譚仔雲南米線 (已結業)

大家都知譚仔最近新推出左撈米線，我第二日已經去左試，拖到而家先出post😂😂·麻辣汁烤雞炸醬撈米線($45)辣度由5小辣開始，平時食開3小辣，但今次就試返5小辣先🤣譚仔炸醬一向信心保證，好好食，烤雞唔會太實或太鞋，口感同味道唔錯，好入味，但得幾件唔係好夠喉🙈撈米線比平時嘅湯米線硬少少無咁淋，不過撈埋麻辣汁同炸醬一齊食都好正😆🤤·撈米線不設加底或走辣，我地本身想走蔥，但姐姐話無得走😂😂明明都係灑係面點解唔走得🥲🤣

唔知大家知唔知小編係譚仔既忠粉黎🥰佢之前出啲湯底都唔多吸引我，直到佢呢期出既呢個新口味終於吸引到我去試一試😍🍜 香茜皮蛋魚湯米線配脆肉鯇 $43今次冇加到「芫荽山」同「皮蛋海」～點之上枱時都覺得夠多😙😙😙叫左小辣都幾辣下😁 湯底夠晒芫茜味😃脆肉鯇幾大件爽口，都冇我最怕既魚腥味🙈中意茜味既你地，值得一試呀😀

譚仔一向係固定食堂之一，今次幫襯呢間分店，點知大為失望！ 店內人手嚴重不足，坐低想搵店員拎餐牌都舉左手成5分鐘有多。拎完餐牌之後想落單，又舉左手幾分鐘，終於有侍應尼到，點知一落單就被告知一心想叫嘅推廣米線已經賣哂！等完又等點知得個吉，即刻唔食走人了😤

華都商場成日都會行，但就比較少去呢一間分店食譚仔。今次行過就試吓，我哋叫咗一碗過橋、細香草雞翼，同埋涼拌茄子。今次最出色嘅竟然係茄子，只需$16，但係個份量好似好多，個醬汁亦都非常之入味，只需將啲茄子輕輕沾幾下，已經好有辣味😋😋

譚仔新推出脆肉鯇木瓜魚湯米線，作為譚仔fans緊係要試下，湯底可能係木瓜魚湯，味道好清甜，加上魚鮮味，感覺好健康！用上新鮮木瓜塊和木瓜蓉,滋潤養顏，簡直係女士恩物，岩哂貪美的jo🥰木瓜就好淋身，相反脆肉鯇就好有咬口好鮮甜，這次譚仔用蠶豆鯇，所以比一般鯇魚更結實爽脆，好食！.呢個湯底滋潤又養顏，岩哂愛健康的朋友，如果好辣的不用擔心一樣照可加辣，老公食小辣已經食到好過癮🤣.如果還是喜歡平時散叫組合，最少加$10就可叫到脆肉鯇作配料，相當抵食呢另外仲有人氣之選白桃蜜、經典雙檸樂兩杯特飲，食完辣想飲返啲清甜飲品就啱晒！

原本去華都係想食咖哩飯，不過太多人，我地又趕時間，最後揀咗去譚仔。.有時一個禮拜食2次譚仔，有時幾個月先食1次🙈🙈今次終於試到春卷😍😍 次次夜晚都話賣哂，係墨魚加蟹子，好好食呀！一碗有成5條，係咪比多咗我呀？！😂 真係有咁多？.配番茄湯底，第一次試😂 屬偏甜嘅湯底，幾有新鮮感🤣 呀姐問加唔加辣，我都係試原味先.另外試新嘅小食，爽脆生腸 $31，都ok，一定要連埋啲辣椒油食，如果唔食得辣嘅朋友，洗走辣椒油的話，會完全無味

吃左譚仔咁多年，基本上都能保持水凖，而且不斷有新出品，算是不錯麻辣黑柏葉，略為老左小小，但醬汁的確好味過橋米線超多餸，各樣都好味，炸醬酸菜分開上，真係細心周到！

本來想試另一間點知佢落場，唯有改去譚仔好耐冇食，就自動波入左去。我去親都係湖南酸辣米線，微辣酸湯好好味我試過重慶就太辣下午茶$35 兩餸米線，另外再加左口水雞翼。真係好滿足，屯門講中心有兩間譚仔里間係遠dd 冇咁方便不過我覺米線唔會差好遠但係雞翼一定里間好食d。我好鍾意食譚仔d小食，好似拍青瓜，皮蛋，木耳，我都推薦大家可以試一試。之前次次買外賣第一次堂食，原來佢入面咁大，佢地貼左膠紙我仲以為唔坐得，原來比食客坐開d，可以坐開d幾好。

每過一段時間都會特別想食譚仔～好似中左毒咁～今日自己一個fing fing下～解決午餐就自己叫左碗墨丸麻辣5小～加多碟土匪雞翼～冇咩特別～仍然同以前一樣😂😂😂

一向都鍾意食"譚仔酸辣米線" 😋， 今晚去左華都分店食，只可以用"亂" 黎形容😓見到有部份顧客叫左no 仲叫佢地入，但入左去又話冇位，又要出番去等...叫左個🐔雞肉酸辣米線🍜味道👍🏻仲叫多碗外賣...點之等左好耐都未有...大約等左15-20分鐘我就問係咪漏單...譚仔牙姐就話好快就有...包緊😓😓😓原來包緊既意思係要我再等多15-20分鍾😓😓😓到最後將外賣比我個時，先同我講頭先漏單...第一次問個時我都講左如果漏單就吾要...😠😠😠😠差吾多用左成45分鐘先拎得到碗外賣😓😓

香港人一定認識譚仔吧⋯⋯這間在華都已經好幾年，地方夠大，就算等位也不用太久👍👍米缐當然出色，軟硬適中，湯底也好味，不過應該下了調味的，餸的份量其實好多，平民米芝蓮🤩

土匪雞翼好似未發育咁，有大有細，用最大隻放係面，細既放底，同譚仔姐姐講果隻吾會要，拎番走，佢話ok，轉頭大叫入廚房「補番一隻比個客嫌細」之後換左一隻正常既雞翼黎（右邊果隻）。

譚仔米線係諗唔到食咩 但又想平既選擇 抵食 夠大碗 量多 夠曬飽我中意佢地既麻辣同埋重慶酸辣 辣度有得簡 愈食愈滋味🤣送方面就推介佢地既魚腐 豆卜 炸醬 我通常都係叫兩個送 米線份量好多 女仔通常都會食剩少少😂佢地既小食都係令人回味 最欣賞土匪雞翼同豬耳 前者新鮮出爐 熱辣辣 咬落有肉汁...後者配佢既招牌辣汁 正👍🏼 當晚仲叫左皮蛋 都係果個辣汁 同一隻味 但始終可能多味精 食完好口渴 但整體黎講 譚仔係隔一排都仲想再食 佢既味道係其他店搵唔到😆

係譚仔呢度除咗食米線佢啲小食都好好味，我哋3個人嗌咗土匪雞翼啦麻辣豬耳啦蒜泥白肉啦仲有麻辣青瓜～啲小食仲豐富過主菜米線哈哈😋不過一大班朋友一齊食一齊分享好快就食完啦～

今日又黎食譚仔。因為係午飯時間，好多學校都放lunch，所以都等左一陣先有位。每次黎到譚仔都會叫番茄湯底，因為我唔食得辣，清湯又覺得佢太清，無乜味，所以番茄湯底就係最好選擇。而餸就只係揀左豬肉，一個餸已經夠，有好多片豬肉。唔知係咪太耐無食，今次d番茄湯底好似多左番茄，小小酸味，又唔會太酸，幾開胃，一碗份量已經好夠，所以都係叫左少米。最中意食佢d配菜，特別係腐皮，好有豆味。下次黎都會繼續要番茄湯底。