譚仔三哥米線 (儲金閣)

營業中

休息中

經常覺得大埔好少米線選擇。今晚就選擇左好耐冇食嘅譚仔。2個人點左一人碗米線同2個小食。米線份量同以前一樣好夠，真係食到好飽！大土匪依然好好味尖椒皮蛋都唔錯食譚仔可以解一解米線癮又食到好飽！

Lunch時間同個friend喺大埔大明里附近嚟諗住簡簡單單食個晏，雖然嗰頭有好多食肆，但因為唔想諗太多，就走左入譚仔三哥。兩個人唔算太肚餓，於是就叫左個$52嘅過橋米線，另外加$19加左個麻辣豬耳一齊食。落左order之後好快就送到，先送上麻辣豬耳，麻辣豬耳夠晒惹味，豬耳亦爽脆，可惜比較細碟，如果份量多D就更好！米線夠晒大碗，碗入面有成十幾款食餸，豬膶、腩肉、牛丸、墨丸、竹笙、豆卜……好足料，味道亦唔錯，兩個人share就啱晒！

唔食得辣的我，每次食譚仔都係揀清湯，呢間的腩肉係特別好食！ 乍醬份量很足😆第一次食譚仔嘅豬利，其實好失望。佢切得好薄又煮得太淋，口感欠奉。所以下次想試食小食，都係應該揀返皮蛋或者土匪雞翼，會開心啲。

一早跟老公🍋上了一轉山，兩個人都快餓昏了☠️，看到了三哥就有如看到救星🌟一樣。雖然第一次來這家分店，但我倆對三哥絕不陌生，也不用看餐牌📜馬上就點了平常愛點的。麻辣豬耳🐷：一入口，豬耳依舊爽脆，可惜味道出奇地鹹😳，認真地，絕對是鹹大過辣😵…土匪雞翼🐥：不過不失的，雞翼🐣尚算肥美，配上孜然粉等調味料烤焗過，基本上也很難出事的😌。腩肉豬潤麻辣三小辣🍜：重點來了！通常我都是會先喝一口湯🥄再食的，而今天的這一口，讓我以爲自己的味覺出了問題😨—怎麼可能淡得好像是水🥛一樣？如果不是我真的太餓不想再等，我是一定會叫她們拿回廚房👨🏻‍🍳的…總結：不要以為連鎖店就一定能保持應有的質素😥，很多時候真的跟預期不一樣的… 加上當日發生小插曲，有兩位女士👩🏻👩🏻推著BB車進店，兩位店員🧑🏻🧑🏻馬上以不禮貌語氣逼我們轉位，說真的，不是讓不讓的問題，而是她們真的可以用好一點的態度嘛😠。

今次唔食特辣 食酸辣 其實我覺得酸辣係好味啲但呢間整到好淡 好似清湯咁 甚至淡過清湯總知就冇味😷而牛丸豬潤都唔好味 又係好淡咁 好失望😞不過應該係分店問題姐 以前食都唔係咁😷

Lunch食咗豆卜米線清湯底，其實譚仔米線一向都多，所以我只叫一個餸就夠，如果唔係好易食唔晒。等左差唔多5分鐘就有得食，豆卜數量真係好多，大約有七舊，同埋佢唔係正方形個種，而係長方形，所以更加飽呢！豆卜吸收晒清湯嘅精華， 選清湯更加可以食到米線同豆卜嘅原汁原味，所以我個人都比較偏愛清湯底！

今日有孖住老公一齊做嘢，老公話不如食譚仔啦，快靚正！跟住我又想食酸辣米線喎，一於去譚仔三哥啦！喺大陸都食過幾次呢類皮蛋，亦都食過幾間香港米線店舖嘅皮蛋。 發覺譚仔三哥嘅皮蛋係最好食，最夠味！三哥嘅皮蛋酸辣度啱啱好，食落口又夠麻！而係表面嘅剁椒、蒜頭都好香！雖然食咗會好口臭，但係我都忍唔住每食一塊皮蛋都夾好多配料一齊食！土匪雞翼都好香好入味，即叫即做，上枱嘅時候做熱辣辣！好香好好味由於之前幾次食，都係同亞女一齊食，所以就冇得食酸辣湯底。而食咗蕃茄湯底！今次終於有得食三哥酸辣湯底啦！今次我叫左10小辣 金菇腩肉酸辣米線有三大束金菇，六七塊腩肉。相比起係另一間（另一食評雲米家），譚仔三哥嘅酸辣米線稍為清淡，配料有芽菜韭菜腐皮榨菜，所以酸辣度稍遜，但亦因為如此，食落口冇咁肥膩。

好耐冇食譚仔，咁啱經過譚仔，決定要入去食！當然叫左最好食既乍雖然話三哥間間差唔多，但呢間又特別好食，平時食開九龍塘個間都真係差好遠，連湯底都正d，而且星期六都唔洗等位，正！

好耐都未食過譚仔,好掛住三哥既皮蛋！所以今日經過，二話不說就入去食啦！！三哥既皮蛋有咩特別？？？我就最中意佢既蒜香，份量剛好，可以迫走皮蛋本身唔好既氣味！加上三哥特制既辣汁，有小小麻辣既感覺，很正！！！！

呢間譚仔係夜晚8點都未算多人, 我由入門口到坐底左, 都冇人理。 服務員同客人講野都好響好大聲, 所以感覺上都幾熱鬧。 好彩我係自己食, 咁係我同朋友講野都要嗌埋一份。 今次叫左豆卜魚腐扭文薯粉, 等左8分鐘就黎到喇, 都算快。 豆卜大大舊睇落好似好多咁, 食落有陣油味。 譚仔既魚腐係高水準既, 好香係真係有魚, 唔係一舊粉黎。 食薯粉,我覺得要加乍醬先夠香。 兩餸薯粉, 33蚊埋單。

本身間中都會食譚仔，每次都係食酸辣湯底~今次試下三哥酸辣，不過要加$2…好香呀…味道好豐富，有少少麻辣，又九酸辣喎…感覺比淨酸辣好!尖椒皮蛋，每次必食，但水準好飄忽囉…今次個蛋黃好粉好散…土匪，今次黎得好快，而且味道都保持水準!

這間譚仔開了都一段日子，試過買外賣，但係等得超耐，雖然很愛薯粉，但不想等！今天經過見到剛剛開門，里面得一檯客人，所以拿拿林坐低食。由於我不愛吃米線，所以每次都是吃薯粉，而且必定是要腩肉加炸醬酸辣湯底。因為第二檯客，所以很快有得食，亦都在場見到不過十五分鐘已經座滿客人，很誇張吧！這一大碗薯粉，酸酸辣辣的湯底配上煙煙韌韌的薯粉，薄切的腩肉很配，再撈上炸醬，很滿足的一個午餐！只是31元，難怪常滿客人！

一直對譚仔的酸辛湯底未能忘懷，襯新鋪開張立即拜訪新店的坐位比較狹窄，可能地點人氣較旺，等位需要一段時間，店內食客不下一百人，點菜後等待良久，同桌食客開始不奈煩...青瓜的紅色醬料看上去勁辣，但其實一點不辣，被外表騙了!酸辣雞肉生菜米線湯底看上去不辣，但開餐不到五分鐘滿頭大汗，舌尖有點麻，份量很大，適合二人分享