譚仔三哥米線 (天瑞商場)

營業中

休息中

譚仔三哥雲南米線，真係唔會令人失望，水準真係keep得住。今日踢完波，見譚仔三哥雲南米線仲未截單，就入左去食。叫左個單餸牛肉米線三小辣，細蒜泥白肉，再配夠多杯凍檸茶。一流。首先，譚仔三哥雲南米線d米線係有咬口d，湯底既味道亦都好好，因為我叫左單餸，牛肉就正常發揮啦冇特別。而蒜泥白肉就蒜泥夠哂份量，最中意夾住蒜泥大大啖咁食，不過就嫌唔夠辣味。最後配返杯冰凍既lemon tea，成個dinner食到好滿足。

新年前與父親備年夜菜時，購買了天瑞三哥的米線，而且還是新款式—青椒牛肉米線。青椒在平均值以內，不算太出色；牛肉的話味道還可以，不過略嫌有些韌，米線的話終於返番水平線上，可惜湯頭略嫌有些欠奉，味精味太明顯。好的是加$27可以配一款小食跟飲料，我挑了蒜泥白肉，3個字—非常好，半肥瘦調味啱啱好，值得推介👍飲品揀咗凍檸茶，不過不失，有很大的進步空間😌總括來說，蒜泥白肉係食得過💓

雞肉墨丸三酸撈薯粉 $47見到個汁心諗好辣🫣點知食落酸多過酸可能因為我叫咗10小辣薯粉軟身勁吸汁，雞肉同墨丸都好吸汁。最吸汁的是芽菜😋勁開胃好食過湯米線多多聲食完味蕾上超滿足🥰不過女仔黎講我都覺得吾夠飽🙈

叫咗脆肉鯇魚、肥牛、墨魚丸、金菇，三小辣撈薯粉，好好味，脆肉鯇好新鮮彈牙，肥牛好食，墨魚丸都爽口彈牙，金菇新鮮，呢個撈薯粉好好食。員工服務好細心貼心，都會協助點餐帶位嗰啲。店面都好乾淨。不過個杯鹹檸七嘢飲唔知乜鹹檸七七味？！杯嘢太過清新得來好似洗衣粉咁嘅味，杯野認真惡搞，可能係啲香精。

湯底偏鹹麵質較硬，麻油係分開上餸料份量足夠，唔建議叫熱咖啡，仲難飲過茶餐廳質素但性價比高，$20一大碗麵仲有嘢飲仲想點店員服務幾好，有禮貌同講解清晰，仲會講明單會顯示$37但比錢只比$20。上餐前仲會覆述一次你點嘅食物。餐廳環境乾淨，可能時間仲早人亦唔多值得一試

九唔九食譚仔三哥米線，唔同地點都會食，其實雖然講就講分店，但都總唔會一樣味道，呢間味道算平穩好味，試過食天town，湯底無呢間咁香，連囡囡都心好掛住三哥米線😸🫶🏻！

放工時候，好攰～唔想食飯，又想方便快捷、簡單、加上經濟，快快食飽嘅選擇之一，譚仔三哥幫到你。因疫情關係，而家坐位舒適，環境濶落，米線好快就送到！至愛小食，雲耳和皮蛋！外買最抵食！唔洗講得多。

酸辣撈薯粉個麵底係預先幫你撈好，味道真係好酸好辣，都幾重口味，仲見到一塊塊乾辣椒碎，但就唔算話好咸，薯粉麵質都幾彈牙，整體味道幾好味，又開胃。而薯粉既配料亦好豐富，豬耳同埋雲耳都係平時小食個隻味，其他都係中規中矩，無乜特別。雖然係叫外賣，但香草雞翼拎到返屋企仲係熱嘅，咬開都仲係有肉汁，肉質都算嫩滑，加埋香草嘅香氣真係唔錯。另外叫左一份一人青瓜小食，青瓜好清新好新鮮，口水汁味道相對酸辣撈薯粉嘅淡，但係係另一種嘅酸辣味，同樣好好味。

佳因今日發生既野都令到我心身疲累想食一點點的辣刺激一下行左成個商場最後都係揀譚仔三哥好似係近期推出既新野酸辣撈薯粉聽到都流口水🤤我今次叫左外賣拎翻屋企慢慢嘆首先酸辣撈薯粉$39配料有 雲耳 豬耳 脆片同青青絲之後我加左酸菜$5打開膠袋會見到有圍裙可能防止彈到d汁係衣服到甘我就乖乖地圍上打開個盒時 佢係分開左兩層可能怕焗霖d脆片到打開撈薯片個陣 d秘製三哥酸辣汁既味 好刺鼻聞到都覺得開胃更係快d倒埋d配料一齊撈食第一啖既時候真係酸辣都可以接受 就好似平時食緊5小辣甘 又酸又辣既感覺食撈薯好在既地方就係佢微暖 無湯 唔會湯到咀之後食多幾啖 就會越食越辣可能整個口腔都不斷分泌d汁出黎D汁夠食曬成碗 每啖既薯粉都有汁要慢慢咬先好吞我個人覺得d粉多 下次都係叫小薯粉整體既味道係豐富好食既

唔食得太辣嘅我平時都係食開蕃茄湯底或者酸辣湯底～ 今次又多咗個選擇啦🤩·蟲草花雞湯米線🍜 $42推薦指數：★ ★ ★ ★ ☆顧名思義，湯底係以蟲草花、雞湯熬製而成，配料仲有雞卷、杞子、雲耳、竹絲蛋，有著淡淡嘅藥材味，出奇地同米線幾夾，而且湯底幾清甜，不油不膩。雲耳好爽口，竹絲蛋帶少少流心，雞卷仲超滑添啊😋!!·紅豆椰汁糕🥥 $8(跟餐價)推薦指數：★ ★ ★ ★ ☆喺米線有甜品食都幾驚喜🌟，炎炎夏日食到個冰涼嘅甜品真係幾唔錯～! 面層紅豆蓉都唔少，都幾甜🤭，椰汁糕好滑溜，勁香椰子味😋，配埋淡花奶可以balance返整體嘅甜味，幾正👍🏻·宜家於網上外賣平台都可以落叫呢款米線🍜啦🤤，但紅豆椰汁糕就只可以堂食啦👻

商場終於開了新食店，新開餸料二送一，而且聽說蕃茄湯底不錯，所以今日返工前去品嘗一下。食店個鋪位好大，而座位坐得係好舒服。但係有些失望呢，我點了腩肉牛肉墨丸蕃茄湯底米線，但當侍應將米線拎來時，見碗米線面有一撻蕃茄蓉，而不是完全蕃茄湯底，但仲要另加$2，心想不是嘛？難道呢撻蕃茄蓉是值$2😅所以這裡有些失望因為新店餸料二送一，點左總共三個餸，腩肉幾爽下，肥瘦岩岩好，牛肉唔鞋，墨丸都幾有咬感，食到有啲啲墨魚粒👍🏻