譚仔雲南米線 (The LOHAS康城)

營業中

休息中

無食早餐，但又未到lunch Time, 見到譚仔開咗，睇完餐牌都OK, 平身已經成日食譚仔，就試下早餐。譚仔早餐主要麵食為主，可以揀兩餸米線、或一個主食（泡米通粉、通心粉、出前一丁）配炒蛋、腸仔、雞扒、午餐肉，加牛油厚多士，或三文治套餐，環顧餐廳見好多人食兩餸米線，睇嚟大家食得譚仔，都係揀番米線。最後叫咗豬潤、魚片頭蕃茄米線 （湯底可以改清湯或者加辣）,凍檸茶，豬潤無血腥味、食落算爽口，煮得岩岩好，份量都OK, 唔會得兩、三塊，蕃茄湯底鮮甜，加埋新鮮蕃茄，本身米線嘅配料，好豐富，忍唔住飲多兩啖湯，湯底飲完完全無口渴。碗米線加埋凍飲$40埋單，幾抵食，份量同午餐差不多，食完飽到下晝。

最近叫外賣發現呢間譚仔真係離譜，成日落錯單，叫小小辣落中辣，叫13分鐘去取成個鐘未有，最後終於拎到但落單紙浸左喺湯入面真心失望，你落錯辣度都算，仲浸埋張紙落嚟，點食先🤬

第一次來康城試譚仔嘅早餐，其實試一次就足夠，因為其實以價錢同味道處，都應該有更好既選擇。米線就係平時下午茶比較細碗既米線，早餐來講係岩岩好。另外亦點左早餐烘土匪芝士三文治，有蕃茄同肉醬可以選擇，今次我嗌左蕃茄，食落口既感覺真係有陣土匪味較特別，但未必個個接受呢隻味道用來做三文治。另外全部熱飲都係暖偏凍既，唔知係上枱太耐定因為凍奶而沖，如果追求「水滾茶靚」既人可能就會大失所望。

個個星期都食明知等得耐 就會打定落去落去拎 就唔使點等不過最近食兩次 蕃茄湯 都變得好淡味一打開就知無色無味咁就連叫米淋 返都去都係好生咁唯獨小食 係一直無變嘅皮蛋 雞翼 白肉 都ok

第一次外賣自取 平時都見企滿哂人 叫左個兩餸米線 6點55分叫 而家7點30 仲未有得拎 堂食既個個等到眼定定 下次要食一定要早半個鐘打電話黎先得 食碗米線15分鐘 等就等左35分鐘 係咪痴線 人都瘋呀大佬

<譚仔雲南米線>你地食譚仔中意嗌咩小食😛？有無固定餸同湯底一定會嗌啲咩🤣 基本上我次次都係嗌雞肉清湯或者雞肉蕃茄湯十小辣！-蜀香肚絲無得輸！最中意佢個香辣味 個汁送米線超正😍 肚絲有咬口又掛到汁 個辣應該唔食辣既人都可以食到的 同啲朋友一齊嗌多幾個小食share都好過癮😚四川青椒皮蛋 正常啦 多數都係撘單嗌多個食🤪 小食個汁真係好影響！遮到個隻鐵鏽臭味但都保留左皮蛋個蛋黃既香 不過係其他地方食糖心既話仲正🤭-📍譚仔雲南米線

每星期最少 點都要一餐嘅餐廳……就係譚仔！！唔食唔安樂～一食就會食上癮的米線！！譚仔分店多到香港每區都有相信大家都冇人識佢㗎啦～有時唔知食咩好 又唔知嗰區有咩食最啱就係食譚仔啦！！配菜 小食款式多香香辣辣就是我的菜～～平時最鍾意叫腩肉豆卜重慶小辣食完真係返唔到轉頭佢嘅腩肉肥廋分布均勻放入口完全feel到嗰隻幸福滿足感覺豆卜大大嚿 放入湯底 就好似吸水海綿咁吸收晒重慶湯底嘅日月精華每一啖放入口 就好似瀨尿牛丸咁樣爆汁譚仔就是我的飯堂 我的飯堂就是譚

次次都係酸辣湯，今次試下芫荽皮蛋湯底跟5小辣。其實佢係清湯裡加上芫荽和皮蛋，完全是湯還湯，芫荽還芫荽，皮蛋還皮蛋，雖然三者入到口才溶合起來，但味道依然豐富。 如果土匪雞翼係5星，那麽香草雞翼味道就無咁突出，所以比4星，但也真的不防一試。大熱天時配多杯青檸薏米水，爽！薏米淋淋地酸酸地，飲完好舒服。最後想提一提是清潔問題。我一個人所以坐面壁位，見到牆上沾了好多滴汁，有啲核凸。

每日都要諗食咩，今日經過譚仔，見到出左新野，寛麵，對不愛米線的我別有一番吸引力，二話不說一定要試試。濃湯豬軟骨寛麵，花椒重慶酸辣湯最少要3小辣，上台那一刻整碗麵都鮮紅，本以為會太辣，食落又不錯，酸酸辣辣，麵有嚼勁，彈牙，有一點點似刀削麵，豬軟骨香稔軟彈，夠入味，還有豆卜，吸哂整碗湯的精華😋喜歡。土匪雞翼譚仔必食，無論出面食，自己整，點都煮唔出譚仔味，孜然香味撲鼻，雞翼夠嫰滑，每口都有juicy的肉汁飲品+9元，簡單的晚餐

譚仔出咗一碗新嘅寬麵，係豬軟骨配花椒重慶酸辣湯，$44我哋喺臨睇戲之前食，估唔到都幾辣 （最少係三小辣），但係啲面唔係好有口感，譚仔都係食米線好味啲。有好多芽菜同韭菜，但係豬軟骨得三舊🥹

平日經過康城呢間譚仔，長期都一堆人排隊或者等外賣，一直冇機會試吓。今日經過難得見冇乜人，終於入去試吓。因為唔太肚餓，兩個人叫咗一大碗過橋米線，貪佢咩餸都有啲，另外再加咗個招牌土匪雞翼。過橋米線大大碗，都算足料，兩個人都夠食。我哋唔係幾食得辣，所以要咗清湯，味道幾好。招牌土匪雞翼，略嫌有少少燶，但都好味嘅。呢間裝修設計同一般嘅譚仔有啲分別，好modern, 環境都好舒服。姐姐都好親切好有禮貌，上菜速度好亦都好快。

肚餓又唔食咩好，行經過譚仔時，突然想起食佢嘅牛肉蕃茄米線🍜😋，已經都好耐冇食過譚仔，可能係假期原因，門口人山人海，都等咗成半個鐘先有得拎，由少少餓等到好肚餓，呢碗牛肉番茄米線入邊除咗有牛肉外，仲有枝竹、豆芽，牛肉同以前一樣咁好食😋，可能成本貴咗，所以牛肉份量縮咗水冇以前咁多，但米線就好充夠，而蕃茄湯底鹹咗少少🤏，只不過對比起鄰近其他舖頭，佢呢個價錢都算平，只需$38就可以買到一碗咁大碗嘅米缐，食到飽一飽😋😋

譚仔大家就食得多 唔知譚仔早餐你又食過未？第一次聽到譚仔有早餐都覺得好新奇 但因為上次時間唔容許我坐低食早餐 今次終於有充裕嘅時間 畀我好好咁品嚐一下譚仔嘅早餐😌早餐有ABCDEFG餐可以揀 每個餐睇落去好似差唔多但又好似有啲唔同 搞到更加難做決定...因為今日天氣有啲凍 最後揀咗應該係最熱辣辣嘅早餐---G餐 鮮番茄配豬潤魚片頭配米通粉+熱即磨咖啡出面好少地方有得食米通粉 難得呢度有 梗係要食米通粉啦蕃茄湯同平時嘅蕃茄湯差唔多 至於好唔好味 相信大家仲清楚過我 唯一唔同嘅就係早餐唔使加兩蚊豬膶同魚片頭嘅水準都食平時既譚仔一樣但係米通粉嘅份量比想像中少唔知係因為天氣凍大食左定點平時一碗米線食極都仲有好多 但呢碗米通粉好快就見底🥲食完唔係唔飽 但我仲食得落其他野🙊埋單$35 呢個價錢應該可以食得更飽🤔

係康城食野 就算有選擇困難症既朋友都唔會適到困難🙈因為呢到根本就無得選擇😂想平平地食個lunch 又唔想食快餐 好似得譚仔係食得起 而又最大機會等到位食既餐廳見佢出左個---滷汁牛肚蜂巢豆腐香辣鮮番茄湯米線16個字既米線 你見過未？ 我就第一次見 所以我點左滷汁牛肚蜂巢豆腐香辣鮮番茄湯米線 個名咁長咁有誠意 無野由唔試下既😂等左五分鐘左右 萬眾期待既滷汁牛肚蜂巢豆腐香辣鮮番茄湯米線上枱喇 個樣係呃到人既牛肚同蜂巢豆腐都分別有5-6舊牛肚炆到好淋好入味 好易咬 不過蜂巢豆腐就好似溶雪唔夠 仲有少少雪味👎🏿香辣鮮番湯底好似比平時既番茄湯底差啲野咁 總括嚟講 我下次會食返豬潤炸醬麻辣大辣 凍檸茶走甜 唔該🙊

公司附近食肆唔多 選擇太少 所以譚仔成為咗我嘅飯堂日日都食米線 雖然已經有好多唔同嘅餸可以揀 每日都可以轉下唔同口味 唔同湯底 但都會有食到厭嘅一日 見譚仔推出左呢個麻辣汁烤雞炸醬撈米線 而且網上嘅食評都好似唔差 冇理由唔試吓嘅 係咪啊哈姆太郎😂因為我食開呢間譚仔嘅辣度比較少 平時食開小辣 喺呢度要叫中辣先夠味所以就叫咗個中辣撈米線估唔到咁足料喎 成碗都係餸 肯定冇違反商品說明條例😂平時啲酸菜同炸醬都好俾得孤寒架嘛尤其係嗌套餐嘅時候 嗰碟炸醬同酸菜越嚟越細碟...另外塊烤雞都想像中大 幾香 唔錯將所有嘢撈埋一齊 口感好豐富 有渣漿嗰浸嘢惹味 再加上酸菜既咸酸 係好食嘅👍🏻再加杯凍檸茶走甜 抱住個肚腩走 可以繼續返工搏殺啦😌