譚仔三哥米線 (愛民廣場)

營業中

休息中

今次睇吓何文田愛民嘅譚仔三哥如何～根據調查，呢間三哥每逢13:00會特別多人，大家唔想等咁耐就注意下時間呀～今次我就食外賣，等咗大約15分鐘左右。個外賣盒好保温，但紙湯匙就好易變軟。砂砂湯雞肉米線$40左右米線軟硬適中，餸單點會多啲！雞肉正正常常la! 最重點係呢個第一次食嘅砂砂湯！ 濃係濃，但真係鹹咗少少🤏 絕對係食完要狂飲水嗰種。Anyway，譚仔三哥絕對係香港人最愛🤩 即使佢鹹咗少少，我都係咁愛譚仔！CP值：⭐️⭐️⭐️推薦度： 🫶🏻🫶🏻🫶🏻🫶🏻

我本身不喜歡幼麵，以為米線是似angle hair，今日探姑姐，她提議何文田開左一間譚仔三哥，叫我一齊去食，我拒絕，佢話似車仔麵可選配菜，米線不是太幼，那就跟佢去試，入到去店舖很寬敞，裝修簡單舒適，我叫左一碗米線配墨丸及竹笙，清湯因為我不食得辣，墨丸彈牙，竹笙厚身，清湯好味，價錢也非常合理，一次滿意的嘗試。

自問係三哥fans之後出咗新口味，梗係去試試仲有新小食差不多一星期都要食一次三哥終於試到呢個黑蒜味湯都幾濃郁 嫌鹹咗少少最近食素食多，所以個小食都好適合我但係都係鹹咗少少之後要係咁飲水

豬皮豬軟骨豬潤酸辣米線酸辣湯三小辣非常搭豬皮、豬軟骨和豬潤。豬皮和豬軟骨勁入味。酸辣調味料岩岩好，仲開胃d Tim!!!不過平日lunch time都好多人，附近office同學生多。

好多時午餐唔知食咩好又冇乜胃口我同大小姐就會去食譚仔三哥米線最近見到佢又推出咗新款米線《 砂砂湯肥牛鹿茸菇米線》睇見個名就已經覺得好吸引當然即刻拉埋大小姐去食啦湯底甜甜辣辣仲有啲花生嘅香味好似食緊喇沙湯底一樣加埋美國肥牛同埋爽脆嘅鹿茸菇好啱我嘅口味淨係食米線梗係唔夠啦仲要加多款小食《 煳麻辣椒豬肚》豬肚唔會好辣連大小姐都可以食得到如果可以揀辣度咁就perfect喇夏天當然要飲清涼嘅夏日特飲啦《 奶蓋芒果蒟蒻椰香金露》有我最愛嘅芒果食住辣辣嘅米線再飲杯咁冰涼嘅凍飲而家諗起都流口水每期譚仔三哥有新米線推出都會搵人氣偶像宣傳今次就輪到 Jeffrey魏浚笙望住個靚仔樣食嘢都特別開胃如果你哋都鍾意Jeffrey記住去cashier攞返張a5嘅宣傳單張呀有佢個大頭樣㗎供應期有限記住快啲去試下啦

譚仔三哥的水煮辣鴨血米線我是為了偶像才來吃的前陣子聽說三哥鴨血好吃到缺貨所以恢復供應就來嘗嘗我食水煮辣，不過不失，過過癮還可以的其實譚仔米線在香港算是平價之選很受學生哥及大眾喜愛，還有譚仔雲南米線這次的鴨血米線還有油炸鬼，這是挺特別的浸在湯中，脆脆的吸滿湯汁，另一翻風味不過鴨血就少左煙靭嘅感覺，似豬血feel，唔腥既，可以一試。水煮辣3小辣其實都幾辣下，啱曬愛食辣人士呀。但呢個湯底就唔多健康，少食多滋味啦

平時都食開番茄10小辣大概知道個辣度同味道外賣拎左翻到屋企之後一食完全食唔到，仲要有陣麻辣味唯有拎番去換啦個姐姐就同我講話可能啱啱煮完個麻辣湯底冇洗乾淨個煲所以就有浸麻辣味咁我就同佢講你換過番茄唔辣嘅俾我啦點知翻到屋企個湯底完全冇番茄味仲要係超咸加辣嘅。。。都唔講牛肉得一舊嘅問題啦成件事根本係將我岩岩拎落去換果個米線倒落個新湯度因為平時外賣米線同埋個湯係會隔開但係今次一打開啲米線已經係晒啲湯度同埋今次個阿姐一入去同廚房講我要蕃茄原味，下一秒就拎到出嚟俾我

每逢星期六都會喺愛民廣場。唔止一次揀呢間譚仔三哥食晏，除咗因為食物，更加因為呢間真係好好坐。超闊落，枱與枱距離分分鐘兩米都有；星期六12點幾入座都可以唔駛等位；冷氣好夠，店長姐姐仲好醒目⋯⋯今日揀咗清湯、牛肉、墨丸，走韮菜、走芽菜，配凍檸茶。米線軟硬適中，牛肉大大片、仲幾多，墨丸例牌啦，爽、彈牙、都大粒。檸茶稍甜，唔知係咪因為預咗俾食麻辣嘅人解解辣。整體感覺好OK，算係快靚正之選。後記：直覺上，呢間分店嘅外賣單比堂食還多，我次次見到店裡有空位，但門口仍有圍住等外賣嘅人

疫情之下都叫咗好多個月外賣，總結一下呢邊附近嘅舖頭其實都冇咩太多選擇，而譚仔三哥就係我食得最多嘅外賣。因為佢哋早幾個月就推出左一個外賣套餐優惠，叫佢碗米線之後加$10就可以配青瓜，木耳同埋一杯飲品，非常之抵！我就推介佢哋嘅雞肉同埋墨魚丸豆配搭埋麻辣湯底好惹味。各款食材亦都吸收左湯底嘅味道，辣得來又唔會好似出邊嗰啲太鹹。而且我最鍾意佢哋嘅外賣間隔，一般米線鋪如果分湯嘅話，都會額外再加多一個膠兜，但係三個佢哋就會多咗一層膠隔係湯兜上邊，非常細心，拎返屋企嘅期間亦都唔會浸到啲米線淋晒。覺得唯一嘅缺點就係如果返到屋企果湯唔夠熱，米線識落就會偏硬，但係總括依然我都非常欣賞佢哋嘅味道同埋佢哋嘅設計。

係何文田愛民廣場嗌左三哥外賣都係普通兩餸（雞肉、炸醬）酸辣米線🍜啲餸放左係湯入面，炸醬就另外放一個盒而米線同湯係分開裝係同一個盒度就算等得耐都唔洗怕個米線會浸到淋晒雖然打開個麵一舊餅咁乾爭爭不過放落熱湯度，好快就濕潤番唔會痴埋一舊通常外賣啲餸都有少無多，因為少左都無得即時解決今次打開左外賣🥡 見到一盒滿滿既炸醬❗️食落份量好似仲多過我平時堂食每啖唔洗就住就住咁夾，食到最後仲有靜雞肉份量都ok，不過啲肉就散散地比較碎

前日去左何文田間譚仔三哥，令我對譚仔三哥的印象變得更加好。在今次之前我係喜愛譚仔多過三哥，但今次我去吃三哥的時候，發現土匪雞翅、米線的味道都比譚仔好吃左，尤其雞翅，燒得特別香，加上服務態度亦十分好，佢唔似一些鋪頭會催你落單，三哥反而會推介一些食物卑你，令到你唔會因為唔知揀咩而苦惱。加上依家都會幫你拿熱水浸餐具，防疫意識都十分強！何文田尼間三哥真係十分好！