譽麵坊 (已搬遷) 新店位置

本篇起將就土瓜灣、天后、銅鑼灣為主力推介。土瓜灣篇之一一字記之曰抵，充饑者首選，惟質素平平。常聞該店南乳炸雞何等卓越，仔口味而已！僅堪與爺爺雞記平手！南乳加糖撈酒水即成，何秘之有？費解！玉露何處無售？惠康百佳大量供應源源不絕，不值一哂！著眼處應為份量而非味道，進內者不費三十大圓即能飽腹，何求？小店經營，力抗大業主逆市加租壓榨，可敬！故使味道平平亦應以腿行動支持，以保生存空間！縱觀此區，受沙中線概念所傷之經營者甚眾，易後再易！批曰：特色了了，銀根短缺者首選，味精過盛，宜手下留情，以保客人小命。麵食優於飯類，與茶記較之略勝！

兩個人o係土瓜灣上完堂已經過八點即刻出發去搵食因為唔想食太貴~我地決定去呢間(豬老婆好想試)入到去算幾多人不過未爆場~所以即刻有位~GOOD環境算幾乾淨下豬老婆叫左個南乳雞球米線豬老公叫左個咖哩牛腩米線南乳雞球米線個雞球係分開上炸得皮脆肉軟豬老婆就點個南乳醬食~甜甜地好好味而豬老公就鍾意就咁食~都好香口米線好滑不過略為腍左少少咖哩牛腩米線個牛腩係我地鍾意gei腍得來有咬口有肉gei質感不過個湯底幾spicy同個味有少少怪豬老婆試完話"好辣><"!!!"反而豬老公覺得ok米線同上啦兩碗野份量中等做晚餐啱啱好不過臨尾豬老婆仲未食哂個姐姐就收人D野...就有D趕客喇

以前o係何文田返學,都會成日落去食lunch,呢日去食夜晚,六點半去到,撞正班阿姐開飯,咁早冇咩人,叫左每次都會叫既南乳雞球米線,同埋和風豬扒撈麵,仲有豆漿真係抵食,十七蚊大大碗,次次都飽到飛起,雞球一大碟,米線一大碗,分開上,雞球點南乳好好味豬扒都唔錯,撈麵佢會另外俾碗湯你,浸下湯會冇咁鹹...豆漿好有豆味,唔係好大支,個度既玉露咩味都有呢度真係抵食,而且好味

未搬前，同事帶我去食過一次，都幾好味。早排第二次去，撞正lunch time，成間鋪坐滿學生，好彩都唔洗等位啫。叫咗南乳雞球墨魚丸米線($21)，炸雞球真係好好味，而且米線好大碗，不過墨魚丸麻麻地，而且雙拼感覺上d雞細舊d咁...上星期六，係附近整完嘢，忍唔住走咗去食，四點幾得幾個客，可以休休閒閒咁食，今次淨要南乳雞球米線($17)，好大碗米線，仲要熱辣辣，雞球大舊，而且炸得啱啱好，唔會太油利，好好味，再加多罐蕃石榴玉露，竟然可以食晒成碗，好肥仔添真係抵食夾大件，諗起都好想再食呀

成日經過呢度，見間舖頭好迫，從來都冇打算試……點知，今日個同事話要食清D，所以佢死都要我陪佢黎呢度食﹗佢好熟架步咁，一坐低就叫了南乳炸雞米線，豬扖米線，再叫了一個墨魚餅。老實說，我睇返呢度D食評，成日話個南乳雞好好味，我又唔覺lor，d雞都係普通雞件，炸完之後，比個南乳醬你點吓，我冇點醬，就基本上係冇乜味。而且個炸粉我覺得over左，攞到黎的時候，又已經凍左，個皮亦唔脆了。豬扖都係一般貨式，不值一提。反而個米線，我覺得幾ok，米線本身好有彈力，唔係易斷個隻cheap貨，同埋好大碗，包食得你飽。不過，要推介的一定係墨魚餅，真材實料，啖啖墨魚味，冇溝粉炸，好好咬口，重有，唔油，一碟三大塊，佢仲幫你cut開為6小塊，有沙律醬跟，真係第一推介。而家我明點解我d同事成日要黎呢度開飯，原來真係好抵食，兩個人先係24蚊，食到咁飽，抵呀﹗

中學開始已經食.....之前都有試過其他配料....例如豬排...炸雞翼...菜肉雲吞....不過發現都係南乳雞球米線最o岩口味 .....米線大大碗.....有d雪菜.....同埋我一定會落埋辣油...正.雞球好香口....配埋南乳俾你"dip" .....幾惹味....下次會試埋墨魚餅

老婆bb帶我去了對面的商場, 赫然發現變作了吉野家, 幸好抄寫了新地址.要等位.....可能多學生的時段, 二時許...都是吃炸的.南乳雞球聞說遠近馳名. 豬排也想試, 椒鹽排也想試.結果叫了南乳雞球豬排雙拼米線.米線坦白講就了無新意, 平庸普通.主菜南乳雞球, 其實讓我失了一個望, 我以為是醃製好的雞去炸.結果是, 炸好的雞球, 你得自己拿去點些南乳醬汁...雖不是所期待的樣子, 但還是挺香口, 沒有炸得很厚, 醬汁也頗惹味.而豬排則較遜色, 早知就叫對面位的椒鹽骨更佳.極為划算, 單拼才$17, 平時在街外更樓下的, $26 才得幾塊雞, 好像乞討一樣這兒的$17, 雖沒附送飲料, 但最少有7-8件雞, 大口大口的咬嚼著, 感覺良好.>3< 帶我去的最叻了.

試問一碟價錢二十大洋左右的雙併撈麵可到哪裏找 ? 答案自然就在土記區內了.....跟太座一人吃一碟撈麵作晚餐，埋單也只是四十大洋多一點點，雖然不甚飽肚，但已是覺得抵吃之極了。怪不得每次下午經過這裡時，都看到三五成群的學生哥姐們峰湧而至啦.....南乳炸雞球是這兒的名物。自己在舊舖時已嘗過，水準不算太差。今日再試，依然是挺好吃的 --- 炸粉雖是偏厚，但外層是炸得金黃又帶脆的。雞肉本身略微醃過，是夠味的，再醃些南乳醬來吃，味濃又惹味，用來伴麵或飯也是佳品......只吃雞肉是太"寡"了，來多一味菜肉雲吞。看上去是包得肥嘟嘟的，餡料既多菜又多肉，料切得細碎且下了些麻油作調味，很香。這雲吞，是一個unexpected surprise....小弟最愛吃撈粗，但這裏的下得甜豉油及老抽太多，撈得不勻循，看看碟底剩下的老抽便可得知了麵帶些鹼味，但幸好被濃烈的豉油味稍微掩蓋，不然最怕吃鹼水麵的太太必定"走夾唔抖"了

本來店在海悅時偶有光顧,不過一直沒有太大讓我感到驚喜之處想不到最近再來光顧,發挖了新的好味之處!素來店裡的雞球跟豬扒都是水準之作不過我愛點墨丸米線,墨丸不是一般街市貨色,應該是自製的吧?大大粒又彈牙,味道不錯~嘗試點了墨魚餅這一客小吃,墨魚味滿鮮,而且很彈牙,點沙津醬吃也很不俗試喝這裡的特式飲品,選擇與同區珍珠奶茶相去無幾但飲品未有出色之處幸好搬了以後這兒的水準依然保持水準,未有變差價錢在可接受範圍之內店裡衛生及裝修較同區的米線店而言是較好,上菜速度算快

自從搬左落黎又未去過啦~d野既水準都系冇變都系咁好味 由於本人住系對面海 吾系常客黎..不過每次食完都覺得值回票價haha今次叫左豬頸肉撈麵-v-d豬頸肉超爽!!加多杯士多啤梨綠茶30蚊有找,好味夾抵食!誇d講句,吾去譽麵坊食真系吾叫黎過土瓜環呀哈哈

試左南乳炸雞球米線, 個米線煮得太稔(應該係一早煮好, 因為好快就有)加個味精湯底, 炸鷄就好鹹, 再加埋佢個個南乳醬就係...鹹鹹鹹 朋友叫了菜肉雲吞, 我都試了一隻, 都幾大隻, 不過....唔知點解食落好似成口粉咁, 隻雲吞一定煮得太耐, 好糊又係好鹹. 食左咁多鹹野, 馬上飲一口巨峰堤子綠茶, 嗶, 甜到爆, 好似正係俾糖水我地飲咁, 我朋友個杯咖啡, 佢都話好甜. d 野食有咁鹹就得咁鹹, 咁就要叫返杯野飲中和下, 而杯野飲就又咁甜就得咁甜....剛剛好中和返, 老板果然高, 唔怪得咁受學生歡迎, 唉!

d米線超好食;南乳雞球米線同炸雞翼米線一定係首選._."但午飯個時真係好迫;就算唔迫;有時你落單都冇人理;係真係要佢經過先sh0w下你/_\平均消費如果要野飲+野食就$28到;但如果淨要野食就$20有找._."其實一碗淨米線都好飽咖啦._."而且$10碗._."

今天的午餐是譽麵坊的南乳炸雞球米線+豆漿! 自從搬左舖之後水準都無差到!!!南乳炸雞球同米線分開上, 雞球炸得又脆又香, 加埋南乳點埋食, 真係好正!米線分開上, 又唔會影響到雞球o既香脆!最緊要係價錢合理! 南乳炸雞球米線+豆漿= $17+$5= $22仲要大大碗好味道!!! 豆漿係一支咁上, 又唔係細細杯!朋友食左雙拼(南乳炸雞球+油雞翼), 都係$21一碗!油雞翼都係呢度出名o既食物總言之, 平靚正!

我們的紀念日男朋友先同我食 Lunch說帶我食佢以前成日o黎食，好好味的炸雞球米線 每人叫o左一碗南乳炸雞球米線，再加墨魚餅飲品我就要了巨峰堤子綠茶，而他則揀了芒果紅茶南乳炸雞球米線 $17我仲以為好似南山邨品香樓的南乳雞翼咁，脆脆的皮一口咬落去已經有好香的南乳味。但原來唔係，炸雞球和南乳係分開的炸雞球點上南乳，真係幾好味~ 但我會嫌炸雞球不夠脆，而米線又煮得太稔，唔彈牙 墨魚餅 $18墨魚餅共三大塊，熱辣辣的，好彈牙，好味~ 芒果紅茶 & 巨峰堤子綠茶 $10芒果紅茶我只飲o左一啖，因為我麻麻o地芒果，覺得一般，男友就覺得好飲。我就鐘意自己的巨峰堤子綠茶，堤子味都頗濃 Overall 看似平平o地 $17 一碗麵，不過加埋飲品就唔平了，最平的飲品都要 $8 o架！不足的是...食食下o野，見到職員係男友身後的牆，正用毛巾打落隻曱甴度，嚇得我呆了...

上星期食過呢間野每次見到都好多人嫁, 難得上星期5見到咁少人咋一於去試下la~~~~~~~~去到同d fd叫左個菜肉雲吞米線同個自制墨魚丸米線個湯真係好清, 雖然等左有d耐,但都係值得既d雲吞入面既菜真係好新鮮,唔似得出面個d係打碎曬既而且個雲吞仲幾大粒一碗有5粒,都夠一個女仔食但加埋個米線就真係一個女仔都食唔曬la我個fd話d自制墨魚丸好鮮,真係幾彈牙之前聽人講過話呢間野係全個土瓜灣最好食既果然係wo