譚仔三哥米線 (慈雲山中心)

營業中

休息中

譚仔三哥米線今日，唔講三哥嘅米線，講下佢D小食，同廚房、阿姐嘅服務。一行五人，一人一小食，放題咁款😂😂😂尖椒皮蛋：無up味，有少少流心，少少辣，有D麻油香，中規中矩啦😋😋😋蒜泥白肉：片得薄，多蒜，汁香，好味道😋😋😋😋口水雞翼：正呀！夠香夠辣，我覺得好食過土匪添呀😋😋😋😋😋拍青瓜：正常啦！算爽脆嘅，但味就唔多夠😋😋涼拌雲耳：都多份量嘅，雲耳都好味😋😋😋老老實實，食物係唔差，但我真心想讚D阿姐、同廚房。凍檸茶少冰少甜做到已經好驚喜，我fd凍檸水走冰都做到，真心有heart呀👍🏻

已幫襯多年慈雲山分店質素每況日下以為換新舖會有改進點知仍然係水平參差每次都叫中辣但每次辣度都唔同每次都食雞肉豬潤偏偏次次啲餸都係雜碎咁上米線叫左要淋米居然仲可以硬心啲呀姐態度散慢無心理客身為一個譚仔支持者經常幫襯分店之中,喱間絕對令人失望連鎖食店已經唔係求好食連平均嘅水準落差都可以咁大睇黎就算頂住三哥兩個字都唔代表元祖就最信得過身邊好多同區人都已經表示再頂唔順有時癮起寧願食其他因為喱間太過無保證！！

麻辣米線係我one of my favorite ❤閒來無飯食，總會想起食米線。譚仔真係總有一間係左緊。仲有分譚仔同譚仔三哥。曾經係另一個地方食過一次既譚仔三哥，米線糊到一個點，所以唔再幫襯三哥系列。最近見到佢搬左舖入左中心，裝修各方面都光鮮又企理。咁啱無飯食，就俾左次機會再試試啦。雞肉 &豬膶 小辣米線。譚仔既回憶返哂來。佢個湯底好正，麻辣得來 唔會係得個死辣，更加唔似有些舖咁，只係博命加辣椒油，麻同辣既比例剛剛好。雞肉同豬膶就不過不失啦~~豬膶就略嫌鞋左少少。但整體來講，唔錯！

轉咗舖位第一次幫襯。裝修好靚，感覺好乾淨！打黎叫定外賣，黎到就啱啱好有得賣！食物一般，質素好似下降緊。。。宜家同以前嘅土非雞翼，味道已經唔同哂，無咁入味。員工服務態度有待進步。