譚仔雲南米線 (其士商業大廈)

營業中

休息中

非繁忙時間，全店兩枱客，一係就叫極都冇人，一嚟到落單就猛催，員工態度極差劣。落單啱但廚房俾漏餸兼夾做錯湯底，同阿姐講，阿姐繼續街市咁嘅態度自行幫我決定埋個湯底，就一句「由佢啦」，跟著就走咗去補返個餸出嚟，踢波補位都冇咁快。已經谷鬼氣，食食下碗米線入面仲要有條頭髮！連食物衛生都係離晒譜！我本身都冇乜寫開食評，但我都忍唔住一定要出聲。服務態度同食物衞生都係極差。譚仔好多店我都有食過，相信九龍灣其士呢間係全香港管理最差嘅譚仔。以後唔會幫襯！

說起來有點慚愧，咁耐以黎食譚仔都唔敢叫辣既湯，只係叫清湯。今次終於勇敢一試，試下十小辣的湯底，要加$1，辣度對我依啲想食少少辣但又唔受得辣的人來說幾適中，飲了一小啖湯都幾辣，所以我就咁食米線，咁就辣度剛好了！上菜有點慢，等了十幾分鐘後追問就立即有了。本來想用BOC Pay 付款，有優惠，但店員耐心試了兩三次都唔得，結果只能放棄優惠，失望，但都唔關收銀姐姐事，希望可以改善啦！$33 雞肉十小辣米線(連基本配菜:芽菜/韭菜等)

夏天咁熱唔想食熱湯米線🥱最近見譚仔新出麻辣汁烤雞炸醬撈米線聽到個名就覺得幾吸引，今日lunch一於試試🤟佢由5小辣起跳，食落OK，唔會覺得好辣烤雞整得又juicy又嫩雞皮有少少脆脆地，唔錯加埋炸醬同酸菜，味道配搭得幾好幾惹味🍜不過就略嫌佢個醬汁唔夠麻香夏天好啱食，唔會食到成頭汗1碗$43價錢都合理既....HAHA佢仲出左2款特飲凍海鹽柚子樂同青檸綠豆薏米冰不過我今次就無試啦😂期待譚仔下次再出新米線😁

平日差唔多1點鐘去到門口，等咗5分鐘都冇就可以入去喇呢間譚仔都幾大，入到去都接近滿座，其實附近都有啲人係叫咗嘢食等緊，都聽到有啲人喺度催叫咗嘢食差唔多10分鐘佢先拎張單嚟🥲落咗單大概15分鐘到，嘢飲同埋皮蛋已經到了，皮蛋都係發揮正常👌🏻👌🏻咁我同同事諗住午餐時間多人都正常嘅，就諗住等多陣，過咗20分鐘到，我哋決定催一催單，侍應姐姐話而家午餐時間等20分鐘係正常嘅，你哋等吓啦， 我哋都明白所以就等多一陣過多10分鐘，我哋都再問多次位姐姐係咪正常㗎，我哋等咗30分鐘啦喎，佢就攞走咗我哋張單去check再過多10分鐘，佢就拎住張單嚟話已經整緊㗎啦好快上得，我見到有啲遲過我哋嘅人都已經有嘢食🥲🥲🥲最後我同同事等咗九個字碗嘢先黎，食到谷鬼氣碗嘢味道正常，但我太肚餓冇影呀！😡😡😡同埋來回譚仔嘅時間🤡🤡下次一定唔會嚟啊！

今日難得可以早小小出去食飯就去左食譚仔，因為譚仔都算係好熱門既選擇，每日只要遲小小去都唔會有位食到，所以譚仔算係好高難度先可以食到既餐廳。咁我就叫左個雞肉金菇米線三小辣。雞肉有雞味，而且又煮到岩岩好；金菇又可以索到個湯味，每一啖金菇都充滿左湯底既香味。而三小辣個辣度又係岩岩好會有陣辣味同時又可以保持到本身湯底個鮮味。

堂食唔知掂唔掂但外賣就垃圾、超級垃圾等外賣等到嬲一係就學下德福Beans，人多等外賣要超過30分鐘，你肯等先黎買電話/apps/walk-in又無限收單原來整唔設又唔截單大佬呀～買得外賣就係想快點知要等成45分鐘，真係棟棟企足9個字，無陰公。全體等外賣等到嬲。見到同時間黎到餐廳，堂食那個人都食完左，我..仲等緊咋等咁耐，仲要返到去先發現漏左個小食併盤。頂...仲要漏單。嬲上加嬲。仲有呢間比其他譚仔難食就連堂食...真係無下次

好耐冇食呢間譚仔不過見佢出咗香西皮蛋魚湯湯底所以今日特意去試下由於午膳時間 排隊嘅人都好多 我哋等咗10分鐘先有位入到去基本上有一半嘅食客 枱面都未有嘢食 我地都心知不妙 最後點完餐 都的的確確等咗20-30分鐘食物先至到齊可能原先對魚湯嘅期望好高所以反而有啲失望食落魚湯有魚味 但係鮮味唔突出爽鯇魚只有三四舊 味道還可 皮蛋數目係多嘅 芫荽就適中啦 總之整體來講不過不失 但唔算有驚喜另外 見到佢有新嘅飲品 就係葡萄特飲有乳酸爆珠 抱住一試嘅心態 Hahahaha果然杯嘢飲出出地事😂有啲過甜又古怪 佢好似仲有香茜特飲添架🤣姐 我真係未有勇氣試住 呢間譚仔始終唔係我杯茶 都係食慣三哥味道🙈

用外賣app叫餐，可以制作1個鐘都送唔到出門口，預計時間一遲再遲，再早d叫又晨咁早送黎，11點50分叫，1點05分司機才取到餐，午飯時間12點30分至1點30分，預計時間形同虛設12點唔夠就落單，3碗米線要做成粒鐘

嚟到譚仔食咩好？梗係嚟食米線啦，湯底我就最鍾意食重慶三小辣啦！辣度啱啱好，配上豬潤簡直係一流，不過豬膶就真係唔可以太熟，所以最好係堂食！如果外賣的話，就會好熟，唔好食！今次我仲加咗一份蜀香豬肚絲，真係無敵咁好食，配上花生，又香！辣度啱啱好，唔會太辣，係香港人接受到嘅辣度！飲品方面，我叫咗凍檸茶！配上辣嘅湯底，凍檸茶真係可以清到嗰種油膩感同埋好辣嘅感覺！下次過嚟，我會叫份土匪雞翼食下！又係譚仔有名嘅小食！好味，正呀！

公司放中午飯，當然又係去返我公司附近嘅譚仔食米線啦！平視我一星期都會去兩三次譚仔度食米線！譚仔啲米線真係幾好食，湯底又夠濃！近排佢出咗新款嘅泡椒酸菜脆鯇米線，梗係一定要試吓啦！今次我仲加左墨魚春卷，更飽肚又豐富！泡椒酸菜米線，湯底夠晒味，夠晒啦，少少酸，不過就唔似平時酸菜魚湯底的味道！有少少失望，但都好味！脆鯇如果份量再多啲就更加好啦！同埋如果可以再大片啲會更加開心！墨魚春卷好似換咗新款，冇上一款咁好食！凍檸茶都係咁啦，一般，但有飲得落口！

今日公司太多嘢做，結果要做到下午三點幾，先有時間出嚟食個飯。由於三點幾都好遲，又就快要食晚飯，所以揀咗一間可以食到下午茶嘅餐廳，配上米線就啱晒啦，因為易啲消化，又唔會太飽。嚟到譚仔，我叫咗我平時我最愛食的墨魚春卷及豬膶，配上重慶酸辣，簡直係絕配！當然係要有辣，因為更加好味，我叫的是三小辣。另外，我亦叫了一份蒜泥白肉。味道好，又香，不過食完口會好大陣味，要食粒香口膠清左陣味。略嫌可惜的是凍檸茶的小甜，感覺茶味好淡，太少甜味。但我上一次叫正常的凍檸茶的時候，又覺得太甜。譚仔要改善一下。

食咗譚仔起碼過百次，食嚟食去最鍾意雞肉二小辣，而小食嚟講麻辣豬耳都算係我top 3😄雞肉米線 ($35) (麻辣二小辣) - 套餐份量都好充足，夠晒兩個人食- 麻辣二小辣辣辣到好惹味，辣都好過癮- 湯底香濃，一上台就已經聞到好香麻辣味，麻辣豬耳 ($32)- 豬耳份量都幾多，兩個人分享一個都好夠- 豬耳咬落爽脆彈牙，作為小食一流- 辣味醬汁好多，但非常好味，餸米線好正凍奶茶($9)- 奶同茶嘅比例啱啱好，入口順滑- 食辣嘢飲凍奶茶一流譚仔真係性價價超高嘅平民米線之選，會繼續幫襯🥰

譚仔又出左新野啦🤭今次出既係 母親節期間限定 既蟲草花雞湯米線，主要功效 補身滋潤 抗氧化，材料都好充足，有 蟲草花 雞卷 竹絲雞蛋 雲耳 杞子👍🏻👍🏻除左用既材枓夠滋補，今次既雞湯湯底都特別好味，清得嚟飲落都幾濃雞湯香味，絕對值得一試😋今次新品都有個小驚喜，雖然寫明係竹絲雞蛋，不過咬落發現係流心架🤭(因為少食竹絲雞蛋，如果本身都係流心既請大家體諒體諒😅🤣🤣)p.s. 由於好多人都對新出既 蟲草花雞湯米線 有興趣，所以平日番工時間食晏排隊既人特別多，失望既係等左大半個鐘都未叫到我地張飛，一叫二人枱就過左我地去到好後，個職員既解釋係無我地個號碼😑 入到去叫完又亂曬單，遲嚟遲叫都食先過我地，比較混亂，食飯時間呢啲peak hours真係要好好改善下🧐

前幾日同同事傾開計，佢大推譚仔母親節特別menu蟲草花雞湯米線，咁我地就決定happy friday要一齊食譚仔做午餐！雖然限聚令放寬左，但係仲有好多人都傾向買外賣多過堂食，所以我地12:25左右到左譚仔，都唔洗點等位，量左體溫就入鋪頭坐低點餐了。我地12:31分點餐，一行四人都好棒場咁叫蟲草花雞湯米線，但係等左20分鐘都只係上左4杯野飲，咁我地就不斷嘗試呼喚職員幫忙追單啦，但係佢地好似睇唔到我地果枱咁，我地又舉手又開口叫先得到一個職員既關注，先追到第一次單。等多左5分鐘，見到一車又一車既蟲草花米線係我地面前來又去，就係冇一車係我地既，仲要遲過我地入座既人都已經大大啖食緊碗麵，話唔嬲你都唔信啦。我地又再同譚仔姐姐追單，終於係入座後30分鐘迎來僅僅兩碗麵，另外兩個人就只可以望梅止渴。好彩係我地想反枱離場既電光火石間，另外兩碗麵都終於上場。我地躁躁地咁呷一啖湯底，係比想像中既鹹左D，但係都好好味，有種好似醉雞既味道由湯底滲出黎。我地又咬啖雞卷，口感唔差，都幾入味。其他配料好似蟲草花、雲耳、等等都幾爽口，雞蛋仲要係我最愛既溏心蛋，我同事仲有蛋殼加料添。😃我地仲要幫一個同事外賣一碗番去，但係職

又黎食譚仔啦～平均一個月都會食一次，因為周圍都有譚仔的分店，所以想不到食咩的時候就會選擇食它！好彩譚仔時不時就會有新菜，今次都試左有兩樣新野，成日食都唔會話食到悶！🔸蕃茄湯竹笙米線🔸每次必點蕃茄湯，因為辣味湯底好假，試左一次就完全不想再試！叫一個餸都好夠，分量非常多，竹笙應該有差不多十條，加埋米線及其他配料，有時都會食唔曬！.🔸麻辣豬肚🔸新款小食！辣度剛好，適合我唔係好食得辣既人，仲有少少酸甜，呢個汁好味道。豬肚爽口，切到小小一片，好容易咬，推薦！.🔸雙檸樂🔸又一新品！ 係由咸檸檬同新鮮檸檬配搭一齊，再加可樂，味道帶少少咸，中和左可樂既太甜，非常夾！