譚仔雲南米線 (愉景新城)

營業中

休息中

經過見這間譚仔貼七師傅米缐海報好吸到，而且地方很寛敞，入去叫了這個紫菜珍鮮三寶泡椒酸菜魚湯米線，疫情外賣很多。五小辣湯落口仍然幾麻，餸有魚片頭有魚味，蟹柳正常，紫菜幾大份，帶子唔覺食過，可能同魚片頭一樣樣，幾飽肚。

新牛肚口味非常吾掂睇廣告介紹譚仔有新作，加埋想試下哩間開左幾個月新店表現點優點- 裝修系光猛好多，檯同檯距離好夠- 基本防疫有曬缺點- 服務員已經有用walkie talkies,但都叫得好大聲。- 上餐比其他店慢好多- 性價比非常低因為一早想左要食新野，坐低馬上就叫，但都要等差不多10分鐘，仲系下午茶無乜人。叫左一個滷汁牛肚蜂巢豆腐香辣鮮番茄湯米線（$43）1分- 可以話徹底失敗的配合，跟本系一D互補作用都無。- 所有材料份量其小，如果對比廣告照片同實際，可能只有一半。- 滷水牛肚無滷水味,最大獲系好似未煮夠，靭到用盡力都咬吾開啊！去街邊任何一間三寶店篤一串15蚊都一定吾會咁囉。- 豆腐鞋得來無豆香-番茄湯無番茄味-辣而不香以哩個43蚊同54蚊的過橋米線比較，哩個又- 無野食- 貴都離譜- 毫無味道。

我唸譚仔popular既程度已經就黎媲美McDonald…分店多到就黎似7-11...係open rice搵返譚仔既分店,就甘打譚仔,掃左幾下都仲未搵到今日去既’愉景新城’分店係講野食前想先提下餐廳環境,呢間新開既分店可以話係我去過覺得最好坐既一間有比較多兩人卡位, 檯同檯之間比較有一定距離,有十足光線,樓底幾高,成個空間係寬敞明亮🍽豆卜鯇魚片湖南酸辣米線 $42譚仔既米線,湯底相信大家都好熟識我覺得其中一樣譚仔比其他優勝既係個米線米線夠幼,唔會煮得過腍或硬雖然好似唔係d咩秘方,只要做好買貨同統一煮米線既時間就做到,但又真係好多米線店做唔好唔講d餸先,起米線方面譚仔系有呢個保證講返d餸,豆卜係長形個隻,係比較實心個種食豆卜就真係間間都有d唔同,今次呢間就煮得無甘耐,如果可以再腍d,索多d湯仲好味提別想提既係鯇魚片鯇魚片係爽滑,完全無骨,正👍🏻👍🏻

今日幫襯外賣土匪雞翼和炮椒鳳爪筋打算返屋企慢慢食，明明入面店無咁多食客光顧以為外賣好快啦？怎料等左好耐，一出門口叫外賣號碼係一車外賣單。懷疑集埋一齊至出？！返到屋企食係暖，唔係熱。所以，以後唔好再係呢間野叫外賣！堂食係可以考慮下，至少食物出嚟質素一定好過外賣，實在太過耐了，期間我也見到很多外賣客人，主動走到收銀處付款查詢，有關外賣是否漏咗單等等嘅問題，我就知道自己中左伏線，最知道係咁我直頭堂食都冇咁嬲！！

本身諗住行去老闆娘😂😂😂點知原來佢裝修冇開，想食米線未諗到邊間又肚餓譚仔真係最方便見到有個新嘅麻辣牛柏葉即刻嗌嚟試吓然之後佢嘅尖椒皮蛋，同埋大土匪雞翼都係我嘅最愛😍😍😍每次揀餸心大心細唔知叫咩好就會叫佢個過橋米線講真其實呢個價錢有咁大碗，咁多樣餸真係好抵食我哋兩個人食晒呢度已經好飽其實都好耐冇食過譚仔，呢一間好似係新開嘅？啲姐姐員工好有親切感😌送食物上嚟俾我哋嘅亦好有禮貌天氣咁熱，冷氣好夠凍所以百幾蚊兩個人我覺得好抵食😌

🤍😍☀️又食譚仔啦，今次泥到愉景新城呢一間分店。٩۹(๑•̀ω•́ ๑)۶🤍嗌咗一個清湯雞肉米線，雞肉幾好食，有咬口，啲米線都幾彈牙，唔會浸到淋曬。(๑ºั╰╯ºั๑)🤍餐廳人流唔算太多，所以坐得幾舒服，衛生程度都ok，大家都可以泥試下。(σ°∀°)σ..:*☆🐝🐝

又到食晚飯既時間，8點幾先落到去，見譚仔仲係人山人海，就食譚仔啦！叫左個兩餸米線，魚腐墨魚春卷米線，湖南酸辣湯底，個湯底唔係好夠味，唔係好夠酸辣，D餸就正常既另一個揀左過橋米線清湯底，呢個喺唔想諗食咩既時候最岩，乜都有不過清湯就寡d，都係有d辣味好食d青椒皮蛋幾好食，麻麻辣辣咁好鐘意皮蛋同芫荽一齊既味仲有個細既土匪雞翼，呢個都係新鮮熱辣，幾好加左杯青檸綠豆薏米冰，如果唔係吸到有薏米，差d以為自己飲緊青檸梳打

星期六12:35分買外賣自取買左三餸一麵等左30分鐘先拎得當時舖頭唔多人睇住兩枱客由入到食完再走中途催左兩次都hea答我等左25分鐘我要求退錢舖頭話無得退垃圾服務唔會再幫襯可能個麵係廚房擺左太耐先拎出黎我拎完外賣7分鐘餔已經返到屋企拎出黎食我食果時麵同湯已經唔熱食左兩啖覺得唔對路怕有健康風險就直接掉左落垃圾筒所以食物衛生味道同質素都係最低分

本身都好鍾意食辣野見譚仔最近出咗新嘅「撈米線」就趁lunch嚟試試今次嘅新嘢叫「麻辣烤雞烤醬撈米線」雖然聽個名都覺得幾吸引不過睇相又覺得好似麻麻咁所以事前都冇抱住好大期望去食😯不過正正因為咁一食就覺得好有驚喜😻一碗盛惠$43係可以再加配菜我就加咁畜生😆雖然佢比一般嘅米線貴但其實佢原本已經叫做有兩餸烤雞+烤醬所以其實又唔算貴咗好多😎講返個汁先佢除咗炸醬之外係有啲麻辣汁嘅兩者加埋真係好食😚佢啲汁同炸醬都多唔會話唔夠撈👍🏻最小要叫5小辣，我平時食5小，但覺得今次比平時唔辣，辣度似8小辣多啲🤔另外要讚讚佢啲烤雞！係出奇地都幾嫰口，唔「鞋」😍另外仲叫咗呢個麻辣黑柏葉佢撈埋落個撈米線係絕配😆

偶爾食吓譚仔米線都幾滋味。今次就試吓荃灣新店。要咗碗清湯三餸米線加碟小吃。不過可能是清湯的關係所以發覺今次譚仔D湯冇以前咁鹹。魚蛋也算彈牙爽口。魚腐份量也算OK。炸醬就有點兒怪怪地，吃下去不怎麼吃到炸醬的味道。芽菜、韭菜、腐竹的份量比較少。米線也算可以。小吃點了爽脆生腸。我覺得譚仔的生腸都幾好味。辣辣地，生腸幾脆幾爽口，口感和味道都不錯。可能是新店的關係所以地方也算乾淨，環境舒服，服務員的態度也好好。

愉景商場開左間米線...開鋪第一日就試下味先....第一次食呢間米綠可能第一日開都比較迫....不過味道都Ok...又唔會食完太味精....一個都幾多..環境都清潔