譚仔三哥米線 (黃埔天地)

營業中

休息中

譚仔係香港米線既價廉物美之選，分別有三哥同唔係三哥既譚仔。去得譚仔就緊係唔會齋食米線，每次都會嗌埋蒜泥白肉同土匪雞翼。比起唔係三哥既譚仔，白肉份量多好多，雖然土匪雞翼要等，但起碼佢係既叫即整，十分好味。

打風竟然打到正，無啦啦同老公多左一日假，訓到自然醒，下午求其煮左個公仔面食，見佢落左波又無咩雨，兩個人就貢去黃埔食個晚飯先黃埔既食肆度度都爆哂，嬲嬲地同老公講不如食譚仔，難得咀刁到爆既男人竟然say yes,即刻往譚仔前進，去到雖然爆場但又唔使等，真心lucky!叫左個普通酸辣，腩肉雞肉炸醬，一食，出出地事，唔知係未打風既關係，湯完全唔夠味，米線太淋，可幸配菜無事，但太淋既米線我真心食唔到，勉強食左半碗就算老公叫既胡辣米線，腩肉竹笙炸醬，佢話一切正常蒜泥白肉唔夠味，好黑仔，完。土匪雞翼正常，夠味，熱辣辣，成餐唯一覺得符合譚仔水準既食物兩杯凍檸茶連凍檸茶都唔知做咩，竟然無茶味，又唔甜又唔酸咁可能落左波趕開鋪，成間譚仔既野食都變得好陌生，不過一次半次失準係可以體諒既，我仍然係一個對譚仔好忠誠既港女，因為我一星期點都要食兩次先安心

是日係屋企附近買完電器 大約7點幾好肚餓跟手去食個譚仔住左紅磡咁耐都係第一次食呢間分店典型譚仔格局 但因為過過地食飯時間 我地都係4人share一張6人枱我個人每次都係揀墨丸炸醬 煳辣湯底 (中辣)($39)男朋友就一樣 但湯底要麻辣 每次都要加多個蒜泥白肉（$38）佢個汁同蒜真係好好食而奶茶都係一個must 要嚟中和個辣味❤可惜因爲通漲既關係 師傅既刀工愈見出色腩肉一次比一次薄譚仔個炸醬係偏甜既 但撈米線又有一種默契譚仔無論價錢定味道的確有一種魅力令你一去再去温馨提示：細食既朋友可以叫姐姐同你「少米」 平一蚊之餘又唔使食到咁飽三哥仲會捐一蚊去慈善機構 一舉兩得💪🏻

今日遊黃埔，見到譚仔三哥，好耐無食米線，便入去。點左竹笙墨丸米線酸辣湯底。米線很滑，有咬口。墨丸彈牙爽口。竹笙亦好爽，充滿湯底酸辣味道，很滿足。酸辣湯底很開胃，食完一碗，飽飽滿足。雖然唔係咩特別的米線，但咁的價錢係食到一分平民的滿足感。

成日聽朋友仔話譚仔既番茄湯底好正，自己本身鍾意麻辣湯底，所以次次去都冇試，今日病病地又想食d開胃，所以就走左去試😎 番茄湯底吾算濃郁，甜甜地，不過不失啦，但係就冇想像中甘好正～最尾都係同男友交換食😂 番茄湯底都係鍾意食中環既

今晚去黃埔花園逛街，見到譚仔三哥，好耐冇食，就叫了一個蒜泥白肉，過橋米線，土匪雞翼，凍啡及可樂。蒜泥白肉切得好薄，D汁好入味👍過橋米線就乜都有，炸醬正👍，我都幾鐘意個湯底😍雞翼就一般

雖然唔係紅磡人但偶爾會去紅磡吹下海風本來打算去食拉面,但因為冇開,所以就食我最鐘意既譚仔我叫左一個套餐麻辣五小一上菜.湯底同清湯冇分別,沒有麻辣既味道我以為係因為五小唔夠味,所以叫侍應幫我換湯底換三小點知味道仲差..辣係夠辣, 但是係冇味既辣食物就好似用水白灼咁食到一半冇再食..我未試過食到咁難食眉譚仔可一不不再....

叫左:三哥自選米線,尖椒皮蛋,蒜泥白肉,土匪雞翼三哥自選米線:要左墨丸同炸醬,墨丸好粉口感一般唔彈牙,還可總算有墨丸味,炸醬幾好味,微辣有油香,不過有小小粗嚡.湯底選了酸辣,味道唔夠酸又唔夠辣普通.米線還可都算滑.尖椒皮蛋:味道唔錯,夠辣味又有油香,可惜幾細隻.蒜泥白肉:白肉好嚡又細件冇口感,蒜泥幾香口,個油就大件事喇,入口感覺好唔舒服,好似好乾嚡又帶有小小令人反胃嘅感覺.土匪雞翼:香辣野味,肉質幾滑.整體:價錢同食品唔成正比.

我好鐘意食譚仔米線, 初初見佢係黃埔開不知幾開心, 耐何食左2,3次, 呢間D質素真係強差人意。我食米線鐘意酸辣底, 個種酸係應該由酸菜出黎個種酸, 但呢間譚仔三哥個隻酸, 係落左好多白醋個隻酸, 隻味好夾硬黎。譚仔不論三哥唔三哥, D腐皮都唔係靚貨架喇, 但唔係靚貨之中, 都滾熟D滾林D, 等人咬到吖, 呢度D腐皮"UN"到硬膠紙咁。杯檸茶淡過鬼, 完全冇茶味!

平時去慣黃埔新村嗰邊d舖食米線...一連幾間任君選擇咁多位識飲識食既人兄應該都知其中一個係好出名下雖然比起佢本店水準差好遠...不過都好過冇丫等左咁耐終於等到黃埔入面開米線舖...而且係有名既見到係譚仔就知穩陣...仲要好好彩係三哥掛名嗰間添開左咁耐...食左三幾次最岩睇戲前趕時間...快食個晚餐一餸三哥酸辣米線(墨魚丸) 三餸三哥酸辣米線(豬肉冬菇墨魚丸) 凍金桔話梅蜂蜜 凍檸茶 唔洗諗...食硬三哥酸辣底除左煳辣湯底...其他底冇咩興趣...搵日有心情試下佢先食得辣既...起碼揀中辣以上啦...大辣都係刺激少少姐小辣太不痛不癢...食之無味咁...唔岩我心水米線點都要酸酸地先正...又冇咁膩間間米線d餸大致上差不多...但係味道就差好多去得三哥一定揀墨魚丸...有時都會為左墨丸而去食番碗米線大眾通常要三個餸先滿足...友人都唔例外豬肉片份量唔少...友人都有分d俾我其實個豬肉片只係好似原味咁...但豬肉味好濃...幾得意其中一杯飲品揀左特飲...只係加多少少錢...抵呀金桔蜂蜜見得多...話梅口味好少見原粒話梅放入杯飲品度...話梅味慢慢浸出味飲晒杯野...再一口含住粒話梅

實際用餐日期已忘記，大約只記得是新店開張後兩三星期左右當時吃過後想在“開飯”寫食評，但可能新得滯，“開飯”都未有這間店資料一向吃開旺角豉油街及深水埔黃金這兩間店舖，平靚正！而今次聽聞黃埔開了新的“三哥”米線，而又剛好行開黃埔，所以順道去食我跟女朋友各自叫了一碗米線，味道跟我食開的“三哥”很不同，連湯底都不是平時的一樣，慘的事是變差真係無法想像“三哥”變差了，只怪這是新舖，希望店主看過這食評後，有改善。有機會會再去多一次，如果仍然這樣“差”，sorry，只好black list這間黃埔三哥。

為何米線會令人上癮...實在是不解之迷我早就被某一家的米線迷倒了...那魔咒一中就是十多載數家著名米線各據幾方...有如三國鼎立各懷自家特色...風味有異各有支持者緊緊守護著譚仔絕對是大國之一...坐擁十萬大軍繼而分裂出兩國來...領土愈佔愈廣聽說三哥帶領之下那國更勝一籌...不知消息是否確切曾有一次當真被一家沒三哥之名的...給嚇怕了無色無味無形...只留下壞印象自問從未愛上這霸主...這次才是我第二次跟他相見對上一次...已是多年以前的某個晚上他...風采依然...還是更勝從前...仍未看清楚只知道...如今多了一份味道...值得讓我留戀三哥酸辣湯底 $34豬腩肉+牛肉+冬菇走九走芽三哥酸辣湯底 $26墨魚丸走九走皮多酸新彊香草雞翼 $28湖南土匪雞翼 $28凍檸茶 $7 x 2一直愛的就只有那一種顏色極深紅更濃縮的酸辣米線像這裡的酸辣底...都是偏淺奶白色的...不是我所愛這次竟有新發現...多設了一款重慶三哥酸辣湯底此湯可任選各種級數的辣跟酸...更見人性化...更具魅力無酸無辣不歡...必選中辣多酸以上...始吃出味道來湯底可接受了...米線火喉控制不穩...時而過軟時而