誠記小籠包拉麵 (已搬遷) 新店位置

深水埗美食特別多，今次去到西九對面，一間食上海菜式多既餐廳。朋友食過佢既生煎包仲落力推介俾我地試，無得唔去試啦😋我地嗌左兩隻生煎包、蔥油薄餅、水煮魚片、南翔小籠包同蟹粉小籠包各兩隻🍴生煎包率先上枱，侍應話點啲醋更正，咬薄個尖端啲皮先脆，入面啲湯汁漏哂出黎好正，舊肉可以再大舊啲🍴小籠包細細隻，入面好多湯，成隻放落口啲湯一下爆發出黎好震撼！不過蟹粉款有啲腥🤢 可以不用嗌🐟水煮魚片唔夠入味，可以再濃味啲同辣啲，而家個辣味係食完個魚片先係口腔慢慢滲出黎🌮蔥油薄餅唔夠香餐廳近深水埗地鐵站，地方闊落，每張枱中間都多位方便出出入入。大門口對住大馬路，車來人往，門口長期開住，難免好多塵同昆蟲入哂黎。仲有隻唔驚死飛落我拎緊碗既手，爬落隻碗到，衛生問題要改善下啦～

開場白 , 實在沒有必要去多講了 , 單刀直入 , 陳述一下食物 , 比較實際 ~ 招牌南翔小籠包 : 稱得是招牌貨應該就是萬無一失了 , 也的確是 , 這間店的小籠包每次水準都不錯 , 皮薄餡靚又多汁 , 曾在這裏吃過多次也沒有失過準 ~ 醉雞 : 曾經在這裏吃過醉雞都不錯吃的 , 但今次吃的就是不夠入味 , 感覺就是酒味也淡了 , 就是沒以前的好吃 , 而且碟醉雞有必要放上芫茜嗎 ? 雞粒麻婆豆腐 (跟白飯一碗) : 原本對這碟 雞粒麻婆豆腐 是抱有很大期望的 , 不過希望越大 , 失望越大 , 這道菜完全不夠麻亦不夠辣 , 直接的講句 , 就是到喉唔到肺 ~覺得就是比之前退步了 ~本篇完 ~

之前一直好鍾意食，兩個月冇黎，好失望。首先加左價，以我食既口水雞為例，之前係$48配埋飯，依家要$68，有冇大碟左我唔知啦，但肉位好少，同之前食好大分別，味道都一般。（但menu上口水雞有推薦）另外，男朋友叫左回鍋肉，味道唔太正宗，佢話同之前一次食既味道都唔一樣，唔知係咪廚房換左班底？食物質素下降兼加價幅度大都算，食食下仲要肚痛..返到屋企即刻肚痾🤦🏻‍♀️相信係最後一次食，好可惜，又少左一個選擇。

星期日晚飯時間食，店面唔大，仲可以唔使等位👍但坐到好逼，野食都要等一段時間😞同埋可能繁忙時間，店員較忙，落單都要講下停下。食物質素方面，手絲雞擔擔麵足料，雞肉唔硬，個湯都好入味😄兩者配合得不錯。小龍飽就麻麻地，質感較乾，入面啲肉梅梅地，賣相一般。而白肉就較差，好硬同好大塊，切薄啲較佳且唔夠啲料唔夠入味。店面都算衛生，店員除左少左啲令到落單要講下停下之外，整體都算有禮貌。整體而言一般般，下次要諗諗先。

🍘🍘生煎包🍘🍘好耐冇食過會爆汁又辣口又即煎嘅生煎包😢今日雖然辣親幾次 不過係今人懷念嘅燙口😌😌睇下個底面幾焦香 而且皮厚薄剛好👏👏湯汁係一羹份量 肉汁精華所在足料嘅肉餡 好滿足😆😆.🍜🍜雞絲拌麵$26超平🍜🍜拌料有青瓜蘿蔔絲 莞茜 洋蔥 辣椒 麻醬💁每種份量剛好 不同味道都兼顧 👍👍最愛青瓜絲 超清爽der😍😍麵質亦彈牙有韌度 掛汁很👏👏而且很夠辣 會停唔到口💓💓豆漿係自家磨嘅 真係有黃豆香呀!!!👍👍.因為自己算係上海嗰邊嘅人 一直都keep住食上海菜😚 呢間真心推介 應該今個星期日帶爸爸哥哥去食多次😎😎

呢間深水埗誠記令我好驚喜👍🏻 平價得黎但真係有質素🙌🏻 小籠包皮薄而且爆汁！ 手撕雞冷麵勁爆好味！勁開胃呀綜合八寶冰 🍨$25其實我係衝住芋圓而黎🤤❤️ 成個冰包括：芋圓，地瓜圓，南瓜圓，小丸子，西米露，薏米，珍珠，紅豆，鮮草，仲有煉奶冰🤤大大碗性價比好高😍 係我食過芋圓中頭幾名😚所有煙韌到一個點我勁愛❤️❤️❤️兩個人SHARE呀記住💓夏天食好消暑☺️-唔止芋圓，其他上海野都非常好食！招牌鴛鴦小籠包 6隻$45鴛鴦即係原味南翔3隻 + 蟹粉3隻 咁平來說真的很高質😍皮薄餡靚 豬肉新鮮👏🏻手撕雞冷麵 $35 真的真的十分推介！個麻醬係完全不吝嗇😚同個冷麵真係非常無敵夾❤️ $35但超大碗☺️👏🏻必食呀！-最後有招牌生煎包 $15/2隻 $29/4隻 (無影到)生煎包勁脆卜卜❤️而且爆哂汁😭👍🏻

其實 , 我每年的新年願望都是很簡單的 , 我最想的只是希望能健康和快樂地過每一天 , 希望今年可以願望成真吧 ~有些時候 , 就連自己都不知道自己在搞什麼 , 總是覺得很不爽 , 是因為 " 更年期 " 搞到自己緊張心煩嗎 , 全日沒有吃過一餐竟然也不覺得餓 .... 但又想吃點東西 , 想吃齋但又不能放棄吃肉 , 內心非常糾結矛盾 , 就去 誠記小籠包拉麵 吃小籠包吧 ~這間街坊小店還有點架子的 , 設有最低消費 , 每人最低消費為 $ 17 ~Menu ~ 凍豆漿 $ 8 : 豆漿有豆味 , 味道輕甜 ~ 招牌南翔小籠包 $ 36/6隻 : 即點即蒸 , 新鮮熱辣 , 小籠包的皮厚薄適中而且煙韌 , 也吃得出有香醇的麵粉味 , 一口咬下 , 湯汁洶湧而出 , 味道鮮甜 , 豬肉餡也夠鮮味 , 水準在中規中矩之上 ~本篇完 ~

誠記位於西九龍中心正門對面米蘭軒地下，地理位置方便，中午時分不少深水埗的街坊食客光顧，主打上海菜，價值相宜，午餐$38有飯有湯!特別的是他們也賣甜品如八寶冰、仙草奶凍，和芋圓，據說是當時生意一般，年輕老闆為了挽救營業額而增設的，憑著真材實料、合理價錢及溫暖的人情味吸引了大批客人捧場招牌仙草奶凍 $25配料豐富，有芋圓、西米、薏米、紅豆，軟啫哩狀的仙草滑嘟嘟，不太甜，雖說是小海菜館，但出品絕不比甜品店遜色再點了招牌鴛鴦小籠包 $45三個原味，三個蟹粉小籠包，即叫即蒸，可惜皮太厚，蟹粉小籠包內還有不少蟹肉絲，這個價錢也不能要求太多吧，合格!

你有無試過有一排突然戚起條筋好想食一樣嘢？呢期勁想食甜品(是想增肥吧？)，早兩日去鴨寮街買完嘢經過西九龍中心對面竟然俾我遇到一間平、靚、正嘅食店～叫咗個 #招牌芋圓仙草奶凍 ，有7款佐料(芋圓、地瓜圓、南瓜丸、小丸子、薏米、紅豆同西米)，堅係勁足料！佢哋仲有即叫即煎嘅生煎包，等我去開深水埗再試埋其他嘢食先～誠記小籠包拉麵地址: 九龍欽州街58號米蘭軒地下A&B鋪

之前去開西九龍中心都已經見到正門對面馬路新開左呢間野，咁啱想食生煎包就黎試下啦！一入到去，2個人都有位坐，又唔駛搭枱，招呼唔差，不過d阿姐成日唔知邊張枱打邊張枱成日攞錯第二張枱嘅野食比客人咁今次叫左4隻生煎包啦，黎到熱辣辣，d皮唔硬，有汁，食個時真係要小心爆汁另外仲叫左個鱔糊粗炒，仲有個菜乾湯之後再加多個秘製雞燴麵粗炒幾好食，夠入味，芽菜好多，好大碟，都幾抵食但個秘製雞燴麵就麻麻地，個湯好稀好淡，係好大碗，但湯太多，見其他枱叫有湯嘅麵都係好大碗同好多湯，下次唔會再叫湯麵見到個餐牌有糖水，等下次再試下先

之前上網見到呢間小籠包店有賣埋芋圓..已經想黎試下..今日放假就專登答車過黎.. 見深水埗有兩間..呢間應該係新鋪..我地叫左4件小籠包..4件生煎包..小籠包製作需時..所以生煎包黎先..細細粒.個樣幾可愛..個皮好脆..一啖咬落去..D汁爆晒出黎..好誇張..未試過甘出色既生煎包.. 反而到小籠包就無甘驚喜..個皮硬左少少..入面係JUICY既..但唔夠生煎包甘爆.. 黎呢個既目的係要試芋圓..所以叫左個八寶冰..有齊芋圓..地瓜圓..係夠Q既..但略嫌味道唔係好夠..分唔出食緊邊種..如果落多D料..可能會有味D..

上完堂返屋企本來諗住去康瑞涼茶食仙草芋圓既 行過呢間誠記見到有差唔多既食品喎 價錢就一樣 就外賣一個試下啦間野就對正條沙塵滾滾既大大大馬路....雖然叫做有幾塊膠擋下......嗯買到返屋企 打開盒野俾我既印象就麻麻地喇 感覺好唔豐盛呀 心諗啲芋圓呢？芋圓係邊呀？啲水多過材料，講真開頭真係有啲唔開胃，可能個碗大掛....定夜晚剩返呢啲材料呀.....勉勉強強加啲奶就食啦....撈下碗野...啲咩芋圓地瓜丸少到.....應該有十粒多啲咁啦.....芋圓都有芋頭味道既，其他咩地瓜丸就..嗯..好似無食過咁......嗯...整體芋圓係有咬口既都叫做q軟既...但得果幾粒咁...好唔夠喉囉仙草就多喇大半碗啦..普通野啦...紅豆軟硬適中啦～西米薏米呢啲淋晒架喇～入晒甜味添啦成碗野既評分真係好好好麻麻地囉 可能夜晚九點幾差唔多收工掛......有少少失望囉

那天在深水埗西九龍中心行街，遠看到對面一家食店，誠記小籠包拉麵，於是行過去望望有什麼好吃！看到有午市套餐，有小籠包、拉麵、菜飯、便入去試試。南翔小籠包（$58/8 pcs)小籠包可選擇4隻、8隻或12隻，價錢分別為$29、$58和$78， 我選了8隻，小籠包的皮很薄，饀料新鮮亦有很多湯汁，但我覺得以午市價錢來說都幾貴, 而且不包飲品。上海排骨飯（$43+$3 菜飯）排骨炸得鬆脆，但菜飯就一般，不夠熱，飯粒鬆散，套餐包一杯豆漿。涷仙草奶涷（$25）這個奶涷有仙草、薏米、紅豆、西米、芋圓、蕃薯圓、南瓜圓和小丸子，這個甜品還附加一小杯奶可自行添加，但我稍嫌這個甜品不夠涷，食落感覺有點材料是微暖的。

好鐘意食上海野，今次係第二次黎幫襯，三個人叫左回鍋肉粗炒，四隻生煎包，一籠小龍包，一客雞絲粉皮，一客五香牛𦟌，一碗仙草奶凍。回鍋肉粗炒十分惹味👍🏻👍🏻 不過肉片不夠嫩滑，份量再多少少會比較好。唔好意思，太肚餓所以得返半碟生煎包係香港黎講算好食😋啱啱整起，熱辣辣，肉汁夠多，包底夠脆有咬口，正👍🏻(PS 兩隻$15 蚊，四隻$33 蚊，定價有點兒怪！) 小龍包，皮薄多汁，不過餡太少！五香手𦟌，有驚喜喎，酸酸甜甜，有青瓜絲係底，好食！雞絲粉皮，係今餐晚餐入面最可惜的一樣😢，可惜左個醬，麻醬太悕而且醬太少，味道唔夠所以有點兒淡口最後揀左招牌仙草奶凍，都幾多料，唔會太甜，不過如果係落椰汁而不是淡奶可能會更香更好味！總括，呢間小店食物的質素都幾好既，之前係醫局街由細舖搬到大舖，坐得舒服左。啊！食店播的音樂係歐美的hip hop ，有點兒怪怪的，不太襯食店的食物！😅

今日經開深水埗行經西九龍中心對面，一見到芋圓兩個字就衝咗入去。先叫仙草奶凍，份量適中，味道中上，雖然叫奶凍，其實係芋圓仙凍加另一個落係咖啡嘅奶。食完覺得似曾相識，先發覺係之前去過醫局街誠記小籠包嘅分店，不過上次無打食評。依間比醫局街坐得舒服，（不過係嗰間太窄😂），去嘅時候無乜人，得兩個客，但唔知點解啲店員都好忙咁。食完芋圓，見到係下午茶時間，加單叫多個牛𦟌拉麵同小籠包。不過手腳真係幾慢，又唔係多人，仙草等五分鐘，但最後黎嘅小籠包等成半個鐘，個面都食完呆等十五分鐘先黎。好彩店員好有禮貌，等都有耐性啲。牛𦟌麵都幾大碗，牛𦟌係凍上嘅，如果你鐘意熱可以用湯浸熱黎食，麵略有鹼水味，全碗麵味道不錯。小籠包上時熱辣辣，有湯汁唔太咸，好味，只係唔皮唔算薄，但都可接受，經開會再試。