譚仔雲南米線 (銀湖天峰)

營業中

休息中

今日想食豬膶同埋熱辣辣米線因為好凍所以就嚟譚仔試吓，平時去開三哥今日試吓新嘢啦 因為平時都覺得三哥好味啲見到promote呢個會員餐有幾抵喎，所以我就揀呢個嚟食啦！又有我想食嘅豬膶仲送杯嘢飲呢個唔知係咪多份量雞肉好好多雞肉！不過豬潤大概四片左右 佢啲豬膶好好味爸爸煲咗水呢個餐配蒟蒻麵！感覺好瘦呀仲好健康 果然係做gym餐蛋白質為主 阿媽食豬紅腩肉蕃茄茄湯湯底已經要$50 ，而家食碗米線嗌兩個餸都咁貴，真係物價上漲又唔算話咁誇張平 我覺得個湯底係三哥好味好多，佢呢個冇蕃茄味，淨係見到佢將啲紅色嘅湯之後加啲切咗嘅蕃茄落去

夜晚返到烏溪沙巴士站附近唔知食咩好，行行下先見到譚仔用app 落單有優惠（我好少食譚仔所以唔知），於是就即刻download 個app 黎order 外賣啦～我叫左個三餸米線，加左10蚊凍檸茶，個app 我第一次用，減左10蚊俾我我揀左魚片、魚蛋、腩肉，麻辣10小辣。所有野都keep 到水準，同我之前喺其他分店食差唔多，不過覺得米線有d 少。我略嫌個外賣等得有d 耐，到最後我要催佢佢先執到俾我。（但當時雖然夜晚，但其實唔算多人）

每次去譚仔都一定會叫嘅係雞肉同埋炸醬，今次見到譚仔出咗個新嘅Menu，又有雞又有肉醬嘅撈米線，一見到就冇諗任何嘢即刻叫。嗰一日去食嘅時候係lunch hour，成間舖得兩至三個姐姐幫手執嘢同落單，好多枱都未執好，不過姐姐都好好見我哋幾個人就幫我哋執咗先，但係都因為人手唔夠，所以我哋都等咗差唔多到15至20分鐘先有得食。雖然等咗好耐，但係都冇影響到我時薪米線嘅心情，烤雞炸醬撈米線係Default左10小辣，辣度對我來講啱啱好，雞肉同係普通有少少唔同，烤雞肉面層有烤過嘅痕跡，令到雞肉更香，識落更好味，鍾意雞肉同炸醬嘅人可以一戰，不過個面有少少乾，可以叫杯嘢飲。

今次黎買外賣，濃汁豬軟骨寬麵配花椒重慶酸辣湯！辣度最少都要嗌三小辣，幸好對我黎講唔算好辣，花椒味比較重。 加上我自己本身對麵類無抗拒，寬麵煙韌彈牙，而花椒味掛晒麵條上面，超級好食，麻比辣味來得重，就算我唔太食辣都食到。 最滿意係一眾豆制品，吸晒所有湯汁，超級入味好食。 但唯一需要改善係豬軟骨，我只見軟骨唔見肉。 btw好想keep住尼個口味同埋寬麵，可以自選換其他配料。仲有提一提，分店職員好nice好親切。

影咗相唔知去咗邊！今次食呢個過橋米線，加咗一份小食！過橋米線50幾蚊一大碗，但係外賣嘅質素始終係唔知點解會細啲！不過呢個外賣嘅問題係每一間食店都有咁…今次叫咗10小辣嘅麻辣湯底，硬係覺得三哥同譚仔真係唔同味雖然講唔出有啲乜嘢明確嘅分別，但係就係覺得三個好味啲啫～ 不過好開心，烏溪沙呢頭終於開咗啲好啲嘅食店，唔係貴亦都有得坐下～ 雖然今次係外賣，但係見到入面環境好寬闊，唔似新港城嗰啲永遠都覺得好迫好多人下次睇吓堂食會唔會好啲