譚仔三哥米線 (西洋菜南街)

營業中

休息中

hahaha~ 天寒地冬o黎食譚仔~絕對係一個好warm o既活動由於~18xx就o黎到, 好easy就搵到位兩個人, 叫o左 麻辣小鍋米線o的餸都幾多o下~有 魚蛋~ 牛丸~ 墨丸~ 火腿~豬膶~ 腩肉~ 雞肉~豆卜~ 竹笙~ 炸醬~ 超豐富~全部餸都好食~比起我上次去食裕一品o個碗小鍋米線簡直就係天壤之別~上次我覺得係將價就貨, 好似食緊o的下欄o野(餸頭餸尾)但譚仔o的肉質素好好多~ 似返係舊肉~而且個湯底 & 炸醬都出色好多~$38, 食飽兩個人~ 抵!!

由2004年吃到依家, 終於連譚仔都逃唔過香港食肆的惡運: 越開得多分店, 食物質素越差!!!譚仔咁多間分店都試過晒, 呢一年集中0係旺角分店吃晚飯, 由佢開業至今, 一直Keep 住一星期吃2 至3 次, 一直都係吃過米線套餐, 貪佢大件夾抵食, 2 個人Share 好抵…但昨晚(10 Dec 2008)再去光顧, 發覺食物已"變質" 了… 同一個米線套餐:1. 米線少0左, 鞋口0左, 唔滑;2. 芽菜多0左, 韮菜少0左;3. 酸菜同肉燥少0左近一半!!4. 牛肉, 豬肉, 雞肉, 竹笙都少0左;5. 最重要: 味精重0左!!! 最劣係第5點, 味精多0左好多!! 以前吃譚仔, 一定連湯都飲埋, 因為佢0的湯好清甜, 真係魚湯0黎, 所以一定飲晒0的湯!! 但近幾次吃譚仔, 已發覺佢0的湯咸0左, 但唔係濃0左, 食完後, 已經要飲水, 好明顯係"師傅" 作怪啦!! 昨日吃埋, 更發覺0的湯奶白0左好多, 唔係一般譚仔應有0既魚湯顏色, 再聞0下… oh … 落0左唔知花奶定牛奶!! 好大陣味… 個人對奶有少許敏感, 所以一見狀唔想吃… 好好地一碗魚湯米線, 就咁就隨波

由深水步食到旺角，雖然已經不復當年舊舖既水準，但都不過不失啦～因為旺角比較就腳，所以都可以成日黎，每兩個禮拜左右就食一次，都算有keep住個水準既，今次叫左一大碗既米線套餐，咩料都有，Ｄ料有好多，但我成日嫌Ｄ米線唔夠多＠＿＠一男一女食真係唔夠分～如果米線有得加大就好啦，哈哈～因為之前食左奇趣既燒餅打左個底，所以都無叫到我至愛既雞翼～第一次坐上層，比下層坐得舒服Ｄ，雖然都係咁迫架啦

我愛譚仔....耐無食就好掛住...譚仔依家紅晒...越開越多...可惜尚未於港島登陸..... 今次去既係旺角新店...地方較其他店....不錯寬敞~例牌叫酸菜, 腐皮, 麻中辣....今次無叫雞肉(突然唔想食)見到成碗都係腐皮好興奮!男友必叫炸醬, 雞肉, 麻中辣, 另叫蒜泥白肉同生菜....浸落湯度超索味~~譚仔真係好好食, 不過越黎越貴,今次埋單竟然要100蚊...依家物價真係貴晒啦!!!

friday appointment完了後坐低開餐都係六點零多d，比上次冇咁擠迫。我叫了腐竹、竹笙&雞肉酸辣米線。與上次比較，我發覺原來這鐵三角組合會較適合我胃口，下次再食我會照咁叫…^^v竹笙固然與上次一樣索汁好味。腐竹上次我話過較硬口感像膠布，但今次發覺浸耐d效果會更好，浸軟左索晒湯汁會好味，亦食得出有豆香。雞肉質感唔老，都幾滑，同行亦試過話唔錯。我碗米線口感適中，唔太硬太軟，亦配合到湯汁，湯汁唔算濃，整體都不錯。同行的就叫了竹笙、腐竹、韭菜&腩肉酸辣米線。竹笙與腐竹其實與我上述的評價一樣，腩肉都與我上次的評價一樣，只係韭菜可能早放得耐就黃左。而同行今次就同我猛投訴個米線湯底酸左d，咁我幫佢試下味…咁我就覺得唔係酸左d，而係勁酸，同我上次第一次食譚仔的感覺一樣=像飲醋，但今次其實我覺得佢叫的組合同我只係大同小異，唯一不同只係比我多了腩肉和韭菜，但兩者都只係沒醃製過的材料，理應不妨礙湯底的味道，我唯一幫佢推測只係因為湯料多左廚子就將味道加重d，等如我們煲湯中途加多了材料都會再補加返水同鹽，純粹個人推測。另叫了(細)三件土匪雞翼，水準與上次相若，仍新鮮滾熱辣。食後感：暫未試麻辣，因為我

原來旺角呢間譚仔有幾層的!遠見譚仔逼到人山人海.,,.諗住放棄食佢架喇點知我朋友見到譚仔旁有條樓梯可以上2樓1上到去好闊落!d人仲係下面逼餐死,..,講番轉頭本人唔食得辣,.!!雖然譚仔d麻辣好有名!最後叫左個豬腩肉九丸米線+凍奶茶仲有土匪雞翼!首先講豬腩肉牛丸米線豬腩肉好正!!雖然係清湯湯底,但都好有味牛丸好彈牙!!米線勁滑溜,正凍奶茶,夠味!!但唔夠凍,再凍d會好d土匪雞翼,黎親都必食!外皮有好多香料,脆脆地好好味最仲要係好抵死!!食親譚仔都大住個肚出門

１１月１１號晚二人叫了米線套餐，未飲完就收你杯飲品趕住做下轉，坐得又迫，以人頭計每位食＄３０元都唔收一元以下散紙，有無搞錯，一元以下散紙都是香港法定貨幣呀！！阿姐服務態度又差，淨係想你快啲食完快啲走做下一轉生意，啲嘢幾好食都無用啦，試過就夠，以後都不會再幫襯了

以往對譚仔印象麻麻，一次米線太硬，一次炸醬超難食，但今次食完，開始對佢改觀。同阿媽兩個人，要了酸辣米線套餐加大土匪雞翼。米線套餐好大碗，咩料都有。炸醬同咸菜分開上。其中以竹笙、雞肉同牛肉較為出色。竹笙好索湯，吸晒d酸辣湯好正。雞肉滑，牛肉有點韌但有肉味。但丸類唔得，牛丸唔彈牙，墨丸無墨魚粒，同我食開d爭好遠。好多芽菜，正。個湯底都好正，酸酸辣辣，又唔會辣過頭，好開胃。米線煙韌，唔錯。土匪雞翼有5隻，新鮮滾熱辣。味道不錯，且雞翼幾大隻。好在我地坐4人，唔係坐大圓。otherwise一定逼到震。

米線仔."被"拉到譚仔.腩肉豆卜清湯米線腩肉有肥有瘦, 勻稱適中, 值得推介.豆卜一般.米線仲正過雲南桂林, un d, 彈d, 又唔少. good!偷吃炸醬也的確可口, 少吃不辣. good!飲野一般.

我地2個人食，一個食一碗米線：雞肉+竹笙米線，酸辣湯底我女友就食墨丸+竹笙米線，清湯底基本上兩碗都好吃，不過酸辣湯底就好食d，如果食的話，一定要揀呢個，只係貴1蚊 je。唯一唔好係迫左d，一張細圓枱成7個人坐，真係想放底個袋都唔得。而且好似愈來愈貴，而家一個餸要加4蚊，竹笙仲要成5蚊，一碗加埋都要25、26蚊，晚餐黎講算平，但係午餐連埋野飲就貴少少喇。

我以前最常去尖沙咀或者佐敦既分店，亦幫襯過深水 土步 個間~食開都覺得唔錯的!清湯鮮甜........但旺角呢間......間直令人失望!!~碗清湯真係清到......水咁好在我點左炸醬，先叫有少少味!!!而我要求走九菜芽菜，佢就幫我變左做「全走」，連腐皮都無埋而我至愛既土匪雞翼亦做唔到其他分店既水準!香味唔夠!!!!下次都係過返佐敦食好了!!!

成日聽人講譚仔米線好味, 今次我都係第一次食, 係朋友帶我黎不過未坐低就比d阿姐玩, 下層的阿姐話唔使拎飛直接上樓上, 但上到去另一個阿姐話我地無飛, 朋友都抆抆地, 叫個阿姐拿拿臨俾枱, 於是等左唔夠5分鐘就有位坐低我都明白這類型食店一定會同人迫, 但有時又唔應該太夾硬黎ge, 我地3個人搭落人地張枱, total坐左7個人, 都ok ge好彩冇肥人, 之後有個阿姐叫我地轉枱,我地望一望, 明明坐一個人落去都勉強, 竟然叫我地搬?? 我地唔肯, 最後都冇搬講番野食先, 三人一人叫左一個自己揀餸的米線, 我揀左炸醬+腩肉+墨丸, 要清湯, 再加一碟生菜及土匪雞翼先講米線, 幾大碗, 湯都幾好飲, 三樣餸以墨丸最好味, 腩肉就好多塊, 都幾好味, 雞翼都好大隻, 幾特別埋單129元, 一人都係四十多元, 咁ge價錢真係幾抵食!!不過始終唔鍾意同人迫, 唔計環境的話, 我會俾佢一個笑面!

完全跟其他譚仔分店冇得比個墨丸"林bat bat",勁難食d麵唔知做咩勁"林"好在坐得都唔算話太迫不過我唔會再去旺角間譚仔,一定唔會!

總共黎過呢間三次第一次去好味 豬肉夠淋湯底夠味 點知再去第二次全部野都無味無道好似溝晒水咁諗住比多次機會佢再去第三次睇下會唔會有改進今次坐樓上仲衰連叫做有D味既土匪機翼都可以無味唔會再去 LU ...

一直都見呢個字號好多人讚, 又見旺角開左分鋪,所以專登同埋佢試一試喇,一早做左資料搜集, 知道有咩係受歡迎d既,我叫左: 豬潤, 竹笙酸辣佢就叫左: 雞肉, 竹笙4小辣上菜好快, 馬上試一啖湯先...酸辣既辣味真係得好少好少, 我只係食到酸味, 雖然未至於話好似醋咁酸, 但係我相信唔係人人都岩口味,而麻辣真係幾香既, 我估我會鐘意麻辣多d竹笙都同其他人講既一樣, 好索湯, 好好味而豬潤亦都處理得好好, 一d都唔老雞肉都係好滑口但係如果問我會唔會再黎, 答案未必咁肯定喇味道雖然係幾好, 但係坐位又迫, 完全唔容許有一絲既空間 又好似唔志在做你生意咁, 入到鋪唔會有人主動問你幾位我覺得可以再做得好d囉...