譚公道小食(初記)

營業中

休息中

讀中學嘅時候已經好鍾意譚公道小食性價比高又多野揀而我最鍾意就係佢d魚蛋d魚肉好實 同好彈牙最近加左價 $7七粒 但價錢都公道啦而最最最鍾意的就係佢老闆好好人平時d小食店買一串魚蛋一定唔俾盒or袋裝 一係就要加錢 搞到我成日唔想買 怕d汁周圍滴 又唔乾淨但呢個老闆真係好好 買一串都可以拎走唔加錢😭 同埋係少數nice同斯文的小食店老闆ps. 睇之前d食評話魚蛋普通 可能各花入各眼 但呢個價錢絕對值

好耐都冇食煎釀三寶, 真係好耐啦.譚公道嘅初記, 佢嘅小食一流, 樣樣都新鮮, 乾淨, 唔會食完肚痛.要左魚蛋, 尖椒, 豆腐同紅腸.魚蛋, 堅有魚味同魚肉.尖椒, 要嘅會即刻炸番熱俾你, 四爺最鐘意食.豆腐同紅腸, 上面勁大塊魚肉, 豆腐炸得外脆內軟.配上豉油同甜辣醬, 加上價錢分道, 真係平民美食.

土瓜灣應該無人唔識初記，收工時間總係有長長的人龍，無他的，就是為了那份煎釀三寶。你可能會話煎釀三寶好多地方都有啦，不過初記的是不同的。個人最愛的是炸魚蛋，魚蛋非常彈牙，仲有葱段喺入面，令魚蛋比外面的不同，更多一份香味，而且十次去八次都仲係熱辣辣，更加滋味。因為多人買的關係，所以去親買好多時都係啱啱炸起。十蚊四件，好似比起以前貴左好多，不過信我，食完真係有飽肚感架。

今次介紹嘅係位於土瓜灣嘅譚公道小食，10蚊5件嘅煎釀三寶。我覺得呢一個價錢真係超抵食。有紅腸，魚蛋，青椒，豆腐，茄子....好多種類俾你揀。放工時間好多人買，多人買就大機會有剛剛炸起的，我食過幾次都覺得唔油膩，LIKE!最後只想講一句真係好抵食啊~

初記小食店有賣煎壤小食，有番薯餅，茄子，魚蛋，青椒，豆腐，款式很多。全部賣10元5件。如果你覺得5件唔夠你食，想食多幾件，只要每樣加$2就可以。特別要食他們的番薯餅！平時個d可能粉多過料，但系初記ge番薯餅就arm arm調轉，勁大塊番薯，又好好味！買兩塊就已經好飽。簡直抵食！

自細鍾意食嘅煎釀三寶，今日經過呢間嘢又可以滿足在下了 我差唔多食暈佢所有嘢，係雞肶太肉類，所以無買到，其他嘅例如，青椒，紅腸，矮瓜，豆腐…我最鍾意青椒同豆腐，好多魚肉去釀，最後仲食埋炸雲吞，非常之脆薄薄，真係好好味，食呢啲又點少得甜醬呢，佢呢度嘅甜醬都好夠味，總括嚟講…一流

上星期的某一天，回家團年的路上，見有點肚餓，雖然離家不遠，仍然決定在這間現已愈來愈少見的港式小食店買兩份八件「煎釀三寶」與老婆大人一起先祭祭五臟廟，稍解肚餓。兩夫妻一起叫來青椒、紅腸、豆腐、茄瓜、魚蛋、番薯一大堆，就在路邊即場就地解決，新鮮炸起的各款小食，熱辣辣的，蘸點豉油，既飽肚，也別有一番風味呢！

八月中旬‧晴其實搞搞下街邊賣煎釀三寶的地方都不多，人在附近，都抓緊機會來吃一吃。炸牛丸幾乾身，有點脆，不過真的幾飽；炸紅腸要了腸頭，有咬口又美味；炸豆腐就最好吃，外脆內軟。幾抵食。

成日行過見佢多人~加上今日口痕就走去試下~我買了這些除了三寶是7 元四件其他都是6 元一串啊~老實說味道就真的一般魚蛋還有點點雪味~而螺肉則有夠爽脆牛柏業也算新鮮最正其實係個醬汁一整個重重的咖哩味道唯獨所有東東都未夠入味~如可再浸得入味一點~會更好值得一讚的是服務啊~好客氣好有禮...未試過吉魚蛋時成日會有人唔該前唔該後呢~這個可謂行過的口痕人士一試的選擇

記得上趟寫了個告別土記區內食肆的巡禮，裡頭好像是遺留了一些從前經常光顧但又沒有在那次回顧內提及過的店子。現在要為這堆食店寫它幾筆，相信亦不會太遲吧...頭炮想寫的，便是在譚公道內的小食店"初記"....記得在臨搬家前的一段時間，一星期裡總會有一至兩天在收工後過來吃個煎釀三寶的。七大洋四件的代價不算是太貴.....現在閒閒地到"翠華"買個吞拿魚或义燒麵包都要花差無幾的價錢....三寶的配搭每次也不同 ----- 有時是魚蛋、青椒加紅腸，另外間中也會吃飽肚一點的大片蕃薯或芋頭。味道總的來說不算很出眾，魚蛋有時吃至人一口"粉"；青椒經翻炸後皮也皺了；芋頭則大多情況下是硬如石頭的；比較像樣的是紅腸，遇上即炸起後吃時，外脆內軟，尋回了兒時最喜歡吃這類大紅腸的感覺....不過就算如何難吃，只要在臨吃前加上大量的甜醬及豉油的話，食起來還是津津有味的....

無聊 就算唔餓 都會口痕都吉串魚旦食呢知睇黎好似係香港人既習慣搬左黎土瓜灣 日日放工就返到屋企都見呢間小食店特別多人攪到我都買黎過下口癮其實d小食本身唔係好不過佢個咖哩汁又幾好味wor而且又唔係好似水咁稀唔會未食d汁已經跌晒落地下佢個汁得少少辣魚旦都叫有d咬口 又唔會浸到發晒漲同一間鋪位既煎釀三寶都都過得去啦＄7 4件幾抵食唔似有次係旺角 買完串炸大腸先發現要成＄20搶咩？！

一想到地道香港街頭小吃，魚蛋之外，煎釀三寶也應穩佔一席吧。兒時吃到的走鬼檔，通常是獨孤一味。賣魚蛋就賣魚蛋，賣煎釀三寶則賣煎釀三寶，時至今日，魚蛋檔未必兼賣三寶，但賣三寶的檔口，通常也有咖哩魚蛋賣。在家中附近的小食店初記，是兩者兼容的小食店，不過比較有趣的是，好些時候只開一邊，即是有時只得魚蛋，而三寶檔口則休息去也。老實說，這類小吃，一定談不上健康，煎釀三寶看似簡單，做得好也不容易，譬如釀青椒怎樣可以做得青椒仍有水份，炸豆腐怎樣炸得外脆內嫩。炸物炸起一大堆，待客人要再拿去翻炸，炸油是萬年油，食味如何，大家心照，吃三寶也有這個心理準備，否則不如不吃。吃了多年，由＄5四件加到＄7四件，每次來也是吃炸魚蛋，青椒，紅腸等等，當然不算美味，純屬過口癮。咖喱魚蛋＄6一串，嫌咖哩汁味較為薄弱，魚蛋的質感也鬆散。慨嘆不論是臭豆腐，車仔麵，到魚蛋，煎釀三寶，食味俱不如以往。時代進步，反而味道則背道而馳，難以想像在二十年之後，面前的街頭小吃，味道會變成怎樣？

第一次試呢間小食店，我地要左一串魚蛋同魚肉燒賣。魚蛋 ($6 有7粒)都幾抵食! 不過味道就好一般，魚蛋唔彈牙，咖哩味唔辣、原味無咩味。魚肉燒賣 ($6 有6粒)大大串，好抵食! 不過味道就唔太好，因為個燒賣好重麵粉味，感覺粉粉的。整體都ok，雖然味道一般，不過勝在價錢合理!

旺角一向以"掃街" 小食店出名即係好多小食係附近 比你一次過食哂你想食既野但係食過幾間多人幫親既例如朗豪對面, 先達樓下唔係難食 就係貴 而且件件都縮水所以鍾情於呢間三寶同埋隔離既一串串街坊都叫呢間野三寶 好好感情好食兼大件 價錢又合理最好食都係: 1.炸 牛丸 2. 炸魚蛋 3. 炸蕃薯隔離個檔就豬皮 魚蛋 縲

二月中旬‧晴這裡開了很久，也是港式小吃的專門店。店子有一半的位置是賣炸物的，這裡的阿姐將炸好的食物一堆堆的排好，整齊，但坦白說，吃起來只一般。一日經過，想買點吃的。炸物六蚊四件，沒有我最喜歡的炸雲吞，要了青椒、魚蛋、豆腐、紅腸及茄子各幾件，買了三十蚊，邊行邊吃。炸物熱，但吃起來油淋淋的，一點不乾身，是因為油溫不夠熱吧。魚肉反而下得多，幾夠份量，吃了成盒，飽。這裡也是不准影相的。