譚仔三哥米線 (新翠商場)

營業中

休息中

以前嚟人手少無人落單，依家有得掃碼落以為好啲，等左25分鐘都未出餐，20分鐘見到碗麵係出餐位，但係唔會有人理。然後全場都無野飲，要重新口頭落。有個外賣小哥等到張單過時都無拎到野，就算過時前10分鐘佢已經催單都無人理佢。你可能會話因為炒場，Sorry，朝早11點啱過，全日最靜個時間。重要近期來依間兩次，兩次都差個餸。最癲都係有個靚女係cashier等左10分鐘都無人幫佢埋單，間唔時有阿姐經過話自己唔識收錢😃豬手ok🤡

在柴灣返工，經常食快餐店早餐，但食得多都想轉下口味，原本諗住去食個有侍應招呼，而且時間鬆裕可以慢慢嘆個早餐，點知這間餐廳只有一個見習侍應，又要忙落單，又要收銀及派餐，不過既來之則安之，之後就後悔了，我叫咗A1早餐，湯通粉加煎蛋，腸仔及餐肉，多士，點知先上煎蛋多士等，湯通粉遲遲未到，即使廚房出來幫忙都搞唔掂，催咗三次至攞到嚟，但要趕住返工，換來狼吞虎嚥，一肚氣，另外有兩個員工8:30才陸續返工，在最繁忙時段只有一個見習員工在撐場，三哥係如何管理的？

本人經常到譚仔三哥米線。佐墩店屯門店品質服務都一流。但是在新翠商場店。真是絕對失望。我選了土匪雞翼。雞翼肉質不新鮮。雞翼比常溫更凍，仿似是存放了一段時間給客人。本人要求更換1隻已變味的土匪雞翼。換來是一只從未燒熱的雞翼。凍冰冰。相信這家店令人太失望店員好像唔多想理會及解決事情

從來唔會寫差嘅食評，人生第一次寫！！我哋平時好少食譚仔，但嚟到附近唔知食咩好，所以就入左譚仔。夜晚6:10去到，舖頭都無乜客，得嗰2,3枱，6:15用手機落order… 又係啲staff 叫我哋用QR code落單，點知6:15落完單，啲野食最終6:50先到！大佬，已經無客架啦，仲要等咁耐！個問題係，唔係全部野都6:50先嚟架，3杯飲品大概10分鐘後又嚟左架喎！但啲食物催左3,4次先嚟！又話無單，又話睇唔到，然後又話嚟緊，嚟左10分鐘乜都未嚟… 我望住個apps，我肯定我落哂單，6:15就已經submitted，但最後6:50先嚟到，真係接受唔到囉！最搞笑係拎左3張單過嚟，3張一樣嘅單，食物就無，單就嚟3張！我係一次過order，無加單，無後order….啲staff又唔理，又唔幫手追，問佢哋，佢哋又去整其他嘢，我知，唔關佢哋事丫嘛，但扮下野都去check下丫… 講緊舖面係有3個staff，唔係得一個！間舖頭仲要只係得兩三枱客都做到咁差，永遠black list哩間譚仔！

==============================食得譚仔三哥，都係諗住平又飽肚就算。當日叫了道雞肉、鮮冬菇清湯米線，拼口水汁雲耳及豬耳小食，已經承惠$42。湯底：味精譚仔較重，啱重口味人士米線：偏軟身，但唔係好吸湯餸：一定唔好預係新鮮，都係車仔面質素小食：超多辣油，我自己唔係好食得慣咁辣，食完都口渴，飲咗好多水解辣解渴==============================座位：無咩人，一個人可坐四人枱，ok

而家有時喺香港食到好嘢，真係會覺得好卑微，喺啲連鎖店入面食到好味嘅嘢都會好感恩，其實個感覺都真係好卑微😅從來未試過譚仔三哥嘅早餐，一於冒着挑戰嘅精神走入去，叫咗個沙嗲牛肉麵拼午餐肉，加一杯齋啡。呢間舖頭最麻煩嘅地方就係要等好耐，叫完嘢食足足等咗接近10分鐘先有得食，差唔多慢過喺屋企煮，碗麵嚟到竟然有個強烈嘅反差，牛肉真係有牛肉味，出前一丁真係煮得似出前一丁，呢句說話好似好荒謬，但係我相信好多香港人都會明白！有時加$5轉左最出前一丁嘅餐廳煮出嚟都唔係嗰種味道！呢一餐普普通通嘅早餐，竟然為我帶來一份意外嘅驚喜，眼角流出一滴淚🥲值得記錄一下

網上討論區有人話睇唔明下午茶餐，又話會收得貴左，我即管去試一試。我叫迷你二餸米線加兩個小吃， 米線 下午茶無得選糊辣，只有清湯及麻辣湯底。我見下午茶，唔食太刺激，我食小辣。我落完單之後，即刻問落單姐姐總共幾多錢，總共47蚊。即刻放心哂。米線係魚腐加雞翼，個份量可以接受，味道同平時的一樣 蒜泥白肉:肉食落去有小小雪味，不過有蒜泥混埋一齊，可以接受。湖南土匪雞翼:都很香口，好味 。總括黎講都算抵食，可以試唔同既野， 價錢算合理，有時間我都會再食譚仔的下午茶。

今日諗住快食個米線，之後再返屋企趕工做嘢。點知個餐廳效率勁慢。－落單我舉咗手成5分鐘都無人回應我。之後就嬲嬲地，我行出去收銀度問佢，我點樣先可以落單叫嘢食，之後佢就話，你坐低啦有同事去幫你。成間舖樓面唔知做乜鬼嘢。佢地係度落力咁搞外賣單，啲人堂食想叫order都唔理。間舖唔夠樓面就閂咗一半堂食座位。落單之後，又等勁耐⌛️15分鐘先到齊啲食物。杯凍檸茶又勁多冰🧊豬膶牛肉三哥酸辣（已叫特辣🌶️🌶️🌶️）又唔夠酸又唔夠辣避風塘豬扒，淨係食到咸味，一啲辣一啲椒鹽味都無。服務差👎🏻味道差👎🏻等待⌛️時間長👎🏻

早餐經常食茶餐廳嘅我，偶爾都會轉換口味食吓米線，可能夏天天氣炎熱，胃口總是不佳，總想更換一下口味，從而喚醒親愛的味蕾。雙拼櫻花蝦哈哈薄撑餐 $28薄撑其實即是現在叫嘅PIZZA（中式），配以餐肉、煎熟蛋，有杯餐飲，輕食，在炎炎夏日是不錯的選擇若大胃王的你可以加幾元升級，加米線，豐儉由人；薄撑內灑入櫻花蝦來煎，雖然味道不濃，但有口感，切開細塊及細細品嚐，可以體會到櫻花蝦的淡淡味道，伴以奶茶、咖啡或鴛鴦，真是Perfect，再有一塊餐肉，滿足香港人嘅口味及兒時回憶。

本身喜歡酸辣湯的我來試試三哥新出品「一戰酸鯛」湯底不錯，但魚片方面真的不懂欣賞…本以為像酸菜魚那樣腍滑厚身、沒有魚骨怎料有魚骨之餘，質地太爽就像吃鱔一般，還有一股泥味…我還是點回平日的酸辣/麻辣好了…

新翠商場開了一間新的譚仔三哥，就想著買外賣試下。當我下完單，女員工就叫我在旁邊站著等，當時店內並不多人，只有寥寥可數的幾檯客，就想著應該好快就會有。怎料我拿著單在門口站了30分鐘，三個女員工都在櫃檯聊天，都沒有人要理我。於是我就上前詢問其中一個，她就告訴我取外賣要在另一邊，不是在門口取。我真的傻眼了，怎麼你見我在門口站了這麼久也沒有想著要提醒客人要到另外一邊取餐？直到我等得太耐，主動問才告訴我？結果我的外賣放在架上已經好久了，我就白等了這麼久，重點是你們當時也並不忙，只是在站著聊天。其他分店是怎樣不清楚，但這間柴灣分店剛開張就這樣，這間三哥的員工服務還有很大的改善空間！P.S. 這間分店也沒有在門口標明哪裡是外賣自取區！

我1:15到左㩒飛，1個人，明明應該好快，我預大概等15分鐘，點知等左成半個幾鐘，隔離兩個學生妹遲過我嚟點知8分鐘都冇就入咗去。一人位同兩人位差咁遠。真係好令人唔耐煩，1:50先坐低，頂，都唔知入左幾多枱二人、四人位，個六人枱都勁快有。不過姐姐態度都好嘅，係分配座位嘅工作真係有好大進步空間。叫左煳辣，都好味，份量仍然多。建議可以開自助點餐，一個一個咁叫姐姐幫手落又容易被忽略而且叫錯。開左會比較方便，然後分配座位可以再認真睇吓等待時間，搵多個人幫手，呢度人手不足。

難得喺柴灣新翠開，平時想食都要去杏花邨/小西灣買，緊係要去幫襯。之但係試過兩次外賣都好唔ok! 米線超硬又唔淋，好似未熟透咁！今日再俾幾會佢，落單時已講明要淋啲，到最後都係一樣😡到低係整外賣果個廚趕時間？定本身就係咁？自己食過其他間都唔會有呢個問題，下次唔會再去呢間買😰