譚仔雲南米線 (富東廣場)

營業中

休息中

諗住唔好嘥有張「贈券」今日到期，於是去咗譚仔食米線，輪候時間唔算長（可以話即刻有位），但職員態度極為惡劣，回答問題完全無尾音，送餐係大大力掟落檯面，米線分量少9中、餸菜分量少（腩肉得嗰薄薄2嚿）味道麻麻，真係唔會再去！講埋味度；米線味道中規中矩唔係特別好又唔係特別差，屬於可接受水平，但溫度就唔係幾夠，腩肉就認真麻麻薄薄2片，可能切得太薄口感唔似腩肉，墨魚春卷味道、口感屬可接受水平，雞翼味道一般、口感太乾，凍奶茶茶味及奶味屬中規中矩，叫咗少冰都成半杯冰，唔敢想像無叫少冰會唔會成杯冰。

我今天和我媽媽一齊去東薈城行下買下嘢，未去之前我們就先醫肚，因好奇又見好似幾唔錯，就入咗去食，一入到去除咗見到好多人外，我們就坐咗入去啦…之後我就叫咗各人一碗米線。但係賣相就真係差……我覺得所有食物都差！差！差！又細碗又差又貴又少嘢揀……都係逸東三哥好啲我真係覺得我寧願飲茶去茶樓，都唔再去譚仔雲南米線。😔😔😔😔😔😔😔😔😔😔😔😔😔😔😔😔😔😔😔😔😔😔😔😔😔😔😔😔😔😔😔😔😔😞😞😞😞😞😞😞😞😞😞😞😞😞😞😞😞😞😞😞😞😞😞😞😞😞😞😞😞😞😞😞😞🤮🤮🤮🤮🤮🤮🤮🤮🤮🤮🤮🤮

咁啱過咗呢一區工作今日 想地鐵之前就去咗富東商場呢一間譚仔食少少嘢先返屋企 餐廳嘅位置喺角落位 穿過超級市場就見到 我下午茶時間佢唔係太多人 所以都可以安排到卡位 唔使同人哋迫過橋米線酸辣 我就叫咗過橋米線 咩都有唔使諗 啱晒啲選擇困難症嘅我 佢嘅湯底非常濃郁 酸酸辣辣嘅味道亦都令我非常開胃 非常鍾意佢呢一個味道 佢嘅牛丸墨魚丸同埋魚蛋都非常爽口彈牙 亦都鍾意食佢嘅炸醬 炸醬亦都好好食 再加埋米線嘅味道都好夾 其他配料亦都非常好食 雞肉亦都係我嘅最愛 呢一間連鎖米線嘅質素真係不錯

黎到大嶼山遊下之後出番黎東涌, 唔想係大商場搵野食, 所以就食左呢間譚仔了呢間都算大間而且都多人食既, 點左雞肉腩肉豬紅清湯米線, 皮蛋, 凍檸檬茶.雞肉腩肉豬紅清湯米線, 都算OK, 不過大哥既米線始終係有D硬唔夠軟身.雞肉同腩肉味道正常, 份量有點少, 雞肉有DD 係肥少少.皮蛋口感就比較林一點, 唔算好彈牙, 味道就OK既, 都算有D 辣.凍檸檬茶正常茶底.不過呢間譚仔係晚上8點幾就有垃圾車係廚房推出店面,之後再推入番廚房, 條路本身有送餐車已經封左條路, 再推垃圾車出入根本唔夠位,好容易碰到食客, 欠缺衛生...整體黎講, 食物可接受, 但垃圾車係咁多食客仲食緊野之下推出推入欠缺衛生

用餐高峰期千萬不要光顧，管理極度混亂！在App上訂了外賣自取，App上寫15分鐘內準備好，等了半個鐘仲未有得攞，問前台，結果前台姐姐叫自己去廚房櫃檯搵，去到櫃檯，又叫我去收銀機台搵

外賣三併米線，外賣平台有優惠，可以嘗試叫，叫了豆卜，羅伯，枝竹加兩蚊有薯粉，因健康的關係走野飲，抵食大件又健康，唯獨是外賣的速度比較慢，需要耐心等候。堂食則比較快。自選米線可符合自己的口味。

今日同朋友去開東涌shopping，諗唔到食乜嘢就過咗嚟食呢一間譚仔，譚仔其實都食過好多次，不過就係有一種說不出嘅吸引，而家間譚仔嘅質素都唔錯，店員亦都非常客氣，我哋大概等咗4至5分鐘之後有得食，等候時間都唔算太耐，而且店入邊亦都唔算太多人，米線嘅軟硬度，我覺得適中，唔會太林，今日就叫咗腩肉，腩肉肥瘦都適中，係我哋最愛嘅味道，最後加咗杯凍檸茶，味道就正正常常不過不失，希望呢一間可以keep到水準！

第一次用譚仔會員apps 去到即刻有姐姐帶位入座 在講咗有會員後還快就拎咗張連檯號QR code來，介面簡單明瞭 有咩優惠都會即時展示出來，以前都係食開湖南酸辣湯底 今次就試咗重慶酸辣湯底 大家都係酸辣但真心好唔同，重慶酸辣湯底係醋酸味，鍾意食醋嘅值得一試！之後嗌咗土匪雞翼，四川青椒皮蛋！ 個人唔鍾意啲雞翼咁腍，但味道都有水準，而四川青椒皮蛋，一如既往咁好食，重點係佢啲汁香辣適中，加上辣青椒，令到皮蛋更加有惹味！因為青椒係粒狀，唔會黐住皮蛋令唔鍾意青椒嘅人都可以食！

譚仔的米線出名已久，但這才是我第一次去，見識見識！譚仔主打米線，當然是嘗試一下米線，原味清湯米線，湯底不錯，且材料十足，不容置疑。還有特色的是餐廳會再配合特色配制的肉碎四肉醬，以及酸菜，令到米線的清香味道更加提鮮。但吃過傳統滾熱的米線鍋，總會覺得這米線只是湯粗米粉，總是溫不是熱，沒有鍋也不像樣。可惜，香港這樣時間緊迫的環境，就它改良後適應了需求，客群也特別多，尤其是打包帶走一族。找到人和地的特點而作改良是某些成功重點。

平日等左成半粒鐘,野食先到,加十三蚊加左杯菠蘿味無糖可口可樂特飲,杯野飲完全冇氣,問個啊姨換一杯有氣,佢講味“因為係無糖可樂所以冇氣”完全唔明點解可以冇氣,我個frd 杯可樂擺咗成廿分鐘都仲有氣,絕對唔會再幫襯

20230225--週末--譚仔雲南米線地址: 東涌富東街6號富東廣場1樓110C號舖中午食牛氣放題，閒逛東薈城後，走到了富東廣場，己到晚餐時間，不太肚餓，又想休息一下，剛好路過譚仔，不用等位就進內食碗米線這間譚仔地方寬敞，客人有八城入座率，侍應生不多有餐牌提供，可QR Code下單，店員也會有禮幫忙下單QR Code 下單點餐:炸醬米線($37)配湖南酸辣湯底($1)本身叫了炸醬，鄰桌食客有一免費炸醬，她不吃轉贈給我，不過兩碗炸醬賣相略有不同，不知原因。基本米線底有九菜、腐竹和芽菜，米線量足，湖南酸辣湯底五小辣，湯底味道較淡，不酸也不辣，味道麻麻，幸好有炸醬添味土匪雞翼($26)近年譚仔的雞翼味道已大不如前，雞翼變得細隻，味道也沒以前香，肉質似是烚熟焗一焗的味道譚仔米線味道一般這間分店座位寬闊，二人和四人的座位也不少值得一讚此店的店長，有客人多番查問下單程序，仍然不厭其煩有禮耐心地解答

超級差！等咗一個鐘！如果只做外賣的話不如關門算了堂食就要等一個鐘先來，而外賣就不斷出貨，不如停了堂食只做外賣吧！服務態度極差！服務態度極差！服務態度極差！絕沒有下次！

每一次！係每一次嘅外賣都係等好耐 25分鐘係基本 但每一次！啲姐姐都係多到企喺到吹水 行行企企 完全唔急 hea住嚟做 咩事？退咗休？放慢手腳嚟做 他他條條 完全冇一個幫食客嘅心 行到埋去cashier望住佢哋 都仲傾緊計 而堂食嘅客得一半 唔明有咩要搞咁耐………..好喇，等到終於見到有外賣推緊出嚟，推到出嚟居然走咗去傾計而唔係叫number……..我行埋去問先至話係我嘅號碼….唔休做都唔係咁嘅服務態度？唔該譚仔認真改善下。。。

平日都好鍾意食譚仔，但係每次黎到東涌富東商場呢間食都係受氣居多，上次黎食大概9點鐘，等左20分鐘，都無人過黎問我落左單未，舉手無人睇到，終於等到有人見到，叫我等等，忙完又唔記得左我，再落多幾張枱單都未輪到我，服務態度實在太差。今日又黎左食，晚上7點10分落單，7點44分左右先到，等侯時間太長，其實譚仔其他分店我都經常幫襯，但係富東分店人手實在太少，每次黎到都係唔好既體驗，希望老闆睇到呢個食評會改善一下

我諗大部份香港人一定食過譚仔，辣的情度分等级而出名，有些人更食上瘾，就算不是日日食咁誇，起碼隔一段時間又會想再食，這是在外國食不到的香港原味道。重慶酸辣過橋米線 $57+$1+芫茜$3 (小米線 -$1)= total $60應有盡有，又最抵食的"過橋米線"共有17種配料 :雞肉，牛肉，豬肉，牛丸，墨丸，魚蛋，火腿，韮菜，豆腐卜，腐皮，豬膶，豬腩肉，竹笙，酸菜，肉醬，芽菜，生菜。加埋芫茜有畫龍點晴的作用，因為重慶湯底比較油，芫茜有中和的效果，而且芫茜味濃，混合在湯底中，又出奇地夾。