譚仔三哥米線 (德田廣場)

營業中

休息中

今日去左譚仔三哥食下午茶套餐叫左一個蒜香白肉撈油麵 配蒜泥白肉同土匪雞翼 先講一下呢個蒜香白肉撈油麵 唔算好油味道好好 白肉配撈油麵 仲意外地夾👍🏻我再把蒜泥白肉都撈埋落去食 就有兩重肉量食 整碗都是白肉再把蒜泥白肉的汁都撈埋落就更加好食😋 值得再一食 👍🏻土匪雞翼 就沒得輸 一樣咁好食😋

藍田德田商場譚仔三哥分店我和家人想試試最近推出的大dinner二人餐。第一次來落單的時候，店員說沒有飯，遊說我們吃別的，第日再來先吃。Ok fine。我們照舊吃原來餐單上的米線。打算過兩天再來吃。但兩天後，又是同樣問題，沒有飯。店員遊說我們說先吃其他東西，等待現場即時煮飯。這樣得問題連續沒有處理，屢次支持譚仔三哥米線但遭到的是欺騙顧客。這間分店已經經常性出錯單，店員態度惡劣，舉手無視等等。這樣的服務讓我感到不滿，且受到欺騙。其次，那個白肉飯來到的時候，份量極少，與圖片有強烈對比，但店員早前告訴我們是正常量，圖片如下。

今日嚟呢間度食lunch，入座係12:10淨係舉手已經舉咗15分鐘都冇人應我哋係咁淨係叫我哋等等等等，點知等嚟等去呢都唔行過嚟幫我哋落單落完單之後係12:27餐廳入面仲有一隻手指甲咁大嘅烏蠅飛來飛去，可見衛生非常差除此之外，終於落單嘅時候有一位店員嘅態度離譜，同佢講要咩餸，又話跟唔切我等咗咁耐仲未行出間舖頭已經算係好友善，你仲要我再慢啲😅我朋友買咗一碗蕃茄湯底米線，餸係牛肉但係牛肉分明係冇醃過冇調味，直接倒入水入面煮，連浮末都冇移除衛生，服務，連埋食物都非常之令人不愉快。希望盡快改善。

今日放學之後，同咗佢哋兩個小朋友一齊去譚仔三哥食晏，每次必點過橋米線轉薯粉，譚仔三哥嘅薯粉冇得輸，佢仲要係扭紋薯粉，用筷子夾都唔會覺得好難，而且質感非常煙靭😋最鍾意叫過橋嘅原因係，唔使選擇揀咩餸，咩都有得食，個感覺有啲似打邊爐咁，想食咩就夾咩！我哋12:30去到，餐廳都幾多人，不過好快就可以入座，繁忙時段店舖職員人手可能唔係好夠，所以要點餐都要等少少時間，不過勝在職員態度好，橫掂唔趕時間等一陣都冇咩所謂。

豬潤未熟，一直滲血，立即通知職員，職員表示豬潤厚片，通常都係咁，我地要求切小片再煮熟，結果新一碗來到，豬潤已經切小片，但依然未熟，職員態度欠佳，使顧客用膳感覺非常不良好！

其實仲意譚仔多過三哥，但附近剩返三哥都食住先啦。呢間德田開左半年都冇乜人，可能D人仲意外賣吧。環境ok，水就自助啦見到新野煳椒肉骨湯，唔使煩要咩餸，就叫佢，要左三小辣，感覺幾較咸，整體味道ok

呢杯奶蓋芒果爽椰甘露比想像中好飲，芒果味好重，清甜，加13蚊就入到既特飲，配上麻辣嘅米線同豬脷簡直係絕配。不過杯嘢飲份量就唔夠多，好快就飲晒，下次去可能要叫2杯先夠喉。

我叫咗麻辣雞肉四小辣，加1份麻辣豬脷。平時都食開呢個組合，三哥既麻辣湯真係無得輸，夠濃夠入味，米線又唔會太淋，煙煙韌韌，好好食。另外豬脷配上麻辣汁真係好開胃，每一塊都一片薄薄的好易入口

3人，按飛仔完全冇用，完全冇留枱，等超耐，叫話到我地入去，然後又俾另外6個人人入，叫我出去係用手推我，有d唔耐煩。張枱清潔完都係骯髒，仲要收拾ge時候將吐係枱ge肉掃落我個friend度。張凳骯髒又冇清潔到0分!