豆漿大王

營業中

休息中

淘大商場這一間「豆漿大王」成日都好多人，皆因價錢夠平。因為有朋友試過上海排骨麵，話排骨比較麻麻，所以今次點了牛肉。五香牛肉飯$38很大一碗，牛肉的份量很多，飯的份量也很足夠，味道不過不失。上海淨雲吞$34，雲吞足足有八粒，但雲吞包得比較鬆散，用匙羹撈起來，皮已經破掉，味道比較普通，但雲吞真的很大一隻。五香牛肉麵$37，牛肉和麵的份量也是很多，味道也是可以的。秘製香辣牛肉麵$39 味道香辣够勁，只是在五香牛肉麵上，加上香辣汁，吃不到辣的千萬不要嘗試。粢飯$16最驚喜，米煙韌，料多香脆，也是最受歡迎的，見到不停有人買外賣粢飯。熱椰汁豆漿$12，椰汁味欠奉，豆漿豆的味道也不突出。另外熱薑汁豆漿$12，薑汁味濃，但豆漿的豆味也不突出。七樣東西才$188 ，不用+1服務費，服務就不要說了，並沒有服務可言，侍應姐姐收拾非常勤快，差不多是一吃完，就馬上收走，可能客人太多了，所以要勤快一些。老實說，今時今日，這樣的價錢，這樣的份量，是非常值得的。

落大雨行入去，個女員工好無禮貌講把傘你放入袋，我都係企門口喺度到整把縮骨遮準備入去坐，你又冇袋提供又無禮貌咁講，到我想坐果張枱，你又講一陣張枱有嘢整要我坐第二張，我坐第二張立刻見到你同同事係到笑。到食緊野時我一路留意張枱有冇整嘢，可能你見我係咁望，你先拎一樽醬料係枱抹成個時間1分鐘都冇😡😡😡杯豆漿超級甜一啲豆味都冇小籠包一般排骨麵可以，但係入邊無端端有舊牛肉，而我又唔食牛肉，唔小心食咗入口即刻嘔咗返出嚟食完呢餐谷鬼氣，如果唔係我朋友想試吓依間，當時叫我坐第二張枱我已經即刻會話走，個態度說話係超級冇禮貌😡😡😡冇下次

我想講呢個係我食過暫時最好食嘅咸粢飯，係真嫁😍😍😍😍豆漿大王唔知大家有冇聽過，我一直都想去試吓，佢嘅價錢絕對係平民價，裏面大部份都係上海菜嚟，都有幾多選擇，佢標榜💚招牌正宗上海粢飯💚，試完真係好正，佢大概有手掌咁長，呢度可以俾你加配料，但都係只有榨菜，肉鬆同埋油炸鬼俾你揀，佢本身嘅粢飯係一定會有齊，只係隨你喜好，想食多啲肉鬆又得，但其實佢啲配料係比較少，可能會預你加料賺多啲掛😐😍講返個咸粢飯先，佢嘅糯米真係好煙韌同比較硬身，又會有少少黏，佢唔會好似出邊咁又軟又痴，油炸鬼都大大條又有口感，唔會乾爭爭，肉鬆同榨菜呢個配搭真係一流，各種嘅材料都好出色，又可以配埋豆漿，佢嘅豆漿都有好多款，但我就想試吓佢個原味先，佢有分凍同熱，味道都濃郁，我覺得甜度適中👍🏻👍🏻👍🏻另外佢都有款甜粢飯，裏面係有砂糖同埋油炸鬼，呢一個比較少有，下次都可以試吓😋😋🥟另外叫咗個煎餃子，佢哋啲煎餃出奇地又好食喎，我覺得好似蒸水餃咁，因為佢個皮係比較薄，通常啲煎餃嘅皮都會厚啲，但呢度又薄，煎到又夠香口，油又唔算多，入邊嘅餡料先至豐富，韭菜豬肉多到擁出嚟，真係好惹味🤤🤤最後叫咗個小籠包，小籠包反而有啲遜色，雖然佢個皮唔係好厚

前幾日復活節假期，為食貓去左淘大，而淘大不嬲都多餐廳，但最終都係揀左豆漿大王坐低食午餐。由於我地樣樣野都想試，所以當日我地叫左好多唔同野食凍豆漿$9個豆漿比較普通，為食貓認為豆味唔夠紫薯豆漿$15無諗過個紫薯豆漿係用碗上，而飲落都係豆味唔夠上海小籠包$26個皮太厚煎釀豆腐麵$33個豆腐豆味唔夠，而釀既魚肉又太少，不過佢既豆腐麵係好食既值得推介既都有栥飯$16個飯好煙靭，而入面既油炸鬼同酸菜又夠哂入味，好食肉鬆奶脆多$20為食喵無諗過原來炸饅頭同肉鬆同花奶可以甘夾，而且佢細細件，奶同肉鬆既份量都岩岩好，一啖食哂3樣野，完全唔覺得乾，比起出面茶餐廳既奶油豬更為出色我地2個人去食都係100蚊左右，真係非常抵食，雖然唔係所有野食都好好食，但都不過不失，總體都係值得推介

仲記得以前細個嘅時候都有食過呢一間豆漿大王嘅黐飯，不過自從出咗嚟做嘢之後一直都冇乜機會再食得到啦，估唔到公司附近都比我搵到呢一間餐廳，於是就叫咗一個粢飯做早餐！呢一度嘅粢飯真係好好食，入面嘅榨菜，肉鬆同埋油炸鬼真係好吸引！而且呢度嘅油炸鬼真係脆卜卜，成個粢飯更加輕鬆美味！而且呢度嘅粢飯口感好好，熱辣辣嘅早餐真係非常之吸引

有一段時間無食上海野今日有點想吃粢飯就想起呢間店店的餐牌有寫到粢飯的歷史來源上海粢飯源於江南，是糯米和油條結合上海人喜歡將粢飯配豆漿做早餐傳統的粢飯為咸粢飯香軟糯米配自家制的炸菜香口肉鬆及脆卜卜的油條此家粢飯有咸的也有甜的可供選擇甜粢飯為素色者帶來選擇主要食材為砂糖及油條咸粢飯大小為一雙手掌的長糯米係另人飽肚的食物炸菜吾會太咸、脆脆的肉鬆的有點甜味再配上脆脆的油條有些店因為熱糯米的的濕度另油條不脆此家沒有這問題

今日想食上海麵，lunch 就走咗嚟豆漿大王呢度，12點左右未算多人，12點3~4個字左右就多人仲要等位。佢有室外同室內嘅位置，我地兩個人就被安排係室外卡位，但因為佢一邊櫈係壞咗唔坐得，結果我地坐同一邊。有d 逼，唔係講緊一齊坐逼，係張枱同櫈個距離，同埋我地坐落去覺得呢邊都似就壞，好似隨時會爛嘅感覺😂😂😂一坐底d 姐姐就係咁催落單，餐牌都未睇🥲佢有個lunch menu，另外仲有一本，我地都係揀咗上海排骨麵 $38，包一杯凍或熱豆漿，另外再加咗個粢飯 $16。姐姐有問我地要唔要幫手切開個粢飯，幾細心。佢地d 粢飯一向都幾好食，即叫即包，又可以加錢加料，佢個油炸鬼唔會淋晒，仲會脆，平時買開外賣都知佢正。不過我地驚食唔落碗麵就決定食咗麵先，點知到最後係食唔落個粢飯😂，打包拎走咗。個上海排骨麵我地覺得一般，個麵本身有配d 炸菜，但個排骨就偏咸，同埋個皮有d 位好硬好厚，下次會揀第二樣。

來到牛頭角發現開了一間豆漿大王，小時候常常在觀塘會食到，不知道是否同一間有當時的口味，就入去一試。位置有外有內，今次我選擇在戶外用餐，不過不足之處是會人來人往。點了一個雞扒面，和一份豆漿粢飯。雞扒有點翻炸的感覺，不算太出色，入口還可以。豆漿粢飯，和我想像中有落差，炸菜不夠多，只有炸菜碎，油炸鬼太脆有點硬同介口。但整體來講都是不錯的粢飯，熱豆漿是自助落糖。有時想食豆漿粢飯懷念下，都是一個唔錯的選擇。

我係一個單獨嚟幫襯嘅客人 係一名大肚婦女 堂食加買咗佢外賣 諗住去個小便先返嚟拎返啲個人物品走 事先亦有詢問過職員A 點知去完返嚟比黑面職員B發我脾氣 掉我啲袋係收銀處 有啲過份囉😠🤟🏽下次無幫襯😌👍🏻如果我同朋友嚟食🌚可能佢都會照黑客人面新蒲崗去洗手間都唔方便啦 洗手間不在店內 去過新蒲崗分店兩次都未試過咁嘅服務態度 已經唔係中午爆哂場先嚟「咁唔識做」而家係咪客人去洗手間都唔比？希望你地可以正視依個問題

下午茶時段都坐了一半坐位，生意唔錯，我叫了2個茶餐，炸菜肉絲麵和小籠包配2杯豆槳，麵湯和肉絲好咸，炸菜冇味，麵煮過頭，超淋，而且肉絲切得好碎，似台灣魯肉醬大小，小籠包好味，包尖摺位唔硬，皮薄，即蒸，但內面沒有湯汁，整個包偏偏的，但都值得去再食，豆槳十分出色，近十年少見過咁好，知佢粢飯出名，叫左1個咸味外賣，整體幾好食，但感覺唔到有炸菜味，肉鬆和油炸鬼合共70元，抵食

幾年冇去過九龍灣、做完嘢之後醒起朋友講過話呢度有一間曾取得3年米芝蓮香港街頭小食推介，最出名嘅係粢飯同豆漿？好耐冇食過粢飯、難得嚟九龍灣梗係一試！叫左鹹粢飯、熱豆漿、煎菜肉包！當做晚餐 😹 粢飯實比銅鑼灣小巴站嗰間做得好、糯米食落好煙韌、油炸鬼真係脆卜卜、肉鬆份量不少！正！碎榨菜我覺得係甜口、呢個會推介！一心覺得豆漿一定會有好香濃嘅豆味、但係飲落去一啲豆味都冇！好似飲水咁！😞 但熱豆漿有個細心點、就係可以自己加糖可以控制甜度！煎菜肉包一上枱就覺得係攞貨貨色！肉嘅份量好少！同埋好細隻！呢間只會推介粢飯！豆漿都唔使試 😮‍💨

由於我媽咪好鍾意食呢一間嘅粢飯，所以我都有啲好奇佢其他嘢食會唔會都好好食。------------------------------其實我唔鍾意食粢飯，所以我就嗌咗其他嘢食。我嗌咗煎釀豆腐同埋酥炸雞翼飯。😋😋------------------------------煎釀豆腐：呢個令我好失望，舊肉細粒過豆豉⋯⋯🥲本身諗住會唔會淨係一舊係咁樣，點知三舊都係咁樣。所以其實我都唔係好食到舊肉咩味，但個豆腐就正常豆腐咁嘅味。------------------------------酥炸雞翼飯：佢個雞翼炸得幾好，個皮都炸得好炸，但啲肉又唔會變得好乾，仲有啲肉質。------------------------------我諗呢間有啲嘢應該幾好食，但有啲就有啲伏，真係好睇彩數。

今晚約咗老媽子撐枱腳，佢指名要去淘大食豆漿大王。佢有分室內同室外座位，由於室內已爆滿而前面仲有幾枱等緊，見天氣涼涼地，我地就選擇坐室外。老媽子一坐低就點哂佢想食嘅野：招牌正宗上海粢飯、雪菜肉絲麵、煎釀豆腐、炸銀絲卷，另外加兩杯凍豆漿。粢飯：夠哂熱辣辣，有榨菜、肉鬆同油炸鬼，油炸鬼好脆，調味好夠，不過感覺比外面嘅粢飯細條，同老媽子一人一半唔係好夠喉😕佢menu上面話有得加錢加料，其實仲有冇位加架？雪菜肉絲麵：係我鍾意食嘅上海麵，雪菜非常多，肉絲都好多，不過好乾好柴😖煎釀豆腐：豆腐算有豆味，但呢度嘅肉似乎全部都有又乾又柴嘅毛病，我寧願佢淨係煎舊豆腐比我我覺得仲好食啲😓炸銀絲卷：呢條銀絲卷裏面真係一絲絲的，我諗出面大部分嘅銀絲卷都係搓個饅頭出黎比你算🤣又熱又脆，點煉奶真係好好味！😋兩杯豆漿就正常發揮。聽聞呢間店嘅新蒲崗店攞過米芝蓮，好奇兩間差別到底係邊？

路經九龍灣淘大商場，總會想走去食下呢間「豆漿大王」，呢間「豆漿大王」既新蒲崗總店曾經連續3年獲得米芝蓮推介小食，淘大分店質素亦毫不輸蝕，一樣做得咁出色，令我想一食再食餐牌上既餐點價錢都唔算貴，性格比高，係大家都能夠負擔既平民美食。今次我揀左最鍾意食既粢飯 ($16)同酸辣湯 ($23)粢飯入面有榨菜，油炸鬼同肉鬆，外層薄薄既米飯包住香脆既油炸鬼，細心既店員仲會係落單既時候問洗唔洗切開，方便進食。酸辣湯酸同辣既比例調和得好配合， 酸辣湯入面有豆腐同豬皮，材料豐富美味！

自從之前喺新蒲崗食咗豆漿大王, 大食妹一直對佢嘅粢飯念念不忘, 今日難得朋友去開淘大商場, 見到有佢嘅分店, 於是就外賣左份黎探班值得大力表揚<鹹粢飯>淘大商場嘅鹹粢飯比起新蒲崗分店嘅大份, 飯比較厚實, 裏面嘅肉鬆、油炸鬼同榨菜分量唔算多, 但調味尚可<鹹豆漿>食得粢飯, 當然要嗌埋佢嘅鹹豆漿但係大食妹就對呢碗鹹豆漿有少少失望記得新蒲崗分店係落左油炸鬼喺裏面, 口感更加豐富而淘大就係加咗豆腐, 整體口感比較似豆腐花, 櫻花蝦方面都唔算特別香, 感覺一般<脆炸釀豆腐>最可惡嘅係我哋嗌左煎餃, 但打開包裝嘅時候先發現佢比錯咗脆炸釀豆腐而且豆腐質感有啲乾身, 大食妹真係唔好呢味