譚仔三哥米線 (吉祥樓)

營業中

休息中

三哥定期都會推出新嘅米線，但我每次買外賣嘅話都一定叫過橋米線， 50幾蚊，大大碗麵，餸菜又多，而且可以兩個人分，好抵食。三哥嘅姐姐態度都好好，就算好多人等外賣，但都好有禮貌。

譚仔三哥米線 (元朗)最愛譚仔三哥酸辣米線😋 唔食得太辣唔加辣，叫少米線減$1 （對我來說份量已很多了🤣）再配埋雞肉和炸醬，飲品點一杯凍檸茶少甜少冰，再加$18 點一份蒜香茄子🍆，茄子有BBQ 得感覺，蒜香味重，好惹味😋地址：元朗元朗安寧路51-53號吉祥樓地下B舖

.早排又去咗譚仔三哥食米線🍜見到佢有新野食 水煮湯鴨血米線 咁就一於試吓啦！我另外叫咗一個餸 魚片頭😋.哇！佢真係究極香辣 一口入魂啊😎佢最少要叫五少辣 咁我平時都係食開呢個辣 就叫左5小 但係你係可以再叫辣啲嘅🌶.佢嘅濃湯係三哥秘製架！🌟新湯底「三哥水煮湯」仲有啊 佢用左胡椒煨扣鴨血2小時啖啖都食到個濃湯精華鴨血簡直係入口即化啊！鮮香嫩滑的 真係會食上癮啊😜仲可以轉唔同湯底配鴨血👅.大家都去試吓啦！.#譚仔三哥 #三哥水煮湯鴨血米線 #水煮 #鴨血 #香港美食 #hkfoodie #foodiehk

又食譚仔啦好耐冇食過蒜泥白肉真係勁好食今日某外賣APP自取又有好多優惠叫咗一個過橋米線、一個兩餸米線、一個大嘅蒜泥白肉都係$99😍😍😍好抵～～食厭咗土匪雞翼 開始愛上蒜泥白肉🤤🤤😻

叫咗過橋米線 真係勁好食😋有時自己一個都會叫呢個餐😛仲叫咗 尖椒皮蛋 土匪雞翼 兩杯凍檸茶隔一排冇食譚仔 就會好掛住好想食湯底由唔辣 慢慢食到而家三小辣坐得都好舒服👍🏽👍🏽

譚仔三哥最近又有新搞作，推出咗「花膠胡椒雞美線」，對女士們嚟講，花膠係不可抗拒嘅美顏美食😍加埋胡椒雞就更滋補，咁就梗係不可錯過啦😆🍜花膠胡椒雞美線我無揀到建議配搭嘅糊辣湯底，特意揀咗清湯，諗住㗳真啲花膠及胡椒雞嘅味道😜花膠入口爽滑，口感仲好軟糯，感覺骨膠原滿滿🥰而無骨雞件夠晒嫩滑，胡椒味都幾香濃，呢款新搞作的確唔錯😋🍹熱情果烏龍茶呢杯以冷泡炭燒烏龍茶混合檸檬梳打、熱情果及鮮橙片調製嘅特飲都幾好味😋飲落有香甜嘅熱情果味又不失茶香，加埋寒天QQ，口感豐富又滋味😋推薦👍🏻

朋友話要食齋，我話就去三哥啦，可以揀無肉嘅餸嘛叫左兩碗，一碗豬膶麻辣米線三小辣另外一碗豆卜清湯米線，兩杯凍檸茶只需5分鐘，米線即上枱，快靚正仲有好多時黎都食豆卜，我諗應該幾好食嘅（因為我唔食豆卜架，所以無試到）而我果碗豬膶米線就正啦完全係我鍾意食嘅豬膶呀因為佢唔係爽嗰啲質地，我鍾意食落去又淋又粉粉地又甜，份量又夠晒多而且加左豬潤，我覺得湯底係特別甜嘅辣度就更加唔使講啦，三小辣已經夠晒辣啦而且三哥嘅湯底辣得黎又唔油呢個先至係重點

平時想不到吃什麼，就會去吃米線，譚仔三哥永遠都是我的米線清單之一。喜歡三哥，主要原因是因為他有蕃茄湯底，感覺上，番茄湯底會比較清新不油膩，再加五少辣，辣中帶甜，甜中帶酸，是清清腸胃的好選擇， 加上三哥可以選擇韭菜這個配菜，對於比較喜歡吃蔬菜的我，實在是一個好選擇，另外今晚還加上了雞肉，就今日來個健康的米線餐吧。不過，比較貪吃的我，還是忍不住叫了蒜泥白肉，酸味濃郁，吃了一口後，真不敢跟人說話喔～每次吃辣米線，都會配以檸檬茶少冰走甜，吃一口辣的米線後再一口檸茶，簡簡單單又一餐了～

近期食譚仔，愛上咗食蕃茄湯底，不過蕃茄湯係紅色招牌嗰間，下午3點後先會有！想食的話唔好去錯！通常我食蕃茄湯會加辣，我就會選擇加五小，因為三小及以上辣度的話就會搶晒d味！今次就叫咗雞肉墨丸，譚仔d雞肉幾好食，唔係好嫩但又唔會好鞋，墨丸就招牌啦，爽口彈牙。至少個湯底，有蕃茄碎，食落酸酸甜甜，再加埋五小辣，一次過滿足你三種口味！小食方面，通常都會叫蒜泥白肉或者土匪雞翼，今次就叫咗「小白」係就係好食，不過食完之後個口真係臭足全日

其實成日都食譚仔，冇乜特別唔會寫食評。因小妹喺元朗住左一段時間，但係未搵到一間啱食的譚仔，所以今日食完好開心🤣🤣忍唔住寫返兩句。一個人食，入到鋪頭姐姐安排我和另一個人搭一張圓枱，好鬆動，可以放到手袋係旁邊的座位。好快有人落單，態度都好友善。有一排都冇見過譚仔有這樣的服務。比起Yoho嗰間，服務專業好多。可能因為沒有逼爆的情況，唔會過於繁忙。叫咗嘢食， 10分鐘內就上晒枱，湯底好熱，味道同平時一般差不多，冇乜特別。但係留意到就算舖左地氈的地板，都好乾爽。對於鋪頭嘅整潔，好喜歡。店長都好親力親為落單，仲會介紹唔熟悉餐牌嘅媽媽們食咩👍🏻

這間位置好近市中心，位置方便。方便Shopping入嚟食碗米線. 基本上入到餐廳，員工好有禮貌咁招呼你，這間餐廳地方很清潔， 還很寬敞 不會有迫夾嘅感覺。 所以地方我會畀95分。好耐冇嚟食米線，現在見到多咗好多選擇，包括有素菜米線， 也值得讚 等喜歡 素食的人有多個選擇。食物方面也很新鮮 而且好食， 分 中辣小辣大辣 任君選擇。叫咗碗 酸辣米線湯底啱啱好， 唔會太酸。 炸醬 豆腐也好好食， 出面仲有辣醬畀你加添。 價錢方面如果可以便宜一點就好。

成日都叫竹笙米線，今次叫左碗清湯過橋米線，份量超多，勁大碗，過橋米線有成17款，有豬肉，牛肉，雞肉，腩肉，火腿，豬潤，牛丸，墨丸，魚蛋，乍醬，腐皮，豆卜，生菜，酸菜，芽菜，韭菜，竹笙，每款都少少，一次過滿足晒想食既餸，米線好煙韌，煮得剛剛好，墨丸，牛丸好彈牙，豬肉，牛肉，雞肉都唔鞋，新鮮材料，夠晒大碗，兩人份量。我地另叫左新疆香草雞翼，岩岩新鮮整起，熱辣辣，雞翼上面勁多香草，超香香草味，而且唔辣。

聽到甘多人鐘意呢間野今日慕名而來點左個中酸辣米線配料 榨菜四條 腐竹二片 芽菜小許 韮菜 二條吾知以為啲菜好貴。腩肉無味 無驚喜 白灼 不知所謂 。吾知點解會話好食。可能我吾識食自己吾會再有下次

唔係喺呢邊落車都唔知世宙附近開左三哥，地方幾大唔使等位，橫掂未食晚飯就食下佢啦。豬潤米線酸辣湯底，三哥真係好大碗，個碗大，啲料又多，食到落底都有豬潤，廿幾蚊碗超抵食。豬潤嫩滑非化學加工，米線彈牙，係湯底淡左啲，一向重口味嘛，酸味比辣味重，自行加添了一點辣油加加味。另一碗要左炸醬米線酸辣湯底，炸醬甜辣適中，無乜肥豬肉，但同樣湯底較淡，撈左炸醬又ok喎，大大碗超飽。最驚喜係呢間分店員工態度好好，有禮貌，落單清晰唔會雞同鴨講咁，食到收檔都無趕客。

原先將軍打算跟小妹吃那勁辣車仔麵的，但人算不如天算，那店家又不開了！近日生意都不憂做似的！算了算了，小妹建議將軍吃譚仔三哥，行過幾個店舖就是！進內因為下雨關係店外有遮架放雨傘。好了沒有多看餐牌，兩個人就點碗過橋米線$51好了！料多又實在嘛！五小辣是為了遷就我的將，他從來不好辣的，但小妹只吃辣！！湯頭很濃郁的辣椒香，不過吃下有點鹹啦！！小妹嫌不夠辣，加了點辣椒油，味道提升了點辣味，但湯頭偏鹹有點影響！米線幸好還帶點嚼囗，也不是碎囗的，也算是滑溜的！土匪雞翼$20很久沒有吃過了，土匪上的孜然粉帶點香料澀味，不過沒有太入味。土匪雞翼算是嫩囗，皮脆。