譚仔三哥米線 (利東商場一期)

營業中

休息中

今日外賣叫左三餸麻辣十小辣米線 腩肉，竹笙，淮山無左兩款只有腩肉一個餸😕味道就正常下次都係唔再係呢間叫外賣之前堂食已經試過漏餸 但堂食都可以即時補返叫外賣就算 店舖電話又打唔通

yuki平時都鍾意食譚仔三哥😗特別鍾意食炸醬酸辣少米🤣可以話係陪住我過成個中學😹又平又抵食，雖然個湯底有啲鹹😹人越大，越想試吓唔同嘅嘢見到最近三哥出咗三酸撈薯粉😍好似幾好食咁，就去咗試下😗入面有好多唔同嘅配料，薯粉都幾好咬口😳不過就可能個人唔係食得好辣，超食越覺得很辣😹所以食到一半就頂唔順我另外再加咗炸醬，三哥炸醬一直都係咁好食🤣🤣🤣鐘意食辣既都可以試下🥰個酸味都唔錯👍🏽

經外賣平台叫清湯底，兩張單都寫住清湯。拎到返屋企食左啖，辣嘅。倒左湯，自己再用清水沖淡都仲係辣，仲有兩片辣椒片浮左上面。咁我叫清湯同十小辣有咩分別？*張圖已經係用清水過左一次嘅狀態

工作關係要周圍去，利東老實講真係比較隔涉，好彩有間譚仔三哥🥹🥹 總算有啖好食🥲🥲最近出咗新口味，Jeffrey bb嘅砂砂湯肥牛鹿茸菇米線，想試好耐，終於試到，但係由於我唔係真係太食得辣，所以只係嗌咗十小辣，佢個湯味道好濃郁，有啲喇沙嘅feel, 帶少少辣，啲鹿茸菇同個湯底都好夾，肥牛正就唔洗講，又有新湯底又多個選擇，開心👍不過最可惜佢只係限定可以配呢2 樣餸，冇得揀其他餸，如果唔係會再正啲🤣 不過望住Jeffrey bb 食個晏已經好開心😂😂😂

快一年無食譚仔了。舊年五月開始低醣低碳減肥後，幾乎戒晒粥粉麵飯及麵包。近两月中午至食返澱粉質。附近商場竟然開咗間三哥，當然忍唔住要食我至愛既麻辣豬腩片米線同土匪雞翼啦。味道依舊，又唔洗搭車去香港仔，無理由唔速速幫襯吧？