影片
營業時間
今日營業
12:30 - 00:30
星期一
12:30 - 00:30
星期二
全日休息
星期三至日
12:30 - 00:30
以上資料只供參考, 請與餐廳確認詳情
是日晚餐食得唔夠飽，於是宵夜想搵啲嘢食。同老公不約而同想食炸雞，喺網上外賣平台碌碌吓見到有豪大大雞扒，見好耐無食就叫吓。兩條友夜晚11點幾太肚餓，瘋狂咁叫，叫咗香香雞、椒鹽菇、椒鹽雞軟骨、甘梅地瓜、香酥魷魚條，再加一杯香果QQ，最尾係食唔晒😂一打開個袋，聞到陣味已經覺得熱氣😂 雖然係外賣，但嚟到都仲係熱熱哋。個香香雞味道唔錯，特登唔叫大塊雞扒，因為太大塊唔想慢慢咬。個椒鹽菇都唔錯，未食過嘅要試吓，因為無肉不歡嘅我，居然係覺得炸菇係可以好食。至於椒鹽雞軟骨，無諗過佢係一串串連埋竹籤咁炸，咬起上嚟有啲麻煩，因為啲肉會痴住條竹籤😅 甘梅地瓜可以，我話咗要多粉，佢真係有明顯比多～ 杯香果QQ都唔錯。最出事係香酥魷魚條！！超～級～硬，咬到差啲上顎都損！簡直硬過我條命，最尾每人食咗2條，成包放棄咗，食唔到🙈另外，菇嗰袋食完個底好多油，而且係深啡色🙈啲油睇到係萬年油咁🙈雖然都知出面啲油會翻用，但望到嗰吓都感覺唔係咁好🙈
繼續閱讀