譚仔三哥米線 (佐敦道)

營業中

休息中

其實譚仔間間分店都差唔多味我就最鍾意食三哥酸辣湯底餸推薦：炸醬 豬肉 生菜（爽口減膩）酸酸辣辣好開胃 當然食完會口渴 口乾啦譚仔米線食極唔厭😛👍🏻👍🏻👍🏻

相信香港人都無咩邊個未食過譚仔既米線大家都耳熟能詳譚仔姐姐既譚仔落單暗号勿演，麻辣實小喇.....聽左甘多年聽到惯哂，相當有親切感我個人比較鐘意譚仔三哥多啲，雖然食既野差唔多，但係譚仔三哥会有多啲湯底選擇例如有蕃茄湯底，同埋我今次特登黎試下既砂砂湯底所謂砂砂湯底，原來係改良自馬來西亞既喇沙湯底加上泰國風味混合而成同只需加多一蚊就可以試依隻新湯底辣度最少可選十小辣，不過就無得揀唔辣湯底比起喇沙較為淡少少，但係多左少少海鮮味，雖然唔算好新穎既口味，但亦一試無防

今晚又係自己一個人食， 自己一個人可以食簡單啲，咁我就選擇咗我最愛嘅譚仔三哥， 呢幾排想食啲清淡啲，咁我就叫咗腐皮同埋豬腩肉，另外自己都加多咗個土匪雞翼。 而湯我就叫咗清湯， 雖然自己唔係太食得辣但原來清湯都好好味， 同埋啲米線都好彈牙。 阿姐就對我真係太好喇，畀勁多牙菜我。 其實如果有選擇嘅話大家都可以試下譚仔 ，好過成日係屋企食公仔麵呀 ，譚仔價錢都好大眾化，啱曬我呢啲平民! 另外個土匪雞翼都好好味， 鹹鹹辣辣咁 !同埋雞翼都算保持水準！ 今餐我會介紹佢哋個土匪雞翼 因為呢一間整得都幾好食!

This is a very popular noodle shop in HK! As I remember, the number of branch was not as much as now before, as it getting more and more popular and supported by Hong Kong residents, the branch are getting more and more, and till now, you must be able to find one near your district! /Today I tired a special soup from Tamjai, which is "la sa" soup! This is a new one! The soup are not too spicy (I can eat Tamjai big spicy there). Compared to other soup available in Tamjai, I still prefer the "Ma L

譚仔係我同女朋友唔想煮飯嘅時候經常食嘅餐廳，好多時做完運動之後都會食，貪佢平靚正。我鍾意食佢個蒜泥白肉，白肉切到好薄，成碟有好多蒜，將啲白肉點汁包住d蒜嚟食好好食。我唔算好食得辣，次次都會叫五少辣，辣辣地過癮啲。米線好滑，唔食得太多嘅朋友仔可以叫少米，仲有得減一蚊添。

香港人鍾意食米線，譚仔就真係一線嘅米線專家。每次嚟到我都會點過橋米線同朋友仔一齊share。過橋米線可以一次過滿足晒好多願望，因為咩餸都有咁滯，例如有魚蛋，牛丸，墨魚丸，腩肉，雞肉，牛肉，豆卜，竹笙，炸醬等.........今次我哋試咗麻辣四小辣。味道一中如以往有水準，米線爽同彈牙，加上環境氣氛越食越滋味！！！我地同場加點麻辣豬耳，睇落好多紅油不過味道其實不太辣，比較多蒜香味。豬耳都算爽脆，可以一試。

呢間譚仔三哥係我屋企附近，所以成日都會食。次次都係叫雞肉三小小米加土匪雞翼真係好好食，愈食愈上癮三小辣對我黎講岩岩好，夠味又唔會太辣。一個人食真係夠曬正呀，一定要再黎食呀！

相比起另一間米線，我最愛三哥。因為三哥的湯底選擇，比另一間更多而且更惹味。今日又買外賣同老婆一齊食，但失晒準喎！三哥酸辣湯底配木耳同墨魚丸。湯底點解會比平時咸既？湯底唔係已經預先包裝或者有formula照跟的嗎？？墨魚丸亦都好失望，唔彈牙亦冇咬口，淋pat pat的一粒粉糰。土匪雞翼愛情味道同以前一樣，但雞肉唔入味喎！好在蒜泥白肉正常冇問題。但叫咗個一人小食係中口味青瓜。青瓜中間啲籽同潺完全冇刮到，好倒胃口喎！！已經食過依間好多次，但今次搞乜啊？！全部都失準嘅！！畀面我最愛的三哥，今次俾〈ok〉。下次再幫襯如果都係咁差就要俾〈咸面〉了。

有一段時間沒有光顧三哥了, 過了午飯時間, 店內人流不算太多, 順利找到位置坐下, 不用搭枱.想也不用想, 還是點我至愛的配搭-腩肉豆卜清湯米線($33, 小米線減$1), 天氣比較熱就順道加配一杯凍檸茶(+$7).首先送上的是凍檸茶, 茶味適中, 不會太淡或太澀, 喝到最底仍然有茶味.不一會米線亦上場了, 先喝一口久違了的清湯, 不知怎的, 就是喜歡這湯的味道, 估計是一道秘方吧!豆卜吸收了湯的味道, 軟軟的, 很好吃.腩肉切成薄片, 肥瘦相間, 也很好吃.雖然是減了米線的份量, 但是我亦沒辦法把它KO, 實在有點浪費, 罪過罪過...

對於譚仔三哥，我真系食極都唔厭。最近係社交媒體得知，有新出品〈麻辣雞翼〉，我當然二話不說就要衝去試。乜都唔洗講，先評論麻辣雞翼。30蚊有五隻，同其他味道嘅雞翼價錢一樣。雞翼既外表程微紅色，同樣乾身香口。雞翼內裡肉質大致上同土匪雞翼差不多，我猜製作方法應該是一樣只不過是醃料不同。味道方面麻與辣並重，平常吃10少辣的我覺得辣度可以接受，間唔中飲一兩啖凍飲就ok。雖然未致到可以取代土匪雞翼系我心目中嘅位置，但我都喜愛，絕對會再食！

作為一間米芝蓮餐廳，無論環境，食物，員工態度應該有一定嘅標準，檢測，好幾次去佐敦道食過橋米線，一次就執漏腩肉，一次就執漏火腿，同經理反映，佢叫我每次都摷下碗米線，睇下有咩漏，就補番俾我，第三次仲誇張，叫咗碗木耳牛丸清湯，上到我面前，只見木耳清湯米線，咁牛丸呢？唔通又要我摷下先？我俾得錢食，係想食三哥麻辣，已經唔係要求員工態度好，只係要番我點嘅餸姐，咁都要求過份嗎？還是員工想幫補下屋企，抽下水，唔多覺咁呢？我唔會再去呢間舖囉，相反深水埗反而態度良好，食物足料，咁就已經足夠

今日黎個快趣二人前lunch.豬膶冬菇五小麻辣米線雞肉牛肉生菜清湯米線重口味黑木耳小食一碟土匪雞翼五隻一碟約百零蚊麻辣五小啱啱好又可以享受麻同辣又唔會辣到食唔到土匪雞翼夠曬熱好飽又滿足

佐敦其實橫街小巷內有好多唔同既野食，例如有印度野，西式，扒房，茶餐等等…不過今日暫不介紹其他好西，因為今日時間有限，速戰速決之下就入佐三哥入到去其實大部分都係圓椅，四人枱都有不過數量得幾張，所以可以坐既機率其實係好微不過我今次一個人去食，對我黎講都無所謂，因為lunch hour 其實都預佐一定迫同要搭枱既。好彩姐姐安排都算鬆動，唔洗坐到密麻麻。不過可能真係人流太多，基本上你食到一半停手姐姐就會好快速咁問你係咪唔要不過服務態度還好，起碼都唔係黑口黑面，知道你仲未食完，佢都會笑笑口同你講句唔好意思啦今日叫雞肉同魚片頭麻辣小辣，加杯凍奶茶少甜少冰上菜速度十分之快!!以咁多客黎講真係唔洗等好耐，約5分鐘就黎到。餸既份量都多，不過米線就軟佐啲，無口感。湯底都好夠麻辣，份量岩岩好!總括而言，喜歡食偏軟身米線的人會好喜歡。不建議朋友聚會或要談天說地。速戰速決，不介意迫及搭枱的最佳選擇

今日好大雨同大風，見凍凍地所以lunch 去咗食米線，呢間分店好少人，檯唔多，檯與檯都算闊落，坐得幾舒服。米線湯底叫咗清湯，餸叫咗雞肉，味道麻麻地，比平時食差咗好多，有d失望

做完野食lunch,好耐無食米線，今次食三哥酸辣。同普通酸辣唔同，佢係麻d,中等酸少少辣，主要係麻。正！最鐘意麻！呢個湯底好正！配墨丸，魚腐同豆卜。米線份量都幾多，叫三樣餸差d食唔晒。加左杯凍檸茶。