運動好耐，冇彈性，而且唔夠滑另一個飯都黎左。。。豬頸肉份量就多好多 而且個樣望落幾吸引。 咬落外面好脆，不過啲肉就有啲柴，整體算普通啦仲想講埋個老火例湯，係蘿蔔同南瓜湯。南瓜打到好溶，其實係唔錯，但唔知係咪我個碗已經係水尾，入面全部都係南瓜籽，完全飲唔到本身我已經係細胃，但係食完仲係唔夠飽，更唔好講同行朋友

金雞海南雞環境：👣👣食物：😋😋態度：😊性價比：👍海南雞飯連湯：52加凍飲埋單：57我唔係想食劣食架😭佢曾經好好食架😥環境方面，佢地用最先進既恆溫系統，完全唔覺有冷氣吹住。然後佢地高薪聘請蒼蠅蒼師傅係舖面全天候巡邏，以防有人走數。我偷拍到我個枱既小隊目🤗我坐既位可以直望欣賞到佢廚房後現代既裝修，採用仿暗黑後巷既設計，帶比人無限既神秘感。食物方面，佢用短短5分鐘既時間幫我（店內唯一一個客人）設計左個油飯既形象先拎出黎，一分鐘後更奉上藕斷絲連海南雞，技術超卓到最多可以4舊連埋一齊，打風都打唔甩。我唔知係咪佢地太忙，比較少時間買雞，一買要買好多，所以要醃鹹d雞，方便放耐d🤔基於呢個原因，我體諒佢d雞唔夠滑。萬事俱備，只欠例湯既情況下，佢問我係咪5要例湯（冤枉呀大人），我未答就拎返例湯比我，周到！體貼！例湯依舊係南瓜粟米中湯，無乜味精（佢好似寫無），不過不失。奶茶為之一絕，我叫凍奶茶走甜（但我識分好唔好飲既ok，我好憎佢用糖水黎蓋過本身既缺陷），佢一而再再而三話少甜，我答左3次走甜，佢話無，走甜5好飲，我話咁熱檸水。然後佢拎左杯凍奶茶走甜比我🙄又話無？然後佢杯奶茶其實完全無茶味，d奶都唔香滑咁囉

Kowloon City is my favourite place for weekend exploration on restaurants. There are wide ranges of cuisine with different price ranges to choose from. After a heavy Sunday afternoon tea, I wanted something simple for dinner. I arrived Kowloon City at 6ish and there were already crowd waiting outside numerous famous Thai restaurants. I walked around and find this small restaurant with no queue so have decided to try it. The restaurant has a fast food setting and is selling not a lot of dishes. M

九龍城係我最鍾意出沒搵食嘅地方，什麼嘢食都有，除咗泰國菜我第二鍾意就係你食這間海南雞飯！ 這裏的位置差唔多在九龍城中心點，交通其實不算方便因為冇地鐵不是太多車到，不過對於揸車嘅我就會好方便，因為出面就可以泊車招牌菜無骨海南雞飯一人餐雞的份量都不少有10多件，幾乎是沒有骨的，淡淡都是肉，有好香的雞味，好滑！特別是好肥的雞皮，勁香雞油味！每個人中配上三種醬汁：雞葱茸，酸辣，同埋甜豉油，三個醬汁配上這個雞都係咁好味仲有一碗用雞骨烹調的南瓜湯，南瓜肉一絲絲，好明顯用了十足！

我老公係海南人，其實成日都食海南雞，但係如果系出邊食海南雞我就一定係食呢間金雞！因為除咗屋企之外最好食就係佢位於九龍城食肆林立，多年來仍然屹立不倒，就知道真材實料！地方細細10張枱左右，尚算寬躺我就最鍾意食佢哋嘅去骨海南雞，次次都叫這個，其實佢哋仲有啲二人餐，不過鍾意食雞既我，都係專心食雞好去骨海南雞真係啖啖肉，除咗雞髀雞翼全部去晒骨，雞有雞味，仲要係滑溜溜的，肉質啱晒我，淡淡釋出好香雞油味分量OK啦，送一碗飯啱啱好，仲有三個醬汁提供，甜酸喊辣，想點就點仲有食海南雞不能缺少的雞油飯，有啲人可能覺得太油膩，但係冇咗佢點算食海南雞飯啲飯用雞湯煮上，啲飯用雞湯煮上粒粒都有雞味，真係好好食50幾蚊個餐仲有一碗雞湯煮成的南瓜湯!正

好想食海南雞飯，上OpenRice 揾到呢間金邊海南雞，既刻去試，叫左個無骨海南雞飯52蚊，價錢唔算太貴，海南雞好滑，質感好，醬汁一流，環境一般，但坐得舒服，可惜服務態度勁差，十叫九唔應，個女人掛住玩手機，呢點好失望

［ 海南雞飯 ］雞件較滑，但唔係好有雞味.南瓜雞湯太重口肥膩，創新未必為好，傳統清湯先係絕配.最唔中意係飯，既唔夠油香，又無落雞湯煮.其實又唔可以話呢碟海南雞飯差，但死穴在於鋪頭位處九龍城，泰國餐廳雲集，間間都有做海南雞，完全無理由幫趁佢。唔知點解可以開到咁多分店 🤔.［ 麻辣海南雞飯 ］不過係噱頭，如果想食麻辣雞件，應該食口水雞先啱 .反而杯凍檸茶先係做得最好嘅，特登都要寫一寫佢。如果黎食，記得加5蚊叫 😂

之前睇到一條影片，看秋生哥介紹這裡的海南雞。看後忽地就癮起，馬上就要來試試....此處的總店在西貢，山長水遠對我來講有點不方便。不過她有一分店就正正在龍城，那就容易去得多了.... 十一時半開店，想不到已有客人就坐。甫坐下，侍應阿姐已快手奉上三色伴醬以及湯。小弟還剛想開口，她已問 "是不是點雞飯 ?".... 如此看來，勢成騎虎，想不點也不成啦.... 湯呈有點微橙色，細嗒下發現竟是南瓜湯。吃了那麼多年海南雞飯，印象中好像從未見及遇過以此湯配搭雞飯的，感到有點格格不入.... 醮醬反而是最正路的 ---- 有黑掹掹、杰撻撻的黑醬油、泰式辣醬及青蔥茸.... 油飯色水有點不均勻，味對我來講亦似偏淡未夠香。不過在飯中卻找到了點許炸乾蔥及八角，可見是有誠意的.... 雞肉相反就很不錯 ---- 皮爽肉嫩夠入味，而且皮與肉之間的那層脂肪及啫喱是健在的，這才是美味的關鍵..... 吃時，回想到秋生哥的那段片....心想 : "不是那麼誇張嘛?"....

朋友相約到他家附近的餐廳食晚飯, 順便聚一聚舊。朋友知道我仲意食雞,米來到這店。點了 金雞二人餐有二款菜選擇,選了(招牌去骨海南雞 +滷水元蹄)滷水汁時菜二碗老火靚湯二碗雞油飯 (可轉白飯)湯想不到是南瓜雞湯, 十分清甜好飲。這雞油飯好香滑,有濃濃雞油香味。(招牌去骨海南雞)半隻這海南雞嫩滑非常,皮滑肉嫩, 又夠味,超級好味, 而沾醬汁的份量好足夠呢!(滷水西頁元蹄)半隻這元蹄口感十分軟淋，外皮有入口化感，而鹵水汁不會過咸，送飯一流。

招牌海南雞飯，佢哋嘅海南雞飯算平，50蚊內有飯有湯，而且份量都多，但係可惜雞肉有點過生，唔夠熟，有少少透明肉同血肉，但程度可接受的，雞好滑，份量亦好多，可惜油飯太過油，太多的炸蔥頭片太多令到成件事太濃味，呢款海南雞飯適合重口味人士，反而對我來講真係頂唔順個飯太油，但整體來講算好食嘅，亦稱得招牌的，不會失望個例湯都好好飲，睇得出有心機，可以試吓，但應該唔會再有想再去的感覺，因為雞好味個飯都好重要！！

雞肉做得好，豬手和肉餅組合超贊❤❤❤。老闆招呼都好好，喜歡去，介紹了很多朋友去，不是明星，沒有掛牆壁的福利哈哈哈。我很少對白切雞之類的肌肉覺得留戀，這是第一家我覺得好吃的，外邊比較難停車，附近九龍城廣場可以停車。平時來的話可以到九龍寨城公園玩一下不錯。對了，海南雞飯的飯也很重要，這個真的值得推薦了，今日幾個小朋友全部吃完了一碗飯，還要搶豬手和肉餅吃，飯做的不錯，海南雞飯的口味這個飯的占比很重要。已經光顧不知道第幾次。。。。

同同事食lunch 叫咗個海南雞飯，只係想問姐姐可否多少少飯（個人較大食），姐姐十問九唔應，問多兩次後就好不滿咁：我哋不嬲多飯㗎！好，咁講聲唔該就算。點知出到嚟兜飯唔止唔覺大碗，反而比起其他人嘅更細（啲飯平碗，而其他人就漲出嚟有個全圓，好似平時酒樓白飯咁），因為我已經食咗少少好難同佢理論點解我少咗份量；同時阿姐全程面口比起六點幾起食做到兩點幾未停未開過餐嘅人更黑，好似我講嘈口鬧完佢咁，感覺激差！其實唔多得飯一句唔得就okay，冇必要咁小學雞，發誓以後喺九龍城餓死都唔會再食！真心嬲！

早2個月食完, 今日突然又好想食。海南雞我地黎啦但放工時間超大雨, 擔左雨傘都濕左1/3....... 2隻落湯雞走黎食雞....可能今日真係太大雨, 除左我地完全冇人坐低食, 變相包場 。但不斷有人冒雨黎買外賣幫襯左咁多次其實都未試過坐响鋪頭食, 叫左個2人餐後就四圍望下。店內簡潔明亮, 一邊牆上貼左n張老細同到訪明星/名人既合照, 好有衝動想偷偷地撕幾張返去半隻招牌去骨海南雞+老火靚湯+油飯雞一如以往又嫩又滑又好味，呢度有足夠既醬，終於唔洗面臨比人搶醬冇得點既情況湯是南瓜（雞）湯，南瓜西湯就飲得多，但南瓜中湯就第一次。這個湯很清甜，是有淡淡南瓜味的雞湯。湯底頗清澈的，2種味道也很相配。相比之下我想我應該比較喜歡南瓜中湯呢油飯勁香入口又煙韌，好像跟出面的有少少不同, 原來飯入面加左木耳絲, 香蔥絲, 蒜絲等等，值得一試。滷水汁時菜, 唔多覺有加過汁, 但好彩d菜夠嫩, 加蠔油已經夠好食馳名香煎手刴咸魚蓉肉餅~肉餅壓成薄薄的一片, 煎得夠香脆, 難得還保留了一點點的肉汁, 不會太乾。啖淡肉香有o趙口之餘還帶有少少咸香 空口食或者配飯食再或者用黎送酒皆宜。原來除左雞外, 其他食物都有番咁