豪大大雞排

營業中

休息中

我好聲好氣同店員講要地瓜薯、大香香雞、塩酥菇、雞亦，聽唔清楚唔緊要，仲要兇返你仲要咩野，又唔講你已經落左邊幾樣，重覆完一次又兇住問你辣定唔辣！收錢講聲多謝都唔奢望啦，大佬，俾錢唔係大晒啫，但你都唔使咁無禮貌啫！

本身都鍾意食香口野，而且仲係台灣風味，簡單食之選。點知食完有一肚氣， 食物依舊好味，但服務惡劣實在令人反感， 如此美食在店員的態度下糟蹋了。見到原來呢間店舖有芋圓食，都覺得好有趣，但至不在此。而將來幫襯時都唔會正選。買時企在門口唔該，店員冷冷的等陣，等咗陣又唔該，都係等陣，再等陣，有個大陸口味店員落單，問套餐飲品係乜，她指著背後雪櫃掃一下，我眼見雪櫃寫$6, 冇寫套餐飲品，問多句就已經成個雪櫃飲得，問多句都唔願答案，我以為佢係啞的，個口唔講野有口做乜？乜現在要人禮貌少少真係咁難？定係路邊攤想顯示自己真係路邊貨色？定係台灣貨到港變質係應該？食物依舊好味，態度惡劣。

講起豪大大雞扒，大家都會諗起佢d炸野🤪但我每次黎到荃灣呢間豪大大都係為左佢嘅芋圓而來！印象中好似得荃灣分店先有賣埋芋圓，其他分店係冇架！豪大大嘅芋圓配搭好多元化，基本上你諗得出嘅combinations佢都會有，離唔開basic 嘅紅豆、綠豆、八寶、各種生果、仙草同豆腐花等等。仲有熱同凍揀，不過熱嘅好似係冬天先有賣🤩每次必點佢嘅仙草凍，軟硬適中帶有少少煙煙un un嘅感覺，加埋甜甜地嘅八寶豆類，食落甜度岩岩好🥰兩種芋圓份量好多，唔會太實，芋圓食落有芋香 比起地瓜圓優秀😚$34一大碗，兩個人share 都食到超級飽！

飯後甜品，想食芋圓，附近最足料要數佢。豪大大我唔食雞排，食甜品！雖然要外賣，但佢俾芋圓比好多甜品舖多少少，配料搭來搭去都係過幾樣，但唔想用腦又多個人，依個二人份嘅特大招牌芋圓就搞掂，嘜都有，兩個人食都好飽！雖然佢紅豆好甜，價錢又加得快，但佢個盅頭飯梗大嘅碗真係夠刺激！

竽圓係會食上癮架，但呢間最推薦！每次朋友話想食竽圓，我都會提議豪大大架，不過好多人到而家都唔知荃灣豪大大係有得食，仲要$30左右就好抵好多料，有竽圓、蕃薯圓、涼粉、水果，甚少起價。份量絕對係2人份量，勁飽。真材實料，唔會好多糖水扮有料，涼粉仲好滑添。主角竽圓好食過絕大部份糖水店，仲有阿元，都係豪大大竽圓係最大粒、最好咬、好食！不過提提大家，正午時分，最好拎番屋企食啦，因為小食店不設堂食座位，求奇對面坐好熱好熱！仲有記得食西瓜，好甜好消暑！

要咗個芋圓仙草奶凍沒有奶，芋圓超少，好難食，買咗3隻炸雞髀啲皮好似石頭咁硬，未食過咁難食嘅炸雞髀，KFC啲雞會好食好多，呢間真係超級差，差到無得再差，唔會再食第二次

心血來潮去豪大大買左半份香香雞食。 平日一點幾無咩人，但因為要炸返熱，所以都等左10分鐘左右。 熱辣辣炸起，味道唔錯既，雞粒我都覺得算係滑。不過，店員既態度就真係有待改善啦。雖然當時無咩客，店員之間傾下偈係可以既，我自己返工都會同同事吹水，但客人order緊既時候都唔可以專心1/2分鐘，繼續同其他店員講野呢，我就唔係咁接受到... 價錢方面每間豪大大其實都唔同，荃灣路德圍呢間半份香香雞$25，算係中上。總括黎講間唔中口痕食下都ok既。

豪大大雞扒，係台灣既分店多不勝數，黎到香港都依然出名，有大批支持者，早幾年，只有豪大大雞扒既地方，基本上，後生既，都會每人手裡有一袋，係掃街既象徵，都係影相呃like既俵俵者。但其實，當年hit到咁，我係冇食過既，因為我覺得點解要哂時間排隊，同埋，個個都食，你估個個都真係中意食架咩。隔左幾年既今日，有緣係我肚餓之際遇見佢，就一嚐豪大大既魅力啦。咁啊姐就話雞扒係唔會碎上既，我就覺得好唔方便，就叫左香香雞，又幾好味喎。

豪大大開左咁多年，佢啲雞扒我一次都冇食過😂但芋圓食左幾十次。當年芋圓未係好流行佢已經賣緊，果時冇得比較，唔知叫唔叫好，但我食左一次就愛上左。到之後專賣芋圓既食店有，糖水鋪都開始賣芋圓，但冇一間吸引到我，啲芋圓唔係太硬就太軟，一係就得果三兩粒，再唔係好貴，唔得。呢個係八寶仙草芋圓奶凍，都係大概30蚊。佢既份量可以當一餐！芋圓好煙un，仙草甜甜地好滑，又唔會一篤就散晒，啲豆豆又煲得好淋，加埋牛奶底，食到令人好滿足！呢兜野係我唯一一款甜品成日心思思想食，希望佢長做長有😭😭

是咁的，其實間中想食下炸雞滿足一下自己去唔到台灣既心情... 就去左豪大大點左一份香香雞少辣，對上一次食好幾年前，印象唔錯，令我有少少期待，等左大概十分鐘，終於拎到。賣相唔錯，有少少辣粉係炸雞上，嗅落都幾香。不過可惜，肉好似炸太耐，硬而乾，口感好柴，而且無咩肉香同肉汁，雖然係炸得爽同香口，但肉唔係太好食真係敗筆。豪大大雖然好似屹立不倒，但質素並不能保持，唉。如果俾我再揀，我唔會食，好似浪費左quota咁

豪大大真係得雞扒比較好食...香香雞唔juicy ，又唔入味，得出面層粉有味。而且個店員態度唔係咁好，我都明白既 做飲食業好多都係咁，而且做左成日野，都累既 我理解。只係有時覺得，我笑笑口對你，你唔笑無所謂，但唔係用我覺得好反感既語氣黎講野。

我點左個辣嘅大雞扒餐有飲品，我揀咗蜜桃汁，諗住放工拎返屋企度當宵夜咁食，獎勵下自己啦之前一直都冇試過，點知一食落口係冇乜味而且D粉係食得出好厚，其實我本身係超鐘意食雞肉，我都覺得好難食，飲品都好難飲又唔甜又冇桃味，聞落去好似洗潔精水咁嘅味。。。而且嗰店員黑口黑面冇乜禮貌冇笑容（我意思係基本禮貌），多謝都冇一句，我永遠都唔會再去，都唔知點解啲人成日話佢好食。。。🤮🤮

比我想像中好吃很多，只是有點鹹，其他味道都跟台灣很像。讓我想念台灣宵夜的時候還可以過來品嚐一下😂加3元還可以有一杯飲料，這次選的是冬瓜茶，也是很驚人的蠻台灣的味道，甜度還可以接受，但是老公覺得有點甜😂但是我是滿喜歡的😍

今日係荃灣豪大大雞排分別叫左一份香香雞同一串花支丸，最後攞俾我果時花支丸係放係香香雞一齊，當我將串花支丸攞起，得這3分1包香香雞香香雞收足一份錢卻只得3分1包，吾係以為花支丸放左落去同一包就可以俾少啲雞？係甘樣做生意咩？擺明貨不對版，做衰個招牌甘樣做生意真係吾老實，都係旺角果間啲人做生意老實啲！

好耐冇食過豪大大雞排，行過見到想食塊又好似多得制，就算半份都覺得大塊過頭，咁有香香雞半份呢個選擇，咁即管睇下有冇進步。行到埋去，做嘢嗰兩位對門口啲客人不啋不理咁，企喺度要大聲啲話要叫嘢先肯行過嚟，香香雞由order到炸起前後都等咗10分鐘，見到佢哋求求其其落啲調味粉心諗呢次應該唔方好嘢喇！拎上手係幾熱嘅，不過食落嘅味道就麻麻地，冇味以前嗰種濃味，而且炸雞嘅粉亦太厚，份量方面尚算可以啦！但總括嚟講應該下次唔會再買~