影片
電話號碼
66831903
開飯介紹
主要提供私房菜, 提供新鮮食材, 即日買即日做
繼續閱讀
營業時間
今日營業
11:00 - 20:00
星期二至日
11:00 - 20:00
*星期一休息
以上資料只供參考, 請與餐廳確認詳情
食評 (9)
喺繁忙嘅都市生活中，搵一間可以享受到地道家常菜嘅地方，實在唔易。不過，位於錦田嘅誠樂廚房真係值得一試！呢度唔單止有獨特嘅菜式，仲可以俾食客享受到無味精、無油膩感嘅家常小菜。最近，我同家人（總共15位）到呢間小店品嚐佢哋嘅特色菜，真係有唔錯嘅體驗。喺2025年1月1日，家人喺舊同學嘅推薦下在誠樂廚房預訂咗一圍菜。誠樂廚房就喺錦田街市附近，我哋用餐前還順道逛逛錦上路附近嘅小市集。餐廳唔大，多做街坊熟客生意，冇咩特別嘅裝修，典型村屋地舖食肆。店內有兩位員工，一位阿姨、一位青年，服務態度唔錯，都好有禮貌，而且仲有位親切熱情頻頻撲撲嘅小胖老闆，聽講佢以前係做教育工作，十多年前轉投自己喜愛的飲食業….當日嘅酒席菜色包括金裝佛跳牆、薑葱龍蝦伊麵、椒鹽炸鮮魷、西蘭花帶子、鮮茄燴牛腩、清蒸海鮮（當天係牛屎鱲）、玫瑰茶燻雞、蝦米煮時菜、元朗特色糕點、椰香蛋白露、水果等等。因為呢啲小店要預早準備食材，所以家人同老闆提前溝通菜色同價錢，老闆仲會考慮當日街市有咩新鮮食材可作選用。我想特別講下金裝佛跳牆。佛跳牆作為廣東菜經典之一，聽到呢度有得食，真係好驚訝。呢度嘅食材絕對冇偷工減料，鮑魚、海參、翅肚、鵝掌、元貝、花菇、支竹等珍貴食材交織成一起，湯底嘅鮮香濃郁，令人回味無窮。每一口都有豐富嘅口感層次，令人回味。另外，薑葱龍蝦伊麵都令我驚喜。佢哋唔用波士頓龍蝦，而係用本地龍蝦，因為波士頓龍蝦鉗大冇肉，本地龍蝦嘅蝦肉鮮嫩多汁，薑葱煮出嚟嘅香氣撲鼻，伊麵吸收咗龍蝦嘅精華，味道濃郁又唔油膩，真係一口接一口停唔落嚟。再講講椒鹽炸鮮魷，色澤金黃，外脆內嫩，每一口都能感受到魷魚嘅新鮮同彈性。椒鹽調味恰到好處，唔會搶走魷魚本身嘅鮮味，食起來十分過癮。我擔心熱氣上火，沒有多食。西蘭花帶子擺盤簡單，顏色配搭簡潔，西蘭花翠綠鮮美，帶子新鮮，甜美多汁。呢道菜調味清淡，保持咗食材本身嘅味道。至於鮮茄燴牛腩，牛腩燉得軟腍入味，番茄的酸甜同牛腩嘅濃郁味道絕配，湯汁醇厚，好有新鮮感。清蒸鴨牛屎鱲，肉質鮮嫩，清蒸保持咗魚嘅原汁原味，老闆話當日有貨新鮮買嚟，但覺擺盤有啲凌亂，可能因為魚大碟細，不過食材新鮮，清蒸無得輸。玫瑰茶燻雞係我哋用餐嘅另一個亮點。雞肉燻製後散發淡淡茶香，肉質鮮嫩又唔油膩，每一口都好誘人。最後再講吓椰香蛋白露，呢道甜品唔算難整，椰香清新，蛋白露甜而不膩，為整個晚餐畫上完美句號。整體而言，誠樂廚房冇太多花樣嘅菜色，主打健康烹調，為我哋新一年帶來咗一場難忘嘅美食體驗，價錢實惠，人均消費$200-300，每道菜都展現咗廚房對食材嘅重視同對味道嘅要求，好難想像香港有呢啲隱世小店，最重要係，呢度嘅菜色完全感覺唔到味精，又唔多油，感受到私房菜嘅感覺。誠樂廚房老闆話佢哋嘅羊腩煲味道都好正…….我期待下次嚟試下。
繼續閱讀
此店在錦田街市對面，門前有巴士站，由錦田站乘的士才5分鐘車程，交通十分方便。此店佈置雅緻有特色，甚有家的温馨感覺。劉老板及員工待客態度親切，有求必應。而且特别聘用兼職的學生，見他諄諄善誘，耐心教導，給年青人另一種學以致用的實習機會。我們每次來必食的元朗烏頭，用日式芥末醬伴食，另有一番新滋味。另一款必食的是豉油雞，肉質嫩滑多汁，雞胸肉並不嚡口，令人回味之至。此店逢星期一休息，可預早訂位及擬定欲享用的美食，以便店家及早選購合時令的材料，是真正切合食客需要的私房菜店舖。
繼續閱讀
朋友約行山，有老馬識途人仕介紹咗呢間餐廳，話超抵吃，每個餐只是46蚊，白飯，例湯任裝任飲，不額外收費，如果人多，早啲book好D，而且可以變成圍餐，咁就可以試多幾樣餸。3月1號呢日來到，試過幾ok㗎。
繼續閱讀
今晚同Daddy來錦田買耶買完經過見到入面人較多 裝修又幾靚喔⋯⋯就入左去吃晚飯😘😘我地叫左個火腿津白一個五香煙燻雞仲有湯送😘😘😘😘野食都好快到個雞好滑好惹味個津白好鮮甜最好嘅係服務態度一流
繼續閱讀
今日去元朗探朋友, 順便叫佢介紹個地方一齊食飯🍚去了這間菜館，小菜做得非常好，價錢合理，值得大力推薦👍我們今晚點了他們推薦的茶薰雞🐔椒鹽鮮魷，西檸雞，金華火腿浸津白，豉油皇中蝦🦐梅菜扣肉，帶子蒸豆腐和蒸桂花魚🐟, 大家開開心心😉連汽水白饭，一千蚊有找, 唔鍾意食中菜嘅我，也覺得這間飯馆好好味
繼續閱讀