譚仔雲南米線 (偉華中心)

營業中

休息中

其實我都算係譚仔既常客因為平 同埋有時唔知食乜好最後都係想食米線所以今次譚仔有新野出我梗係第一時間要去試左先其實都唔係第一時間，因為都係上網見好多人食過 所以唔執輸hahaha講番正題先，呢個蟲草花雞湯米線睇落好靚，好足料咁，真係感覺好似食左好多補野落肚咁，但係我問過d 阿姐，佢地話冇得揀辣，咁都正常既，因為呢d 算係健康既米線，唔落辣食都正常。但係足料，有雲耳，蛋，雞肉，仲有蟲草花同菜，雞肉夠滑，仲有湯底又夠入味，正！

今日沙田，去咗好鐘意嘅譚仔食下午茶，叫咗蒜泥白肉、清湯過橋小窩米線、牛肉中辣米線，再跟涷檸檬茶蒜泥白肉：講真譚仔嘅蒜泥白肉真係好唔錯，麻辣汁夠香，辣得嚟有麻香，好惹味蒜泥好香，而且真係泥狀，容易入口；白肉夠薄，又夠大塊，包以用嚟住蒜泥，而且大大塊可將更多將麻辣汁掛咗係白肉上，一個字正清湯過橋小窩米線：樣樣餸都有啲，但呢間嘅清湯不太鮮甜，表現就一般牛肉中辣米線：牛肉都幾淋，湯底既麻且香辣，唔錯食辣嘢再加上杯涷檸檬茶，真係一絕嚟譚仔食嘢，意想唔到有紙口罩套供應，都幾貼心

前日就食左譚仔三哥限定米線‘花膠雞美線’，今日就食譚仔同樣都係限定’蟲草花雞湯米線‘比一比高低吧！三哥主打花膠養顏，譚仔就出蟲草補身！先講下叫左咩先，蟲草花雞湯米線$42+紅豆椰汁糕$8+$20兩杯特飲+番茄🍅湯底（魚片頭/魚腐/金菇）+兩個小食！蟲草米線內有四件圓扁形雞件、中量蟲草、木耳、糖心蛋！湯底加左蟲草沖淡左不少鹹味易入口同食完唔口乾。糖心蛋做到有少少流心效果但唔知係咪雞蛋🥚，因爲蛋身略嫌偏細！特飲分別係柚子利賓納，利賓納唔夠味同飲到柚子苦味！好唔夾！唔好飲！另一杯茉莉花清茶配糖圓子相對清香甜甜地！之後個番茄🍅米線！記得之前譚仔d餸都係2～3舊，但今次魚腐同魚片頭都各有5舊！嘩左🤣🤣最後來個甜點紅豆椰汁糕收尾，細細件食落好似紅豆冰，唔覺有椰汁味！綜合兩個限定版米線，個人覺得蟲草米線好味d，一黎餸款式多d,冇咁鹹！兩黎佢雞件冇骨同滑d!

譚仔真係百吃不厭 得閒都要嚟幫襯下米線三小辣 對我嚟講個辣度啱啱好 每個月都要食返幾次先安樂 其實都可以唔使睇餐牌坐低就叫得* 炸醬竹笙蕃茄湯底*蕃茄湯唔係我至愛 但朋友叫咗嚟試下 佢話湯底都幾清甜 食完唔會太口渴* 豆卜腐竹三小辣*我唔係食得好辣 但係真係唔慣清湯或者番茄湯 所以每次哩都譚仔都係叫三小辣 最近愛上豆卜 次次都有四大舊 將豆卜咬開一半 索曬啲湯底好食

可能你會話譚仔成日都食，有啲咩好寫啊？今次我係想推介譚仔素食之選，因為最近好多人因為健康同環保嘅原因都開始食素，可能唔係一下子轉晒全素，但係都會搵幾餐來轉食素，咁譚仔都係一個唔錯嘅選擇啦。今次我揀咗番茄湯竹笙米線、涼拌川北豆腐。呢個選擇雖然係悉數但係營養好豐富，蕃茄就可以有纖維啦、米線有碳水化合物，豆腐有蛋白質。 至於佢個湯底有冇用肉去煲呢？呢個就唔係好確定，到時都可以再問下啲侍應。我自己食就冇咁嚴謹嘅。

香港女仔應該好多都鍾意食米線，我當然係其中一個。本身唔係好明點解咁多譚仔fans，但因為今日真係揀唔到食乜經過就衝左入去叫咗碗雞肉炸醬過橋米線，揀咗湖南酸辣唔係好辣竟然唔錯幾夠酸，佢炸醬好好味，食完會想返轉頭嘅感覺。

我竟然第一次食白肉。。。。先知原來咁好味啲肉薄到一個點，咁先好味，唔會食豬肉食到好膩又食唔哂碗米線勁多蒜然後食完個口就真係🤭🤭 哈哈😄！不過一條友我諗就食唔哂啦⋯⋯～ 哈哈同埋朋友一齊食先可以咁放縱嗌咁多小人女 土匪又係必嗌啦一人一碗唔同口味既米線🍜，蕃茄炸醬；麻辣腩肉，兩樣都咁鬼正，大家share下 就係最好既晚餐

今日喺沙田中心修甲之後突然想食想念的味道「譚仔雲南米線」，今朝早11點入到號之內係第一個顧客，今日唔食土匪雞翼，改咗食紅油豬耳，$29，叫咗個兩餸米線（麻辣小辣湯、竹笙及腩肉），$43，求其點個杯新出嘅飲品「凍低糖玫瑰花茶配龜苓水晶」（原價$13，加配價$10）係一個意外嘅驚喜及經典嘅發明！望真啲嗰個三角形嘅玫瑰花茶包係唔只有玫瑰花，其他混合的茶葉不知是什麼，甜度係真的低糖，如果唔係我唔飲得，一甜多少少我成把口都唔舒服，估唔到冷泡嘅茶都咁香，不會澀！好彩賣咗盤都可以保持水準之餘還可以發明到獨特配方的好產品👍👍👍，埋單$82。

(*´∀｀*)食辣嘢真係好開心，食完之後身心愉快，而且好似relax曬冇曬煩惱咁！平時我都係食小辣，今次就食個重慶中辣la！辣度ok，我接受到！不過麵既份量好似少咗d咁，明明我嗌既係過橋米線，但份量同普通既冇分別，只係餸多dd咁，有點失望啊！(￣^￣)ゞ服務都欠佳，等候時間偏長，我去既時候係2,3點，但都等太耐la！講返味道先，我覺得ok既，如果麵既份量多d就好la，麵質都keep到，餸就好似縮咗少少水咁la！

🔅🔅🔅譚仔心癮話黎就黎想等下既耐性都無岩岩去完旅行返黎隔日去街即刻要食🔸<雞肉墨丸重慶酸辣湯米線> 一早就想食重慶酸辣湯雖然好重口味但口癮行先～湯底看似好紅好辣但是不辣只是有點麻酸的感覺好開胃米線份量一直都係咁多好開心因為我好餓呀～一定可以好快就清晒～雞肉帶來好香的鮮甜味另湯底感覺更加豐富！墨丸超彈牙爽口好好味🔹<紅油木耳>其中一個最愛小食木耳新鮮清脆爽口超喜歡他們的麻辣汁好香而且不辣超上癮我還會用來撈米線吃其實應該有好多人會跟我一樣的吃法🤪🔅🔅🔅

每個星期都會去一次食嘅譚仔魚蛋墨魚丸豬養同埋牛肉呢幾款都係我想嗌叫餸小食方面通常都會叫豬耳同木耳今次仲食咗佢新出嘅生腸估唔到幾正20幾蚊就有一碟其實每一次兩個人食..都係150蚊就埋單.👏🏻👏🏻👏🏻堅係抵食

嚟到譚仔一定會食豬肉生菜配上麻辣湯底， 再叫多啲土匪雞翼同埋加多一杯凍檸茶， 小小的麻辣嘅湯底可以滲入生菜入面， 土匪雞翼都非常之脆口， 外皮好脆又有d 芝麻嘅口感，芝麻燒到好脆口，一粒粒咁好有質感，米線同湯底又好夾，索晒辣湯底嘅味道，叫埋一杯凍檸茶簡直係人生嘅享受

墨魚丸炸醬清湯米線墨魚丸彈牙爽口，有口感，而且裏面有墨魚肉，佢係這𥚃相對比較出眾嘅丸類！炸醬另外用一個碗仔另上，食幾多攞幾多自己決定，咁就唔使，食到尾d肉碎唔見晒又冇曬味啦！🤣尖椒皮蛋惹味極了，佢嘅醬汁加落米線裏面食，真係好好味㗎！皮蛋香，就咁食，同加落米線裏面食，完全係兩個食法，兩個味道。

味道：5 / 5首先 譚仔黎講相信香港人都唔會陌生食物既質素大家應該熟過我 所以唔多介紹今次會講下個湯底 同小食首先講下重慶酸辣湯底酸中帶辣 辣中帶酸 勁有味道呢個湯底自推岀以黎 我每次都會叫 因為佢既味道會將米線升級左 令到果餐會好開胃 好滿足再講講2款小食 皮蛋同白肉皮蛋到到都差唔多架啦 不過佢個賣點係個汁 淋落去皮蛋到令到普普通通既野 立即變成鎮店之寶之一而白肉因為佢表面既蒜泥 令到佢昇華左同樣成為另一款鎮店之寶其實我覺得應該推個皮蛋白肉雙拼小食因為如果平時2個人食 會食唔哂份小食位置：N/A餐廳黎講 基本上區區都有架啦不過小心去錯佢兄弟果間價錢：4 / 5重慶酸辣湯底係+1四川青椒皮蛋 $23蒜泥白肉（細）$26

今日我地又食譚仔雲南米線🍜啦！今日食左魚蛋雞肉米線加雞翼！又等位啦，今次又等左差唔多20分鐘呀😂😂等位個姐姐都好唔耐煩，唔係好友善，可能太多人！😔😔😔😔食物土匪雞翼+米線今日好咸，超多味精，食完要飲好多水！！今日都唔係叫好辣，但都好辣😂😂😂雞翼就好啲，唔錯！👍🏻👍🏻價錢平但係上菜好慢，等左好耐先上！催佢又唔係太理我地😂😂唉！坐位又好迫呀！😂😂真係要改善下我諗我唔會去住啦！服務好一般呀