譚仔三哥米線 (東港城)

營業中

休息中

令人上癮既味道...每次食完冇耐好快又會想再食永遠食三哥譚仔黎黎去去都係食某啲餸某啲湯底但點都硬係要拎個餐牌黎睇一睇但呢次真係叫左比平時唔同既我又想食多d 餸兩個人就叫左過橋米線..仲叫左杯凍奶茶少甜食辣野點可以唔配凍飲大土匪雞翼湯底叫左重慶三哥酸辣碗野一落枱..嘩！好大碗..仲要餸好多...好似食極都食唔哂碗野咁！到最後我係食哂所有餸 包括埋芽菜那些只係淨左少少量米線..湯都飲左好多太滿足喇但我下次應該唔會再叫過橋米線..唔係樣樣餸都岩我心水食完實左太滿足

今日去咗三哥食lunch，見新推出咗煳辣湯米線配上爽滑豬肚，所以就叫黎試吓先，又估唔到豬肚食落幾爽又幾好味喎！😂叫埋個清爽夏日荔枝特飲，都唔錯，幾好飲喎！😋

今日好想食酸辣嘢!諗起附近有三哥，都成年無黎了，就去幫襯下，諗住兩點無乜人食，又一個人食應該唔難找位的，古唔到都係好多人，不過只是等了10分鐘便有位了，叫咗魚片頭和鮮冬菇酸辣米線，鮮冬菇有四隻煮得好淋，魚片頭只係得三個，可能魚片貴 ，不過最緊要就係個酸辣湯 ，真係鍾意嗰陣酸酸辣辣味道 ，飲了幾淡湯先仲叫咗一個凍檸茶 ，原來飲管已經改咗紙飲管， 紙飲管唔可以浸得耐呀!因為紙係會溶嘅，所以我都好快飲完杯凍檸茶。

今次的午餐選喺三哥，原本想去對面果家食豬扒飯但因為太多人啦！所以退次選三哥！相對比較少人排隊等位1！午餐時間比較多學生👨‍🎓因為不會食辣，所以點左清湯套餐米線再加上土匪雞翼，清湯套餐就是貪佢樣樣都有D，但食落發覺南豐果間比較好味D，雖然大家同樣都是米線但個人比較喜歡南豐果間.

只係叫咗兩個過橋米線，都要落單半個鐘先有野食，黎到啲食物質量差，所謂新口味嘅茄子，有冇味道得個辣字，仲要接咁多外賣，執左佢算啦，下次一定唔會再幫襯，免得自己受苦！

今日去東港城睇車仔，睇之前去左譚仔食麵，照舊一碗清湯過橋米線$50（清湯，係為左就維尼b)，另外叫左 大土匪雞奕$30，一人份小食 鴨腎（口水汁），推廣價$19，凍檸檬蘋果醋$10！過橋米線，成日食唔多講，好耐無人土匪雞奕，原來已經唔辣架喇……新品-鴨腎，可以選口水汁（中口味）同麻辣汁（重口味），鴨腎片好簿，好易咬，唔會好un，襯埋譚仔自家口水汁，正呀！至於檸檬蘋果醋，酸酸甜甜，好開胃消暑，維尼b都飲左半杯！

21/4晚上7點15左右，第一次使用外賣app Order麻辣米線及凍奶茶，預計60分鐘送到，結果等了2個小時才送到，打開外賣的紙袋，已經濕透了，全沾了麵的湯，當場覺得很髒，而碗麵已經不熱了....還收取了送餐費$20，這樣質素、送餐速度也太差了吧！想不到第2天早上我就開始肚瀉、然後發燒，醫生說我是吃了不乾淨的東西，今天已經第三天了，我還未康復，想起那碗冷冰冰不知放了多久的米線，太可怕了....下次不會再光顧此外賣app 了

好耐無食過三哥喇，聽聞最近推出咗個辛蒜燒茄子，身邊既朋友試過都話幾好食，於是我就去咗親身體驗下喇！一上碟，就即刻聞到好香既蒜味同香料味，實物同廣告張相無乜分別，足足半條茄子既分量作為小食黎講已經好足夠👍🏻一食落口，已經感受到佢真係茄如其名，蒜香味撲鼻而來。仲有傳說中既多重香料，雖然我無咁犀利食得出曬18種，但係都食得出香料味好豐富😋至於辣度，我覺得無辣到需要解辣飲料既程度，而且唔會麻，辣味亦唔會留好耐，唔食辣既朋友都可以一試！

I have heard about that this restaurant have introduced a new dish so my friends and I went there and tried for dinner. The environment is clean and tidy. But most of the staff doesn't speak English so probably foreigners should be ware of that. We ordered garlic aubergine and chicken wings. I tired the chicken wings before and it so tasty. They salted the wings with special ingredients. As for the aubergine I love the garlic taste so much, worth trying and it's only 19 hkd

今日係東港城行街😄行過見到譚仔三哥有新野食喎😍😍😍😍見到就tea time 又唔肚餓食唔曬成碗米線咁就叫左個小食 辛蒜燒茄子 加多杯蘋果酸 過下口癮估唔到又幾好味杯蘋果酸好開胃 配埋蒜香味好重既燒茄子 簡直一流既下午茶會encore #譚仔三哥#辛蒜燒茄子#柑桔香梅#解辣蘋果酸The new menu is quite worth to try only $30 can have a apple vinegar juice and one spicy bbq egg plant

這間是我家經常來 食的地方， 我最喜歡吃腩肉魚腐蕃茄米線或薯粉， 腩肉很爽口 唔肥， 魚腐很特別， 同外面買的有些不同 ，我和丈夫都好喜歡食， 口感特別，另外，每碗米線都有很多牙菜腐皮等配料，使米線覺得更加好食 ， 我家很喜歡食土匪雞翼，感到味道特別好味， 值得推介 ，皮蛋和豬耳辣味適中， 爽口彈牙值得一試， 可能會一試上癮呢。這間很近坑口地鐵站，在地鐵站樓上二樓行去約7分鐘左右， 不過坐的位置就很狹窄沒有太多空間,有時也要等位等十幾分鐘才有枱的, 價錢 也算大眾化, 有時間不妨一試.

星期六對於老公🍋來說還是一個工作天💼，忙了一個早上🌞，終於等到老公🍋下班🎉，就去附近與他回合📍，再一起吃個午餐吧🥰。🔹腩肉牛丸麻辣米線🍜本來是點了雞肉的🐤，但店員卻出錯寫了腩肉🐽，算啦😰，也未嘗不可的🤷🏽‍♀️。點了一個三小辣🌶，不過今天的辣度有點遜色🤔，而腩肉的肉質則有點韌😢，不過牛丸是頗彈牙的👍🏽。💭總結其實這家店一向是我倆常來的📍，可能這天的食客太多👨‍👩‍👧‍👧，店員有點忙不過來吧💫，不單是下錯了單📝，就連味道也跟之前有點不一樣了🧐。不過最近店內有收集印花的活動💮，凡惠顧滿$50就可得到一個印花✴️，只要儲了4個🈵，就可享有一客蒜泥白肉了🎉！

今晚食自助餐，午餐就食清啲，就食粉麵啦。三哥呢間第一次食，感覺唔錯，職員比較有禮貌，食物方面除咗米線另外可以加$2轉扭紋薯粉，小食嘅味道就同另一間集團差唔多。湖南土匪雞翼，新鮮熱辣辣，孜然粉味唔太重，啱我。新疆香草雞翼，一樣都係即叫即做，我覺得兩款雞翼嘅味差唔多。過橋扭紋薯粉(清湯底)，唔似普通薯粉咁，同粉線差唔多粗，有少少煙韌感，餸無特別，湯亦唔會太淡，唔錯。 腩肉牛丸米線(清湯底)。 墨丸米線(煳辣湯底，10小辣)，全走睇落去好齋，唔食辣嘅我食到，對我嚟講算係挑戰，都幾好味喎。熱菜蜜都幾濃。提外話，個公仔幾得意。

大家會唔會對譚仔三哥食上癮呢? 我間唔中就要去食好似上咗癮咁， 每一次都會叫譚仔三哥嘅炸醬， 甜甜酸酸真係好開胃！ 仲有腩肉， 魚片都係我至愛，當然一定要有芽菜，韮菜同腐皮啦！ 譚仔三哥的米線軟硬適中，份量剛剛好。 湯底也有幾款選擇， 重慶三哥酸辣湯底，麻辣湯底，煳辣湯底，酸辣湯底，清湯底，適合各人口味。除咗米線之外我都好鍾意佢哋嘅小食，今次叫咗麻辣手拍青瓜，麻香味濃，好惹味！ 其實佢仲有好多好好味嘅小食，例如有蒜泥白肉， 豬耳，豬脷，雲耳等等。暫時食過咁多間米線，我都係覺得譚仔三哥最好食！

頭先喺度諗究竟食譚仔定係三哥最後都係決定食三哥 因為佢有得食湖辣叫外賣返屋企食叫咗小米線但係依然勁多我覺得呢個湯底最好食又唔會好辣又唔會好酸加咗份肉醬我覺得仲好食