譚仔三哥米線 (希慎廣場)

營業中

休息中

入到希慎廣場，因為中午嘅時間，寫字樓放午飯，大部份於希慎廣場內的餐廳 Food court 都非常多人 。人頭湧湧😅我諗佢鋪面人手不足，經常都要等好耐。試過外賣等超過半小時以上😅

呢間鋪頭既員工真係態度極度惡劣，就因為客人等待20mins都未等到個餐，行埋去好聲好氣去詢問可否幫手問問整好未，結果行埋去counter見到廚房入邊根本嗰阿姐都冇整緊送或者煮緊嘢，匿埋喺雪櫃邊唔知搞緊乜，另一個阿姐就企喺counter度無所事事。跟住問返counter個姐姐可唔可以幫手問問整好未，佢就好唔耐煩通過個窗口仔同廚房入邊個阿姐嗌咗聲話咩咩咩號碼催喎，跟住我又企喺度等咗成10分鐘total 30分鐘，都係未見到我嗰碗出嚟，然之後有個後生仔嚟order，佢個number仲排係我嗰number後面3位，但結果喺佢嗰碗唔使3分鐘搞掂就有得攞，ok find🤷🏼‍♂️跟住喺我個number前一個號碼嘅客人都過嚟詢問，結果又係另外更後嘅一個號碼嘅客人拎先！再跟住就到我前一個number嘅女士取咗餐之後，又隔咗3分鐘先到我嗰碗出，結果嗌4送仲要煮漏嘢..即係擺明玩嘢..個阿姐個態度仲極度差同唔耐煩，我要求退錢，因為total等咗成35分鐘又煮少嘢，lunch time得一個鐘時間，我曬咗35分鐘喺度齋等，結果仲要唔係我要既嘢，態度又差，一句sorry都冇🤷🏼‍♂️🤷🏼‍♂️ 冇下次了，byeby

店舖經常都吾夠人手踢曬腳！有時提早order 都要等成半個鐘🫠🫠🫠出單毫無次序😓😓😓😓單號行先好多時都係出左😑😑😑熊貓先後堂食同自取！😵‍💫😵‍💫😵‍💫同啲同事反應只會叫等等出緊😵😵😵試過好幾次叫外賣叫豆卜🤮🤮🤮都係發嗅完全吾新鮮！🥲🥲🥲令人有種很不愉快經歷🫠🫠希望有待改善同正視！👿👿希望有待改善同正視！👿👿希望有待改善同正視！👿👿👿

香港美食之旅內名單之一 譚仔三哥 ，要整番碗米線先得😆，相信大家唔會陌生，行到每區有一間分店。今次係希慎廣場樓上店食，快餐一樣上餐速度😆，點完餐搵位剛坐低一陣就可以拎餐，唔餓既關係只叫米線和小食，下次再試其他野，對撈薯粉好有興趣。.餐牌以自選米線、過橋米線、小食、飲品等為主，仲可米線轉菜底，$38自選米線可以配一款6蚊配料，可另加錢加其他配料，第二步揀湯底（麻辣/ 煳辣/ 三哥酸辣/ 番茄/ 砂砂/ 清湯/ 素清/ 酸辣湯），最後揀辣度，由唔辣到特辣有十個等級。▼金菇魚蛋米線 HKD 45三哥酸辣湯底 10小辣 +HKD 2牛丸魚片頭米線 HKD 45番茄湯底 +HKD 2土匪雞翼 5隻 HKD 34▼金菇魚蛋米線揀酸辣湯底，有芽菜韭菜等配料，自選10小辣，香口惹味剛剛好，湯底夠香夠辣，金菇索晒湯特別正，難怪香港朋友講我知佢平時諗唔到食咩就去譚仔。.番茄湯底🍅加上唔辣，屬於清淡湯底類型，面頭一大堆番茄蓉，微酸甜開胃，食落健康既感覺😂，配米線一齊食不錯，唯獨同自選兩個配料唔係咁夾。.必叫小食 土匪雞翼 香口滋味，表面孜然粉鹹香，配黑芝麻香味，一個人搞掂一盤無問題。

行到入去希慎廣場嘅food court 實在花多眼亂好多嘢食 仲要撞正午飯時間好多人 最後再決定我食呢間唔使我介紹太多嘅譚仔三哥雲南米線等咗大約5分鐘就有得食！通常去譚仔都會食雲南過橋米線 啊，因為有晒咁多種唔同嘅配料 每樣野都可以試吓 有我最愛嘅炸醬同埋墨魚丸 食到一半 忽然好想食土匪雞翼 即刻行返出去叫多五隻！土匪雞翼都保持到一貫嘅水準，有好香嘅黑芝麻鋪滿喺雞翼嘅表層，再加埋調味真係一流！ 飲品就同小食跟餐 +$12 就有一份N雲耳同埋一杯凍檸茶

銅鑼灣希慎 開咗譚仔三哥，返工食晏就多一個選擇吧。不過lunch time勁多人叫外賣，加上鋪面人手唔多，經常要等好耐，中過兩次伏，都甚少再叫。今晚好夜收工，趕喺阿姐收舖之前，成功叫到最後一個餐。蕃茄豬膶竹笙薯粉，係我最想食嘅配搭。豬潤少少過熟，竹笙好吸湯，簡單食個薯粉，就係放工之後最好嘅晚餐。另外口痕再加多個皮蛋，一個人其實份量有啲多，如果可以減半分就好啦。

Intro: 相信大家一定食過三哥，呢到嘅水準一直保持到，個人認為呢到嘅炸醬比譚仔做得更出色，而呢一日去左希慎嘅food court，心血來潮好想食三哥，如果真係想試哂咁多樣餸，叫過橋米線就最適合不過！___________________🍽 過橋米線💰 59+1（轉麻辣五少）⭐️ 7.5/10✍🏻 成碗米線嘅餸真係好多，雖然每樣嘅份量得一兩舊，但基本試哂三哥咁多個餸；✍🏻 米線嘅份量同正常單叫餸嘅一樣；✍🏻 三哥最出名係炸醬，份量多之餘，將炸醬夾埋米線再連湯食到又鹹又辣嘅味道；✍🏻 豬潤、雞肉同牛肉都好滑好新鮮。___________________🏠 譚仔三哥米線 📍 銅鑼灣軒尼詩道500號希慎廣場11樓1109號舖⭐️ 7.5/10___________________

喺做gym之前喺希慎搵嘢食，咁多間之中都係食返最愛嘅三哥咁因為有新品撈薯粉就嚟試下我嗌咗小辣，嚟到嘅時候隻顏色好淡，然後我撈勻之後食一啖，冇酸味，食第二啖好淡好淡嘅辣味，咁我就以為係碗嘢嘅問題啦，但係我去第二間分店食嘅時候呢就冇問題，都唔係話特別酸，但係唔係無味，所以我就諗可能其實係food court嘅問題公道啲講句佢嘅蒜泥白肉呢就冇問題嘅，都係咁好食，食完都係口臭🤪🤪但係下次呢再嚟嘅時候可愛就會叫普通嘅米線就唔會特別試新嘢

譚仔三哥米綫係Hysan Place Foodcourt開左間新分店，好近公司，變成了同事們的飯堂。三哥同譚仔一樣，都係第一步先選餸，之後選湯底，最後選辣度。因爲星期六關係，超多人排隊落單，需要等半小時，先可以攞到碗麵。.今次叫左3個餸，分別係鷄肉、豬潤、冬菇，湯底選左普通酸辣，呢款湯底係無得選擇酸度同辣度的，不過最鍾意呢個湯底，好惹味。.鷄肉份量多，無鷄皮，鷄肉嫩滑，吸收曬湯底味道；冬菇有4粒；豬潤有7、8塊，算多。

雖然譚仔三哥開到成行成市，總有一間係左右🤣 好事係隨時都可以醫到譚仔癮，但並唔係間間譚仔味道分量都咁統一。食過咁多間譚仔，敢說呢間分店係咁多間譚仔三哥最多配料份量，韮菜腐竹芽菜份量多，豬潤亦夠厚身，足足有6塊之多😋 而且味道亦係正常發揮🤠 好耐無食過足料譚仔🤣 呢間分店抵讚🤩🤩🤩

我鍾意食米線，呢間米線是第一次令到我食兩啖就唔想食，最後盡量食咗三份二都要放低筷子。我今日喺希慎food Court呢間譚仔三哥米線買左個水煮湯底鴨血米線，啲米線好諧霎霎，又硬，個湯同鹽水冇分別得個咸字，鴨血更加是鹹到好似食鹹啫喱咁。我而家有一個感覺是以後都唔想再食米線。落單嗰陣仲要俾個收銀姐姐用超凌厲嘅眼神啤左我幾分鐘，同佢嘅態度同我欠咗佢冇分別，今日只可以用「貼錢買難受」來形容自己。

為慶祝譚仔三哥東京分店開幕，香港譚仔三哥都同步推出左幾款期間限定既小食同米線食材! 梗係要立即去試試啦！🧡三哥水煮湯老油條鴨血米線🧡台灣直送嘅鴨血口感嫩滑、入口即溶！老油條脆卜卜浸湯食更惹味！🌶️加埋用上15 種香料同醬料嘅水煮湯湯頭香濃辛辣，簡直係完美嘅配搭！我揀左中辣夠哂刺激味蕾！💙油揚、京白菜，鵪鶉蛋💙全新嘅日式米線食材配番茄湯🍅油揚吸收哂番茄湯嘅清甜，京白菜味道清新爽口，加埋軟綿細滑嘅鵪鶉蛋！湯頭酸酸甜甜好開胃！💜港式小食💜蒜香雞翼尖同蒜辣雞翼尖，涼拌嘅小菜最適合春夏季食！兩款各有特色，蒜香嘅蒜味突出🧄，蒜辣就辣得過癮🌶️  ❤️香醋芝士鮮原茄❤️頂層一層芝士粉嘅原個去皮番茄，配上混三哥秘製紅油的香醋醬汁，估唔到味道咁夾！💚鴛鴦哈蜜瓜爆珠梳打💚最後飲返杯以哈密瓜汁同赤肉哈密瓜味道嘅爆珠梳打！清涼解辣又好味！

拜訪呢間譚仔三哥分店之前，上黎openrice見到只有兩個食評，兩個都異口同聲地負評，話呢間分店會漏單、執錯外賣，睇到我都有d驚，但我又好想食呢期熱推ge水煮鴨血米線，附近又最近呢間分店，咁都試下啦，諗住無咁橋唔會中我俾人執錯單掛。點知一打開外賣盒，發現呢間分店無令我失望，同其他openricer一樣，我得到一份執錯ge外賣，鴨血油條米線無左油條，蒜辣雞翼尖變左唔辣（我喺網上外賣平台落單ge，見到網上外賣平張單我無揀錯到，但譚仔打出黎張單就錯左）。講番個鴨血米線，其實幾好食，上網睇人話舊鴨血唔好食，但我覺得湯底同鴨血都唔血，可惜佢漏左單我試唔到油炸鬼好唔好食。另外雞翼尖都唔差，但因為佢俾錯唔辣我，試唔到蒜辣雞翼尖似唔似b仔嗰隻雞翼尖。總結，兩樣食品都值得試，幾好味，但建議大家去番其他可靠d ge分店會好d

叫外賣,湯底錯咗,鎹又無畀, 最後者係變左清湯齋米線🙄🙄🙄打電話去查詢番店員.店員認錯態度都好既.話下次會補返.咁就算啦🙃🙃點知道第二日打去霖住距補番畀我先叫啦,點知道店員態度差到極點⋯⋯😡😡😡補完後係收咗我 鎹錢 同 湯底錢🙄🙄🙄咁補完都係我畀錢 咁我使乜要妳補😡😡😡問題職員言語態度惡劣,依咖係你地出錯在先,點解態度仲要係咁🤷🏼‍♀️🤷🏼‍♀️🤷🏼‍♀️真心差評咯.

落完單，叫我留意顯示牌，我見都多人，等咗20分鐘先問包外賣嘅員工，不過佢唔應我。等到30分鐘，再問，先知已經包好，一直放喺度！拎到返公司，發現少咗個餸，好嬲，唔會再幫襯！