譚仔三哥米線 (竹園廣場)

營業中

休息中

作為譚仔三哥嘅忠粉絲每逢有新嘅都一定要試呢個係佢第一日推出撈酸辣粉。一收工第一時間要去食 點左中辣酸辣粉本身配有豬耳青瓜雲耳薄脆榨菜配料份量唔太多如果唔夠可以加自選料我就再加咗個爆辣豬扒..之前食過勁岩我味！好辣..豬扒仲好juicy 唔鞋口！辣上加辣食上癮酸辣粉份量夠.好有咬口！醬汁都夠撈完食晒都仲有醬汁淨....當然要配有杯冰檸檬茶先可以圓滿個飯餐啦！係一款試完可以再食既食物..但唔知係限定定係列入餐廳指定菜式

相信好多人都係譚仔三哥fans， 今次誠意介紹呢個配搭: 牛肉米線(蕃茄湯底)，新出嘅"爆辣小豬件"，同埋柚子桂花茶。💡爆辣小豬件($23): 剩叫碗蕃茄湯米線有啲單調，叫埋小食就搭配得剛剛好。小豬件果然有驚喜，辣到噴哂火，岩哂食得辣嘅朋友仔。肉汁爆滿，即叫即烤，肉質鮮嫩，仲有多款香料同秘製醬料當調味，好惹味，心郁郁想encore，絕對可以挑戰土匪雞翼嘅人氣地位😛唔食得辣嘅朋友仔可以試下"鹽香小豬件"，以混合嘅胡椒香料同埋椒鹽醃製。💡柚子桂花茶(加配$10): 果味濃，有養生潤肺嘅功效，感覺好清新，完全唔會過甜。香噴噴令個人放鬆紓壓。食完辣野可以用嚟解辣。💡 牛肉米線(蕃茄湯底): 蕃茄湯底岩哂唔鍾意食辣又唔鍾意清湯咁清淡，蕃茄豐富營養，唔會太油膩，夠健康呀。唔駛膽心係未色素，保證用鮮甜蕃茄製作，真材實料。份量又多，食落啖啖番茄肉，真心坻。💞仲可以自己揀辣定唔辣💞仲唔少得蕃茄素湯，岩哂素食朋友仔。譚仔三哥嘅牛肉大大塊，有幾嫩滑幾好味相信大家都知😄😄😄💡最緊要係分店多，地點就腳😍誠意推介!#譚仔三哥#爆辣小豬件#柚子桂花茶#三哥賓治#香港美食#hkfoodie#foodiehk#hkbl

相信好多人都係譚仔三哥fans， 今次誠意介紹呢個配搭: 牛肉加生菜(蕃茄湯底)，乍醬烤四季豆，同埋白薄荷雙檸梳打。💡 牛肉加生菜(蕃茄湯底): 岩哂唔鍾意食辣又唔鍾意清湯咁清淡，蕃茄豐富營養，唔會太油膩，夠健康呀。唔駛膽心係未色素，保證用鮮甜蕃茄製作，真材實料。份量又多，食落啖啖番茄肉，真心坻。💞仲可以自己揀辣定唔辣💞仲唔少得蕃茄素湯，岩哂素食朋友仔。譚仔三哥嘅牛肉有幾嫩滑幾好味相信大家都知😄😄😄💡乍醬烤四季豆($14): 剩叫碗蕃茄湯米線有啲單調，叫埋小食就搭配得剛剛好，食得又滋味又健康。精選嘅四季豆香味俱全，即叫即烤，好受歡迎嘅乍醬好惹味。食落好開胃，心郁郁想encore😛💡白薄荷雙檸梳打(原價$15，加配$10): 有薄荷感覺好清新，新鮮青檸加埋有氣梳打真係好獨特，完全唔會過甜。如果食辣嘅朋友可以用嚟解辣。💡最緊要係分店多，地點就腳😍誠意推介!

譚仔有抵擋唔住既吸引力天氣凍左有點感冒但唔舒服都會想食譚仔唔食得辣野就試試個蕃茄湯啦第一次試..因為永遠只食麻辣首先見到好多蕃茄蓉..個湯色都比較湯飲左啖湯比想像中濃蕃茄味..仲帶點酸味好開胃有點驚喜不過蕃茄係要加$2既...都可以接受餸就叫左豬潤腩肉...豬潤好大塊...比平時有時會碎而細塊而腩肉就較平時肥..因為只會食肉..肥膏會咬走依然好食平時食辣都會叫凍飲呢次第一次叫熱飲熱奶茶茶味都夠濃..比想像中好飲但還是最愛麻辣

總有一間喺左近既三哥譚仔米線！🍜平時我每次叫親都係叫過橋米線！🍜因為佢真係好大碗！🍜一碗可以兩份👭甚至三份分！👨‍👩‍👧我自己會夾少少米線，再配埋佢比你嘅肉醬酸菜，再浸小小麻辣湯底🌶或者酸辣湯底，個肉醬同酸菜甜甜地可以中和返個湯底既辣味！🥰🌶🍜過橋米線既餸入面咩都有！🐔🐮🐷仲好多款！👍🏼我鍾意食雞肉夠嫰滑！🐔👍🏼鍾意食白魚蛋，鍾意食竹笙！😋豆腐卜索晒湯底汁食好入味！🌶😋👍🏼小食一定會叫蒜泥白肉！🐷土匪雞翼好多人鍾意食，但小妹就一般，多數會叫口水雞翼！🐔雖然呢度口水雞翼都比出面遜色！但有時都會叫黎過下口癮！🙊最緊要碗過橋米線搭救！👍🏼😋#譚仔三哥米線

喜愛食辣的我，平時來到譚仔三哥就最愛點麻辣四小辣米線。今次，竟然俾我發現有湖辣豬肚米線，見到有豬肚，糾結了一輪，便點了試試，因為之前未試過點湖辣。原來湖辣真的超好味，而裡面的配料原來有我喜愛的炸菜，一邊吃米線一邊飲湯，好味到停唔到口😋 豬肚真很入味，下次除了麻辣之外，我又多個選擇喇🤗😍另外當然唔少得我最喜歡的土匪雞翼，土匪雞翼即叫即整，外脆內軟又多汁😋😋正啊。

因為我好耐無食過譚仔啦，突然好想食譚仔的清湯米線，所以尋日就同左男朋友去左食譚仔的清湯過橋米線，兩個人分啦。落單之後，我地去左自助水吧裝水飲，呢家都幾方便，要飲水唔駛叫人比，可以自己嚟，等左大約10分鐘左右就有啦，鍾意食套餐就係因為佢好多餸都有啲，可以一次過滿足晒所以願望，加上大大碗，都真係好抵食，不過我個人覺得米線份量不算太多，可能大約個半人份量左右，但係食到尾其實好夠飽的。咁多樣餸我最愛就係雞肉、炸醬、酸菜、芽菜、火腿，仲有佢啲湯真係好好味，次次都飲晒。

在竹園工作，又想出外透透氣近近地去食譚仔譚仔選擇多 可以揀唔同湯底同食材今次同同事兩個人 一人一碗米線～再share 大土匪雞翼都夠曬飽！！我叫左片頭清湯米走九同事叫左麻辣湯十少辣，配以吸味既冬菇每人再食幾隻雞翼 外脆內多汁 食到飽一飽再開工有時我地會半價加杯飲品都幾抵架！！食個陣發現呢，原來蕃茄湯底都全日供應啦，唔係下晝3點後先有得叫，蕃茄湯底除左蕃落味濃，仲有一片片蕃茄肉，原汁原味，下次都會叫蕃茄湯底食！順帶一提，午時坐滿，但譚仔姐姐都會幫我地砌到有位，上野食都快，所以都方便！

相信好多人都係譚仔三哥fans，但知唔知道譚仔三哥其實有番茄湯底呢? 今次筆者就叫最鍾意嘅牛肉加雞肉(番茄湯底)，有幾嫩滑幾好味相信大家都知😄😄😄 💡以前下午三點先開始供應，而家已經唔駛再等三點就有得食，係全日供應呀😍💡岩哂唔鍾意食辣又唔鍾意清湯咁清淡，番茄豐富營養，唔會太油膩，夠健康呀💡唔駛膽心係未色素，保證用鮮甜番茄製作，真材實料💡兩餸都係$41而已，份量又多，食落啖啖番茄肉，真心坻💡味道好濃厚，食落好開胃，心郁郁想黎多碗😛💡仲可以自己揀辣定唔辣💡仲有番茄素湯，岩哂素食朋友仔💡最緊要係分店多，地點就腳😍誠意推介!#譚仔三哥#番茄湯#全日供應#番茄素湯#foodie#hkfoodie#hkig#foodiehk#foodstagram#美食#香港美食#hkblogger #hungry #foodphotography #holiday  #hongkongfoodie #hongkongfood #hongkong #likeforlike #手機食先 #hongkongblogger

今日訓到中午先起身 又唔想食飯 就食個米線先啦 叫左個套餐 三小辣 個湯底都keep到水準 都係一樣味 套餐好多餸 因為好肚餓先叫左個套餐 所以食呢個就岩喇 因為份量都好足夠 夠晒飽

🔅🔅🔅雖然有點病病地的感覺但又未至於要食清淡粥所以揀左去食三個譚仔🔸<雞肉竹笙麻辣湯五小辣米線>一直以來雞肉是我百搭之選豐富了湯底辣起來帶點鮮甜味吃起來肉很嫩滑不會覺得柴口竹笙完整地吸收了湯汁的精華一咬下去先是標汁後是爽滑的感覺米線的份量超級多但我還是慢慢地吃完了雖然飽到撐著了但絕不浪費～～！🤘🏻🤘🏻🔹<凍檸檬茶>檸檬茶要了少甜檸檬有四塊這麼多與茶底混合起來酸酸甜甜好新鮮也很解渴～🔅🔅🔅

我喺星期六同朋友行完山嚟食午飯，因為黃大仙廣場選擇唔多，所以揀下揀下我哋就喺度排隊。一去到成個門口排晒長龍，我地攞咗飛，有十幾個Number先到我哋。裏面好多人，等咗大概15至20分鐘知道我哋入到去。真係唔會recommend weekend過去。入到去好快啲阿姐就問我地落order。我揀咗個清湯配墨魚嘅米線。因為比較鍾意去唔同嘅分店試同一樣野。過咗大概15分鐘，我碗米線就嚟啦。個清湯唔錯，應該冇乜味精，啲墨魚丸亦都OK。其實依家香港食好貴，所以$35食到碗麵已經算係OK啦。啲水準都保持得幾好，係比較平價食物chain store比較OK嘅值。

今日中午見好耐無食譚仔，特登一個人走去叫左竹苼中辣加土匪雞翼。。上菜速度快左，味道好似比以前無咁辣，但個雞翼真係最正，熱辣辣，令人食過番尋味！真係糧尾恩物！抵食大份！夠飽

譚仔三哥有股神秘力量，就係無啦啦會好想好想食，國慶好日子約齊人上朋友屋企打機，夜晚突然想食三哥，即刻一行八人衝晒落去！我地一人一碗自私米線，再叫左大量小食：必點土匪雞翼、大蒜泥白肉、尖椒皮蛋、麻辣豬脷、口水汁豬脷、醋香雲耳⋯食米線食到好似食小菜咁，都咪話唔搞笑！

其實要連續食幾多日譚仔三哥先會食厭呢想當年當譚仔只係係深水埗有店嘅時候,已經成日突登去食，宜家周圍都有得食，仲更加食得瘋狂一碗又平又抵食嘅三哥米線真係人見人愛，不過個人覺得其實每一間鋪嘅辣度都會有少少差異，就算點相同嘅辣度，深水埗店嘅就相對比較辣啲，但黃大仙竹園呢間就無咁辣喇。對唔食得太辣嘅我黎講呢間都食到3小辣今次就揀左酸辣黎食湯底夠酸好惹味，牛丸不過不失，豬潤因為叫外賣所以比較硬，豬潤現場食會好味好多鮮冬菇會令到個湯底都有冬菇味，個人覺得佢好襯酸辣湯火腿就比較普通